|
|
 Re: احزرو المدعون : قادة وأبطال حركة عصيان 27 ن� (Re: عرفات حسين)
|
#شهادات بعض الشهود على أبو العربي:
@ الشاهد الأول :
ابو العربي او الدبور كما كان يطلق عليه ايام التدريب في معسكر التدريب الموحد جبل أولياء، وبرضو كان علي ما اعتقد وخانتني
الذاكره في ناس بنادوهو بي ود المناقل وعلي حسب علمنا كانو بقولو إنو من حته اسمها ود ربيعه في المناقل، دا طبعاً الكنا بنسمعو
لكن ما كنا مُتأكدين منو. شكينا في امره لما كان يختفي يوم ويومين في الاسبوع .وشفناه كذا مره طالع من مكتب التنسيق في المعسكر في العام 1994.
دفعتنا كانت مميزه فيها 962 مجند طبعا كلها كانت كشات من الشارع ماعدا عدد قليل جاي بنفسه.
كان مزروع وسط المجندين وهو وكم واحد كانو برفعو تقارير لجهات ما. واكتشفنا انو في وحدة الرصد والمتابعه وكوز من الدرجه الاولى.
واكتشفنا معاهو تلاته من المجندين معانا كيزان وجهاز أمن.
جا امر من وزارة الدفاع انو كل الدفعه تدخل دورة قوات خاصه، خدمتنا كانت ماقبل عزة السودان. عملنا عصيان في جبل المندرا وهربنا من المعسكر.
نزلو لينا اعلان في الراديو ورجعنا المعسكر. خدعونا خدعه كبيره جداً، رفعو الناس في عربات الجيش بحجه انو التخريج حايكون
في القياده العامه وودو الناس كلها المطار وقفلوهم في حاويات. في مجموعة مكونه من 21 هربت، في عسكري ود حلال كلمهم
وقال ليهم انتو ماشين الجنوب وهربو من خلال السور. وباقي الدفعة كلها ودوها الجنوب. 135 الكملو دورة القوات مسكو تأمين مطار
جوبا والبقيه هلكووو في العمليات شباب زي الورد ورجع منهم القليل يشكو الامراض النفسيه من المناظر البشعه
واحد من الناس الرجعت قال سمعت ضابط بقول اول ماوصلنا جوبا، بقر الالغام وصل.
@ الشاهد الثاني :
شفنا ابو العربي في المنسقيه بتاعت الدفاع الشعبي في العمارات، وهناك كان اسمه محمد كهرباء. وكان زول أساسي في المنسقية وبلعب دور كبير فيها.
@ الشاهد الثالث :
في ناس قرايبنا كانو في معسكر العيلفون للدفاع الشعبي 95/96 وشافو ابو العربي هناك وكان شغال في المنسقية. ابو العربي ومعاه واحد وسخ من الجهاز
لا ازكر اسمه هم الادو الضو الاخضر للعساكر في معسكر العيلفون باطلاق النار على طلبة الثانوى المجندين لما عملو عصيان لما كانو عاوزين
يودوهم لمناطق العمليات بالقوه في عزة السودان الاولي. اتحدو وتجمعو وعملو عصيان وقررو يطلعو من المعسكر. منعوهم من الخروج. المعسكر
علي ضفة النيل ولما رفضو يخرجوهم إتجهو ناحيه النيل. الكلام دا العصر وصادف نحن علي الضفة الأخرى، فاصلنا البحر بس المهم ما استغربنا صوت
الذخيره لانه عادي في المعسكر. شويه ونشوف الجثث تسبح وقسماً المات من الجثث والناجين طلعو جنبنا وسحبنا الجثث القريبة مننا كلها ونكبر ونتحسب.
الليل كله الجهاز والشرطة والجيش اشيلو في الجثث.
ودوهم المشرحة وأستدعو جراح معروف علي ما أعتقد دكتور كوباني ورفض يكتب تقرير انو الموت كان غرق فقط لاغير وقدم استقالته. سمعنا تمت تصفيته في أثيوبيا.
#إنتهت الشهادات
|
|
 
|
|
|
|
|
| |
عرفات حسين
فيس بوك
تويتر
انستقرام
يوتيوب
بنتيريست