من جبال دوشه أحييكم ،، و معاي ( صور كمان )

Quote: سامر .. تانقون مسكاقمي .. أيه رأيك نكتب الاسم بطريقة مختلفة عشان النطق يكون صحيح طبعاً حرف ( الصاد ) مافي في النوبية في النطق طبعاً ممكن في الكتابة على كده نقول ( سوليب ) solib بعدين ممكن الناطقين بالعربية بقولوا ( صوليب ) عشان ما في واحد يقرا الاسم ( صلب ) كما في الحديد والصلب أو صلب الحاجة التانية ديك بالنوبية ( أباق ) هههههه بعدين أنا ملاحظ عندنا في النوبية وأنا أجيد الدنقلاوية والمحسية بإمتياز حرف ( السين ) في الاسماء يحول إلى (صاد ) ربما لأنه خفيف في نطق لا يعطي هيبة للإسم مثلاً ( أرسد ) ينطق ( أرصد ) سواردة ( صواردة ) لأنه كما يقال في العربية ملء الفم ( أكا جنقي ) وفي الدنقلاوية ( أقلقي جنقي ) صحيح الصاد يمكن يعطي نوع من الهيبة في النطق .. لكن في الكلام عادي المتداول بين أهلنا ينطق بالسين .. وهذا فقط في الاسماء النوبية وليست في العربية مثل ( سعيد ، سيد / حسن .. إلخ) أذكر أنني زمان قبل التكنولوجيا .. لاحظت واحدة من إخواتنا تنادي إبنها أسامة ( أزاما .. تعال ) قلت ليها يا بت ( أزاما ) شنو قولي ( أسامة ) قالت لا عشان هو بيتكلم عربي على إعبتار أن حرف السين هو صوت نوبي بإمتناز .. وصحيح أن حرف السين في النوبية هي الغالبة في كثير من التصريف والافعال .. ولدى أهلنا في السكوت يبدل بحرف ( الشين ) عند الجمع ( تاشو ) .. وكانت موجودة في الدنقلاوية جنوب دنقلا ولكن إندثرت وفي العربية زمان كان يطلق عليها ( شنشنة أهل اليمن ) وبالجد كده النوبية بلكنة سكوت أجمل كثير وخاصة في الغناء ( وردي رحمه الله ) مودتي .. ووو سامر .. آسف للآطالة .. لأن البوست فيها ريحة أرض وأصالة ..