الراجل دا وزير معانا...وزير العمل ..مهازل

Quote: ياعبس بقت الوزارات كلها لمبي وشايتين ضفاري كمان اصلوا كورة واطة ماعندهم بالله عليك في عطالة اكثر من الكيزان ديل ضاربين الطراوة السنة كلها مايتعبوا الا لامن يرفعوا عصاياتهم في الهواء مكبرين ومهللين الله يكتلهم ياخ

Quote: فعلا فضيحة ....... اللمبي لقي ليهو منافس ...

Quote: بوليصة التأمين ضد أضرار الاستماع للتصريحات الحكومية ولقاءات المسئولين

Quote: صراحة الراجل قرفني جدا يا عباس اللمبي فوقو النبي هذا الرجل يتفوق عليه مليون سنة ضوئية

Quote: بالله الراجل دا جاي على اي اساس وقايل حيسألوهو من عمتو ولا جلابيتو دا راجل( فنان) بس

Quote: يا جماعة صلو على النبي إنتو كنتو متوقعين شنو يعني من الجماعة ديل ، ياهم زي ما بيقولو ( سيم سيم ) من سنين شفتو ليكم وزير و لا مسئول طلع في فضائية و بيض وش الناس كان بي صدق القول أو ترتيب الأفكار و الردود الواضحة المقنعة

Quote: يا دسيس .. سلامات كتار ياخ أنا طبعا شايت عكس .. وعجبتني فكرة الأسباب التي أدت (باللهجة السودانية العامية) وعشان ما أطول عليك (حكاية الأسباب التي أدت) دي ذكرتني نكتة معلمة العربي في اجتماع المعلمات لمناقشة (الأسباب التي أدت) برضو اتخيل لي فاهمني مش ؟ تعبتني ياخ وبرضو نسأل معاك: (دا وزير معانا) مودتي

Quote: عبدالعزيز الفاضلابى

Quote: الراجل ده على أساس بقى وزير .. !!! .. والله هذه قمة المهازل .. وشيء يدعو للأسى والحسرة .. ثم أصلاً ماهي الخطط والأفكار المنتظره .. من من هكذا طرحه وطريقة تفكيره .. لايجاد مخرجات وحلول تؤدي للقضاء على البطالة .. أو تحسين بيئة العمل والنهوض بمعاش العمال .. وايجاد فرص عمل جديدة لهم .. مايحدث استخفاف بالشعب السوداني .. لنا الله .. لكن نقول الحق ما عليه هو .. الحق على هذا النظام الفاشل .. الذي جعل من الوزارات ومايختص بمعاش الناس .. كوتات يتم تقسيمها وتوزيعها بمنتهى الاستخفاف والسخف ..

Quote: معقولة يا جماعة كنتو متوقعين وزراء بمستوى اعلى من كدا هههههههههههه والله انتو متفائلين 😂😂 هو الرئيس زاااتو شن طعمو الاهبل الهبنقة لازم يجيب وزراء على مستواه كلهم فواقد تربوية وهبنقات وحرامية برضو تحياتي يا دسيس المصدر

Quote: وزير العمل والاصلاح الاداري أحمد بابكر نهار: ايجار مبنى الوزارة يبلغ (500)مليون جنيه في الشهر.. ما شلليات وكسير التلج فاجأ وزير العمل والاصلاح الاداري أحمد بابكر نهار العاملين بالوزارة بأن تقلده لحقيبة الوزارة ليس رغبته الاولى، كاشفا أن ايجار مبنى الوزارة يبلغ (500)مليون جنيه في الشهر . وقال نهار في احتفال نظمته النقابة الفرعية للعاملين بالوزارة بمشاركة منظمات المجتمع المدنى ( أن وزارة العمل ليست رغبتي الأولى لكن السياسة هي التي قذفت بي اليها )، الا انه رجع وقال انه وزارته تعتبر من اهم الوزارات واذا لم ينصلح حالها ستكون المعوق لجميع الوزارات بالبلاد، وتعهد بحل كافة مشاكل الوزارة، والأخرى المتعلقة بالقوانين وبيئة العمل، محذرا مما أسماه بـ(الشلليات وكسير التلج) وقال (ماعايزين نكسر تلج ولا يكسروا لينا ) واضاف بالوزارة لا يوجد تفضيل بين شخص وآخر الا بالعمل، ولا نحمل رأيا مسبقا على شخص . وأشار نهار لاتفاقه مع وزير الدولة بالوزارة بالابتعاد عن المشاكل التى كانت بين النقابة والوزارة لانهم ليسوا ضلعا فيها، ووجه حديثه للنقابة قائلاً :(رجائى أن نتعاون للمصلحة العامة ولا تضعوا في بالكم انكم ستقودون الوزارة او العكس ) . من جانبه قال رئيس الادارة والخدمات بالنقابة العامة خيري النور (سنكون خير سند لسياسات الوزارة ) مؤكدا أن استقرار الوزارة يمثل استقرار الخدمة المدنية بالبلاد صحيفة السوداني المصدر

Quote: قبل يجوا اصحابنا ويتهموني بالجهل وان الوزير ما قال كلام زي ده....

Quote: وتعهد بحل كافة مشاكل الوزارة، والأخرى المتعلقة بالقوانين وبيئة العمل، محذرا مما أسماه بـ(الشلليات وكسير التلج) وقال (ماعايزين نكسر تلج ولا يكسروا لينا ) واضاف بالوزارة لا يوجد تفضيل بين شخص وآخر الا بالعمل، ولا نحمل رأيا مسبقا على شخص . وأشار نهار لاتفاقه مع وزير الدولة بالوزارة بالابتعاد عن المشاكل التى كانت بين النقابة والوزارة لانهم ليسوا ضلعا فيها، ووجه حديثه للنقابة قائلاً :(رجائى أن نتعاون للمصلحة العامة ولا تضعوا في بالكم انكم ستقودون الوزارة او العكس ) . من جانبه قال رئيس الادارة والخدمات بالنقابة العامة خيري النور (سنكون خير سند لسياسات الوزارة ) مؤكدا أن استقرار الوزارة يمثل استقرار الخدمة المدنية بالبلاد صحيفة السوداني المصدر : بكرى ابوبكر

Quote: السلام عليكم يا عبس أقول ليك .... مع المحاصصة اللي حتحصل في الحكومة الجاية في الغالب ( نتوكح ) بالوزير نهار مرة أخري.لأنه تقريبا الرجل الأول في أحد أحزاب الأمة التي تناسلت عن حزب الأمة الكبير .يا عبس لو قعدت ترصد في الحاجات دي حتسمع العجب .الله كريم . .......................................

Quote: البشوف الجلابية والعمة يقول بعد نهاية اللقاء عاطل واحد تلقاهو حائم مافي قال اصلاح اداري قال

Quote: يا ركس .. سلام انتا مالك بتمشي تهبش وتسمع الحاجات الترفع الضغط ؟؟؟ عااالم بطاالـــــــــــــــة

Quote: أخي عباس وضيوفك الكرام.. تحياتي، دي (دي مخرجات) الاستوزار في سنوات القحط... المدهش إنو كلو شوية بيطل على حاجة قدامو!؟ يا ربي الكلام البيقول فيهو دة مكتووووب!؟ حالتو دي المستضيفة فقدت الاتصال بالضيف الهمام....

Quote: الدكتور احمد نهار ليس خطيبا مفوها ولا يجيد الكلام تحت الاضواء ولكنه انسان مثقف جدا وادارى ممتاز وذو شخصية قوية ولو لا قوة شخصيته لما احتفظ به السفاح حتى الان . حسب ما اسمع عنه انه وزير ناجح وانسان عملى جدا . كما انه لا يجيد الحديث ايضا لا يجيد او يحب تكسير الثلج . دكتور نهار شخص ثرى منحدر من اسرة ثرية لا يعرف شئ اسمه الفساد او اختلاص اموال . بصراحة هو انظف وزير فى عصابة السفاح. انا لو كنت فى محله لا الوث سمعتى ولا ارتبط مع مافيا الانقاذ القذرة

Quote: الغريبة أنا سمعت لهذا الوزير حديثاً أفضل كثيراً من هذا في لقاء سابق وهو ينتمي للمجموعات التي توافقت مع الإنقاذ وليس الكيزان وعلى ما أظن أن أخوه نهار هو بوردابي معنا هنا وربما قانوني ويا دكتور بارودي دكتور نهار ما كان محتاج يلوث تاريخه بمشاركة سلطة فاسدة أضرت بأهله أكثر من غيرهم

Quote: شيخ الدسيس شايف البوست اتعَلَّق على استار المنبر بختك بقيت من اصحاب المعلَّقات ,, اوع يقوموا يقرروه على الطلبة.