كتب الكاتب الفاتح جبرا المتوفرة بمعرض الدوحة
|
Re: ربما هنا سانحة لتحرير {اللبوة} من مفاهيم س� (Re: HAYDER GASIM)
|
الأسد ... إكتسب شأنه في السيادة والسيطرة حتى صار ملك الغابة, لموجب قوته وسرعته وعضلاته وقدراته على الإفتراس والفوز في صراع الأدغال.فهنيئا للأسد مترادف الأسماء, الغضنفر, الليث, الضرغام, بهيس, حطام, حيدر, صارم, صياد, عفراس, فرافس, مجالح, حمزه, مياس, هصار, باسل, بهيم, حامي وأكثر من 300 إسم وكلها تشير لقوته ومجده وسلطانه {المستدام} فما نصيب اللبوة من سجل الأسماء والتكريم والتشريف الذي حظي به الأسد ... لا شئ ... لا شئ البتة, بل العكس
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: HAYDER GASIM)
|
وهذه الزوجة اللبوة, قيضت كل دواعي حضورها للحياة, أن تكون أنثى ولما الأنثى هي الأصل. وهي بالتالي خط الدفاع الأول عن معشرهم الرؤوم. فهي تلد وتحرس جناها بشراسة منقطعة النظير, وهي كذلك تتقدم صف العشيرة في توفير طعامهم, والذي في هذه الحالة حرب ضروس ضد كائنات حية أخرى ... فهذا حال اللبوة وتلك رسالتها في هذه الحياة ... مفهوم
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: HAYDER GASIM)
|
من بعد دعونا نعرج على مسألة {تصغير وتشنيف} اللبوة في مناحي من ثقافتنا السودانية السيارة... وأحاول أن أخلص في حدود علمي وفي إقتفاء عابر لخطى المجتمع في {تقييم} اللبوة ... يقولون دا أو دي لبوة ساكت, أو أمشي يا لبوة, أو ده كلام لبوة, وأي عبارة تشمل كلمة لبوة فهي عبارة تعييرية ولا شك
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: HAYDER GASIM)
|
عبدالصمد ... تسلم يابا,
انت يا أخوي ما سمعت بالمثل البقول خطأ شايع ولا صواب مجهول
إطرشني ... وحاتك, لكن لا أكذبك ... وكلو شيء جايز,
شايفك أضفت حيوانات أخرى... وربما هي بقدر أو آخر في صنوية اللبوه, فقط لمنطوق اللبوة مضامين أخلاقية راجحة التعاطي والشيوع وهي سالبة ولا شك. فالقوة المعنوية الملازمة لصفة لبوة السالبة تضاهيها صفة الأسد الموجبة ... الغلام يتبع لمملكة الإنسان, وتوصيفه يتأتي في إطار عقابيل البشر ... وهم يفترقون ويشنفون بعضهم البعض بحكم لون البشره والمنحدر العرقي والمعتقد الديني وما يتصل وما تعلم
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: HAYDER GASIM)
|
و انا قلت ليك تفسيرك مش صحيح ...
ما في مشكلة يا قباني, أها ورينا الصح,
علما بأن الموضوع هنا خاطره أو قل تأمل في حائط التاريخ وهو يطلق الأحكام ليستخدمها الناس بتسليم وبأريحية, دون إنتباه لما تحمله من تنقاضات وحمولات سالبة وهذا كل أمري ... فمرحبا بأي مناقشات وأي تفاصيل وأي وجهات نظر متوالية أو متضادة مع ما أزعم ... وسنة جديدة حلوه
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: HAYDER GASIM)
|
طيب يا أبوي ما دام ما سمعت بالمثل النحدثك بيه وبالإختصار المفيد لو كان الشايع (حسب فعالية الراندوك في المجتمع) أن اللبوة تعني البتاعة ودا معنى كعب وغلط والمعنى الصحيح والفصيح إنها أنثى الأسد الشجاعة ورباية الأسود الأشبال فمن من الهبالة أن تستعمل المفردة وتظن أن المجتمع سيفهم المعنى الصحيح الفصيح قد يحتاج هذا المجتمع لمن يقومون بالمهمة التنويرية التاريخية مهمة تحرير المفاهيم وللمجتهد أجران
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: عبد الصمد محمد)
|
عبدالصمد ... تسلم,
في فرق بين ما سمعت بيهو وبين ما فاهمو, ففهمت من أول وهلة ما قلت, وشرحك ده قولو لي زول ما عندو حديده ههههههه
كدي نشم هوا شوية, ونحاول نشوف هل هذا التوصيف يخص أهل السودان وحسب, أم أن هناك إستخدام أعم, علي مستوى أي دولة أو دول كانت, خاصة في الإقليم الذي نعيش فيه
قلبي مع اللبوه ... مش كفاها متزوجه أسد!!!
وسنة حلوه يا مان ... لسائر أهل السودان
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: عبد الصمد محمد)
|
Quote: ما في مشكلة يا قباني, أها ورينا الصح, |
صعب يا حيدر ...
لو لم تدخل في عرينها ... لن تفهم معناها ...
هل يفهم من لم يشرب الخمر ( سريان النشوة ) في ما قاله صلاح احمد إبراهيم حينما قال:
فإذا ما سرت النشوة فيّا أتداعى , وأنادي : يا بنات نقروا القيثار في رفق وهاتوا الأغنيات .. لمريا
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: يحي قباني)
|
الأخ حيدر صباح الخير(بتوقيتنا طبعا) و تحياتي للأخ قباني و عبدالصمد بعيدا عن أي إشارات أو تلميحات أو تضمينات سياسية .و كذلك تعليقي ليس له إحالات لموضوع أو بوست آخر. و لكنه فقط بصدد التعليق على معنى كلمة(لبوة). كلمة لبوة دخلت الثقافة متأخرة شوية. أساساً وردت إلينا من مصر. و هي كلمة شائعة جدا في مصر منذ عشرات السنين بمعنى(مومس) اكرم الله السامعين.و لكنها دخلت في قاموسنا على استحياء قبل سنوات قليلة و على نطاق ليس واسعاً. طبعا ليس بالضرورة ان يكون هناك تبرير منطقي لغوي أو ثقافي متماسك لإطلاق التعبيرات الثقافية الدارجية فهي وليدة جماعة ما و مجتمع ما في لحظة تاريخية معينة. المعنى يبدو أنه أُطلِق في بداية الامر لمن كانت متزوجة و في كنف رجل ( أي أسد) و مع ذلك فهي تمارس ما تمارسه بعلمه او بدون علمهزو في الحالتين رغم انه اسد (بكل ما تحمله الكلمة من حمولات دلالية تعني القوة و المنعة و الحماشة ) إلا أن هذه(اللبوة) استطاعت أن تمرمط بهيبته و قوته الأرض. لذلك اصلحت كلمة لبوة في السياق الدارجي كلمة تشير لمعاني آخرى. و لماذا نذهب بعيدا و عندنا في أصل اللغات الأخرى خير مثال. فكلمة(GAY) كانت تعني بشوش أو مرح.... إلخ .كما اشار لذلك أحمد ديدات في إحدى تسجيلاته متعجباً كيف تحول معنى(GAY) إلى (مثلي) او التعبير الملطف لكلمة(شاذ جنسياً). لذلك لا غرابة أن يبتدع مجتمع ما معنى معين يستلفه من القاموس الفصيح لأسباب أو معاني يراها تناسب استخدام خاص. مع خالص ودي و احترامي
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: علي دفع الله)
|
سلامات علي و فيها توصيف دقيق
قصيدة جديدة هضربات قسرية شعر : هاشم صديق
تلقي (خرابة ) ما تلقي ( الوطني ) تلقي ( الوطني ) ما تلقي ( خرابة ) تتلفت حاير تلقي ( الشعبي ) جادع إيدو ويقلّب صُلبو تقول لي روحك أريت ( الشعبي ) ( ده ود التابا ) . ................. البلد إتلحست محل ما تقبّل تلقي ( النقة ) محل ما تعاين تلقي حرابة ومسطول في الشارع يهتف ويصرخ - فكيتو الصادق فكو الموية . فكيتو الصادق إعتقلو السوق ماعندو ( فرامل ) أو طايوق جاري عجاجو تقول كترابة . أدونا رغيفة أو تعريفة أو خلونا نخش الغابة نصبح نحنا ( نوير ) أو (دينكا) وانتو تكونو ديوش جلاّبة .............. فكيتو الصادق فكو إيدينا مما جيتو لعبتو وجُطو و ( بشبش ) ( جوكر) في الكوتشينة محل ما نقبلّ نلقي حرامي محل ما نعاين نلقي إضينة حرقتو قَمِحْنَا شلتو سَمِحْنَا وجبتو الشينة إسلامكم كافر فضايح جُملة بتملا دفاتر سويتو بلدنا مجاعة ومِحنْة . ............... البلد إتلحست جنت وبركت سياسة نخاسة الثروة انبرشت دخلت وسكنت جيب الخاصة والشعب تعيس يجري يناهد ما وصل الميس ماهية حول ما فاتت فول أو ( عيش ) في كيس أحلامنا بهية نصحا نلاقي عروس الثورة هي ( بت ابليس ) ............... الدنيا إتماصت جنت وطشت ( الفن إتلجن ) الوطن إتمحن لا فن لا كورة ( فنان الثورة ) صِبِح ( ماسورة ) والحرية قصية عصية ريحة شية لا تضوق لا تشوفها لا تحلف صادق شفت خروفها ( حوار الوثبة ) شمار في مرقة وعجين لي ( كِسرة ) ما بعمل طَرقة . .................. فكيتو الصادق فكو حصارنا أدونا إذن لهتاف أو مرْقة كفاية كضب وغباش ولعب ( الوثبة ) وهم سيفا خشب ( حصانها حمار ) ووعدوها شمار وغباشها الدرقة . ................. مليون شاعر وما مرقت زفة مليون خُطبة ولا خاطر رفّ جوادنا يبرطع وما شاف اللفة السُلطة عقيمة ربع القرن وما جاتا ( الدورة ) الفين ( جيفارا ) ولا كبر شارع لا انفجرت حارة لا ( هبت ثورة ) ............... مليون ( لبوة ) رافعات كرعينن للمال والسُلطة والليل متمحن في ( معر ص ) أُسطي دعارة شطارة وعريانة ( الضروة ) سبحان الدايم شعار الدولة الدين والتقوي و ( لباس ) الوالي ما غطي العورة . ................ البلد اتلحست طشت وجنت محصولنا الرسمي الغُنا و ( الرَهَزي ) وفي رمضان . لو ترفع طوبة أو تدخل فجأة حصير راكوبة تلقي مقنقن ( ود فنان ) . ............. محصولنا الرسمي غُنا رمضان ( قناة كاكومة ) ( قناة كركوبة ) ( قناة كتلونا ) ( قناة مرضونا ) غُنا وألحان بالكوم وأطنان برامج تهرج والكل تيمان . ............... و( قناة برجوبة ) مذيعة السهرة ( حاجة عجّوبة ) وضيف الحلقة دكتور ( راكوبة ) معاهو مُغني ( لؤي ود هوبة ) . دراما الشاشة مسيخة عواره بعد ما مشينا وقلنا وصلنا رجعنا نترتر وقعدنا بركنا لا فن لا بصاره دراما غبية لا بتهبش هم لا بتروي قضية تورجِق وتشخُر تقول حنفية . يا حليل المسرح والحرية هموم الأمة والثورية . .............. تلقي ( خرابة ) ما تلقي ( الوطني ) تلقي ( الوطني ) ما تلقي ( خرابة ) تتلفت حاير تلقي ( الشعبي ) جادع ءايدو ويقلّب صُلبو تقول لي روحك أريت ( الشعبي ) ( ده ود التابا ) . .................. البلد اتلحست محل ما تقبلّ تلقي ( النقة ) محل ما تعاين تلقي حرابة . ومسطول في الشارع يهتف ويصرخ - فكيتو الصادق فكو الموية فكيتو الصادق إعتقلو السوق ما عندو ( فرامل ) أو طايوق جاري عجاجو تقول كترابة . ................ أدونا رغيفة أو تعريفة أو خلونا نخش الغابة نصبح نحنا ( نوير ) أو( دينكا ) وانتو تكونو ديوش جلابة .
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: علي دفع الله)
|
يا حيدر قاسم اذا كنت ترغب فى البحث عن المعنى الشعبى المتدوال لكلمة لبوة فى الثقافة السودانية وهذا ظاهر ما تكتبه
اتفق مع فكرة ان المعنى السالب لكلمة لبوة منتشر ومعروف فى الثقافة المصرية وقد حدثت احتجاجات وسخرية من ممثلة تونسية صرحت فى قناة تلفزيونية مصرية وقالت انا لبوة وهى لاتدرى للمعنى السالب فى الثقافة المصرية اعتقد ان ظلال المعنى السالب انتلقت للتقافة السودانية بالتاثير المصرى
اما اقحام لليسار وما بطن من سوء الظن لافتراعك لهذا البوست
امر لايليق قل كلمتك بصراحة ووضوح كما تعلمت من تقاليد العمل فى اليسار
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: mohmmed said ahmed)
|
الأخ احمد عمر
أتمنى أن تلتزم أدب الحوار و المخاطبة و قول المفيد أو ..... أنا دايما ما بكتب إلا ما مقتنع به و متأكد منه. القضية ليس استلاب أو عدم استلاب دي حقائق. هل كونه جات من مصرلا عيب؟ دي معنى الوطنية عنتدك؟ عدين لا أنت لا أنا صاحب البوست فأرجو أن لا تنحرف عن مقاصد البوست إلالاسات جانبية غير مفيدة... .....و لا أنا على استعداد لاضاعة وقتي فيها كفاية المهاترات الهترشات و الهضربة و الشتارة. بالنسبة لك لن أعلق مرة اخرى في هذا البوست إلا إذا كنت( ......) فأنا احترم نفسي و احترم القراء. اقدم اعتذاري للأخ حيدر و القراء للتعليق أعلاه لكوني اضطررت إليه.
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: HAYDER GASIM)
|
Quote: خوافه, كسوله, لعوبة, غير مؤتمنة, حقيرة وليس لها قيمة |
تحياتي حيدر اعتقد انّك بالتفسير المقتبس لم تعبّر عن المراد بالمصطلح بل تقريبا عكسته فا اللبوة لا خوافة لا كسولة لا لعوبة بل شجاعة و واضحة وصريحة وعينها قوية في ما تفعله وما شغّالة بي زول سواء كان راجلها الأسد أم بقية الرجال و النساء و المجتمع ودا الفرق بينها وبين الوصف الآخر للمرأة التي تمارس الجنس خارج اطار الزواج فا اللبوة شرسة و تقاتل و تقلع قلع وتعمل العايزاه اعتقد المخيلة الشعبية ارادت تلك المعاني في اطلاق هذا الوصف وارادت ان تفرق بين صاحبة تلك الصفات وبين الأخرى العادية
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: محمد البشرى الخضر)
|
محمد سيداحمد ... تسلم,
ما في يمين ويسار هنا, إلا بالقدر الذي أشعل فتيل الإنتباه فيني. فالشفيع وراق إجترح بوستا يحمل كلمة لبوة بتضمين إيجابي, فيما إنهالت معظم الردود على نحو سالب يبدأ وينتهي باللبوه
فبس حبيت ألقى ببعض ضوء على على جذور الإفتهام وسيرورة الذم التاريخي للبوة عندنا, على خلفية إعتقادي بأن الأنثى هي الأصل في العالمين
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: HAYDER GASIM)
|
بنوتة دي شنو كمان ! اسمها بِنية بكسر الباء آ العشا بلبن أنا ما بتكلم عن استيتسات شفع المغتربين في الفيسبوك أنا بتكلم عن اللهجة السودانية المحلية بتاعة الزقاقات والأحياء الشعبية الما فوقها أجانب ذاتو عشان يتأثروا بيهم
وبالمناسبة معلومة للجميع اللبوة في العامية السودانية ليست العاهرة فحسب بل العاهرة السمينة أم شطور ولا حياء في قلة الأدب
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: أحمد محمد عمر)
|
تأثير الثقافة المصرية عللينا كبير جدا من عهد الاذاعة وصوت العرب حتى حاضر القنوات الفضائية والمسلسل
من الطرائف
فى المسلسل المصرى تتكرر جملة يا ترى مين جاينا فى الساعة دى
انتقلت للمسلس السودانى لتصبح يارب منو الجاينا فى الوقت دا
ودا سؤال لا يسأل فى الحياة العادية للسودانيين
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: Hafiz Bashir)
|
كما قال الأخ محمد سيداحمد تأثير الثقافة المصرية على الثقافة السودانية كبير. بل حتى على كل الدول العربية.اذكر كنا في رحلة بين دمشق و حلب و مساعد السواق عمل استفتاء في اي اشرطة الفيديو يشغّل مسرحية دريد لحام و لا عادل امام( مورغان) فكانت صيحات كل الركاب و جلذهم من السوريين: عادل إمام! ....عادل إمام فاستغربت. و قس على ذلك المغنيين الذين ياتون للقاهرة من كل البلاد العربية. مؤخرا لاحظت أن كثيرا من الكلمات القديمة التي كنت أظن اننا نحن مصدرها وجدت متداولة بشدة في مصر. فهل أخذها منا المصريون يا ترى؟ قبل التلفزيون و الواتس و النت؟ منطقي الكلام ده؟ لا أظن. و هل أحد ينكر تفوق مصر علينا في العلم و الثقافة ؟ أما الثقافة فحدث و لا حرج. حسب معرفتي بعدد الاعمال الأدبية العالمية التي ترجمت و لا زالت تترجم عدد رهيب بدون مبالغة من ايام روايات عالمية. حتى الكتب التاريخية التي تناولت فترة التركية و المهدية و التي كتبها كتاب اوروبين ترجمتها مصر.و بين يديّ الىن كتاب0 رحلاتن بيركهارت في بلاد النوبة و السودان ) الترجمة و الطباعة مصر. و نحن لا زال تاريخنا مكتوب معظمه بالغنجليزي و لم يترجم معظمه. تقول لي استلاب ؟ الاخ حيدر آسف لانحراف البوست عن مقاصده الاولى.و إن كان الموضوع ثقافة. كلمة ود للاخ احمد عمر: ليس بيني و بينك شيء. و لكن... خفف نبرتك شوية عشان نتافهم و نستفيد و يستفيد الجميع بدلاً من أن ننزلق في مهاترات غير مفيدة.. و آسف لو اخطأت في رد او كلمة.
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: محمد عبد الله الحسين)
|
سلام حيدر كل عام وانتم بخير بمناسبه حلول العام الميلادي الجديد يبدو لي انه من الصعب جدا تحرير مصطلح لبوه المصطلح وبما يكون احتجاج علي تجاسر المراه في الخروج عن وصايه الرجل ويتضمن إيحاءات سالبه بمالات ذلك الخروج علي طريقه الاقتباس الخاطيء لمفهوم خراب المجتمع الذي (يولي أمره امراه) تحرير المصطلح مستحيل تقريبا في مجتمع ذكوري ممعن في الذكورية مثل مجتمعنا السوداني كل المجتمعات ذكوريه او أبويه حتي المجتمع الغربي يعاني من ذلك ولكن بقدر اخف ودونك كلمه (بيتش) او انثي الكلب وهي تستخدم للتقليل من شان المراه المبادره لكن بوستيك مهم لانه ينبه لمزالق المصطلح اللغه الخطا تسمم افكارنا كما كتب ذات مره جورج أوريل أحزابنا السياسية يا حيدر تعد احزاب ذكوريه بعض النظر عن يساريتها او يمينيتها ففي كل الأحوال المطلوب هي المراه المطيعه وليس المتحديه او المبادره وهي تنال رضاء الرجل اليساري اذا ما كانت عضوه او صديقه مباركه للخط العام وتوجهات القياده (مطيعه) من ماحيه ولكنها عرضه للتوصيف (اللبوي) غالبا فيما لو تجرأت علي النقد وأظهرت تفرد واستقلاليه عن القطيع
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: طلعت الطيب)
|
ملاحظه اخري لتوضيح وجهه نظري إطلاق مصطلح لبوه لا اعتقد ان المقصود منه ضعف اللبوه ولكن المقصود منه ان قوه اللبوه وشراستها تعتبر صفات غير مقبولة وغير حميده طالما مثلت تحدي وتجاوز لسلطه (الأسد) الأسد هنا يمثل الرأي العام والقيم السايده في المجتمع الذكوري فهو أسد افتراضي خفي قوامه الذكر المسلم السني المنتمي للمجموعات السكانيه النيليه لوسط وشمال السودان او اي مجموعات تمثل المركز لمجتمع ما
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: طلعت الطيب)
|
ملاحظه اخري لتوضيح وجهه نظري إطلاق مصطلح لبوه لا اعتقد ان المقصود منه ضعف اللبوه ولكن المقصود منه ان قوه اللبوه وشراستها تعتبر صفات غير مقبولة وغير حميده طالما مثلت تحدي وتجاوز لسلطه (الأسد) كل ما في الامر ان اللبوة تكون شبقة جدا في موسم التكاثر واظن ان هذا هو الامر المقصود
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: Saifaldin Fadlala)
|
يا محمد عبد الله الحسين أنا ما قلت نحن أفضل من المصريين ولا شايف إنه أصلاً مفروض أقارن السودان بمصر أيوة اعلامهم متفوق علينا بمراحل بعيدة بس دة ما بسلبنا ابداعنا في التعبير عن حاجاتنا بقواميسنا ولا بديك الحق بإنك تطلب تحويل السودان لمصر أخرى نحن ما محتاجين ننقل التجارب المصرية عشان نعيش أو ننجح .. ثورة المصريين العاجباك دي نحن عملنا زيها اثنين سالت فيهم دماء أكتر من ثورتهم .. بتاع الركشة العاجبك عندنا زيو كتار وتم اعتقالهم وتعذيبهم وبعضهم لازال معتقل عندنا مصطلحات حقتنا برانا والبخلينا نشيل من المصريين بخليهم يشيلو مننا .. ولو مافي واتساب في رحلات وتجارة مشتركة يعني ما أي كلمة مشتركة بين البلدين معناها طوالي حقة المصريين ما عندي مشكلة في اعجابك بالمصريين لكن ما تبخس الإرث السوداني في سبيل اعجابك دة
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: MOHAMMED ELSHEIKH)
|
الاخ احمد محمد عمر تفوق المصريين وتقدمهم مش علينا وبس .. علي كل الوطن العربي بل وعلي العالم اجمع وفي كثييير من المجالات ما محتاجة كثير نقاش ولا جدال ... ينتقص ما ينتقص مننا .. استلاب ما استلاب قل ماشئت .. بس دي الحقيقة .
اما موضوع البوست الرئيس .. فاللبوة في عرفنا .. عندنا نحنا السودانيين للشتم والنبذ . حيدر وضيوفك سلام
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: منتصر صلاح)
|
Quote: اما موضوع البوست الرئيس .. فاللبوة في عرفنا .. عندنا نحنا السودانيين للشتم والنبذ . حيدر وضيوفك |
ما دائما للشتم و النبذ يا منتصر ...
لو امرها بعنيك ممكن تكون مدح ... :) _________________________
Quote: لا يا أحمد السمينة ديك اسمها (جقّة) أو (بابور)
|
يا ود البشرى ياخ ساعدنا بالالفاظ ...
ما ممكن نقول .. " بطّة " ...
طُبجي بس ...ههههه
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: يحي قباني)
|
ومنو القال أنا ناكر تفوق المصريين في (كثير) من المجالات !
Quote: اما موضوع البوست الرئيس .. فاللبوة في عرفنا .. عندنا نحنا السودانيين للشتم والنبذ |
طيب دة ما ياهو القلتو أنا ذاتي إنه اللبوة دي شتيمة معروفة عندنا في السودان من زمان !!
______ يا قباني مدح كيف ياخ ؟ وحاة الله دي ما سبقك عليها زول
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: HAYDER GASIM)
|
ياخ انتو كلكم مأ مثقفين ما بتحضرو national geographic channel ياخ اللبوة دي من صفاتها انها بتشارك في الصيد وتربي ووقت التكاثر زي ما قال سيف الدين بتكون شبقة ولو الاسد عجز او. ركبوا سابت بتبدلوا بي اسد تاني ماعشان صعلوقة ومطلوقة لكن عشان دي سنة الكون والحياة ولازم تبدل بي واحد قوي عشان يحمي القطيع وكمان بتحمي العرين وتصطاد للصغار وتأكلهم وتحميهم من ابوهم اللي ممكن عادي يعتدي عليهم. وزي مابقولو الاسد لما يعجز. القرود............ بإيعاز من اللبوة صدقني وكل سنة وانت طيب
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: يحي قباني)
|
حوار بين مجموعة اصدقاء منقول من موقع مصري ----------------------------- غريبة مع انها حيوان مسئول جدا هل لإنها مراة أسد بمعنى مالاقوش حاجة يهزقوا بيها جوزها فطلعوا عليها انها ولا مؤاخذة مشيها بطال انا اول مرة آخد بالى من الموضوع ده كان فى قعدة هزار
هل ده موروث قديم هل دى حكمة تعلمناها من قانون الغابة يكونش الضبع أو الجربوع … او حتى الفيل أبو زلومة هم اللى طلعوا عليها السمعة دى ويمكن النمر .. لإنه حقودى جدا .. وشايف بحكم انه اقوى من الأسد هو الأحق بالزعامة مع انه حيوان واطى ليه واطى
هل لان هو أسد .. محترم .. ملك … غابة .. مليانة وحوش .. ومنها وحوش خسيسة قوى فطبعا صعب جدا انك تعكنن عليه وش فى وش … فبالتالى الأسهل انك تطلع عليه فضيحة جنسية … وتضربه فى اهل بيته والناس فى الدنيا كلها تموووووووووت فى الفضايح وخصوصا اللى بتتعلق بالشرف والسمعة والفضايح الجنسية بتشمل الاتنين يعنى مثلا الملك فاروق طلعوا عليه انه مشيه بطال وانه فلاتى وبتاع نس.. لا مؤاخذة .. بتاع ستات وبرضه عبد الناصر طلعوا عليه انه كان بيتفرج على ا" ....... " اللى كانت المخابرات بتجندهم اللى قرأ اعترافات موافى .. وده كان الاسم الحركى لصفوت الشريف .. ايام التحقيق معاه فى انحرافات المخابرات حيلاقى فى ضمن الاعترافات دى ان صلاح نصر كان بيعمل كده لكن عبد الناصر .. والله أعلم طبعا … ما كانش بيعمل كده يمكن لان السيدة تحية مراته كانت نموذج للست المصرية فاكانش ينفع يتقال عليها حاجة فقالوا لما يضربوه بحاجة تانية
مش عارف بس دى فكرتنى بانثى الأسد … مين اللى فى الغابة اللى ممكن يطلع عليها انهامشيها بطال غير حيوان حقير .. واطى يعنى فى اسود كتير مراتاتهم كانوا زى الفل … بس اتقال عليهم “زوجات أسد “ مش للتكريم .. لا للتحقير والتشهير غريبة مش كده طيب ليه كده انا قصدى يعنى ليه بيتقال على أنثى الأسد انها ولا مؤاخذة شتيمة قبيحة انا مش عارف بس انا حاسس انها تظلمت قوى بالكلمة دى يمكن كل ذنبها انها كانت مراة أسد
طبعا لازم اللبوة دي -على حسب ما ذكر اعلاه-تبقى هايجة طول النهار واللبوات تعمل اي حاجة في الدنيا عشان " ..... " والاسد يقعد زي البرنس وهي اللي تصطاد وتجيبله ياكل
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: خالد العبيد)
|
معنى كلمة فلاتي الوارده اعلاه : معنى فلت في لسان العرب أَفْلَتَني الشيءُ وتَفَلَّت مني وانْفَلَت وأَفْلَتَ فلانٌ فلاناً خَلَّصه وأَفْلَتَ الشيءُ وتَفَلَّتَ وانْفَلَتَ بمعنى وأَفْلَتَه غيرُه وفي الحديث تَدارَسُوا القرآنَ فَهُوَ أَشَدُّ تَفَلُّتاً مِن الإِبل من عُقُلِها التَّفَلُّتُ والإِفْلاتُ والانْفِلاتُ التَّخَلُّص من الشيء فَجْأَةً من غير تَمَكُّثٍ ومنه الحديث أَن عِفْريتاً من الجن تَفَلَّتَ عليّ البارحةَ أَي تَعَرَّضَ لي في صَلاتي فَجْأَة
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: اميرة السيد)
|
يفهم من {مظنة} بعض أهل السودان عن اللبوه ... أنها:
خوافه, كسوله, لعوبة, غير مؤتمنة, حقيرة وليس لها قيمة
حُباني ... ضيوف هذا البوست, أحييكم جميعا وأقول ليكم عام جديد أتمناه سعيد, وأن تتحقق أمانيكم الحلوة على المستويين: الخاص والعام
ربما وجدت نفسي في {حتة} الرد علي آخر المتداخلين هنا, هي زميلة المنبر الأخت الكريمة أميره السيد, وذلك لسببين:
أولهما, كونها المرأة الوحيدة للآن التي شرفتنا, فيما معرض حال يتصل بأنثى أخرى, محل ذم وتعريض. فشكرا أميرة على كسر هذا الحاجز النفسي. فقد أزلت بمقدمك اليافطة المعنوية التي إستصحبت هذا البوست وكأنه {للرجال فقط}
وثانيهما, أن كررت الأخت أميره ما زعمه قبلها أخونا محمد البشري, حين عرضا قولي مبتورا حتى أصبح وكأنني أحكم على اللبوة بكونها خوافة كسولة لعوبة غير مؤتمنه... إلخ, فقد كان عاليه في واقع الأمر هو {خيالي} أو قل إجتهادي في التعبير عن مظنة أهل السودان السالبة تجاه اللبوة. فأرجو النظر لكل الكوب. لكوني نصير للبوة وأحاول أن أفك عنها أسرا تاريخيا إجتماعيا ظالما
ملحوظة, ربما إبتدأ هذا الحوار باللبوة, لكن صدقوني سوف يصل إلى قاعدة مجتمعنا الإنساني في تكييف أحوال المرأة والرجل من غابر التاريخ وإلى عصرنا
بس دعونا {نوضب} موضوع اللبوة أولا, ونستكمل تداعياتنا وإفتهاماتنا حوله ... ولي قدام
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: HAYDER GASIM)
|
سلام أخ حيدر . تعرف لو جمعت مداخلات حبيبنا قباني في مداخلة واحدة مع شوية تنسيق بتلقى تعريف واضح ومكتمل لماهية اللبوة. معظم الناس شايتة غلط غايتو الله يرحم زمن السبعينات و التمانينات مصطلح زى ده عمره ما كان بجهجه زول حاجة واضحة و مفسرة. و يا ود البشرى عندك خلط بتاع مصطلحات يعني ما اى بابور لبوة و لا اى لبوة بابور و في الغالب الأعم هم بجسدوا مفهومين مختلفات.
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: ALWALEED ALSHEIKH)
|
تحياتي وليد انا لم اقل أن بابور تعني لبوة بل بالعكس, كدي اقرا كلامي مرّة تانية Quote: لا يا أحمد السمينة ديك اسمها (جقّة) أو (بابور) ممكن تكون اللبوة سمباتيك لكن العامل الرئيسي في وصف اللبوة هو الشراسة و القوة و إلى حد ما تقدّم العمر |
مع تأميني على ملاحظة أحمد أنه ليس بالضرورة أن تكون البابور أو الجقة عاهرة
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: Hussein Mussa)
|
بل شجاعة و واضحة وصريحة وعينها قوية في ما تفعله وما شغّالة بي زول سواء كان راجلها الأسد أم بقية الرجال و النساء و المجتمع ودا الفرق بينها وبين الوصف الآخر للمرأة التي تمارس الجنس خارج اطار الزواج
حبيبنا ... محمد البشري ... تسلم,
أرجو أن يكون كافيا ما ذهبت في توضيحه حول الفرق بين حكمي على اللبوة وبين خيالي لأحكام المجتمع, وذلك في معرض ردي على مداخلة الأخت أميرة السيد
لكن كمان الكلام البي الأحمر الفوق ده منسوب إليك, وشايفو ضايط بي آمانه, لكونه يضع اللبوة في كلا مملكتي الحيوان والإنسان ويخلع عليها ثوبا أخلاقيا واحدا ... فهل هذا يصح من حيث المبدأ؟؟؟
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: HAYDER GASIM)
|
وضحت ومن بدايات الحوار هنا, تلك {المحامرة} بين الصديقين, محمد عبدالله الحسين وأحمد محمد عمر ... لكنهما تجاوزا هذه الإشكالية في ثنيات الحوار ... فكل شيء زين ... وكل المعلوم من كليهما جميل ومفيد ... فبه دسامه وإفتراعات عقلانية وسلاسة في الطرح والتضمين.. أترك للقراء {متعة} المرور من عليه ... ولي قدام
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: HAYDER GASIM)
|
تحياتي حيدر حقيقة لمّا قرات ردّك على أميرة حيّرتني في وصفك لقولي بـكلمة (زعم) و أيضا اني اقتبست قولك مبتور!! في حين الجزء الذي اغفلته في الاقتباس هو قولك التالي: Quote: يفهم من {مظنة} بعض أهل السودان عن اللبوه ... أنها: |
و في ردك على أميرة تقول : Quote: حين عرضا قولي مبتورا حتى أصبح وكأنني أحكم على اللبوة بكونها خوافة كسولة لعوبة غير مؤتمنه... إلخ, فقد كان عاليه في واقع الأمر هو {خيالي} أو قل إجتهادي في التعبير عن مظنة أهل السودان السالبة تجاه اللبوة |
وأنا قلت لك أن فهمك أو تفسيرك لمصطلح لبوة خطأ, كدي ارجع اقرا كلامك برواقة وكلامي ايضا أنت تقول (يُفهم من مظنة أهل السودان) و تقول أيضا (هذا اجتهادي في التعبير عن مظنة أهل السودان..إلخ ) يعني بالعربي البسيط هذا تفسيرك أو لنقل اجتهادك في التفسير,مش كدا؟ طيب أنا قلت ليك اجتهادك خاطئ وعكس المعنى, المشكلة وين؟ أنا لم أقل هذا حكمك عليها أنا كنت - ولا زلت - أتحدث عن تفسيرك
تقول Quote: لكن كمان الكلام البي الأحمر الفوق ده منسوب إليك, وشايفو ضايط بي آمانه, لكونه يضع اللبوة في كلا مملكتي الحيوان والإنسان ويخلع عليها ثوبا أخلاقيا واحدا ... فهل هذا يصح من حيث المبدأ؟؟؟ |
أظنّك تعني (جايط) ! مافاهم بالضبط الجوطة وين, كلامي ببساطة ان مصطلح لبوة لا يطلق على اي عاهرة و السلام بل يجب توفر مواصفات لها مثل الشجاعة و الصراحة وقوة العين وعدم مراعاتها للناس و المجتمع إن كنت ترى في هذه الصفات حين تتصف بها العاهرة ثوبا اخلاقيا إذن أوكي ما مشكلة طالما تجاوزت عن حتة عهرها ليكن هذا ثوبا أخلاقيا ترتديه اللبوة
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: محمد البشرى الخضر)
|
ود البشري ... تسلم,
شكرا على التصحيح اللغوي أولا,
ثم ثانيا ... هي بعض إلتباسات في مسارات النقاش ولا أخالها تؤثر على محتوى أو متن أفكار... أيُّنا
ثالثا, وهي الأهم ... ما عيوب اللبوة في الغابة وفي عرين الأسد, حتى يرتد صداها السالب في محيط إنساني؟
رابعا, ربما لا يكون للأمر أي علاقة بالغابة, فقط هي إحداثيات بشرية صادت إفتراضاتها بعض صيرورة. فهل يعنى هذا سلامتها وصحة فرضياتها وعلى طوووول؟ ... وهذا ما نحن بصدده
وخليك قريب يا حبيب
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: HAYDER GASIM)
|
وربما يكون احتجاج علي تجاسر المراه في الخروج عن وصايه الرجل ويتضمن إيحاءات سالبه بمالات ذلك الخروج
العالم ... طلعت الطيب ... تسلم,
دوما ... ترد الروح, وتضع الأشياء في نصابها وتستعلم الناس بغير ما يألفوا ... أسعدنا لله بعلمك وحماك من كل مكروه
لم أكن لأتعامل في مجرى حياتي مع الناتئ من القول إلا ما ندر, مع ذلك فالشئ المؤكد عندي هو عدم إستخدامي لكلمة لبوة في تقريع خصم. لأني ومن البدء كنت على إحساس بأن هنا ضيم وهنا إختلاق عدواني بلا صحة ولا مبرر
لهذا صادف تحليلك أخي طلعت هوى زكيا في فؤادي ... ربما أعود لتعقيب أمهل ما توفرت لي سانحة ... وتقبل ودي
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: HAYDER GASIM)
|
كل ما في الامر ان اللبوة تكون شبقة جدا في موسم التكاثر
أخي سيف الدين فضل الله ... تسلم,
سؤالي ... هل هذا الشبق وقفا على اللبوة أم كل أنثيات الغابة؟ وهل هنا {حقيقة علمية} أم إفتراضات عشوائية؟ وأن تكون شبقة فما المشكلة هنا؟ أو لماذا التعيير على وجه التحديد؟ لحيوان منوط بقانون الغاب؟؟؟
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: HAYDER GASIM)
|
تحياتي وليد انا لم اقل أن بابور تعني لبوة بل بالعكس, كدي اقرا كلامي مرّة تانية فعلا أنت لم تقل ذلك و عذرا على وصفي لكلامك بغير ما فيه و يبدوا أنه تشابهت على بعض المداخلات ذات المفاهيم المغلوطة مع مداخلاتك فعذرا مرة أخرى. و صراحة غالب كلامك أقرب الى الواقع مثل شيخنا قباني قدس الله سره.
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: Amira Hussien)
|
في لندن كان في خمارة اسمها مكى
هي مكي أم مكه ... أعتقد في صحة الأخيرة,
فيسل ... تسلم يا حبيب, من تلك الأيام وعيييك,
آمل أن تكون بخير حيثما أنت
فشنو ... صح ربما يستمر الإسم المتوارث لردح من الزمن, لكنه يظل دوما في مواجهة الخط الجديد والممثل للتعديل الرسمي. فعل الأقل حين يحدث ذلك ... تحدث تبرئة الذمة وتبقى المسألة مسألة زمن ... وكن في كل الأحوال طيبا عفي
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: HAYDER GASIM)
|
شكرا يا ود قاسم والله اول مرة اعرف انو كلمة لبوة سبة، ولو عند المصريين انا احتكاكي بالمصريين قليل شديد
كل كلام الاخوان في البوست المعني قرأته من باب الكيد السياسي
علي كل نعتبر البوست المعني مدخل لتغيير المفاهيم الرجولية الخاطئة، ولا اظن ان المناضلة ام حازم سترفض ذلك
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: الشفيع وراق عبد الرحمن)
|
من الصعوبة تغيير الكلمات المشحونة بدلالات معينة، لأنها في الغالب أخذت زمن ولاقت هوى في نفس مستخدميها.
فمثلاً الكلمة الدارجية المرادفة لكلمة عاهرة مثلاً من الصعوبة أن تستعملها في الكتابة في حين يمكن أن تستعمل أياً من مترادفاتها الفصحى. وكذلك كلمة لبوة، فإذا جاءت في إطار التشبيه مع ذكر وجه الشبه، ففي الغالب لن تلفت نظر أي شخص، ولن يأخذ بالمعنى القبيح.
كقولك مثلاً (الرة دي بتكاتل بشراسة زي اللبوة ) أو (غايتو هي لبوة بس في دفاعها عن أولادها، ممكن تكتل فيهم عديل).
فالمهم هو السياق والحقل الدلالي الذي نستعمل فيه هذه الكلمات. أما تغييرها فلن يتم ما لم يتفق العقل الجمعي الذي انتجها على تغيير دلالتها
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: الصادق اسماعيل)
|
ولو الاسد عجز او. ركبوا سابت بتبدلوا بي اسد تاني ماعشان صعلوقة ومطلوقة لكن عشان دي سنة الكون والحياة ولازم تبدل بي واحد قوي عشان يحمي القطيع وكمان بتحمي العرين
أخي صادق ميرغني ... تسلم,
يعني لحد هنا, أي في إطار مملكة الحيوان, فالموضوع شكلو عادي ومتسق ... السؤال هو لماذا (الظلم) من مملكة الإنسان لحيوان مثابر ومقتدر وحافظ للنوع في وغى الأدغال
من الإحتمالات أن يكون الإنسان ... غشيما,
لكنه دوما محاطا بصروف المنطق, فما العمل؟
| |
|
|
|
|
|
|
Re: ربما هنا سانحة لتحرير {اللبوة} من مفاهيم س� (Re: HAYDER GASIM)
|
سلام حيدر انا أظن (اللبوة) هي لقب يطلقه الرجل السوداني على المرأة التي تخيفه جنسياً ليس عن تجربة معها ولكن بناء على شائعات ونسنسة وأحكام مسبقة وأحكام بناء على ما يعتقده من بعض تصرفاتها وهو يعتقد أنها قد تكون مبادرة أو متطلبة جنسياً عكس الصورة النمطية في ذهنه لما يجب أن تكون عليه المرأة متلقية وغير مبادرة وفي الأغلب يتمناها سراً ويرغب بها وينتقدها علنا لانه يخاف أن لا يرضيها ان لا يستطيع إرضاؤها أو إشباعها وفي عصور أوروبا وأمريكاالمظلمة كانوا يسمونهم ساحرات ويتم إحراقهم وعندنا يحرقون بالنميمة ولا زال الغرب ينسج الخيالات عن النساء الأمازونيات أقول قولي هذا وأستغفر الله لي ولكم
| |
|
|
|
|
|
|
|