|
Re: يا كبر ياخي ذبحتنا ياخي (Re: abubakr salih)
|
ابكر صالح.. ياريت تمشي بالترتيب وتبطل الجقلبة الفي السهلة دي.. ابدأ بنقاش شهادة صلاح البندر ، واجب على الأسئلة حولها ، وبعد داك ممكن تواصل في مقال اسماعيل ادم ، ورأفة بك يا ابكر (لأنو نحن لمن نجي نضبح البهيمة بنسقيها موية عشان تتلحس وهي رويانة)..أي لف ودوران سيحسب عليك..
كبر
| |
|
|
|
|
|
|
Re: يا كبر ياخي ذبحتنا ياخي (Re: abubakr salih)
|
دكتور ابو بكر الذي في العلوم كل سنة وانت طيب
في موضوع البندر نمشي بفرضية انه البندر زول كضاب وتلفيقي وصديقنا كبر (كبران بي جهلو) وبيكتب (ساكت وما عندو معلومات)
لكن عليك الله قبل ما تمشي في الدواس لي قدام، الواقعة بتاعة (راشد سيد أحمد) دي صاح ولا ما صاح؟ بصرف النظر عن منو القالها. وحقيقة أنا داير أتأكد منها لسبب ما عندو علاقة بالبوست دا
| |
|
|
|
|
|
|
Re: يا كبر ياخي ذبحتنا ياخي (Re: abubakr salih)
|
بالطبع لجأ الشيوعيون الى ديدنهم المعروف : السباب ، الإستخفاف ، اللف والدوران حول الحقيقة ،
فيما يخص شهادة دكتور صلاح البندر ، على الشيوعيين السودانيين الإجابة على الأسئلة التالية :
اولا: هل واقعة الإعتداء تمت أم لأ؟ ثانيا: هل راشد سيد احمد الشيخ قيادي في الحزب الشيوعي السوداني ببريطانيا ام لأ؟..
بعد ما تلفوا صينية لمن تدخوا ، ارجعوا جاوبوا على الأسئلة ، والصهينة ليست في صالحكم ، وانما الرأي سوف يعرف الكثير الكثير عنكم..
كبر
| |
|
|
|
|
|
|
Re: يا كبر ياخي ذبحتنا ياخي (Re: Kabar)
|
Quote: من هو إسماعيل آدم وماهي مصادر معلوماته وماهي أدلته علي الكلام الني والسايب الذي أورده؟ |
سلام يا كمال عباس، رسلت ليك التحايا فى راس السنة مع الصديق علاء الدين فارس، طلع ساكن جمبك و هو رجل دفعتي و صديق و زميل عزيز.
شايف المحامي الشاطر كبر مستعين بشهود اتنين احدهما مجهول الهوية و المكان و الثاني صلاح بندر! حد يستشهد بالافكاك الدولي صلاح بندر؟ ح ارجع للارشيف و اجيب سلسة فضائح صلاح بندر من مقال شوقي بدري التاريخي حول شخصية صلاح بندر و حتى اخر فيديو احضرته انا هنا فى المنبر فيه صلاح بندر يكذب على مجموعة من شيعة البحرين يزعم لهم انه يزور البحرين و له فى صداقات منذ العام 1972. آنذاك صلاح بندر كان شغال صبي جزار فى سوق العفشة فى امدرمان .
| |
|
|
|
|
|
|
Re: يا كبر ياخي ذبحتنا ياخي (Re: abubakr salih)
|
Quote: ياريت تمشي بالترتيب وتبطل الجقلبة الفي السهلة دي.. |
اها نرجع للسيد كبر بي جهلو، قلت لي دايرني امشى معاك بالترتيب فى البوست ههههه. يا راجل اختشى على دمك. انت مليت البوست اكاذيب، من اكاذيبك الواردة فى الاقتباس في مداخلتي الافتتاحية لهذا البوست و حتي الان انت توصل و تكذب و تلفق و لم تعتذر ولا مرة واحدة عن اي من الاكاذيب التى اختلقتها و هسة جاي داير تحرف الموضوع و تطالب بالترتيب؟ ياخي اخجل لنفسك دي. هاك دي واحدة من اخر مداخلات الشفيع وراق الذى ابتدر الاكذوبة فى المنبر بناء على المكتوب مجهول الهوية بتاع المدعو ادم اسماعيل دا.
Quote: اخونا الفاضل يسن عثمان كتب: جعفر ابراهيم شخصية حقيقية كانت تقيم في لندن ، ليست لديه اي ايدولوجيا او فكر يساري او يميني او وسطي مسبق ، أقول هذا الكلام علي يقين كامل واطلاع للامر |
http://sudaneseonline.com/board/490/msg/بخصوص-شيوعية-المدعو-جعفر-ابراهيم-1483112894.html
قبل جعفر ابراهيم كذبت و اختلقت حول سوزان الكاشف. و قلنا ليك ياخي الزولة دي ما عضو فى الحزب. و هى انسانة مستقلة و كلامك انو الحزب فرض عليها ولا ما فرض مجرد رجم بالغيب و كذب. و برضو ما اعتذرت و سردبت ساكت. و انتقلت من سوزان و جعفر ابراهيم الي اكاذيب جديدة حول على عمر و صديق الموج ... الخ. و لم تراجع نفسك فى اي مرة. و تاني جيت تروج كلام اسماعيل ادم المضحك و كلام صلاح بندر معتاد تزوير و تلفيق على مستوى دولي يشهد بذلك الناس فى مشارق الارض و مغاربها. و انا ح اجيب نموذج على احترافه للتلفيق فى فيديو و هو يتحدث لجمع من شيعة البحرين فى ندوة. صلاح بندر دا انا مشيت سالت منه اهالي ام درمان و وروني حكايته فى سرقة الصور المعلومات الشخصية من شبابه.
| |
|
|
|
|
|
|
|