|
Re: قبل العصيان بسويعات .. هكذا تنقسم فئات الم� (Re: محمد البشرى الخضر)
|
هلا بالشاب الوجيه محمد عمر أتفق معك في كثير مما كتبته ولكن سؤالي هو ما دور الشائعة في كل هذا وانت تعرف نحن شعب اجتماعي جداً وتواصلي جداً وما اظن في زول ما عندو او في اسرته في جوال ألا تعتقد أن هذه الخاصية تغطي عن النقص في التواصل عبر النت لا سيما وأن الكل سيكون الآن قد سمع بالاعتصام الفات ومدى نجاحه وان الناس تعد لإعتصامات أخرى أظهر يا زول
| |
|
|
|
|
|
|
Re: قبل العصيان بسويعات .. هكذا تنقسم فئات الم� (Re: عبد الصمد محمد)
|
يعني بكلامك ده يا محمد عمر كل فئات الشعب السوداني تكره هذا النظام الحاكم ومتضررة منه...ولكن تتفاوت نسب مستوى تاثير كل فئة في الجهود المبذولة للاطاحة بالنظام الحاكم... واظن على حسب كلامك ان اكثر فئة يمكن ان تؤثر تاثير مباشر في الاطاحة بالنظام هي فئة هؤلاء الذين يكسبون قوت يومهم عبر رزق اليوم باليوم ..وهم المزارعين والباعة المتجولين واخرين من الذين بمكنهم شل الحياة والحركة في العاصمة والمدن الكبرى... وهؤلاء بالذات هم اكثر الناس متضررين من الحكومة وواقع عليهم الظلم الاكبر....ولذا لا بد من التركيز على توعيتهم باهمية التخلص من اللصوص والحرامية الذين يسرقون قوت يومهم ليبنوا بها قصورهم المنيفة....داخل وخارج السودان بينما مدارسنا ومستشفياتنا تبكي حالها ...والصور لا تكذب... والله يديك الصحة والعافية...
| |
|
|
|
|
|
|
Re: قبل العصيان بسويعات .. هكذا تنقسم فئات الم� (Re: اميرة السيد)
|
يعني بكلامك ده يا محمد عمر كل فئات الشعب السوداني تكره هذا النظام الحاكم ومتضررة منه...ولكن تتفاوت نسب مستوى تاثير كل فئة في الجهود المبذولة للاطاحة بالنظام الحاكم...
حياك الله يا أميرة .. كل الناس متفقة على وسخ الناس ديل وعفنهم .. بس صراحة الشباب محتاجين توعية أكتر .. وإرشاد وقيادة واعية أنا حاسي إننا محتاجين فترة هدنة .. زمن كدا عشان الناس المثقفة دي تنزل من برجها العالي وتقعد مع الناس في الواطة عشان تفهما حاجة زي (عصيان مدني مفتوح) ممكن ل ياتو درجة تكون مؤثرة وممكن الناس تستخدمها كأداة لإزالة النظام الجاثم على صدورنا دا .. ياخ أقسم بالله لحدي هسي معظم الناس مسطحة وما فاهمة هي بتعمل شنو وقاعدة في البيت ليه
| |
|
|
|
|
|
|
Re: قبل العصيان بسويعات .. هكذا تنقسم فئات الم� (Re: عبد الصمد محمد)
|
هلا بالشاب الوجيه محمد عمر أتفق معك في كثير مما كتبته ولكن سؤالي هو ما دور الشائعة في كل هذا وانت تعرف نحن شعب اجتماعي جداً وتواصلي جداً وما اظن في زول ما عندو او في اسرته في جوال ألا تعتقد أن هذه الخاصية تغطي عن النقص في التواصل عبر النت لا سيما وأن الكل سيكون الآن قد سمع بالاعتصام الفات ومدى نجاحه وان الناس تعد لإعتصامات أخرى أظهر يا زول
أهلين عبدالصمد .. حياك الله أكيد سمعوا بيه .. وممكن أجزم ليك إنو الأغلبية سمعت بيه ..بس هل الناس فهمت دوره؟ هل الناس عارفة الفرق بين الإعتصام تلاتة يوم في البيت أثناء أيام العمل الرسمي وبين الإجازة بتاعت عيد الأضحى مثلا؟ والله ما أظن يا عبدالصمد .. ولا أظن في واحد من الناس الحددت تاريخ العصيان دا .. أو الناس الاختارت العصيان أو المظاهرات طريقة ودرب نضال .. فكرت في عموم الناس وفي كيفية توصيل المعلومة ليهم إلا من بعض الإشراقات هنا وهناك .. كمثال لحملة التوعية التي قام بها البوشي في منطقة الحاج يوسف .. وأدت لدور ملحوظ وملموس
| |
|
|
|
|
|
|
Re: قبل العصيان بسويعات .. هكذا تنقسم فئات الم� (Re: محمد البشرى الخضر)
|
سلامات يا أبو حتوت .. عساك بخير يا صاحب بتذكر كويس في أحداث 2013 لمن جات الدعوة برضو للمظاهرات وبعد الخطاب الكارثي للسيد الصادق المهدي .. انهالت الدعوات للنزول للشارع عبر منابر صفحات الفيس بوك بعد أقل من اسبوع واحد فقط من خطاب السيد المهدي !! أسبوع واحد بس ! معقولة ؟! هل اسبوع واحد وللا شهر واحد كان كافي لنشر التوعية وتعبئة عموم الشعب .. مع ملاحظة إنو الإعلام في البلد كلو مسيطرة عليه الحكومة ؟ عشان كدا اندفعت مجموعات من الشباب بعمر الزهور وشباب زي الورد مشحونين بحب الوطن فقط لا غير .. مضوا إلى حيث أراد الله لهم أن يمضوا ولا نستكثرهم على خالقهم ونحتسبهم شهداء بإذن الله .. ولكن أحمل مسؤولية موتهم لدعاة المظاهرات ولمليشيات الحكومة بنفس القدر .. الجميع يتحمل المسؤولية بالتساوي ..
| |
|
|
|
|
|
|
Re: قبل العصيان بسويعات .. هكذا تنقسم فئات الم� (Re: محمد عمر جبريل)
|
ولكن أحمل مسؤولية موتهم لدعاة المظاهرات ولمليشيات الحكومة بنفس القدر .. الجميع يتحمل المسؤولية بالتساوي قوم لف بلا عباطة و هبالة معاك
الكيزان ديل في ايام الديمقراطية ما كانو كل يوم بطلعو مظاهرات في زول كتلهم؟
المظاهرات و الدعوه لها حق اصيل من حقوق الشعب وكل الدول المحترمة تكفل هذا الحق
يقتلوهم ليه في الاساس و بأي حق، و جاي انت تتفلسف لينا بي أحمل مسؤولية موتهم لدعاة المظاهرات
بلا يخمك
| |
|
|
|
|
|
|
Re: قبل العصيان بسويعات .. هكذا تنقسم فئات الم� (Re: ناصر جامع)
|
قوم لف بلا عباطة و هبالة معاك الكيزان ديل في ايام الديمقراطية ما كانو كل يوم بطلعو مظاهرات في زول كتلهم؟ المظاهرات و الدعوه لها حق اصيل من حقوق الشعب وكل الدول المحترمة تكفل هذا الحق يقتلوهم ليه في الاساس و بأي حق، و جاي انت تتفلسف لينا بي أحمل مسؤولية موتهم لدعاة المظاهرات بلا يخمك
ناصر جامع .. دا ياهو أدبك العلموهو ليك أهلك ؟؟ دي ياها تربيتك وأخلاقك ؟؟ عادي والله ممكن أملاك فارغة كدا عمر حياتك ما سمعت بيها .. بس المقام أكبر من الرد على حثالة وساقط زيك ..
| |
|
|
|
|
|
|
Re: قبل العصيان بسويعات .. هكذا تنقسم فئات الم� (Re: ناصر جامع)
|
يا زول املاني فارغة زي ما عايز...لكن ابقي قدر كلامك و دافع عن المنطق الاعور بتاعك العايز تساوي فيهو جريمة قتل النفس بدون حق و الدعوة للخروج للمظاهرات؟
لمن تتعلم الأدب .. وترتقي لمستوى النقاش والرد ممكن أرد ليك على أي سؤال أو استفسار يخطر ببالك .. وحتى ذلك الحين ستظل في وجهة نظري الخاصة شخص صفيق .. هايف .. لا أكثر ولا أقل
| |
|
|
|
|
|
|
Re: قبل العصيان بسويعات .. هكذا تنقسم فئات الم� (Re: ناصر جامع)
|
يا زول بطل لولوة و كلام فارغ و ورينا كيف تساوي بين القتل و الدعوة للتظاهر
وجهة نظر خاصة بي .. إذا عايز تناقش فيها بي أدب واحترام أعمل reset لي فهم الرجالة في راسك المدوقس دا أول شي وتعال ناقش زي الرجال .. غير كدا ها تفضل في نظري زول صفيق غير جدير بأكثر من برطوش على راسك ..
| |
|
|
|
|
|
|
Re: قبل العصيان بسويعات .. هكذا تنقسم فئات الم� (Re: محمد عمر جبريل)
|
انا دخلت البوست دا عشان الكلام الفارغ بتاع الكيزان الإنت جاي هنا تروجو لينا و عايز تبرر قتل حكومة الجهل و الضلال للشعب البمارس في حق اصيل من حقوقوا اللي هي حق التظاهر السلمي...اوعي تكرر كلام فارغ زي دا تاني...نبلعك ليهو ناشف
لكن النبز المجاني بتاع يا صفيق و هايف و حثالة و ساقط و اهلك ما ربوك و ياها دي تربيتك وأخلاقك و الكلام الفارغ الزي دا ما مهم و انا عافيك لي الله و الرسول
بس اختي الكلام الفارغ بتاع تبرير قتل الشباب البطلع مظاهرات
| |
|
|
|
|
|
|
Re: قبل العصيان بسويعات .. هكذا تنقسم فئات الم� (Re: ناصر جامع)
|
انا دخلت البوست دا عشان الكلام الفارغ بتاع الكيزان الإنت جاي هنا تروجو لينا و عايز تبرر قتل حكومة الجهل و الضلال للشعب البمارس في حق اصيل من حقوقوا اللي هي حق التظاهر السلمي...اوعي تكرر كلام فارغ زي دا تاني...نبلعك ليهو ناشف
وين بررت أنا ؟؟!! أقسم بالله أكدت لي أنك تستحق كل ما تم نعتك به عاليه
| |
|
|
|
|
|
|
|