سلسلة (خليك ايجابى ) الحلقه 6 رسالة للاخوة فى الحركه الاسلاميه السودانيه انتو مطالبين بموقف ايجابى اليوم اكثر من اى وقت مضى ودا لانه اى واحد فيكم ليه دور فى البيحصل للبلد الليله ...كبر الدور دا ولا صغر ما مهم المهم انه كان داعم للنظام . اها بعد ما انكشفت كل عورات النظام الدينيه والسياسيه والاقتصاديه ..انتو البوقفكم معاه شنو تانى ؟ كان جيتو الحركه الاسلامية دى بفهم دينى ...قدامكم الحاصل مافى اى دين اتطبق فى البلد والفساد عم القرى والحضر .. كان جيتوها بيفهم مشروع سياسي بديل للاحزاب زى مابتقولو فالنظام فشل فى كل شي على المستوى السياسي وفشل حتى فى الحفاظ على وحدة البلاد اقل شي . كان جيتوها بيفهم مشروع اقتصاد اسلامى وحل لمشاكل البلاد والعباد وتقديم نموزج للاخرين فدى قصه منتهيه نتيجتها ماتحتاج اقول ليكم عليها براااكم حاسين بيها قبل الاخرين . لذلك انا الان بقول ليكم دى فرصه كل واحد منكم ينفض يده من النظام ده ويكفر عن مواقفه الداعمه ليه ...لانه لو ماعملتو كده بتكونو ساهمتو فى التدمير الحصل زمان وفى التدمير والمحرقه السايقنا ليها النظام ده فى سبيل حفاظه على الكرسي بعد ما بقو شلة من العصابات والمنتفعين وباعوكم وباعو مشروعكم بارخص الاثمان . انا لو كنت فى محلكم والله بقول كفايه وبوقف دعمى للنظام دا وبوجه دعمى للجهود لازالته عشان ما اساهم فى تفتييت ماتبقى منه وعشان اعمل على حقن دماء اولاد وبنات بلدى وعشان اوقف انهيار بلدى وبعدين لمن البلد تمرق لبر الامان ...تعالو اعملو مراجعات لفكركم وتجربتكم وارتضو حكم الشعب عليكم ديمقراطيا... يلا ياشباب كل واحد منكم يتخذ موقف ايجابى فى اللحظه الحاسمه دى وصدقونى حتحسو بالسعاده وسيذهب عنكم الاحساس بالذنب .. ختو يدينكم فى يدين اخوانكم والنظام ده تانى ماعنده حاجه لا للبلد ولا حتى لاعضاء الحركه الاسلاميه .. يلا ماتترددو ...نحن ماقنعانين منكم ...انتو فى النهايه سودانيين والوطن دا حقنا كلنا ... نحن فى انتظاركم الان ...بعدين مابنفع ...
الحركة الاسلاميةدمرت تعليمكم دمرت صحتكم سرقت حقوقكم سرقت اقتصادكم لا تسمحوا لها بأن تسرق عقولكم اسمعوا كلام عمكم و أخوكم عادل دي نصيحة غاليه جداً عشان ما تخسروا شعبكم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة