مفخرة الإنتماء لسودانيز اون لاين( كن فخورا)

Quote: نحن البورداب أكثر من أهل ... والبيناتنا أكثر من عامرة .... مودتي يا صديقي

Quote: الاستاذ الفاتح واردد مع عواطف: ومفخرة واي مفخرة ان اكون عضوة في هذا الموقع الاسفيري الرائع...وشكرا للبوست الرائع... عواطف: وينك يا قلب..اظهري وباني..فقد اشتقنا لحروفك الهادفة دائما.. واردد ايضا مع الاستاذة الاعلامية نور تاور: علمنا حوش الباشمهندس بكري الصبر ..الصبر على البلاء...ووجدنا ايضا الحروف المضيئة من ادباء وشعراء يسدوا عين الشمس...وتعلمنا ابجديات السياسة من سياسيين يشار اليهم بالبنان ودمت بالف خير..

Quote: السنة التاسعة لهذا البوست الجميل والثامنة لالتحاقي بالموقع وما طالبني حليفة ما حصل يوم حردت ولم اتلقى اي اساءة من زول . وما اذكره اني اسأت مرة واحدة لاحد قامات السودان ولكني اعتذرت في وقتها. هسي باقيلكم نفر عدلة الناس ديل في؟؟

Quote: التحيات النواضر لاستاذنا الفاتح والتحية موصولة للزميل ذو الحرف الانيق حيدر قاسم عطفاً على تعليقك يا حيدر انا واحد من الناس استفدت كثيراً وكثيراً جداً بالذات في مسألة التحكم في النفس عند الغضب فاذكر ان اول تداخل لي مع احد اللذين اختلف معهم اني شتمته وشتمت سنسفيل افكاره هههههههه لكن بصراحة بعد داك ندمت وقلت في سري - دي شنو الهمجية دي- الشي التاني اتعلمت ايضاً من هذا البورد ان المعارضة التي نعول عليها كثيراً في مستقبل بلادنا ليست على قلب رجل واحد وان كان التارقت او الهدف مشترك الى ان الرؤى متباينة وهنا المحكات والاختلافات الكثيرة التي تثري الفكر اي نعم ولكنها تأخر الوصول الى الهدف المنشود فكان لمصداقية ما ينشر في هذا المكان اهمية كبيرة حتى نستبين سبيلينا وهنا لا بد لي ان اشكر الاخ والاستاذ الذي تعلمت منه حقاً محاولة البحث عن الحقيقة اولاً ثم بعد ذلك اكون الرأي الا وهو الاخ محمد البشرى الخضر فدوره في هذا البورد من الاهمية بمكان فله مني التحيات الذاكيات واخيراً اشكر كل الاعضاء فقد تعلمت منكم الكثير واشكر الباش مهندس بكري ابوبكر لاتاحته هذه المساحات الشاسعة من الحرية في هذا المنبر الذي هو بمثابة وطن لنا بكل تعددات وطننا الثقافية والاثنية والفكرية والدينية الخ.. واخيراً ايضاً اشكر كل من اختلف معهم فكرياً وسياسياً فالاختلاف هو ملح هذا المكان ( اي نعم شكراً لكم واختلافنا في بكانو هههه) وتقبلوا تحياتي جميعاً

Quote: " اوعك تنسى . كتالنا في محلوا"

Quote: شكرا أخ الفاتح وجودك يضفي الألق ويضيف القيمة لك التحية أحمد الشايقي

Quote: وعمري في سودانيزاونلاين لم يتعد التاسعة !! ( يا ود يا سِغيِّر ومحيرني ومتحيِّر ) ... أظن من الحاجات الجميلة التي تُحسب للمنبر دا ( إنو جمع كم راس كِده في الحلال ) ... ونتطلع للمزيد .. مافي أجمل من كده .... . الفاتح .. دايماً تؤكد لينا إنك إنسان جميل ... بكل ما تحمل هذه الكلمة من جمال .. . الله لا يجيب يوم شُكُر بكري

Quote: شكرا جزيلا سودنيز اون لاين ... رغم قلة مشاركتنا هنا ... دخول سودانيز اون لاين اول حاجه بنعملها لمن نفتح الكمبيوتر .... متابعين جداً لى كل الحاصل سودانيزاونلاين وطن يسع الجميع _______________________________ افتقدنا جداً الرعيل الاول لسودانيز واللستة طوييييييييلة لزملاء عطرو سماء المنبر بجميل الكتابات سودانيزاون لاين وقفت مواقف كتيييييرة انسانية , فزع ونفير ويد انسانية طويلة .. توثيق لمبدعين ومفكرين بلادى ..فنانين ..شعرا مساحة حره لاقلام جريئة .. وتصارع فكرى يخدم الوطن _______________________________________ كل الحب للجميع