( 1 ) المكان : ساحل آسيوي بديع – أمام مطعمٍ جمع بين الطراز العربي والحداثة الأوربية جلسَ علي وعمر "يجغمان" رشفاتٍ من الشاي مستمتعين بما لذ وطاب من فاكهة الإنس والجن والأنعام والنبات - عمر : هههههههههه - علي : مالك يا ريس - عمر : علي بالطلاق الهبل ديل لسه بتشاكلو ونحن وعيالنا مرقناها في بلداً طيرها سمح - علي: يا زول مالك ومالهم يغورو في ستين ! أحفادنا موزعين بين لندن وآلاسكا وقريشاتنا كان رصوها من سويسرا لهنا ما بتكمل - عمر: يا علي انت غبيان ؟ هسسس وطي صوتك أيوة اتكلم زي ما عايز لكن خليني انا بس اسمعك ... - علي: كويس يا ريس شايفك اتعلمت وبقيت حريص ... طيب مالهم كانوا بيقولو عليك ... - عمر : بقولو علي شنو ؟ ههههه الطشم ديل 30 سنة ونحن نغشهم وهم مصدقين يقطع استرخاءهما صوت مألوف : - الجرسون: كلنا كنا قايلنها كدا .... لكن الدنيا علمتنا - عمر وعلي : هي يا زول انت سوداني ؟ - الجرسون : لا لكن ما بعيد منكم ... ( ذهب لدقائق ثم عاد – وضع بين يدي عمر بطاقة) - عمر : جمهورية المولتال – رئاسة الجمهورية – بطاقة تحقيق شخصية – الاسم .............. العمر : ..... المهنة : وزير دفاع !!!! - علي ( يقفز من مقعده ) : انت يا زول مش كنت غنيان وقالوا مرقت من البلد بـ خمسين مليار دولار وما لقوك تاني ؟ بتسوي شنو هنا . - الجرسون : في دا كله نسيت انه كان عندي قيمة لمن كان عندي بلد ، بعد البلد خربت ومرقنا كلنا شردنا اتخيلنا قروشنا اللقطناها ايام الرخاء ح تنفعنا في الشدة ، يا زول بلاد الغربة دي شيء قاسي ... شيء حقوق انسان شي مصادرات شي ابتزازات قلعوهن كلهن والقال استثمرنا معاه وخسر القروش والقلعهن حمرة عين ... يا زول اكتشفنا انه بلدنا هي الكانت عاملة لينا قيمة ... . ومن غير البلد ... ما عندنا أي قيمة ... مش كان خمسين مليار .... - علي : (يبلع ريقه بصعوبة) - يتبع –
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Hani Arabi Mohamed
فيس بوك
تويتر
انستقرام
يوتيوب
بنتيريست