|
|
|
 Re: العصيان المدني في يومه الثاني 28 / 11 / 2016 (Re: فرح الطاهر ابو روضة)
|
عصيان2
عصيان نعم عصيان
سلمت يا سودان
ضد الكلاب الروس
الجات فريقنا تكوس
شالوا ام كبس بتعوس
عصيان سلام وأمان
لا كوز ولا شيطان
جوا المغارة تيوس
كيزان لصوص ونجوس
خلو البلد عدمان
خلو البلد خربان
قسموه فوقنا النص
بضمائرا العفنة
رصوا الخزائن رص
والناس ولا حِفنة
فوقا المرض والجوع
مدارسا الواقعة
جامعات ولا جامعات
ما فيها من نافعة
عملوها منتجعات
فلل وشاليهات
هادِّين سقوف البنك
عين الخلوق طالعة
والموية مملوحة
جات من مجاري الصرف
صرفت مشارب الكوز
ونعبي نحن الجك
صرفوها بالدولار
صلوا عليك يا الصين
والحج في ماليزيا
والغزو في البنجاب
مسيار ورا مسيار
والناس غزت لي وين
شايلة الهموم تحتار
شاقا البلد نيلين
وشرابنا طين في طين
الكهربا الموية
محنا بقن لامات
من صابح الكيزان
فوقنا الظلم قجَّ
سامحنا يا سودان
حكم الصواب لجّ
جيناك والعصيان
ما خلّ فيك فجَّة
عصيان نعم عصيان
لا كوز ولا شيطان
سامحنا يا سودان
في المرّ من أزمان
أزمات وراء الأزمات
ضهر ام كبس مسنود
والشعب ليها أمان
عصيان نعم عصيان
علي أحمد التولي
Phoenix
27نوفمبر 2016
| |
 
|
|
|
|
|
|
|
|
Re: العصيان المدني في يومه الثاني 28 / 11 / 2016 (Re: Mustafa Mahmoud)
|
ام كبس ايقونة ثورة نوفمبر 27
يا ام كبس
شيلي النفس ختي النفس
انتي ايقونة شعب اتحبس
انتي بشارة سعد وسط النحس
يا ام كبس
الدم في عروقنا انحبس
الضو في بلادنا انطمس
حتي الضو الجاي من نور الشمس
والهوا الجاي من رب السما
منعوه شوية عسس
يا ام كبس
درستي شعبنا كم حصص
حصة في الرجالة
وكيف نثور ضد الهبالة
والعوارة والمتدفقة ديك الريالة
وحصة في المغالبة و المطالبة
بحق المعيشة و حق المعالجة
وحصة كيف لو ما خرجنا
نقعد في البيوت نندمس
يا ام كبس
لثورتنا انتي الايقونه
ولحقوقنا انتي المأمونة
ولاطفالنا انتي الحنونة
ولرجالتنا انتي المغبونة
يا ام كبس
شيلي النفس
ختي النفس
انتي ايقونة شعب اتحبس
وحان اوان خلاصه من الحبس
عمر الفاروق - 28-نوفمبر-2016 ثاني ايام عصيانا المدني
وجوه مكفهرة منفرة
| |
|
|
|
|
|
|
|
|
|
Re: العصيان المدني في يومه الثاني 28 / 11 / 2016 (Re: MOHAMMED ELSHEIKH)
|
!
ما كملت القصة
جاي الحساب لسه..
يا القصرو عاج ونعاج
قايل بتتدســــــــا ؟؟
من هـــــذه الأفواج !
الحيــــلا أتقصـــــا
عقدين من الكــرباج
تمرق عليك هســه
رغم السياج في سياج
والأمنجي الخســـــة.
خوفك برغم الصاج
يسمــع ويتحســــــا..
أمواج ورا امــواج
لما الوطن يرســـــي.
وإلي الأمام عصيان مدني حتي آخر رمق فينا ..
| |
|
|
|
|
|
|
| |
فرح الطاهر ابو روضة
معاوية الزبير
Hatim Alhwary
عثمان حسن عثمان
ادريس خليفة علم الهدي
عمر أبوعاقلة
Arif Nashed
Mustafa Mahmoud
مني عمسيب
محمد على طه الملك
ادم شحوتاي
احمد حمودى
MOHAMMED ELSHEIKH
فيس بوك
تويتر
انستقرام
يوتيوب
بنتيريست