|
Re: العايز تهري ، اسكت خلي ! (Re: عبداللطيف حسن علي)
|
الرقاص.. أطفال الورضة.. والعصيان الفاشل ........ حلف بى أغلظ الإيمان إنّو الشعب ... كل الشعب... لا شاف ...... لا سمع عصيان!! ....... وحلف بى دينو شقيش تمشي تلقى الناس دي مزدحمي كان فى السوق وكان جامع محل رقشات أو أفران ..... حلف إنّو البلد ماشية زاهية وكل يوم تزدان وانو الشعب كيف مبسوط يصحالك من الآذان لافي صفوف.... ولا أزمات.... لا شكو لافي زول غلبان ....... يشيل يحلف.... ويقول صادق.... لا رمشة عين ولا خجلان إنّو شبابنا.... عجايزنا ومع النسوان مبسوطين.... عايشين.... دون نكد أو دين ويحلف تاني ياهن ديل ما فيش زول صبح عيان .... عليكم الله يا الحبان تقولو شنو... ما دام يرغي فى الفارغي دلاهي ...... وكيف غبي وسجمان تقول حاكم بلاد الواق تقول ما حاكم السودان ...... يرقص بالنهار والليل ما هاميهو ايش ما كان يبرطع بس تقول ده أسد لكين فى الحقيقة جبان يخاف من شفع الروضة وهن مارقين... طالعين من بيوت الطين عريانين.... يملو شوارع الخرتوم.... ما فيش نوم.... سأل بى بلاهه ديلا منو؟! قام ردولو كنداكات ديل شفعنا كيف حلوين مارقين من بيوت الطين يا هُن ديل بكشوكا لمان يدعمو العصيان ..... يوم يتهزا كرسيك هز بتعرف إنّو ده السودان وبتعرف إنّو اولادنا حلفو بأغلظ الإيمان يكنسو أباسة الإنقاذ سلاحن حاد وكيف بتار سلاح الثورة والعصيان ..... ابراهيم الكرسني فجر الجمعة 2016/12/2 [email protected]
|
|
|
|
|
|
|
العنوان |
الكاتب |
Date |
العايز تهري ، اسكت خلي ! | عبداللطيف حسن علي | 11-27-16, 01:50 PM |
Re: العايز تهري ، اسكت خلي ! | عبداللطيف حسن علي | 11-27-16, 07:26 PM |
Re: العايز تهري ، اسكت خلي ! | مني عمسيب | 11-27-16, 09:18 PM |
Re: العايز تهري ، اسكت خلي ! | عبداللطيف حسن علي | 11-28-16, 06:25 AM |
Re: العايز تهري ، اسكت خلي ! | عبداللطيف حسن علي | 11-28-16, 02:18 PM |
Re: العايز تهري ، اسكت خلي ! | عبداللطيف حسن علي | 11-28-16, 08:30 PM |
Re: العايز تهري ، اسكت خلي ! | عبداللطيف حسن علي | 12-02-16, 04:03 PM |
Re: العايز تهري ، اسكت خلي ! | عبداللطيف حسن علي | 12-02-16, 07:18 PM |
Re: العايز تهري ، اسكت خلي ! | عمر التاج | 12-02-16, 07:55 PM |
Re: العايز تهري ، اسكت خلي ! | عبداللطيف حسن علي | 12-02-16, 08:33 PM |
Re: العايز تهري ، اسكت خلي ! | عبداللطيف حسن علي | 12-03-16, 08:57 AM |
Re: العايز تهري ، اسكت خلي ! | عبداللطيف حسن علي | 12-03-16, 08:50 PM |
|
|
|