|
|
 Re: شمس الحرية – قاب قوسين أو أدنى ! (Re: Kabar)
|
كتب استاذنا فضيلي جماع:
Quote:
كنت انتظر منك التعليق على مقالي حول تداعي نظام القتلة واللصوص في الخرطوم وما عاثه من فساد في بلادنا وما فعله بشعبنا من إفقار وإذلال، فإذا بك كما جرت العادة في كتابتك البائسة تختار لغة الهمز والشتائم من عينة بيع الوهم للشعب وخلافه. قلت لك بهدوء : انت اخترت أن تقف مع القتلة والجلادين - مع نظام البشير وأنا اخترت الوقوف ضد نظام أقام المذابح وحروب الإبادة بشهادة العالم كله..وختمت دعوتي لك بأن نترك التاريخ يحكم بيني وبينك: من منا اختار الجانب الصواب من حركة التاريخ!
|
استاذنا فضيلي جماع..حبابك
وحباب الحضور هنا ، وتحية خاصة للعزيزة دوما..وهي اكثر من اعزها في هذه الدنيا بعد امي عليها السلام ، وذلك لمعطيات كثيرة لا يعرف عنها زمن التزاحم والكذب المجاني الذي يدور في وهاد هذا المنبر الحر..
انا توقفت يا استاذنا فضيلي عن التداخل هنا ، ليس عجزا عن مبادلة الحجة (وان كان يا ولد ابوك انت رومانسي للغاية وما بتقدر على الحجة العقلانية) ، توقفت احتراما لأصدقاء سيندهشون لو عرفوا انهم سبب توقفي هنا وهم الأصدقاء (ياسر الشريف ، نصر الدين ، وعاصم فقيري) ولازلت اتقيد بهذا الموقف ، فقط اسمح لي يا استاذي بالتعقيب على هذه الجزئية..!!
بكل اسف يا استاذي انت تنفعل وتعيش اللحظة وتقع من طولك في بئر التقريظ والمدح وتبصم عن اشياء انت في ذاتك لا تفهمها ، ولا تريد ان تفهمها..!!
الوهم يا صديقي ان يتحدث مثلك عن ما يسمى بنظام القتلة واللصوص وان تصف المختلفين معك بانهم (داعمي لنظام الإبادة العنصري) والأنكى تبصم على انهم كيزان لا يجب التفاهم معهم..!!
حسنا..
المافي شنو يا استاذي فضيلي .. هسع ده لو قلت ليك اثبت انو محمد النور كبر داعم لنظام القتلة واللصوص والإبادة العرقية ، بتقدر تثبت الكلام ده ، ولا عاجبك خم الشيوعيين الحايمين حولك وبيضربوا ليك النقارة وانت تشيل وتعرض في السهلة بلا فهم؟..
اهو قدام الخلق دي كلها يا استاذي فضيلي اقولها لك بفم مليان:
محمد النور كبر ، العفين ده ، فتح صدرو لرصاص نظام عمر البشير في شارع جامعة الخرطوم ، وانضرب ، ودمائه سالت في شوارع الخرطوم في يوم الثلاثاء الخامس من ديسمبر 1989 ، فاين انت في هذا اليوم بالضبط يا استاذي فضيلي جماع؟..قلها بصدق للحقيقة والتاريخ..
محمد النور كبر يا استاذنا فضيلي جماع ، لم يمشي كاليتيم في موائد اللئام ، حينما فعلها جون قرنق و ياسر عرمان وعبدالعزيز الحلو ومالك عقارودينق الور والبينو لغاية اخلاص قرنق (السمت عيالها على قادة الحركة الشعبية واليوم تلبس اجدع توب ومتجدعة مع ناس عمر البشير، ثم غيرت و استبدلت اسماء عيالها باسماء صحابة) ، حينما كانوا يركبون الفارهات ويستمتعون بما تجود به ايادي نظام القتلة واللصوص والإبادة العرقية (وهي الحقائق التي سكت عنها انت من قبل ، وتخرجها على الملأ الآن)..ما حصل يا فضيلي ، ولو عندك دليل.. اهو قدام الخلق دي جيبو هنا ، والإ ح اقطع معاك حبل البجلة واقولها لك بفم مليان: انت كذاب وتلفان كمان يا استاذي..!!
محمد النور كبر ، لم يشارك في النظام ، بمثل ما شارك اوباش الحزب الشيوعي السوداني ، الذين حاولوا تبرير مشاركتهم في مؤسسات النظام ، بانهم يشاركون في مؤسسات تشريعية ولا يشاركون في مؤسسات تنفيذية ، ولم يتناسوا قبض مرتباتهم ونثرياتهم (كدستوريين في المجلس الوطني) من ايادي ما تسميه انت اليوم بنظام القتلة واللصوص والإبادة العرقية (الكلام ده يا استاذي لم تمر عليه عشرة سنين بعد ، ولو انت ساقط في حساب سنين الوجع ، نحن ما ساقطين الى ان يرث الله هذه الأرض وماعليها..!!)..
يعني يا منتصر صلاح ، أو أي كان اسمه ، محمد النور كبر لم يتحكر في برلمان الكيزان كما تحكرت فاطنة السمحة عليها السلام (حاجة امنة) تحت نفس القبة التي تحكر فيها الرائد ابو القاسم محمد ابراهيم ، وبعد ايام تخرج على الملآ وتملانا فقر من شاكلة ( والله ما كنت قايلة ده ياهو ابوالقاسم..!!)..وصدقني يا منتصر ، الخطيب في ذات نفسو ، ما بعيد يجي بكرة ويقول لينا عن عبد الرحيم محمد حسين ، والله ما كنتو قايلو ده (ابو ريالة الواحد ده)..شرحو: الخطيب وكل باشبوزك الحزب الشيوعي اكبر كيزان ، ويتبارون لإرضاء النظام ، ومحمد النور كبر لم يفعل هذا ولن يفعل ، والعندو شواهد يجيبها ، بلاش لف ودوران معاكم..!!
محمد النور كبر ، ليست له دور احزاب في العاصمة السودانية ، مثلما تملك احزاب من شاكلة الحزب الشيوعي السوداني ، وحزب الأمة ، المؤتمر السوداني ، الإتحادي الديموقراطي ، البعث العربي ، الأخوان المسلمون ، الحركة الشعبية (جناح السلام) ، التحرير والعدالة ، المؤتمر الوطني..وغيرها من هوام السياسة في السودان..ليست لمحمد النور كبر أي دور في السودان حتى تبتزاهو بحكاية الدفاع عن نظام القتلة واللصوص والإبادة العرقية يا استاذنا فضيلي جماع..!
و اهو قدام الخلق دي كلها يا فضيلي جماع ، ومعك باشبوزك الحزب الشيوعي: خرجت من السودان في يناير 1999 ، وكنت وقتها املك ست قطع اراضي (من حر مالي) ، وحينما فكرت في الخروج ، بعت معظمها ، وما تبقى (قطعتين ارض) وكلت عليه شقيقي للتصرف فيها ، وباعها ، معظم الثمن ذهب لعلاج والدي ، يعني في عام 2000 ، لم يكن لي في السودان غير امي وابي واخوتي واخواتي.. عارف اتصرفت كده ليه يا استاذ فضيلي؟ لأني نقي ، ومتطرف في النقاء ، فحينما اريد ان اسب النظام في السودان ، ساسبه واشتمه بملء فمي ، لأنو النظام ما عندو حاجة يمسكها علي ، ما عندي يد بتوجعني يا فضيلي جماع(في مواجهة المعارضة أو في مواجهة النظام) ، ولن اسمح بان تكون لي يد بتوجعني ، عشان كده انا حر بالمعنى الحقيقي للحرية ، اكتب ما اشاء وما عندي حاجة خايف عليها.. سبيت النظام وسبيت الحركة الإسلامية لعشرات السنين ، والآن اقف مع السوداني البسيط ، السوداني الفي كجيرة ، عديلة ، الشرق ، الشمال ، الجنوب ، اقاصي دارفور ، السوداني الذي لا تراه انت او النخبة التي تخاتلها وتدعي الدفاع عنها..شفت الفرق كيف؟..من مثل هذه القاعدة ، كانت نقطة انطلاقي بنقدي لك بانك تبيع الوهم.. وانت زعلان ليه ؟ ..ما ياهو الحقايق قدامك ودافع عن نفسك وموقفك بشرف..طبعا اكيد كنت تتوقع من يصفق لك دوما ، ولا تريد أن تسمع رأي اخر..!!
محمد النور كبر ، لم يتذلل لفتات موائد التفاوض في اديس ابابا ، ومن عجب تفاوض طرفه نظام القتلة واللصوص والإبادة ، كما تسبه الآن وتتبرع بالأوصاف في حقه..تاكل من قروش التفاوض ، والليلة تسب يا فضيلي؟.. اشمعنا يعني عشان النظام سداها في وشكم وقال ما في تفاوض تاني ، عشان كده جايين تبيعوا لينا وهم شمس الحرية ولا شنو كده ما عارف؟..!!
واهو قدام الخلق دي كلها يا استاذنا فضيلي جماع ، النظام الذي تسبه عارف اليد البتوجع فضيلي جماع ، وما عندو التكتح في حق محمد النور كبر ، عشان كده النظام لا يخشى فضيلي جماع ، ويعرف ان الجعارة ما لبانة ، لكن يخشى اكثر ما يخشي من الأنقياء الذين لم ينخرطوا معه في فساده (كفصائل او كافراد)..!!
لو كنت كبيرا قدر التحدي السوداني ، الذي تنتظره شعوب امسودان ممن كانت تظنهم قدوة وضي ، لكنت ناغمتك في مقالك الأصلي ، ولكنك اخترت ان تضرب بارثك عرض الحائط وتنزل مقامك دفعا لمجاملات ستؤدي بك الى منازل الخسران..!!
القفز من نقطة الى اخرى ، كنت من غرور اظنك يا فضيلي تحيا في زمن ما بعد الحداثة ، وتفهمها طايرة ، ولكنك تأبي نفسك الإ ان تسجنك في قرون سحيقة..!!
بالواضح ، انت تدعم مشروع الحركة الشعبية ، ومن حقي كسوداني أن اسألك: لماذا تتغاضي عن تطبيق المشروع في دويلة جنوب السودان؟..لماذا تسكت عن المذابح والإبادة والجرائم التي يندي لها جبين الإنسانية في دويلة جنوب السودان؟..وهل تريد ان تقنعني بان ما يحدث في الجنوب هو بلاء من الرب؟....كااااااااك..يكون فرقك شنو من ناس المؤتمر الوطني؟..ياخي ديل لوركشة انقلبت بفعل الحفر في الشارع يجوا يملوك فقر انو ده قدر وابتلاء من رب العالمين..!!
حينما احتلت الحركة الشعبية تراب هجليج ، انت من وقف في صف الأجانب (ناس الجنوب) ورفعت عقيرتك متحدثنا باسم الملايين التي لم تفوضك وقلت (لسنا كلاب صيد) وهو دعم مباشر لأن تحتل قوى اجنبية التراب السوداني ، تحديدا تراب المسيرية ، والآن تمارس النياصة وانت تمالئ وتنافق اصحابك من دويلة جنوب السودان ، وهم يحاولون استغلالك..ولكن من الآخر يا حبيب: أبيي لن نسلمها للجنوب ولا دونالد ترامب (الح يمشي بعد يومين صاحب ياسر عرمان يقدم ليهو فروض الطاعة ، كما فعلها بعض ناس دارفور الإتبرعوا يجيبوا الإبريق لترامب) الإ بعد ما نكمل تب وننمسح تماما عن الأرض..!!
وعشان تعرف انك قاعد تبيع الوهم.. اهو كل باشبوزك الحزب الشيوعي الحايم في الخيط بتاعك خليهم يقدروا يقولوا بغم عن أبيي وقضايا البسطاء في الخلاء البعيد..!!
شمس الحرية التي تدعو لها يا استاذنا فضيلي جماع ، اهو مثالها حي يمشى بيننا واسمه دويلة جنوب السودان (دولة الحركة الشعبية التي تريد ان تفرض علينا انت نموذجها كسر رقبة ساكت)، ومثل هذه الشمس لن تشرق عندنا يا حبيب ، ولو اشرقت ح نرجعها تاني لعلب المغيب بتاعها..!!
نعم بيننا التاريخ يا استاذنا فضيلي جماع..ولا انت قايل التاريخ ده غول بتخرخ بيهو الصغار..؟!!
ودمت..
كبر
|
|
  
|
|
|
|
|
| العنوان |
الكاتب |
Date |
| شمس الحرية – قاب قوسين أو أدنى ! | فضيلي جماع | 11-26-16, 05:16 AM |
| Re: شمس الحرية – قاب قوسين أو أدنى ! | ملهم كردفان | 11-26-16, 08:24 AM |
| Re: شمس الحرية – قاب قوسين أو أدنى ! | فضيلي جماع | 11-26-16, 12:22 PM |
| Re: شمس الحرية – قاب قوسين أو أدنى ! | Kabar | 11-26-16, 12:45 PM |
| Re: شمس الحرية – قاب قوسين أو أدنى ! | فضيلي جماع | 11-26-16, 11:34 PM |
| Re: شمس الحرية – قاب قوسين أو أدنى ! | طه جعفر | 11-27-16, 05:28 AM |
| Re: شمس الحرية – قاب قوسين أو أدنى ! | فضيلي جماع | 11-27-16, 03:35 PM |
| Re: شمس الحرية – قاب قوسين أو أدنى ! | Yasir Elsharif | 11-26-16, 08:34 AM |
| Re: شمس الحرية – قاب قوسين أو أدنى ! | ابوحراز | 11-26-16, 10:17 AM |
| Re: شمس الحرية – قاب قوسين أو أدنى ! | فضيلي جماع | 11-26-16, 10:57 PM |
| Re: شمس الحرية – قاب قوسين أو أدنى ! | فضيلي جماع | 11-26-16, 01:58 PM |
| Re: شمس الحرية – قاب قوسين أو أدنى ! | محمد على طه الملك | 11-26-16, 11:17 PM |
| Re: شمس الحرية – قاب قوسين أو أدنى ! | ابوبكر عبدالله ادم | 11-27-16, 02:59 AM |
| Re: شمس الحرية – قاب قوسين أو أدنى ! | فضيلي جماع | 11-27-16, 04:36 AM |
| Re: شمس الحرية – قاب قوسين أو أدنى ! | Asim Fageary | 11-27-16, 05:17 AM |
| Re: شمس الحرية – قاب قوسين أو أدنى ! | فضيلي جماع | 11-27-16, 02:28 PM |
| Re: شمس الحرية – قاب قوسين أو أدنى ! | Kabar | 11-27-16, 05:48 AM |
| Re: شمس الحرية – قاب قوسين أو أدنى ! | Kabar | 11-27-16, 07:05 AM |
| Re: شمس الحرية – قاب قوسين أو أدنى ! | Deng | 11-27-16, 07:16 AM |
| Re: شمس الحرية – قاب قوسين أو أدنى ! | Kabar | 11-27-16, 07:22 AM |
| Re: شمس الحرية – قاب قوسين أو أدنى ! | نصر الدين عثمان | 11-27-16, 07:42 AM |
| Re: شمس الحرية – قاب قوسين أو أدنى ! | فضيلي جماع | 11-27-16, 03:42 PM |
| Re: شمس الحرية – قاب قوسين أو أدنى ! | Yasir Elsharif | 11-27-16, 07:27 AM |
| Re: شمس الحرية – قاب قوسين أو أدنى ! | مجدي عبدالرحيم فضل | 11-27-16, 07:46 AM |
| Re: شمس الحرية – قاب قوسين أو أدنى ! | فضيلي جماع | 11-27-16, 03:46 PM |
| Re: شمس الحرية – قاب قوسين أو أدنى ! | نصر الدين عثمان | 11-27-16, 07:47 AM |
| Re: شمس الحرية – قاب قوسين أو أدنى ! | فضيلي جماع | 11-27-16, 10:46 PM |
| Re: شمس الحرية – قاب قوسين أو أدنى ! | Kabar | 11-27-16, 07:47 AM |
| Re: شمس الحرية – قاب قوسين أو أدنى ! | Asim Fageary | 11-27-16, 09:10 AM |
| Re: شمس الحرية – قاب قوسين أو أدنى ! | ناصر جامع | 11-27-16, 11:22 AM |
| Re: شمس الحرية – قاب قوسين أو أدنى ! | مني عمسيب | 11-27-16, 12:39 PM |
| Re: شمس الحرية – قاب قوسين أو أدنى ! | فضيلي جماع | 11-27-16, 10:37 PM |
| Re: شمس الحرية – قاب قوسين أو أدنى ! | فضيلي جماع | 11-27-16, 03:23 PM |
| Re: شمس الحرية – قاب قوسين أو أدنى ! | ناصر جامع | 11-27-16, 03:47 PM |
| Re: شمس الحرية – قاب قوسين أو أدنى ! | فضيلي جماع | 11-27-16, 04:32 PM |
| Re: شمس الحرية – قاب قوسين أو أدنى ! | عمر دهب | 11-27-16, 04:14 PM |
| Re: شمس الحرية – قاب قوسين أو أدنى ! | doma | 11-27-16, 07:38 PM |
| Re: شمس الحرية – قاب قوسين أو أدنى ! | جلالدونا | 11-27-16, 07:56 PM |
| Re: شمس الحرية – قاب قوسين أو أدنى ! | فضيلي جماع | 11-27-16, 11:12 PM |
| Re: شمس الحرية – قاب قوسين أو أدنى ! | فضيلي جماع | 11-28-16, 01:52 AM |
| Re: شمس الحرية – قاب قوسين أو أدنى ! | فضيلي جماع | 11-27-16, 10:55 PM |
| Re: شمس الحرية – قاب قوسين أو أدنى ! | ناصر جامع | 11-29-16, 06:29 AM |
| Re: شمس الحرية – قاب قوسين أو أدنى ! | منتصر صلاح | 11-29-16, 07:21 AM |
| Re: شمس الحرية – قاب قوسين أو أدنى ! | فضيلي جماع | 11-29-16, 11:52 AM |
| Re: شمس الحرية – قاب قوسين أو أدنى ! | عبد الباقي الجيلي | 11-29-16, 07:23 AM |
| Re: شمس الحرية – قاب قوسين أو أدنى ! | محمد عمر عقيد | 11-29-16, 08:22 AM |
| Re: شمس الحرية – قاب قوسين أو أدنى ! | مني عمسيب | 11-29-16, 10:54 AM |
| Re: شمس الحرية – قاب قوسين أو أدنى ! | Haydar Badawi Sadig | 11-29-16, 11:56 AM |
| Re: شمس الحرية – قاب قوسين أو أدنى ! | Haydar Badawi Sadig | 11-29-16, 11:56 AM |
| Re: شمس الحرية – قاب قوسين أو أدنى ! | فضيلي جماع | 11-29-16, 12:26 PM |
| Re: شمس الحرية – قاب قوسين أو أدنى ! | فضيلي جماع | 11-29-16, 12:15 PM |
| Re: شمس الحرية – قاب قوسين أو أدنى ! | فضيلي جماع | 11-29-16, 11:56 AM |
| Re: شمس الحرية – قاب قوسين أو أدنى ! | ناصر جامع | 11-30-16, 03:16 AM |
| Re: شمس الحرية – قاب قوسين أو أدنى ! | محمد أبوالعزائم أبوالريش | 11-30-16, 08:16 AM |
| Re: شمس الحرية – قاب قوسين أو أدنى ! | ناصر جامع | 11-30-16, 09:04 AM |
| Re: شمس الحرية – قاب قوسين أو أدنى ! | doma | 11-30-16, 09:15 AM |
| Re: شمس الحرية – قاب قوسين أو أدنى ! | Kabar | 11-30-16, 11:06 AM |
| Re: شمس الحرية – قاب قوسين أو أدنى ! | Kabar | 11-30-16, 11:12 AM |
| Re: شمس الحرية – قاب قوسين أو أدنى ! | Kabar | 11-30-16, 12:08 PM |
| Re: شمس الحرية – قاب قوسين أو أدنى ! | doma | 11-30-16, 02:09 PM |
| Re: شمس الحرية – قاب قوسين أو أدنى ! | حسن ادم محمد العالم | 11-30-16, 05:39 PM |
| Re: شمس الحرية – قاب قوسين أو أدنى ! | احمد الامين احمد | 11-30-16, 06:05 PM |
| Re: شمس الحرية – قاب قوسين أو أدنى ! | فضيلي جماع | 12-01-16, 01:06 AM |
| Re: شمس الحرية – قاب قوسين أو أدنى ! | فضيلي جماع | 12-01-16, 00:42 AM |
| Re: شمس الحرية – قاب قوسين أو أدنى ! | فضيلي جماع | 12-01-16, 00:35 AM |
|
| |
Kabar
فيس بوك
تويتر
انستقرام
يوتيوب
بنتيريست