تجمع نفخّو ورونا وصلنا وين في الثورة العتيدة ..!!

Quote: صباح الخير .. ياها حالتك اتكالي وما بتتغير !! ورينا انت ليه ما داير تشارك في الثورة ولو بالدعم العادي ! حقيقة بقيت اشك فيك وفي احباطاتك !!!!! الثورة قادمة بس انت امشي اشتري ليك صبر ! مع خالص الود اكيد .

Quote: يا ناصر اسئلتك دي كلها حايردوا عليك الشباب الحا اوصلك بيهم .. يا ناصر وقت السفاح بهدد وشفت البوست الفتحتو بخصوص الكوز الصرح ما حا يتنازلوا ولو واجهوا هولاء العزل بالعنف ! يا ناصر مزيد من التفكير والمنطق لايضريك ! سؤالي ليك . اين هولاء ؟ المعتقلين السياسين الاطباء الطالبوا بتحسين الاوضاع ليس الا ديل يا ناصر ناس مسالمين وما بحملوا سلام جوا اعتقولوهم وموش كدا وبس تم ترحليهم لمناطق خارج مناطقهم والبعض منهم الترحيل مع الاسرة !!! يا ناصر المصائب اكبر من سؤالك واسالتك البتسألها بمنتهي البساطة من غير تفكير دقيق ولا عمق سياسي ! سالتو عن القيادات واثناء عملها تم اعتقالها كلها ومامعروف جهتهم ! سالتو عن الشارع الشارع بلي قيادات ممكن يتحرك لكن نخشي التحرك يكون عشوائي زي ما حصل في سبتمبر لو كان في قيادات وماتم اعتقال كتير منها اثناء التظاهرة كانت بقت انتفاضة لكن كل العملوهو السفاحين شفت كمية القتل الحصلت للتخويف والارهاب وكمية المطاردات المازالت حتي هذه اللحظة ! تجربة سبتمبر يا ناصر اياكم تفكروا فيها العشوائية نتيجتها الفشل ومزيد من الترهيب للشعب .. وبالمنسبة ايوا نحن متألمين لو كنا داخل او خارج الوطن ولكن اقسم ليك هم يألمون كما تألمون واكتر من ذلك ! لانهم الحكم اصبح كبقاء وليست تكليف والدليل البوست بعنوان قيادي يؤكد لم ولن يسلموا السلطة لكي يكون مصيرهم كالقذافي !! يا ناصر يا حبيب الصبر من شئم الاقوياء والحكمة من شئم العقلاء ولكي لاتكرر مأساة سبتمبر يجب علينا التفكير في انقاذ بلدنا وشعبنا بعيدآ عن التجريح والكلام البفيد الاعداء .. ولك الشكر ,,,