|
|
 Re: كشف باسماء الكيزان والمطبلاتية الهاربين � (Re: عمر التاج)
|
عبداللطيف حسن على
كوز ,, غوَّاسة بمكنة إِثْيِثْت
منى ,, انا اسمى مكتوووب؟
غايتو فى ناس ادونى رتبة متواطى
لسه ماوصلت كوز .
منى:
بصراحة يا اختى وماتزعلى منى:
انشغالكن باعضاء المنبر ده لا بودى ولا بجيب
الحكومة ,, البيها والعليها معروفة ,, الخطاب
مفروض يتجه لاصلاح حال المعارضة
لو صرفتو الكلام الكتير الكتبتوه عن الاعضاء
اللى فى المنبر ده على المعارضة كان حالها انصلح
وكان لى يوم الليلة السودان جرت فيهو زى اربعة خمسة
انتخابات ,, الناس اللى بتساككوا فيهن فى المنبر ده
لابزيدوا الحكومة قوة ولا بزيدوها ضعف ,, من يوم بقينا
اعضاء فى المنبر ده شابكننا الحكومة سوت والحكومة
فعلت والحكومة تركت ,, ودى امور راعى الضان فى الخلاء
عارفها ,, فما تقعدوا تضيعوا وقتكم فى تعريف الناس بشيئ
اصلاً فايت قعر اضانهم ,,اذا كنتى عاوز تعوسى كسرة
مابتقدرى تعوسيها بدون مايكون عندك سعفة عواسة
وكان كبيتى العجين وماعندك سعفة العواسة بيطلع قرَّاصة
المعارضة يامنى هى سعفتك البتعوسي بيها ولو مابقت سعفة
مجَيَّهة وفيها مَلَكة كسرتك بتلصق فى الصاج ووليداتك ببيتوا
القَوَا ,, ركِّزوا على اصلاح المعارضة عشان الناس ماتبيت القَوَا .
الحكومة بدون معارضة ذات خطاب قومى وبرنامج يحتوى على
القواسم المشتركة التى تحل مسألة الوطن ستظل باقية وزوالها بدون
معارضة تخاطب حاجات الوطن يكون ضرره اكبر من نفعه.
خلونا من ود الباوقة فعل وفرانكلى ترك وفلان كوز وعِلَّان جردل.
دى معارك انصرافية لاتدل على نضج سياسى.
عاوزين تكون الفترة الجاية لاصلاح المعارضة ,, واسكات الخطاب
الجهوى والحزبى والاقليمى والعنصرى والا فابشروا بالخراب.
|
|
 
|
|
|
|
عبدالعزيز الفاضلابى
فيس بوك
تويتر
انستقرام
يوتيوب
بنتيريست