|
Re: طعم الباميه ! (Re: محمد الهادى عبد الرحيم)
|
الدوك ... حبيبنا الذي ... ياخي لعلك بخير .....
و شنو هو يا دوك اللي وشو زي ما ياهو ؟ ما ياهو ده حالنا و حال بلدنا ... ما عندنا أي شي سمح بستمر... و خليه المنبر ... تاريخنا ذاتو ... كل جيل يتحسر على الماضي !!!
لو متذكر كلام سعيد صالح في مسرحية "العيال كبرت" : ساطالب بتحرير المرأة ...ثم القضاء على المرأة ؟!! أها دي عملها حبيبنا بكري ابوبكر .... صنع البتاع ده ثم قضى عليه بنفس الصباع !!!
ياخي البورد ده كان فيهو و - ما زالو طبعا - أعضاء ممكن يديرو السودان ده علما و أدبا و فهما ...البورد ده كان قبلة الناس في السودان و بره السودان و كان حبلنا السري الرابطنا بالبلد .... فما الذي حدث ؟!! الحدث - في ظني - الذي لا يغني عن ألحق شيئا - إنو سيدنا بكري ابوبكر قدس الله سره و سر صلعته الشريفة أدار المكان ده بدون قانون أو لائحة أو حتى منطق سوى منطق فهم صلعتو الشريفة المذكورة آنفا !!!
ياخي ما ممكن أكبر موقع للحوار في السودان - و في فترة كان من الأكبر في المنطقة كلها بالمناسبة - يشتم فيه الناس و يبهتو و يساء لهم و بدون أي سبب سوى إختلاف الرأي و يكون مافي قانون يعاقب المخطئي !!! ما ممكن تفتح المنبر الصباح تلقى روحك أو زول ممن تحب و تحترم مشتوم و مأزوم و لاعنين أبو أهلو لانو في زول مختلف معاه أو معاك .... الجو بقى ما صحي عشان الزول يكتب و يتواصل و يتحاور مع الناس ... و الفلم ده مدور لحدي هسي و ح يظل مدور ليوم ألدين ... ياخي قبل كوم لقيت معاوىة المدير صحبي ...قال لكبر صاحبي يا كلب ... أي والله زي ما بقول ليك كدا ... قال ليه يا كلب تقربا لله بعدين ده كلو كوم ... و كونو بكري عندو ناس هنا لا يسألو عما يكتبو ...بل هم يسألون ... ده كوم تاني !!! يبقى طبيعي إنو ناس كتيرة تفر من المنبر فرار السليم من الأجرب !!! طبيعي الناس تتسرب من محل ما آمن للكتابة و تبادل الأراء !!
لكن هل بكري وحده لا شريك له هو المسؤل عن إنو البورد بقى في حالتو الهسي دي ؟! اللهم لا ... فكلنا شاركنا و بمقادير مختلفة في التدهور بل الموت البطئ الحاصل ده .... كلنا شاركنا بالشين... ببساطة لاننا كلنا سودانيين ... سودانيين يا دوك ... ظراف و لطاف و حبوبين طالما متوافقين في الرأي ... لكن لمن نختلف ما بنفرز الزول من رايو ... بننفش من طرف !!! طبعا ده غير أسباب موضوعية تانية ما عندها علاقة بالبورد أساسا منها توفر البدائل كدار ابننا مارك و وسايط التواصل الاجتماعية التانية !!!
تعرف يا دوك ...أنا لي سنين ما كتبت هنا ... مرات بمر شهور ما بجي اقرأ ذاتو ... لكن المكان ده عجيب جدا ...طوالي في البال و في الخاطر !! س. أونلاين ده أنا عرفت فيه ناس لو انفقت كل ما في الأرض ما كان عرفتهم براي ... عرفه بقت علاقات حقيقية ما إنتهت لمن طلعت من هنا لكنها مشت على الأرض كما يمشى السلام و الحمام و و الحاجات السمحة كلها !! ياخي شهر خمسة الفات مشيت السودان إجازة .... قعدت تلاتة اسابيع ما بمر يوم ما فيني حتة بتحس بالوجع على فقدان العوض .... السودان بدون العوض المسلمي نقص نصو يا عمك !!!
الشاهد يا عزيزي ... إنو البورد ده فيهو سودانيين كتار عشان كدا ما ممكن كان يستمر ناجح ... نحن لعنه الله على أرضه يا دوك ... أنا و إنت و بابكر عباس و الناس البتكتب و الوقفت و الح تكتب و ألح تقيف...و كل متعلمي بلادنا إلا من رحم ربي ... و صدقني ... في الحته دي بالذات ما رحم كتير - نحن لا نعرف العمل الجماعي... نشخصن الخلافات و نسئ ببعضنا الظن ...نبرع في الدسائس و المؤامرات ... لنا في الحسد راية و في تبخيس أشياء بعضنا رايتان ...و القصة دي على كل مستوى و في كل مجال و إلا سمي لي انجاز سوداني واحد مستمر !! الفشل السوداني صار علامة مميزة نتوارثها مع "ديننا و اسمنا و قميص الفتن" ... يبقى مافي مشكلة لوالبورد بقى فاشل و وش البامية ما ياهو ... فالاصل في أشيائنا الفشل !! كن بخير يا عزيزي و اعفي لينا النقة الكتيرة دي
|
|
|
|
|
|
|
العنوان |
الكاتب |
Date |
طعم الباميه ! | محمد حيدر المشرف | 10-23-16, 08:24 PM |
Re: طعم الباميه ! | علي دفع الله | 10-23-16, 08:51 PM |
Re: طعم الباميه ! | مني عمسيب | 10-24-16, 06:28 PM |
Re: طعم الباميه ! | مني عمسيب | 10-24-16, 07:22 PM |
Re: طعم الباميه ! | محمد حيدر المشرف | 10-24-16, 07:27 PM |
Re: طعم الباميه ! | مني عمسيب | 10-24-16, 07:37 PM |
Re: طعم الباميه ! | علي دفع الله | 10-24-16, 07:54 PM |
Re: طعم الباميه ! | Munir | 10-24-16, 09:27 PM |
Re: طعم الباميه ! | Kostawi | 10-24-16, 09:48 PM |
Re: طعم الباميه ! | Kostawi | 10-24-16, 09:52 PM |
Re: طعم الباميه ! | يحي قباني | 10-25-16, 04:46 AM |
Re: طعم الباميه ! | محمد حيدر المشرف | 10-27-16, 12:44 PM |
Re: طعم الباميه ! | محمد حيدر المشرف | 10-27-16, 11:53 AM |
Re: طعم الباميه ! | محمد حيدر المشرف | 10-27-16, 11:47 AM |
Re: طعم الباميه ! | محمد حيدر المشرف | 10-27-16, 07:00 AM |
Re: طعم الباميه ! | محمد مجيدو | 10-25-16, 08:20 AM |
Re: طعم الباميه ! | محمد الهادى عبد الرحيم | 10-25-16, 12:47 PM |
Re: طعم الباميه ! | أمين محمد سليمان | 10-25-16, 04:00 PM |
Re: طعم الباميه ! | جلالدونا | 10-25-16, 05:40 PM |
Re: طعم الباميه ! | الصادق عبدالله الحسن | 10-27-16, 02:09 PM |
Re: طعم الباميه ! | Munir | 10-27-16, 02:41 PM |
Re: طعم الباميه ! | الصادق عبدالله الحسن | 10-27-16, 04:50 PM |
Re: طعم الباميه ! | الصادق عبدالله الحسن | 10-27-16, 05:09 PM |
Re: طعم الباميه ! | Munir | 10-27-16, 06:47 PM |
Re: طعم الباميه ! | ابراهيم حموده | 10-27-16, 07:00 PM |
Re: طعم الباميه ! | عبدالحفيظ ابوسن | 10-27-16, 07:24 PM |
Re: طعم الباميه ! | محمد حيدر المشرف | 10-29-16, 11:18 AM |
Re: طعم الباميه ! | محمد حيدر المشرف | 10-29-16, 06:35 AM |
Re: طعم الباميه ! | محمد حيدر المشرف | 10-29-16, 05:52 AM |
Re: طعم الباميه ! | باسط المكي | 10-29-16, 09:03 AM |
Re: طعم الباميه ! | هشام كمال عبادي | 10-29-16, 11:58 AM |
Re: طعم الباميه ! | Munir | 10-29-16, 12:55 PM |
Re: طعم الباميه ! | قسم الفضيل مضوي محمد | 10-29-16, 06:48 PM |
Re: طعم الباميه ! | طه جعفر | 10-29-16, 11:33 PM |
|
|
|