تكملة حوار مع محمد آدم

Quote: هههههههههههههههههههههههه يعني الله زااااتو خلقهم وهيأهم للموضوع دا ... انتو مالكم بالله كدي اتخيلو المنظر الواحد بكون متكيئ على الاريكة ؤ منتصب واقف زمبارة وتحته انهار من اللبن والعسل والخمر وحولو الغلمان الحلوين وعندو خيمة من اللؤلؤ والزبرجد وشنو كدا تاني كبيييرة ومليانة فل حور عين وعندو مقدرة مضاجعتهن كلهن في فد ليلة ههههههههههههههههههههههههههههه بالله دا كلام دا

Quote: الأخ طه جعفر أحس أنك إنسان راقي وعميق في فهمك للمسائل "المسكوت عنها" وذلك من خلال تعقيبك لبعض المداخلات. لوجاز لي ان أدلو بدلوي فأقول الآتي وبكل وضوح: أنا مابعرف عادات اهلنا البقاره ولكن،كنا صغار بشمال دارفور وفي مجتمعاتنا، شيء طبيعي أن يُكرم الضيف "الصديق" وليس أي ضيف عابر ممكن يُكرم بتلك الخصوصيه، مثلٱ: صديقي من اولاد قبيلة اخري قول من قبيلة التنجر(إعتبره محجوب عبدالله دا ذاتو) شاءت الأقدار وحضر عندنا في البلد! يكون من صميم مسئوليتي تجاهه ان أكرمه وذلك بتوفير بعض مستلزمات الراحه من متكأ خاص به، أكلو، شرابه،مريستو و دلكتو، ثم اقوم أنادي عزبات القريه ليختار واحده منهن وبعد ان يختارها نقوم نديها كل مستلزمات ضيافتو ونوصيها عليهو عشره عشره، أن تكرم مثواه وهذه الوصيه تتوقف علي حسب عمق علاقتي بهذا الضيف "الصديق" فلو علاقتي بالضيف زي علاقة صديقنا وحبيبنا محجوب عبدالله سوف اقول للعزبه تدلكيهو وتكوني صريحه معاهو للطيش وبساطك يكون احمدي، ماتزعليهو وماتردي ليهو اي طلب مهما يكون، غالي ورخيص!! علي اساس زعلو ماسمح في حقنا وفي سمعت قريتنا فابقي عليهو بعشراتك!!! مش كدا وبس، وإنما في الصباح الباكر تكون العزباء مستنياهو بشاي الصباح وباللقيمات وكمان أجيّ أطرق عليهم سدادة القطيه لأصبح عليهو متفقدٱ أحوالو وبالذات أسئله عن أحواله ، نعلا ما قصرت معاك او قصرنا معاك في شيء(يجاوب بإبتسامه هادئه فاتح سنيناتو وشكله نديان وكله يفوح دلكه لا والله ماقصرتوا ربنا يكرمكم ويطول في أيامكم، الله ماجاب يوم شكركم، وكمان ياريت يجيء اليوم النقدر نرد فيهو جمايلكم. الشيء العايز اقولو؛ عادة إكرام الضيف عند مجتمعاتنا سوي إن كانت ماديه من المأكل والمشرب أووزنة راسو بالشاي والمريسه او معنويه بتوفير الجنس له علي ان تكرم مثواهو عزباء كل هذا يعتبر شيء طبيعي بمجتمعاتنا قبل مجييء ثورة الإنقاذ الشؤم. مجتمعاتنا كانت اصيله ومتقدمه في فهمها لعملية الجنس،فهي تعلم علم اليقين ان الجنس ليس هو المقصود بعينه وإنما المقصود هو أسمي واعلي من هذه السذاجات وهو المحبه العليا الذي لم يتجلي إلا عبر وعيّ تام بالموجدات(الآنيه)والجنس وطقوسه واحد من تلك الموجودات ويعتبر مكان طاهر لتجليات تلك المحبه العليا إذا ماتفهمناهو بقلوب راسخه في الوعيّ اللحظي لتلك الظاهره!