بعد اذن الجميع ، قبل ان نواصل في مجرى هذا الخيط ، نلتقط هذه الفرصة ، لنحي ، رجل نسميه ابونا وصديقنا واستاذنا ، وهو عضو المنبر (محمد احمد الريح)..!!
توقفت في مداخلة محمد احمد الريح ، دون غيرها ، لأن ود الريح له خصوصية ، فالرجل اتهم من قبل بانه شارك في انقلاب عسكري ضد نظام الحكم في السودان (نظام الجبهة الإسلامية الحاكم اليوم في السودان) ، ونال التعذيب في سجون النظام، يعني ود الريح كان يمكن ان يكون رئيس للسودان مثلما جنرالات سبقوه من شاكلة ابراهيم عبود ، جعفر نميري ، عمر البشير.. فهل يا ترى هذه هي العقلية التي كان سيحكم بها ود الريح السودان؟..عقلية حرام وكفاية تدليس وتلبيس..!! هل تريد ان تقنعني يا صديقي ، ومثلك يفع في الشان السياسي في امسودان اثاروا نفس المعني من قبلك في هذا الخيط في اكثر من مداخلة، هل تريد ان تقنعني بان فساد الجبهة الإسلامية ونظام حكمها ارتكبوا اكبر الفساد ، وبالتالي علينا ان نغض الطرف عن فساد الحركة الشعبية قطاع الشمال لأن الجبهة الإسلامية ارتكبت فساد اكبر؟..ناهيك عن فساد الحركة الشعبية في دويلة جنوب السودان؟ انت قايل شنو يا ود الريح ، في الألفية الثالثة ، سؤالنا الذي اثرناه ونثيره باستمرار: هل تعرف النخبة السودانية من تحكلم بالضبط من شعوب سودانية؟..وهل من حق الشعوب السودانية ان تذكر نخبتها بهذا السؤال؟.. نحن يا صاحب في عهد الديجتال والمعرفة الإنسانية المفتوحة والمتاحة للجميع..ولكن ، عليك ان تسأل نفسك: لماذا نحتفي بالإشارة الرمزية لزيارة جنرال مثلك ، اسمه ابراهيم عبود ، لبريطانيا وامريكا (عهد جون كيندي) ثم يأتي المتأخرين من ابناء وبنات السودان ، يستقوون بامريكا اياها في جاكة مظاهرات تخرج تدين استخدام السودان لأسلحة كيمائية ضد مواطنيه في جبل مرة..!! نعم يا ود الريح ،هي نفسها ، جبل مرة التي زارها الجنرال ابراهيم عبود ، ولم يزرها الحلو ، عقار ، عرمان.. عبد الخالق محجوب ، محمد ابراهيم نقد ، الخطيب ، تيسير مدثر ، الصادق المهدي ، حسن الترابي ، محمد عثمان الميرغني ، محمد عثمان كرار ، الكدرو (بتاع انقلاب رمضان1990) لغاية عمنا على السنهوري...!! الآن يا ود الريح ، العالم مشغول بحكاية تحرير الموصل من قبضة داعش .. مناطق البعث في العراق وسوريا وليبيا وتونس و الجزائر وموريتانيا والنيجر ذاتو..!! فلماذا لايكون الحرص من بنات وابناء السودان ، ان يكون لهم وطن متسق ومتحد رغم محنة القسمة الضيزى اياها..!!!!!!!؟؟؟ هل تنكر يا ود الريح ان عمر البشير (الرئيس السوداني) ، الذي عذبك في سجونه ، كانت اول محاولة له للإنقلاب على السلطة كانت في 1985؟ وباسم البعث العربي الإشتراكي؟.. حكاية نتكلم عن فساد الحركة الشعبية قطاع الشمال ، وفي نفس الوقت يبتزنا حناكيش الخرطوم من شيوعيين وبعثيين ، باننا نغض الطرف عن فساد الجبهة الإسلامية ، فهذه حيلة بائسة للغاية.. فما الذي يمنع ان نكشف الفساد بكل مجاميعه ( حركة شعبية قطاع شمال وجبهة اسلامية؟؟؟؟؟..ما الذي يمنع يا ود الريح؟..) انت محظوظ يا ود الريح انو انقلابك العسكري لم ينجح ، لأنو لو كان نجح ، كنت ح تجابه بسؤال كبير: انت كنت داير تحكم منو بالضبط يا ود الريح في امسودان؟..
يا ترى لماذا غض الطرف ، الجنرال محمد احمد الريح ، عن بوست الشيوعي طه جعفر (بتاع بيت العزبة) وجاي يتفاصح هنا؟.. عرفت المفارقة يا ود الريح ..!!!
هل عرفت ياتو شعب سوداني كنت ستحكمه ، يا ود الريح ، لو كان نجح انقلابك قبل عشرات السنين؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة