اعلان ارشفة المنبر الحالى يوم الاربعاء الموافق 18 اكتوبر 2017
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 10-18-2017, 03:59 AM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

تجربتي في الحصول على الإقامة الدائمة الأسترالية - مواقف ونصائح

10-25-2016, 04:54 PM

اميرة السيد

تاريخ التسجيل: 07-09-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: طارق عبد الله)



    أولا آسفة للتأخير في الرد لظروف خارجة عن الإرادة..
    وقبل أن أرد على أسئلة خالد حاكم، نجي في عجالة سريعة ونتم
    معاملة ضباط الهجرة الكنديين والأمريكان عند سفرنا انا وامتثال
    لكندا في زيارة سريعة ، وذلك حتى لا نخرج من موضوع البوست
    ولذلك سأختصر بقدر الإمكان ( عشان طارق ما يزعل مننا)..
    .. عند وصولنا لنقطة التفتيش في الجانب الكندي نزل جميع المسافرين من
    البص السفري ووقفنا صف طويل داخل مكتب الهجرة الكندي ..
    وعندما جاء دورنا انا وامتثال ، ذهبنا سويا إلى ضابط الهجرة
    .. وفي اول لمحة وجدنا أسوأ معاملة: وكان هذا الحوار:

    س: لماذا وقفتما انتما الإثنان امامي ، هل توجد صلة قرابة بينكما؟
    ج: ( وقد جاوبت امتثال لأن لغتها الإنجليزية بدون لكنة أجنبية: لا نحن صديقتان
    ولكن صديقتان حميمتان كالاخوات تماما:
    س: وقال الضابط الكندي بسخافة وصرة وجه: ارجعي انتي للصف ودعيها وحدها
    أمامي كي تجاوب على اسئلتي واذا كانت لا تعرف اللغة الإنجليزية فسوف نأتي لها بمترجم
    ولكن عليها الإنتظار ساعة كاملة حتى يأتي المترجم لمساعدتها.
    ج- إنها تعرف اللغة الإنجليزية كمعرفتها باللغة العربية ..\
    س: إذن عودي لمكانك وانتظري دورك..
    .. ووقفت انا وحدي : ودار هذا الحوار:
    س: ما جنسيتك؟
    ج: أمريكية الجنسية
    س: وأين ولدت؟
    ج : في السودان
    س: ومتى زرتي السودان آخر مرة؟
    ج: العام الماضي( وسألته انا إذا كانت اسئلته لها علاقة بزيارتنا لكندا
    .. وكنت قد تضايقت من اسئلته حول مكان ميلادي ومتى زرت السودان.
    فرد قائلاً: هذا أمر لا يخصك.. فقط جاوبي على الأسئلة وإلا منعتك من الدخول
    وطلبت منك العودة..
    .. فسكت حتى لا افقد صحبتي لإمتثال لزيارة خالتها..
    س: ما سبب زيارتك لكندا؟
    ج: زيارة أهلي؟
    س: ومن هم أهلك وفي أي مدينة يسكنون؟
    ج: في الحقيقة ليس لي أهل في كندا ولكن خالة صحبتي تشكن مدسنة مونتريال
    وانا جئت برفقتها لزيارتها والتعرف بها .
    س: وهل تعرف عنوانها؟
    ج: لا.. ولكن صديقتي تعرف.. ولذلك جئناك سويا أول مرة حتى تجتوب على الأسئلة
    التي لا أتمكن أنا من الإجابة عليها..
    .. وهنا رايت علامات الإستياء على وجههه..
    س: هل اشتريت لها اي هدية مثل الكحول او السجائر؟
    ج: لا.. لانني لا اشرب الكحول ولا اشرب السجاير وكذلك التي سنزورها لا تتعاطي الخمور
    ولا السجائر..
    س: ولماذا؟
    ج: لأن ديننا يمنعنا من ذلك.
    س: وما هو دينك؟
    ج: الإسلام.
    س: حسناً وكم من المال تحملين؟
    ج: ليس كثيرا.. معي 500 دولار..
    س: كم من الوقت ستمكثين في كندا.
    ج: من المفروض نعود يوم الأحد مساءاً
    ولكن ربما نغير الحجز ونفود غدا السبت صباحا..
    وقلت له هذا حتى أشعره بانني تضتيقت من اسئلته السمجة
    ( وحمدت الله في نفسي انني لا اقيم في كندا...
    - وتركني اخيرا بعد أن سألني اسئلة أخرى سمجة ايضاً..

    وعندما جاءت امتثال.. وجدتها ايضا متذمرة ....لأنها كانت تحمل معها
    آلة الساكسفون، وكانت الآلة داخل حقيبة سميكة وتشبة من الخارج بندقية سريعة
    الطلقات... وأخذها ضابط الهجرة إلى تربيزة اخرى وفتح الحقيبة وكذلك فتش
    حقيبتها .. وسألها اسئلة أسخف من الأسئلة التي وجهت لي..
    .. وهذا هو معاملة الأجنبي في كندا حتى ولو كان امريكي الجنسية..
    ...
    اما المفاجأة فقد كانت عند عودتنا يوم الأحد إلى امريكا عند نقطة التفتيش
    الأمريكية ..
    فقد كانت المعاملة جيدة جدا جداً ومعاملة كريمة جدا جدا .. ولم يسألونا
    إلا سؤال واحد فقط وهو : إلى أين تتوجهون؟ فقلنا لهم : إلى نيويورك
    .. وكنا قد ذهبنا الاثنتان/ انا وامثال معا إلى ضابط الهجرة الأمريكي
    ولم يطلب مني او من امتثال ان تعود للصف، كما فعل ضابط الهجرة الكندي
    السمج..وكان ضابط الهجرة الأمريكي مبتسما .. بل بدأ يهظر مع امتثال وهي
    تحمل معها آلة الساكسفون، وقال لها : هل انت ماهرة في عزف الساكسفون؟
    ووقلت له: نعم إنها تعزف جميع الألحان، حتى أغاني مايكل جاكسون ...
    ( وحمدنا الله اننا نقيم في امريكا ونحمل جنسيات أمريكية..)..
    ونعود للإجابة على اسئلة خالد..
    والله يديكم الصحة والعافية
                   |Articles |News |مقالات |بيانات

10-20-2016, 04:41 PM

طارق عبد الله
<aطارق عبد الله
تاريخ التسجيل: 06-30-2016
مجموع المشاركات: 189

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: طارق عبد الله)

    الأخ أحمد محمد موسى فعلا الموضوع مكلف، بس ياهو على قولتك ماف حلاوة من غير نار.

    الاستاذ جمال
    تأشيرة الهجرة الكترونية بالكامل وما بيتختم شي على جوازك الا ختم الدخول لمن تدخل استراليا، لكن انصح بالاحتفاظ بنسخ مطبوعة واون لاين في قوقل درايف او ابل ايكلاود من خطاب منح التأشيرة visa grant letter والفيهو كل تفاصيل تأشيرتك عشان تعرف تصل ليها تحت اي ظروف لأنك بتحتاج ليها في معاملاتك في استراليا.
    بالنسبة إلى مكان الاستقرار في استراليا بيختلف حسب مهنتك ووجود معارف، عموما المهن المرتبطة بالمالية والمراجعة والخدمات بشكل عام مزدهرة في سيدني وملبورن وبريزبان على الترتيب. بالنسبة لي عندي معارف في سيدني بس حبيت ملبورن اكتر وبصراحة لسه ما حددت استقر وين. بالنسبة الى سيدني مدينة جميلة جدا بس غالية وأفضل مناطق السكن باستثناء قلب المدينة CBD الغالي جدا هي شمال وشرق المدينة بينما يتركز العرب ومن ضمنهم السودانيين في غرب المدينة. بينما ملبورن تتميز باللايف استايل الجميل والهدوء وكمان المجتمع المسلم فيها عموما كويس ومتماسك اكتر من سيدني. آما بريزبان فهي أرخص من المدينتين السابقتين وتقع في ولاية كوينزلاند وميزتها الاساسية قربها من أماكن الترفيه المشهورة زي مدينة الجولد كوست المعروفة بكثرة وتنوع الأنشطة وبكونها قلب استراليا السياحي. لكن الشي الكويس ان كل المدن جميلة وتتمتع ببنية تحتية محترمة وأحسن شي في استراليا إنّو البلد آمنة ومافي مظاهر تفلت او حمل سلاح او غيره. بالمناسبة في مواضيع كتيرة جدا عن العيش في استراليا والفروقات بين المدن وانصحك تتابع منتدى expats forum على الرابط

    http://www.expatforum.com/expats/australia-expat-forum-expats-living-Australia/http://www.expatforum.com/expats/australia-expat-forum-expats-living-Australia/

    حتلقى فيهو كم كبير من المواضيع المفيدة.
    أتمنى من بورداب استراليا وأهل العلم ينورونا في هذه النقطة.

    (عدل بواسطة طارق عبد الله on 10-20-2016, 04:44 PM)

                   |Articles |News |مقالات |بيانات

10-20-2016, 05:34 PM

خالد عبدالوهاب

تاريخ التسجيل: 01-18-2013
مجموع المشاركات: 556

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: طارق عبد الله)

    سلامات طارق

    كدى اتكلم لينا عن الجو في استراليا
    بيقولو حر شديد
    وكمان قالو في كميات هائلة من الحشرات والعناكب

    كدى احكي لينا عن النقطة دي
                   |Articles |News |مقالات |بيانات

10-21-2016, 01:25 AM

Basamat Alsheikh

تاريخ التسجيل: 08-15-2015
مجموع المشاركات: 2171

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: خالد عبدالوهاب)

    يا خالد
    السخانة الشديدة بقت في كل مكان في الدنيا..وحتى هاواي صاحبة اجمل جو في العالم بقت سخنه ورؤساء الدول بيحاولو يحلوا مشكلة تغير المناخ واسبابه عشان الخبراء بقولو بعد كم سنة السخانة حتذوب جليد القطبين والعالم حتغرق ودي حتكون نهاية العالم
    يعني بالعربي الفصيح يوم القيامة
    .ودمت بالف خير..

    (عدل بواسطة Basamat Alsheikh on 10-21-2016, 04:23 AM)

                   |Articles |News |مقالات |بيانات

10-21-2016, 04:49 AM

Basamat Alsheikh

تاريخ التسجيل: 08-15-2015
مجموع المشاركات: 2171

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: Basamat Alsheikh)

    لازمن تكون استراليا دي تكون سمحة والحياة فيها مرفهة...
    وكل الناس بتحب تسافر الى استراليا....مع اننا بنقرا في الصحف
    العالمية ان افضل الدول الممكن تعيش فيها حياة سهلة ومرفهة
    هي السويد والنرويج وايسلندا وامريكا وكندا والكويت...
    مع اني شايفة ان في بعض الناس في امريكا شقيانين شقاوة اليابا
    فضيل....ومع ذلك مصرة اقول ان الما شاف نيويورك ما شاف
    اي حاجة في الدنيا دي...
    ....واكيد بعد البوست الروعة سنفكر في زيارة استراليا عشان نتاكد
    ان المعلومات القريناها في المدارس عن استراليا صحيحة...
    ودمتم بالف خير وعافية..
    ....
    وبالنيابة عن اميرة بت السيد اعتذر لكم عن تاخرها لاسباب وظروف
    عائلية وصحية...وستعود اليكم بعد يومين لتسمعوا منها عن زيارتها
    هي وامتثال لكندا...وكيف قابلهما ضباط الهجرة الكنديين ..وكيف
    استقبلهما ضباط الهجرة الامريكان...والفرق بينهما...ولازم تسمعوا
    كمان قصة الساكسفون الشايلاها امتثال مع ضباط الهجرة...
    ودمتم..
                   |Articles |News |مقالات |بيانات

10-21-2016, 01:24 PM

طارق عبد الله
<aطارق عبد الله
تاريخ التسجيل: 06-30-2016
مجموع المشاركات: 189

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: Basamat Alsheikh)

    البلد يا بسمات سمحة فعلا والعيشة فيها حلوة، هي بالمناسبة ما زايدة عن أمريكا في الأمور المادية زي التطور العمراني والتسوق وغيره بالعكس ممكن أمريكا أحسن، بس الفرق الأساسي نمط الحياة وراحة البال peace of mind وتوازن العمل والحياة work and life balance يعني عموما الاستراليين ريلاكس اكتر من الامريكان ومستمتعين بالحياة اكتر لانو الوضع ما ضاغط زي امريكا ولافيهو نفس التوتر (ماشفت حكاية 2 jobs دي في استراليا ولا فيها انواع التأمين الإجباري الماعندها اول ولا اخر زي أمريكا على سبيل المثال) بالإضافة الى ان نظام الرعاية الصحية والاجتماعية الأسترالي أفضل من نظيره الأمريكي وأعتقد ان السبب هو قلة عدد السكان بالمقارنة مع أمريكا (٣٠ مليون مقابل اكتر من ٣٠٠ مليون). الحاجة التانية البتفرق إنّو مابتلاحظ التفاوت الطبقي الكبير زي آمريكا يعني معظم الناس في استراليا يا متوسط يا غني ومافي علامات فقر ظاهرة بينما في امريكا بتلقى كل شي من homeless الى دونالد ترامب (وجه ضاحك).
                   |Articles |News |مقالات |بيانات

10-21-2016, 12:55 PM

طارق عبد الله
<aطارق عبد الله
تاريخ التسجيل: 06-30-2016
مجموع المشاركات: 189

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: خالد عبدالوهاب)

    خالد
    الفصول في استراليا معكوسة يعني ديسمبر عز الصيف ويوليو عز الشتاء، بس وقتي المشيت في شهر مايو الجو كان معتدل عشان كدة ما بقدر احدد حارة شديد ولا لا. بس بيني وبينك مامصدق إنّو في بلد أحر من السعودية الا يمكن الكويت والعراق.

    بالنسبة للحيوانات فعلا بتشوف حاجات مابتلقاها في اي مكان في العالم وبالذات الحشرات والزواحف اضافة الى حيوان الكنغر الشهير والبيعتبر رمز وطني للبلد. لكن التماسيح هناك ضخمة جدا وبالذات البتعيش في المياه المالحة لدرجة تماسيح النيل بتاعتنا جنبها صغيرة، لكن على الأقل عندهم التماسيح الواحدة دي بس ونحنا عندنا زيادة عليها التماسيح البشرية (وجه ضاحك).
                   |Articles |News |مقالات |بيانات

10-21-2016, 01:14 PM

Basamat Alsheikh

تاريخ التسجيل: 08-15-2015
مجموع المشاركات: 2171

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: طارق عبد الله)

    والله يا طارق تماسيح البشر اخطر من تماسبح البحر يالف مرة
    ودمت
                   |Articles |News |مقالات |بيانات

10-22-2016, 07:55 AM

أحمد محمد موسى
<aأحمد محمد موسى
تاريخ التسجيل: 01-16-2013
مجموع المشاركات: 56

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: Basamat Alsheikh)

    سلامات للجميع

    @خالد
    بوست النصري الله يطراه بالخير داك كان Life changing experience كان من العوامل الخلتني امنبه لوزني وفي ظرف شهرين بعدو نقصت 22 كيلوجرام
    صاح في حوالي 8 كيلو هسه رجعت لكن لسة الواحد بشكل عام محافظ.

    يا زول الهجرة دي برضو قطع شك life changing انا قررت اتعامل مع الموضوع كمشروع متكامل وبعمل في بروجيكت بلان حانشرها هنا لمن تكون جاهزة


    @ جمال الدين وطارق

    بالنسبة لشهادات الخبرة والشهادات الجامعية حكاية سيرتفايد كوبي دي كيف طيب اذا هم ما بطلبوا التوثيق في السفارة بتاعتهم؟
                   |Articles |News |مقالات |بيانات

10-22-2016, 08:16 AM

خالد عبدالوهاب

تاريخ التسجيل: 01-18-2013
مجموع المشاركات: 556

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: أحمد محمد موسى)

    سلامات يا بسمات

    امريكا انا حسب تصوري عنها انها بلد غير آمن بالاضافة لانو مرهق والحياة فيها صعبة
    بالنسبة لي ما خيار هجرة ابدا، ممكن اسعى لاني اخد الجواز لكن ماممكن اعيش فيهو

    يا طارق التماسيح والكنقر والحيوانات الكبيرة ابدا ما مشكلة المشكلة في العناكب والحاجات الكيف كيف دي هههههههههه

    احمد موسى انا برضو بوست النصري الهمني وفعلا قدرت انقص 10 كيلو في خلال شهر
    حاليا رجعت العشرة كيلو زي ماكانت وزدت عليها كيل بعير ههههههه

    اسمع انت في ياتو بلد؟ حقو ترسل لي تلفونك وايميلك للتواصل
                   |Articles |News |مقالات |بيانات

10-22-2016, 09:57 AM

أحمد محمد موسى
<aأحمد محمد موسى
تاريخ التسجيل: 01-16-2013
مجموع المشاركات: 56

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: خالد عبدالوهاب)


    انا برضو في الامارات

    ahmed-musa (at) live.com
    التليفون في الخاص

                   |Articles |News |مقالات |بيانات

10-22-2016, 11:28 AM

أحمد محمد موسى
<aأحمد محمد موسى
تاريخ التسجيل: 01-16-2013
مجموع المشاركات: 56

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: أحمد محمد موسى)

    كترة الطلة البتمسخ خلق الله
    أنا تاني جيت LOL

    الصورة دي محاولة سريعة لتخطيط مشروع الهجرة



    سؤال :شهادة التفاصيل نظامها شنو؟ لازم تتوثق ولا لا؟

    (عدل بواسطة أحمد محمد موسى on 10-22-2016, 11:37 AM)
    (عدل بواسطة أحمد محمد موسى on 10-22-2016, 11:38 AM)

                   |Articles |News |مقالات |بيانات

10-22-2016, 11:12 AM

طارق عبد الله
<aطارق عبد الله
تاريخ التسجيل: 06-30-2016
مجموع المشاركات: 189

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: طارق عبد الله)

    Quote: @ جمال الدين وطارق

    بالنسبة لشهادات الخبرة والشهادات الجامعية حكاية سيرتفايد كوبي دي كيف طيب اذا هم ما بطلبوا التوثيق في السفارة بتاعتهم؟


    أخونا أحمد موسى نحيي الاجتهاد وربنا يوفق.

    بالنسبة لحكاية السيرتيفايد كوبي لازم تفرق بين حالتين: تقييم المؤهلات والعندو جهات مهنية معينة والتقديم على التأشيرة المسؤولة عنو دائرة الهجرة يعني زي ماذكر اخونا جمال احتمال جهة تقييم المهنة ماتطلب سيرتيفايد كوبي بس عند التقديم على التأشيرة لازم ترفق صور الشهادات وخطابات إثبات الخبرة بالاضافة إلى نتيجة تقييم المهنة الحصلت عليهو، وغالبا في الحالة دي الصور لازم تكون سيرتيفايد عشان كدة لازم تشوف طلبات دائرة الهجرة كمان بخصوص الورق.
                   |Articles |News |مقالات |بيانات

10-22-2016, 01:11 PM

احمد عمر محمد

تاريخ التسجيل: 01-10-2013
مجموع المشاركات: 444

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: طارق عبد الله)

    الاخوة والاخوات المتداخليين
    تحية طيبة
    اظنه هذا البوست من اجمل البوستات والاكثر فائدة في الفترة الاخيرة حيث اصبح الموقع
    يعج بالهباب كما يقولون الأن الحال في الخليح تبدل ونحن مقبلين على تغييرات كبيرة واصبح
    الحال يغني عن السؤال و المخارجة الآمنة اصبحت مطلب قبل ما تجي الطردة ،بالنسبة للدخول
    لامريكا لعمل الدكتوراة وتحويل التأشيرة الى هجرة هذه فكرة ملهمة وجديرة بالدراسة
    وانا مثل اخونا Ahmed Elsadiq نفس التخصص المطلوب فياريت نجد دعم معلوماتي وافي
    في هذا الأتجاه فيما يتعلق بالدرسات العليا من الاختين بسمات واميرة السيد واللتان لم يتوانى ابداً
    ولم يألو جهداً في دعمهما وعكس تجاربهم والتي ربما تكون ملهمة للبعض ويحذوا الراغبين
    حذوهما في المخارجة او مواصلة الدراسة وفي إنتظار النصائح والدعم المعلوماتي الفني فيما
    يتعلق بالجامعات الامريكية.
    تقبلوا تحياتي وسلامي
                   |Articles |News |مقالات |بيانات

10-22-2016, 01:49 PM

Basamat Alsheikh

تاريخ التسجيل: 08-15-2015
مجموع المشاركات: 2171

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: احمد عمر محمد)

    احمد عمر
    ..شكرا على الثقة والدعم...
    واميرة بت السيد عندها معلومات وافرة عن هذه المسالة..
    .وحتجيكم بعد يوم يومين وتوريكم التفاصيل الدقيقة المملة..
    وبالمناسبة هل انت شقيق ود الشغيل ود عطبرة؟
    ..وما تقول انا عنصرية..لكن اذا انت اخو ود الشغيل ود عطبرة
    انا بدفع ليك القسط الاول وبسجلك حتى في جامعة هارفارد كان داير..
    (وجه باسم) وناس عطبرة ناس عزيزين على وهم اهلي واقرباء دمي..
    ..ولكن حتى اذا لم تكن من ام المدائن فسوف نواليك بكل المعلومات ونسهل
    ليك رحلتك الى عاصمة عواصم العالم نيويورك...ونقابلك في مطار جون كنيدي
    ...بس خلي عندك صبر لغاية ما تجيك اميرة بت مصطفى..
    ودمت بالف خير وصحة وعافية


                   |Articles |News |مقالات |بيانات

10-22-2016, 02:38 PM

خالد حاكم
<aخالد حاكم
تاريخ التسجيل: 08-25-2007
مجموع المشاركات: 3258

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: Basamat Alsheikh)

    ( اذا انت اخو ود الشغيل ود عطبرة
    انا بدفع ليك القسط الاول وبسجلك حتى في جامعة هارفارد كان داير..
    (وجه باسم) وناس عطبرة ناس عزيزين على وهم اهلي واقرباء دمي..
    ..ولكن حتى اذا لم تكن من ام المدائن فسوف نواليك بكل المعلومات ونسهل
    ليك رحلتك الى عاصمة عواصم العالم نيويورك...ونقابلك في مطار جون كنيدي )

    سلام يا ابتسام

    انا اخوه من امه
    رايك شنو بستاهل العرض ده ؟ ههههههههههههه
                   |Articles |News |مقالات |بيانات

10-22-2016, 03:04 PM

احمد عمر محمد

تاريخ التسجيل: 01-10-2013
مجموع المشاركات: 444

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: خالد حاكم)

    مرحباً مجدداً

    الأخت بسمات الشيخ

    قربت طبعاً انتحل شخصية واستمتع بالعرض المغري لناس عطبرة ( وجه ضاحك)
    بس اتراجعت لانه اتذكرت السيد بكري ابوبكر يهد المعبد على رأسي بابراز المستندات
    وممكن كنت افشل في اختبار الاثبات اذا كنت خضعت لاسئلة عن عطبرة برغم زيارراتي لها 3 مرات
    ربنا يبارك لك في سعيك و دي دعوة لو في واحد من ال الشغيل يرغب باللحاق بامريكا يلحق العرض الخرافي ده
    على فكرة يوجد عضو بأسم / احمد محمد عمر و آخر يحمل اسم / احمد عمر
    اما انا احمد عمر محمد ليس من عطبرة الحديد ولناس عطبرة مكانة كبيرة في نفوسنا
    زاملنا بعضهم في الجامعة ومن خلال الحياة العملية
    انا من بورتسودان وقريبين لعطبرة جغرافياً ممكن القرب ده بيديني 50% من العرض المطروح

    عموماً نحن في إنتظار الاخت اميرة و ربنا يجيبها سالمة وغانمةويديها ويديك الصحة والعافية


    الاخ طارق

    كنت تواصلع معك في الخاص لاني لم استطع فهم طريقة التقييم، لكن في النهاية الحمدلله
    اهتديت للجدول الذي من خلاله يستطيع الواحد تقييمه موقفه وحسب المطابقة حصلت تقريباً
    65 برغم اني كنت اضع الحد الادنى من الدرجات لي واعتقد إذا امتحنت الايلتس الفترة القادمة
    ربما ارتفع معدل التقييم الى 80 واعتقد الواحد محتاج وقت للتفكير والإقبال على هذه المحاولة
    فربما كانت مناسبة وواحدة من الحلول في سبيل البحث عن مخارجة من صيف الخليج القادم

    تقبل تحياتي انت وضيوفك الاكارم
                   |Articles |News |مقالات |بيانات

10-22-2016, 05:24 PM

Ahmed Elsadig
<aAhmed Elsadig
تاريخ التسجيل: 03-10-2013
مجموع المشاركات: 498

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: احمد عمر محمد)

    يا أحمد عمر بختك عرضك مغري يقابلوك في مطار جون كندي عشان ما راسك يتقطع (وجه باسم )
    بسمات دي اصيلة ، أصلاً الناس الاكلو (زونية) السودنة متفردين من يومهم
    بالمناسبة يا بسمات بتتذكري الزونية ؟
                   |Articles |News |مقالات |بيانات

10-22-2016, 05:58 PM

احمد عمر محمد

تاريخ التسجيل: 01-10-2013
مجموع المشاركات: 444

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: Ahmed Elsadig)

    يا استاذ احمد العرض مغري ومشجع للتحرك بس مشروط للاسف
    والاخت بسمات كتر خيرها انسانة خدومها وهميمة ويبدو ذلك
    من حراكها الملموس بالمنبر ربنا يديها قدر نيتها وزيادة

    ارسلت لك رسالة في الخاص الرجاء مراجعتها

    تحياتي للجميع
                   |Articles |News |مقالات |بيانات

10-22-2016, 06:40 PM

Ahmed Elsadig
<aAhmed Elsadig
تاريخ التسجيل: 03-10-2013
مجموع المشاركات: 498

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: احمد عمر محمد)


    والله فعلا أخوي أحمد عمر بوست طارق ( وبرعاية كريمة من بسمات واميرة ) افيد بوست حاليا
    وزي ما قلته الخروج الآمن من الخليج هو شعار المرحلة القادمة
    وربك يسهل

    راجع الخاص
                   |Articles |News |مقالات |بيانات

10-24-2016, 06:50 AM

احمد عمر محمد

تاريخ التسجيل: 01-10-2013
مجموع المشاركات: 444

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: Ahmed Elsadig)

    .
    .
    .
                   |Articles |News |مقالات |بيانات

10-25-2016, 05:17 AM

أحمد محمد موسى
<aأحمد محمد موسى
تاريخ التسجيل: 01-16-2013
مجموع المشاركات: 56

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: احمد عمر محمد)

    وين يا سادة؟

    لاحظت في جولاتي على تجمعات المهاجرين والراغبين في الهجرة على الانترنت رأي عام:

    معظم الناس بتتحمس في البداية وتبدأ تتمنى لكن ما بتاخد خطوات ايجابية في سبيل تحقيق الرغبة دي. في رأيي المتواضع الملاحظة دي تنطبق على حاجات كتيرة مش الهجرة وبس

    الواحد عشان ينجح في أي شي لازم يجتهد ويتعب و للأسف مرات يسمع كلمتين ما يعجبوه.

    سؤال :

    بالنسبة للأسماء بتاعتنا الرباعية دي كيف الواحد يتعامل معاها لمن يملأ الفورمات؟

    مثلا في الEOI:

    بقول ليك دخل Given name و Family name

    أنا اسمي أحمد محمد موسى محمد احمد. عندي شهادات خبرة وشهادات مهنية طالعة باسم Ahmed Musa من غير اسم الوالد او الاسم الرابع

    هل الغي الاسم الرابع واعتبر الاسم الثالث هو اسم الاسرة ولا اخلي اسم الاسرة Mohamed Musa Mohamed Ahmed ؟ علما بانو الجوازات والشهادات الاكاديمية طالعة بالاسم الرباعي الكامل

    @خالد عبد الوهاب التليفون في الخاص
    @ جمال الدين عملت شنو في امتحان الانجليزي؟
    @ احمد محمد عمر وين الخطوات العملية انت شكل زول "نجيض" ومن عندنا في الآي تي

                   |Articles |News |مقالات |بيانات

10-25-2016, 12:52 PM

طارق عبد الله
<aطارق عبد الله
تاريخ التسجيل: 06-30-2016
مجموع المشاركات: 189

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: طارق عبد الله)

    Quote: مثلا في الEOI:

    بقول ليك دخل Given name و Family name

    أنا اسمي أحمد محمد موسى محمد احمد. عندي شهادات خبرة وشهادات مهنية طالعة باسم Ahmed Musa من غير اسم الوالد او الاسم الرابع

    هل الغي الاسم الرابع واعتبر الاسم الثالث هو اسم الاسرة ولا اخلي اسم الاسرة Mohamed Musa Mohamed Ahmed ؟ علما بانو الجوازات والشهادات الاكاديمية طالعة بالاسم الرباعي الكامل


    شوف ياحبيبنا زبط أمورك على الجواز لأنو الأساس، يعني Given name اسمك الأول و Family name الاسم الرابع ودي البركزوا عليها والاسم الاوسط (الثاني والثالث) مامهمة كتير وطبعا كلامي عن التقديم للفيزا، برضو في EOI في خيارالأسماء الأخرى Other names يعني لو اسمك مكتوب باسبلنق مختلف في مستند مهم غير الجواز ممكن تكتبه كزيادة خير بس اطمن مابيأثر على فرصك. كمان لو لقيت تعدل الاسم في شهاداتك المهنية وشهادات الخبرة حسب الجواز بيكون أحسن.
                   |Articles |News |مقالات |بيانات

10-25-2016, 01:46 PM

أحمد محمد عمر

تاريخ التسجيل: 03-03-2010
مجموع المشاركات: 2056

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: طارق عبد الله)

    Quote: @ احمد محمد عمر وين الخطوات العملية انت شكل زول "نجيض" ومن عندنا في الآي تي
    هدي الخطوة العملية الشغال فيها futurelearn.com/courses/understanding-ielts
                   |Articles |News |مقالات |بيانات

10-25-2016, 02:23 PM

Basamat Alsheikh

تاريخ التسجيل: 08-15-2015
مجموع المشاركات: 2171

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: أحمد محمد عمر)

    عزيزي الفاضل/ احمد محمد موسى محمد احمد
    وزيادة على كلام طارق بالنسبة للإسم الأول واسم العائلة
    فإن سلطات الهجرة في امريكا وكندا ودول اوروبا ، واظن ايضا استراليا
    ونيوزيلندا لا تهتم كثيرا باالإسم الذي تختاره كإسم العائلة وهو يقبلون الإسم الذي تختاره
    انت من الإسم الرباعي المكتوب في جواز السفر... فمثلا في حالتك فإن اسمك الأول
    حتما لازم يكون أحمد .. ولكن الإسم الأخير ممكن تختار الإسم الرابع كما قال لك طارق
    وهو محمد... ولكن لكي لا يتلخبط اسمك الأول مع الإسم الأخير محمد ، فمن الأفضل
    اختيار اسم موسى كاسم العائلة والإسم الوسط محمد لأنه في العادة وفي الأرانيك ما بيطلبوا
    منك تكتب الإسم الوسط ولكن فقط الحرف الأول من الإسم :
    First name: Ahmad
    Middle Initial: M.
    Last name: Musa
    ودمت بألف خير وصحة وعافية
                   |Articles |News |مقالات |بيانات

10-25-2016, 07:45 PM

احمد عمر محمد

تاريخ التسجيل: 01-10-2013
مجموع المشاركات: 444

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: Basamat Alsheikh)

    عوداً حميدة والحمدلله على السلامة بنت السيد
    رحلة ممتعة وزيارة موفقة
    وهانا نحن في انتظارك للادلاء لنا والافاضة بخصوص الفرص المتاحة في الجامعة
    فيما يتعلق بالجامعات والرسوم والطرق الممكن في الحصول على فرصة خاصة
    لمرحلة الدكتوراة وقد بشرتنا الاخت بسمات بكل خير
    تحياتي لك وللاخوة المتداخلين
                   |Articles |News |مقالات |بيانات

10-26-2016, 05:09 PM

Hatim Alhwary
<aHatim Alhwary
تاريخ التسجيل: 01-23-2013
مجموع المشاركات: 1766

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: احمد عمر محمد)

    الاخ طارق صاحب البوست
    مبروك
    تستحق اوسكار في الصبر الجميل
                   |Articles |News |مقالات |بيانات

10-26-2016, 06:39 PM

طارق عبد الله
<aطارق عبد الله
تاريخ التسجيل: 06-30-2016
مجموع المشاركات: 189

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: طارق عبد الله)

    حبابك أخي حاتم وشرفنا مرورك الجميل

    عودا حميدا يابت السيد وكفارة على الحصل في كندا، غريبة الكنديين ديل ناس راقين والحركات دي مابتشبهم، الظاهر زولك ده عامل مشكلة في بيتو وداير يتفشى فيكم :) بركة الوصلتو بلدكم سالمين ومنتظرين تفاصيل تقديم الجامعات في أمريكا، ما معروف ممكن نقلب هناك، ولا رأيك شنو 😅.

    ودمتم بود،،،،
                   |Articles |News |مقالات |بيانات

10-26-2016, 07:30 PM

خالد عبدالوهاب

تاريخ التسجيل: 01-18-2013
مجموع المشاركات: 556

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: طارق عبد الله)

    احمد موسى سلامات

    ماجاتني رسالة في الخاص، لكن رسلت ليك رقم تلفووني في الايميل
                   |Articles |News |مقالات |بيانات

10-27-2016, 04:21 PM

اميرة السيد

تاريخ التسجيل: 07-09-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: خالد عبدالوهاب)

    عزيزي خالد حاكم
    اسهل حاجة او اسهل دراسة في امريكا هي الماجستير والدكتوراة..
    وخطوات التسجيل للماجستير والدكتوراة هي نفس خطوات التسجيل
    للبكالريوس...ولكن الرسوم الدراسية للماجستير والدكتوراة بتختلف من جامعة لأخرى
    وعلى حسب عدد الكورسات التي ستدرسها وعدد الساعات.. فهناك جامعة بتديك الماجستير
    في سنة واحدة فقط ,, وجامعة أخرى في سنة ونصف واقصى مدة في سنتين.. ولذا فإن
    الرسوم تختلف من جامعة لأخرى...ولكن يبدو ان اقل رسوم للماجستير هي 5 ألف دولار
    وأعلاها 27 ألف دولار للطلاب الدوليين( يعني الزيكم).. ولكن الشئ الجيد انه هناك
    جامعات بتديك الماجستير online وبرسوم مخفضة شديد....ودائما الجامعات التجارية
    بتقبلك سريع وبتطلع ليك جواب السفارة سريع بعد ما تدفع القسط الأول ، وهي ما كتيرة ..

    وحتى اذا كانت كثيرة فإنت بالذات ما عندك مشكلة ما دام انت أخو ود الشغيل ،ود عطبرة ، من أمه..
    لأن بسمات برجوازية وعندها محنة خاصة لناس أنبرا.. وممكن تدفع ليك رسوم السنة كلها
    ومدير الجامعة يجبك لغاية السودان ويسوقك معاهو في طيارة واحدة...( وجه ضاحك)..

    أما تحويل تأشيرة الدراسة إلى تأشيرة هجرة ، فهذا يتوقف على شطارتك وفهلوتك وحظك..
    فأولا لازم تقدم قبل مرور سنة من وصولك إلى أمريكا ... واسهل وسيلة للحصول على كرت العمل بسرعة
    هو أن تقدم لجوء سياسي ، لأنك وبعد الحصول على الموافقة من محكمة الهجرة سوف تتحصل على كرت العمل في اقل من شهر
    وهذا الكرت يتيح لك العمل دوام كامل... وبعد الحصول على الكرت الأخضر( الإقامة الدائمة) فإن رسوم الدراسة بعد كده ساهلة
    شديد....( وبعدين ما تتعقد من التقديم للجوء السياسي لان هناك اعضاء في المؤتمر الوطني وكيزان عديل بيقدموا للحصول على الإقامة
    عن هذا الطريق) .. وحتدفع للمحامي مبلغ 3 ألف دولار ... وما تشيل هم لأنك وبمجرد وصولك هنا حتشتغل في اليوم التالي
    مباشرة، وبدون أي كرت عمل وحتلم رسوم المحامي في فنرة قليلة جدا .. وحتدفع للمحامي بالأقساط المريحة...وقصتك
    خليها علينا.. وإذا إنت من دارفور فالقاضي ما حيسألك ولا سؤال واحد.. وإذا انت من قريتنا في الشمالية ( أرض النوبة) فالقاضي
    ايضاً ما حيسألك سؤال واحد. وبعد ربع ساعة حتستلم الموافقة وتعمل عزومة لأصحابك وتحتفل بالخطوة الأولى للإقامة الدائمة في امريكا)
    (.. وطبعا الاسباب معروفة)..
    .. وبعدين زي ما قلت انت الجواز الأمريكي مهم لتسهيل السفر إلى كل دول العالم ، ودول كثيرة بتدخلها بدون تأشيرة..
    ولكن الجواز الأمريكي فيه سوالب ايضا ، وهو أن السلطات الأمريكية ممكن تجري وراك إلى اقصى الدنيا عشان تدفعك الضرائب
    وإذا عندك حساب في البنك وفيه اكثر من 10 ألف دولار .. لازم تزري ناس الضرائب ( وبسموهم هنا IRS ) انت جبت القروش
    دي من وين واذا دفعت عليها ضرائب أم لا... وإلا اعتبروك متهرب من دفع الضرائب.. وإذا حصل حاكموك وأدانوك .. فحتقعد
    سنين طويلة وراء القضبان وكأنك قتلت زول..
    والله يديك الصحة والعافية
                   |Articles |News |مقالات |بيانات

10-28-2016, 03:41 PM

وليد عكاشة

تاريخ التسجيل: 06-10-2011
مجموع المشاركات: 219

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: اميرة السيد)

    يا ناس الهجرة معليش نطلعكم بره الموضوع شوية .. بوست النصري البتتكلمو عنو دا واحد يدلنا عليهو بالله و كتر خيركم
                   |Articles |News |مقالات |بيانات

10-29-2016, 09:13 PM

اميرة السيد

تاريخ التسجيل: 07-09-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: وليد عكاشة)

    اما حكاية امريكا ما امنة دي...فالامر هنا مسالة نسبية..
    لان اي مدينة في العالم فيها الاحياء التي تكثر فيها الجريمة
    وفيها الاحياء الامنة...ونيويورك التي كنا نسمع من قبل انها
    موبوءة بالعصابات والسرقات والقتل اصبحت الان امنة
    وكانها الحجاز في عهد عمر بن عبد العزيز حيث كانت المراة
    تسير من الشام وحتى مكة دون ان تخشى شيئا ولا يتهجم
    عليها احد...(هذا ما قراناه في التاريخ).
    .وانت عارف بسمات ساكنة في حي امن جدا وبنسمع ان نصة
    الناس الماشين في الشارع من ناس المباحث...
    كمان بنقرا في صحف الخرطوم ان الخرطوم نفسها اصبحت
    غير امنة وان الحرامية بينطوا ليك جوه البيت...وكمان مش حرامية
    عاديين ولكن من رجال القانون ومسلحين ومتنكرين في شكل حرامية
    ..بس انت اتوكل واصل امريكا ..فالحياة اصبحت امنة هنا...ولكن فقط
    حتسيب الكسل ومافي شغل لغاية الساعة اتنين ظهرا وترجع البيت ..وحتى
    اذا كنت طالب وبتدرس في الجامعة فممكن عادي جدا تصل في يوم
    الجامعة الساعة ٨ صباحا وترجع البيت الساعة ١٠ مساءا...
    والله يديك الصحة والعافية..
                   |Articles |News |مقالات |بيانات

10-29-2016, 09:14 PM

احمد عمر محمد

تاريخ التسجيل: 01-10-2013
مجموع المشاركات: 444

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: وليد عكاشة)

    شكراً اميرة على هذه المعلومة الوفيرة وهذا التشجيع القوي
    لم يتبقى لمن يرغب الا ان يفكر كيف ينفذ خارطة الطريقة
    علاما يبدو ان الامر ممكن و يحتاج لوقت لاجل تنفيذه
    وسيكون تغيير رائع خاصة لمن يفكرون في اكمال دراساتهم العليا
    انا واحداً منهم و افكر بجدية في هذا الموضوع وسنعتمد عليك في توفير
    المعلومات وانتِ اهلاً لذلك وسوف لن تقصري في هذا الشأن معنا
    اعانك الله و يسر امرك انتِ والاخت بسمات على مجهوداتكم الرائعة
    تحياتي لكما ولكل الاخوة الراغبين في الانضمام لهذا المشروع والجاهزون للمغامرة

    احمد عمر


                   |Articles |News |مقالات |بيانات

10-30-2016, 05:53 AM

Ahmed Elsadig
<aAhmed Elsadig
تاريخ التسجيل: 03-10-2013
مجموع المشاركات: 498

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: احمد عمر محمد)

    مشكورة الاخت أميرة على المعلومات الوافية
    ويبدو ان الطريق الى أرض الاحلام عن طريق الدراسه أسهل لمن رغب

                   |Articles |News |مقالات |بيانات

10-30-2016, 07:15 AM

أحمد محمد موسى
<aأحمد محمد موسى
تاريخ التسجيل: 01-16-2013
مجموع المشاركات: 56

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: Ahmed Elsadig)

    طارق وبسمات شكرا على التوضيح بخصوص الاسم وما نعدمكم

    @ بسمات أحييك وصديقاتك على المجهود المبذول لتوضيح بعض فرص الهجرة لامريكا

    @ وليد عكاشة:

    بوست النصري دا لا يوصف انا متأكد اني قريتو على الاقل 3 مرات رغم عدد الصفحات

    بوست النصري
                   |Articles |News |مقالات |بيانات

10-30-2016, 04:44 PM

أحمد محمد عمر

تاريخ التسجيل: 03-03-2010
مجموع المشاركات: 2056

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: أحمد محمد موسى)

    Quote: يا ناس الهجرة معليش نطلعكم بره الموضوع شوية .. بوست النصري البتتكلمو عنو دا واحد يدلنا عليهو بالله و كتر خيركم
    نقصان 20 كيلو في 16 اسبوع كويسة معاك ؟
    وصفت ليك الدرب في الخاص
                   |Articles |News |مقالات |بيانات

11-05-2016, 06:02 PM

خالد حاكم
<aخالد حاكم
تاريخ التسجيل: 08-25-2007
مجموع المشاركات: 3258

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: أحمد محمد عمر)

    الأخت اميرة بت السيد
    خالص التحايا
    أولا ناسف على التاخير لانو البوست ده كنت فاقده واليوم لميت فيه
    ثانيا حمدا لله على سلامة عودتكم انت والصديقة امتثال من الشقيقة كندا ( طبعا مفردة الشقيقة دى ما مستخدمها عند الخواجات هم بيقولوا أصدقائنا وحلفائنا )
    ثالثا شكرا ليك كثير على الإجابة على اسئلتنا والاستفاضة فيها ..
    يا ريت رقم تلفونك في الخاص لو ما عندك مانع وشكرا ليك مقدما

                   |Articles |News |مقالات |بيانات

11-05-2016, 06:49 PM

خالد حاكم
<aخالد حاكم
تاريخ التسجيل: 08-25-2007
مجموع المشاركات: 3258

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: خالد حاكم)

    الأخ طارق عبدالله
    تحياتى
    يا ريت تقدر ترسل لى رقم تلفونك في السعودية في الرقم ده 0543534043 سوى في الواتساب او في رسالة لانو في نقاط محتاجة ندى وناخد فيها شفاهة
    وشكرا ليك مقدما
                   |Articles |News |مقالات |بيانات

11-06-2016, 11:50 PM

خالد حاكم
<aخالد حاكم
تاريخ التسجيل: 08-25-2007
مجموع المشاركات: 3258

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: خالد حاكم)

    الاخت اميرة
    الاخ طارق
    لكما التحايا
    انا فى انتظار ارقام تلفوناتكم واسف على الازعاج والاستعجال
    حاولت ارسل ليكم رسائل فى الماسنجر لكن اتضح عندى مشكلة فى الماسنجر مطلوب حلها من الاخ بكرى
                   |Articles |News |مقالات |بيانات

11-13-2016, 11:13 PM

خالد حاكم
<aخالد حاكم
تاريخ التسجيل: 08-25-2007
مجموع المشاركات: 3258

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: خالد حاكم)

    يا اهلنا البوست ده مالو مات ؟
    وين طارق صاحب البوست ؟
    وين اميرة ؟

                   |Articles |News |مقالات |بيانات

11-14-2016, 00:01 AM

اميرة السيد

تاريخ التسجيل: 07-09-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: خالد حاكم)

    يا خالد
    انت وين...
    انت ما سمعت الاخبار ولا شنو...
    ما سمعت دونالد ترامب اصبح رئيس الولايات المتحدة الامريكية
    وانه حالف ما يخلي مسلم يدخل امريكا وعاوز يطرد جميع المسلمين
    والمكسيكان من امريكا...وهسع بنسمع ان جمع غفير من المسلمين بزاحموا
    في الحدود الكندية ليهاجروا لكندا...
    وامشي اقرا البوستات المكتوبة عن ترامب...وهي كثيرة جدا
    وما تنسى تفتح قناة السي ان ان تعرف اخر الاخبار..
    والله يديك الصحة والعافية


                   |Articles |News |مقالات |بيانات

11-14-2016, 03:55 PM

طارق عبد الله
<aطارق عبد الله
تاريخ التسجيل: 06-30-2016
مجموع المشاركات: 189

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: طارق عبد الله)

    https://youtu.be/Wt1Lz8qRTUAhttps://youtu.be/Wt1Lz8qRTUA

    السلام عليكم، مرفق فيديو شيق بعنوان الهجرة هل هي الحل؟ مشاهدة ممتعة
                   |Articles |News |مقالات |بيانات

11-14-2016, 04:38 PM

اميرة السيد

تاريخ التسجيل: 07-09-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: طارق عبد الله)


    وده كمان يا طارق فيديو لابوبكر ادريس ، وهو متخصص في مواضيع الهجرة في العالم ومسائل الدراسات الجامعية في دول المهجر
    وبالمناسبة عنده دكتوراة ،، وله قناة ثابتة في اليويتوب وبها كثير من المعلومات عن الجامعات الأمريكية والجامعات الكندية... وطرق الهجرة
    ووسائلها المختلفة,,
    وهو في هذا الفيديو بيتكلم عن الفرق بين الهجرة إلى كندا والهجرة إلى امريكا...
    وحتعرف من الفيديو من هو الشعب الأكثر تقبلا للأجانب والأقل ترحيبا بالأجانب... هل هو الشعب الأمريكي ام الشعب الكندي؟؟
    والله يديكم الصحة والعافية

                   |Articles |News |مقالات |بيانات

11-15-2016, 00:19 AM

خالد حاكم
<aخالد حاكم
تاريخ التسجيل: 08-25-2007
مجموع المشاركات: 3258

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: اميرة السيد)

    الاخت اميرة
    تحياتى
    متابع والله .. بس عايز اعرف بعض المعلومات وبعدها ننتظر ونشوف ماذا سيحدث للطلاب الاجانب فى عهد ترامب وماهى الشروط الجديدة التى ستاتى بها ادارته

    سؤالى ليك عايز اعرف تكلفة دراسة ( MBA (Master of business Administration ومدتها والاقساط السنوية ؟

    وشكرا ليك مقدما
                   |Articles |News |مقالات |بيانات

11-15-2016, 05:24 AM

طارق عبد الله
<aطارق عبد الله
تاريخ التسجيل: 06-30-2016
مجموع المشاركات: 189

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: طارق عبد الله)

    شكرا يا أميرة على الفيديو....... الراجل بيشكر في كندا ساكت الظاهر عشان عايش هناك ههههههههههه.

    عليك الله ورينا كيف تنزل الفيديو مباشرة في الرد بدون الحاجة للروابط.

    والله يديك العافية،،،،،
                   |Articles |News |مقالات |بيانات

11-15-2016, 11:03 AM

اميرة السيد

تاريخ التسجيل: 07-09-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: طارق عبد الله)

    فعلا هو عايش هناك..
    وعايش في اجمل منطقة خلابة في العالم كما نقرا وهي
    ولاية بريتيش كولومبيا...ويقال والعهدة على الراوي ان هذه
    الولاية الكندية فيها ما لا اذن سمعت ولا عين رات ولا خطر على
    قلب بشر...
    وعشان كده اظنه بيشكر في كندا
    والله يديك الصحة والعافية


                   |Articles |News |مقالات |بيانات

11-15-2016, 12:06 PM

أحمد محمد عمر

تاريخ التسجيل: 03-03-2010
مجموع المشاركات: 2056

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: اميرة السيد)

    Quote: عليك الله ورينا كيف تنزل الفيديو مباشرة في الرد بدون الحاجة للروابط.

    افتح الفيديو .. خت الماوس جواهو واضغط الكليك الأيمن
    اختار نسخ شفرة التضمين أو copy embedded code وتعال لصقو هنا
                   |Articles |News |مقالات |بيانات

11-15-2016, 02:23 PM

اميرة السيد

تاريخ التسجيل: 07-09-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: أحمد محمد عمر)

    شكرا احمد
    .... نعم اتبع نفس هذه الخطوة وستجد المسألة جدا..
    والله يديك الصحة والعافية
                   |Articles |News |مقالات |بيانات

11-15-2016, 06:51 PM

طارق عبد الله
<aطارق عبد الله
تاريخ التسجيل: 06-30-2016
مجموع المشاركات: 189

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: طارق عبد الله)

                   |Articles |News |مقالات |بيانات

11-15-2016, 06:52 PM

طارق عبد الله
<aطارق عبد الله
تاريخ التسجيل: 06-30-2016
مجموع المشاركات: 189

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: طارق عبد الله)

    منكم نستفيد يا سادة، شكرًا جزيلا.
                   |Articles |News |مقالات |بيانات

11-22-2016, 07:02 AM

احمد عمر محمد

تاريخ التسجيل: 01-10-2013
مجموع المشاركات: 444

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: طارق عبد الله)

    تحياتي يا أستاذ طارق
    ارجوا ان تكون طيب وبصحة جيدة
    الرجاء مراجعة الخاص
    احمد عمر
                   |Articles |News |مقالات |بيانات

04-20-2017, 03:12 PM

طارق عبد الله
<aطارق عبد الله
تاريخ التسجيل: 06-30-2016
مجموع المشاركات: 189

للتواصل معنا

FaceBook
تويتر Twitter
YouTube


Re: تجربتي في الحصول على الإقامة الدائمة الأس (Re: طارق عبد الله)

    تغييرات هامة في قانون الهجرة الأسترالي لعام ٢٠١٧

    http://www.sbs.com.au/yourlanguage/hindi/en/article/2017/04/18/dibp-announces-major-changes-skilled-occupation-list

    ملخص التغييرات:
    ١- الغاء تأشيرة العمل 457
    ٢- تخفيض عدد الوظائف المؤهلة للتنافس على تأشيرة العمالة الماهرة من 651 الى 435
    ٣- حصر بعض المهن وخاصة الزراعية والفلاحة على المقاطعات المحلية فقط وليس على المستوى الفيدرالي.

    الجماعة ماشين على خطى ترامب في التضييق على المهاجرين.
                   |Articles |News |مقالات |بيانات

[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de