|
Re: دعوة للتفاؤل: قصة (وائل) من الألف الى الياء (Re: محمد البشرى الخضر)
|
التحية معاك لوائل وربنا يعلي مقامو كمان وكمان لكن .... عليك الله كمل جميلك وأشرح لينا نتفاءل كيف أو نعمل شنو ازاء هذا الإزاء ؟؟ يعني نعمل نفسنا كفيفين ونمشي عشان ما يدخلونا الجامعة وما نيأس ونقاتل لغاية ما نكمل دراساتنا واللا نتكفف جد جد ونشق طريقنا في إباء وشمم حتي نحصل على رخصة المحاماة في لندن واللا نضرب بوري واللا نعمل شنو بالضبط عشان نكون شنو ؟
| |
|
|
|
|
|
|
Re: دعوة للتفاؤل: قصة (وائل) من الألف الى الياء (Re: طلحة عبدالله)
|
محمد ازيك
كم واحد زي وائل دا ف السودان واتظلمو يا ربي
عشان اهلهم ما بيعرفو يلاوو في حقهم
وبعدين معقولة جامعة الخرطوم فيها اساتذة بيشوفو
ذو الاحتياجات الخاصة عالة عليهم
--واللا نضرب بوري واللا نعمل شنو بالضبط عشان نكون شنو ؟---
هههه عليك دينك تاني ماتغيب يا طلحة ياخي
خليتني اضحك زي ود عووضة لمن باع التنكر
واخبار الزول الجنبك شنو ياخي ليهو وحشة والله
| |
|
|
|
|
|
|
Re: دعوة للتفاؤل: قصة (وائل) من الألف الى الياء (Re: عمر أبوعاقلة)
|
شكرا اخي محمد البشرى على فتح نافذة الضوء هذه .. الاستاذ وائل نموذج حي للكفاءات الوطنية التي تساهم السلطات في دفنها وقص اجنحة ابداعها ولولا العزيمة والاصرار لهذا ا الرجل لظل كبقية المعاقين يسأل الناس الحافا . ولكن طموح الرجل كان فوق مستوى احباطات السياسة والرسميات التقيت الرجل قبل اربعة اعوام في ورشة كان هو رائدها ومفكرها فوجدت فيه مثال للنابغة المطلع المجتهد وتمنيت أن يكون على راس الأمور كلها من له عقل وقلب مثل الاستاذ وائل، وغيره من طراطير السياسة ينفذون في صمت. أعتقد أن للرجل أيضا اسهامات سياسية ومواقف وطنية وأفكار اقتصادية لم يتطرق لها المقال.
| |
|
|
|
|
|
|
|