دولة الإمارات تهاجم تجربة الحكم في السودان على مناهجها الدراسية

Quote: تحياتي يا بكور وكل عام وأنت بخير وتهاني العيد للجميع بهذا البوست يا بكور فيك خير كتير وبذرة الكوز الصالح تتجلى في كتاباتك يا أخي نتمنى للسودان كل الخير وللسودانيين الأمن والاستقرار والرفاهية

طبعا النقة حقتنا ديل كلها غرضها ان يصلح حال السودان و يعيش اهلنا فى خير و بركة. و الله نحنا هسة قاعدين في بلدان مستويات المعيشة فيها الاعلي فى العالم. لكننا مع ذلك ما مرتاحين و كل ما نشوف شئ سمح نقول اريتو فى بلدنا. لكن الامور لا تقضي بالتمني وحده. في عوارض قوية تمنع تطوير السودان. رغم وفرة الموارد لكن مافي ادارة لها، بل تخريب. حتي الزول كان داير يبادر و يعمل شغل خاص تجي الحكومة تلاحقه و تقالعوا فى القليلة العنده. ياخي عاملين ضرائب على ست الشاي. في الكلاكلة ناس المحلية اصدروا قرار انو ست الشاي ما تجيب كراسي من عندها للزبائن. بل تجي تأجر كراسي من المحلية، الكرسي اجرة في اليوم 1 جنيه. ما عارف اي شيطان ياتي بمثل هذه التقليعات. حتي ست الشاي؟ غايتو الكيزان امرهم عجيب، حتى النخوة حقت السودانيين دي كملت عندهم. بس تفكيرهم فى الجبايات.

عندي ود عمي عنده قصة ظريفة مع ناس النفايات. كان عامل ليهو محل خدمات: طباعة و تصوير و حاجة زي دي. بعد شوية دخل ليهو خط انترنت و جاب كمبيوترات زيادة عشان يبيع خدمة دخول النت. بتاع النفايات جاهو لقي الاجهزة الاضافية طوالي زاد ليهو فاتورة النفايات للضعف. اها الشاب اتخلع و سال الموظف: ليه الفاتورة دي زادت كده. قال ليهو انت زدت الكمبيوترات فى المحل. قال ليهو اها و الكمبيوترات مالهن؟ ببعرن؟