|
كتب الكاتب الفاتح جبرا المتوفرة بمعرض الدوحة
|
|
 Re: ديوان بله - ودواوين الحلة - بقلم بركات بله (Re: إسحاق بله الأمين)
|
يا سلالالالام الحبيب ود اللمين
والله مشتاقون بس أخدتنا منكم القروبات الخشنة و الناعمة
وردتني في احد القروبات سالفة بتحكي عن وصية أب لإبنه قبل السفر من الخرطوم لمدني :
الاب : إحذر السبع المهلكات يا بني.
الابن : و ما السبع المهلكات يا أبي ؟
الاب :-
1 - لفة ام مغد
2- رقشات الكاملين
3- حمير اب عشر
4- مجانين اربجي
5- شفع العيكورة
6 - سكارى فداسي المقبلين عولهم مع العصرية
مع الاعتذار لكم و لمولانا الطاهر الدرديري
عميق ودي
| |
  
|
|
|
|
|
|
|
|
Re: ديوان بله - ودواوين الحلة - بقلم بركات بله (Re: الطيب شيقوق)
|
سلام بالاحضان السودانية .. وتحية معطرة ..
للاحبة الكلوس في ديوانهم العامر ..
والله ياود بلة يشهد الله دايرة افتح بوست اسأل عنك لكن لقيت
جيت تجيك العافية انت وود شيقوق .. وياود شيقوق عندي جية
للخليج ودايرة اختف كراعي اجي علي مسقط لي بت اختي اها
ما تحرمني من لقياك يا واحسن من اسه تكلم ام عبد الله هههههه
عشان ما تقع الجرسة ههههههههه .
يعلم الله مشتهياكم زي العافية يا الحبان اولاد امي .
| |
|
|
|
|
|
|
|
|
|
Re: ديوان بله - ودواوين الحلة - بقلم بركات بله (Re: مني عمسيب)
|
والله ياود بلة يشهد الله دايرة افتح بوست اسأل عنك لكن لقيت
جيت تجيك العافية انت وود شيقوق .. وياود شيقوق عندي جية
للخليج ودايرة اختف كراعي اجي علي مسقط لي بت اختي اها
ما تحرمني من لقياك يا واحسن من اسه تكلم ام عبد الله هههههه
عشان ما تقع الجرسة ههههههههه .
حباااااااااااااااب السمحة بت عمسيب يعلم الله كنت متلهمك في بوستيك لكن جاني واحد برااااااااااااي نساني
مسقط ترحب بيك و تنور بيك يا بت خالي عمسيب
لا لا ما تخافي ام عبد الله الهدية و رضية بقول ليها دي محامية جاية من لندن
| |
|
|
|
|
|
|
|
|
|
Re: ديوان بله - ودواوين الحلة - بقلم بركات بله (Re: الطيب شيقوق)
|
Quote:
لا لا ما تخافي ام عبد الله الهدية و رضية بقول ليها دي محامية جاية من لندن |
طيب دخلني في الصورة محامية جات تدافع عن شنو
ولاعن منو ؟
عشان ما يحصل التباس وتقع العوة ههههه ولا اقول ليك
بكلمها بالحقيقة وبعد داك الله كريم علي وحلالها فوق .
لما اتحرك بديك خبر وانت وام عبد الله تجوني عند بت
اختي .. ومشكور علي الترحاب يا المامشحود عليهو والله
يخليكم لي قادر يا كريم ,,,
ود اسحاق مشي وين خلي الديوان فاتح ؟
| |
|
|
|
|
|
|
|
|
|
Re: ديوان بله - ودواوين الحلة - بقلم بركات بله (Re: عزالدين عباس الفحل)
|
ود الفحل
الف تحية
هوووووووووى انت في عمان ولا شنو
نحن بت عمسيب كان ما عزيناها عز اهلنا العرب للضيف ما بنفكها ليك
انت عارف يا عز الدين اخوي بقوم بكلم كل الاخوان و الاخوات عشان اي واحدة تجيب كفتيرتها متروسة شاي حليب مع اللقيمات و اي واحدة تمد ليها كباية تحلف عليها تشربها
| |
|
|
|
|
|
|
|
|
|
Re: ديوان بله - ودواوين الحلة - بقلم بركات بله (Re: الطيب شيقوق)
|
تقصد قال دهب قال موش ؟
والله لو عرفني ما بتذكر لبست دهب متين وعمري
ما فكرت اشتري لي دهب ومكجنة الدهب في الخلوقو
الله أكان اعتذر لي وفيها قبلت اعتذارو وفيها لا ههههه.
وبعدين برجو من ود الفحل يسحب كلمة الملكة دي لاني
برضو ما بحبها . ويتعامل معاي بت نفيسة السودانية من
ابناء العمال بت الاحياء الشعبية المتواضعة ..
ويبقي مشكور علي الدعوة ..
| |
|
|
|
|
|
|
|
|
|
Re: ديوان بله - ودواوين الحلة - بقلم بركات بله (Re: إسحاق بله الأمين)
|
مولانا ود شيقوق وصحبه الكرام واختنا بت عمسيب والأخوان الحبان وحبيبنا ود الفحل فرنسي اللسان.
أسعدني مروركم وفرحني كمان. عساكم بخير وفي صحة وأمان.
الديوان مفروش والحوش مرشوش والباب فاتح مشرع للقاصي والداني. لسيد اللبن وبياع قش النال وناس الخضار والببيعوا النبق والالوب " بالتشة " ولاي زول ماشي بالشارع أو عابر سبيل. ونسيت يا مولانا بياعين العنكوليب ويا هو ده موسمه والخريف ناجح هذه السنة و " الموليته " وخدرة الخلاء والتمليكة والويكة السارا "سون البدع ".
أ
| |
|
|
|
|
|
|
|
|
|
Re: ديوان بله - ودواوين الحلة - بقلم بركات بله (Re: إسحاق بله الأمين)
|
Quote: الديوان مفروش والحوش مرشوش والباب فاتح مشرع للقاصي والداني.
لسيد اللبن وبياع قش النال وناس الخضار والببيعوا النبق والالوب " بالتشة " ولاي
زول ماشي بالشارع أو عابر سبيل. ونسيت يا مولانا بياعين العنكوليب ويا هو ده موسمه
والخريف ناجح هذه السنة و " الموليته " وخدرة الخلاء والتمليكة والويكة السارا "سون البدع ".
|
اريتو ديوان الهناء خلاس النمشي اسقي حواشتي واجيكم
صادة .. مو دايرة زهوري وورودي تموت وماتنسوا الموسم
لسه مو انتهي ..
| |
|
|
|
|
|
|
|
|
|
Re: ديوان بله - ودواوين الحلة - بقلم بركات بله (Re: إسحاق بله الأمين)
|
مولانا ود شيقوق
جمعة مباركة
فيما يخص حديثك عن ( اتق السبع المهلكات ومن ضمنهن سكارى فداسي).
لما قام الرئيس جعفر نميري بمنع الخمر في السودان خاف الناس وخاصة "ناس الشربة" وستات الأنادي بطلن صنع المريسة . إضطر عمال الكماين وهم ليس من أهل فداسي إلى الذهاب في مجموعات إلى مدينة واد مدني القريبة منا للبحث عن المريسة في خمارات المدينة السرية وعندما تغرب الشمس "يجوا عايدين" مبسوطين يخيطون الشارع. وكان هذا المشهد يتكرر يوميا. ومن هنا جاءت تسمية سكارى فداسي. ومن طرائف الفريق القومي وهو الإسم الذي كان يطلق على هؤلاء القوم، ذات يوم وهم عائدون من المدينة يترنحون، فإذا بسيارة مسرعة تصدم حمارا فترديه صريعا وكان الحمار يخص صديقا لهم. فتجمعوا حول السيارة وأخذوا يتصايحون وينادي بعضهم بعضا:
" يا ابو طويلة ، يا جابدين، يا ود ام بشارة، يا الجقر ألخ ..". وكان صاحب السيارة قاضي درجة أولى. وأخذ افراد الفريق القومي يشتمون القاضي وطالبوه بدفع قيمة الحمار وكان القاضي ينظر إليهم ولا يتكلم. وبينما هم على هذا الحال ، فإذا برجل شرطة في زيه الرسمي يأتي من القرية في طريقه للمدينة. فأخرج القاضي بطاقته وأمر الشرطي بالقبض على هؤلاء القوم. فلما علموا بأنه قاضي أصابهم الخوف و "الجرسة" واعتذروا له إلا أن القاضي كان مصرا على فتح بلاغ ضدهم لأنهم سكارى أولا ولسبه وشتمه تانيا. فسأل القاضي الشرطي :
انت من أهل هذه القرية؟
فأجاب الشرطي بنعم. فقال القاضي : ياخي اسماؤكم غريبة جدا حلتكم دي ما فيها واحد اسمه أحمد ولا محمد؟ ضحك الشرطي وقال: الأسماء السمعتها من الجماعة ديل أسماء " قفر" وألقاب وهؤلاء ليس فيهم واحد من أهل القرية وهم عمال يعملون في الكماين والحواشات. ضحك القاضي وامر بالإفراج عنهم ووبخهم وحذرهم ومن "ديك وعيك".
| |
|
|
|
|
|
|
|
|
|
Re: ديوان بله - ودواوين الحلة - بقلم بركات بله (Re: إسحاق بله الأمين)
|
السمحي خلقة و طبع بت عمسيب
طيب دخلني في الصورة محامية جات تدافع عن شنو
ولاعن منو ؟
عشان ما يحصل التباس وتقع العوة ههههه ولا اقول ليك
بكلمها بالحقيقة وبعد داك الله كريم علي وحلالها فوق .
لما اتحرك بديك خبر وانت وام عبد الله تجوني عند بت
اختي .. ومشكور علي الترحاب يا المامشحود عليهو والله
يخليكم لي قادر يا كريم ,,,
ام عبد الله دي هدية ورضية بكلمها عديل بقول ليها دي بت خالتك حاجة نفيسة شغالة في هولندة بلد الزهور و السرور و صديقة اسفيرية قديمة جات لعولها هنا في مسقط -دحين جهزي حالك نتلهما مكان ما تبقى
| |
|
|
|
|
|
|
|
|
|
Re: ديوان بله - ودواوين الحلة - بقلم بركات بله (Re: الطيب شيقوق)
|
خالي ود اللمين اب نضما طاعم ( اب نضما دي خطأ لغوي شائع ) دحين مشيها اصلكم يا عولي ناس فداسي الحديث المو عدل ( بكسر العين) بحمر عيونكم
مرة ، في النادي السوداني ، و بحضور مولانا الطاهر الدرديري ، تطاول احد المدعين و صعد خشبة مسرح النادي و بدأ يتكلم قائلا ( المحترمين اعضاء و عضويات نادي الجالية السودانية بمسقط أحييكم جميعا و يسعدني إبلاغ الحاضرون ...... )
يا زول مولانا الطاهر كان جالس جنبي كنت بعاين فيهو شفت ليك وشو اتغير طب و عيونو حمرت و طوالي لملم عدتو و انسحب برااااااااحة
الأسماء السمعتها من الجماعة ديل أسماء " قفر"
عليك الله اشرح لناس بت عمسيب و وضاحة (قفر) دي ما يظننها عنكوليب
| |
|
|
|
|
|
|
|
|
|
Re: ديوان بله - ودواوين الحلة - بقلم بركات بله (Re: عزالدين عباس الفحل)
|
الإخوة الأفاضل:
مولانا ود شيقوق
الأستاذ عزالدين
الأستاذ الحبر
الأستاذة بت عمسيب
شكرا على زيارتكم للديوان ومنتظرين تكتبوا لنا عن دواوين قراكم. كلمة "قفر" دي بعرفوها ناس ود شيقوق وأخوانه ناس ود أب سن والفاضلابي وود البوش .
صدقت يا مولانا أهلنا ما شاء الله ناس لغة ولدينا أساتذة فطاحلة في اللغة العربية ولا يتكلمون إلا بها أمثال الشيخ محمد مصطفى رملي الذي عمل أستاذا بمعهد أم درمان العلمي والشيخ البشير مالك والشيخ البدري الصافي والشيخ أبو الحسن الفضل رحمهم الله . يحكى أن أحدهم إلتقى ذات مرة بالبروف عبد الله الطيب رحمهما الله فسأله : أمن بؤبؤة المجاذيب أنت ؟ فأجاب البروف تواضعا بلا بل من عامتهم.
وذات مرة ذهب للطبيب وكان أصبعه يؤلمه فسأله الطبيب "مصبعك" ماله يا شيخنا؟
فغضب الشيخ وقال للطبيب له بالعربية خمسة أسماء يعني الأصبع وانصرف.
| |
|
|
|
|
|
|
|
|
|
Re: ديوان بله - ودواوين الحلة - بقلم بركات بله (Re: إسحاق بله الأمين)
|
سلام يغشاكم يا ناس الديوان .. بدون فرز .
وياود شيقوق .. زي ما بقول المثل الحديث :
( الما بسمع كلام مرتو الضحك شرطو ) .
Quote: ام عبد الله دي هدية ورضية بكلمها عديل بقول ليها دي بت خالتك حاجة نفيسة
شغالة في هولندة بلد الزهور و السرور و صديقة اسفيرية قديمة جات لعولها هنا في مسقط -
دحين جهزي حالك نتلهما مكان ما تبقى |
اها شفت لو مشيت علي الاقتباس دا الحبة ما بتجيك .
الونسة راقدة بس الله يديني الزمن اولاد امي ..
بجيكم صادة ,,,
| |
|
|
|
|
|
|
| |
إسحاق بله الأمين
الطيب شيقوق
مني عمسيب
عزالدين عباس الفحل
الشامي الحبر عبدالوهاب
عبدالله ود البوش
فيس بوك
تويتر
انستقرام
يوتيوب
بنتيريست