|
Re: حديث عرمان في المؤتمر الصحفي اليوم بعد فش� (Re: محمد البشرى الخضر)
|
بعد شوية يطلع المتحدث بي اسم وفد الحكومة ويقول كلام تاني ويتهم الحركة المفاوضات الزي دي ما مفروض الناس البتتفاوض تخرج لتصرح بعد كل جلسة نقاش الصحيح أن يتولى أمر التصريحات راعي المفاوضات المدعو امبيكي ثم مافي داعي أصلا للتصريحات ولا للخروج للإعلام لأن ذلك يعرض العملية التفاوضية للضغوط الشعبية يجب أن يبقى ما يدور في غرف النقاش سرياً حتى يخرج ضوء أبيض أو أسود زي ما بحصل في مفاوضات الإسرائيليين والفلسطينيين وهي أقل وعورة من مشكلتنا لكن تقول شنو، حاجاتنا كلها مشاترة
| |
|
|
|
|
|
|
Re: حديث عرمان في المؤتمر الصحفي اليوم بعد فش� (Re: معاوية الزبير)
|
مشاترة الهينة دي يا ود الزبير!! شوف المفارقة, سبب استمرار الحرب و سيصحبها من قتل للمدنيين و خوف و نزوح هو الخلاف على كيفية اغاثتهم!! يخيل لو كان لهؤلاء صوت في المفاوضات لرفضوا الاغاثة باي شكل او مسار كان ولقالوا لهم حلوا عن سمانا الاثنين كفانا ان نحيا
| |
|
|
|
|
|
|
Re: حديث عرمان في المؤتمر الصحفي اليوم بعد فش� (Re: محمد البشرى الخضر)
|
الرفيق مبارك لكم التحية والتقدير ... ولجميع الاخوة المرور ..
ردآ علي الصديق ود البشري ..
Quote: مشاترة الهينة دي يا ود الزبير!! شوف المفارقة, سبب استمرار الحرب و سيصحبها من قتل للمدنيين و خوف و نزوح هو الخلاف على كيفية اغاثتهم!! |
ياود البشري لقليل من التوضيح في هذه النقطة المهمة جدآ وتعتبر من اوائل الشروط والنقاط :
مطالبة الاغاثة ليست بالشئ الساهل لانها متدخلة فيها اطراف خارجية مثلآ مفوضية الاغاثة والصليب الاحمر . والاغاثة ما اغاثة لي متضررين سيول وامطار ولازلزال . دي اغاثة حرب وصراعات لو مافي ضمان للوصول يبقي مافي فائدة من الاساس . النقطة المهمة التانية : الحركة طلبت الاغاثة تجي من الخارج لانه السودان ما مصنع لكتير من المواد الغذائية والدواء بالتحديد فعشان كدا طلبت الاغاثة من الخارج وعبر قنوات مضمونة عشان ما تجي الحكومة وتصرف فيها زي ما باعت كتير من المواد الغذائية الجاية للعاصمة ناهيك عن مناطق مهمشة زي غرب السودان وغيره ! الحكومة اصرت علي الاغاثة تجي من الداخل بالرغم من عارفة انها عاجزة تمامآ عن تقديم اي شئ لمناطق العمليات الشئ الدايراهو الوحيد فقط تصور للعالم انها قادرة وتجيب بالكذب صور كاذبة عشان تقنع العالم باكدا وتكون اصطادت كمية من العصافير بي حجر ومن ضمنها حتي البرسلوا من الخارج تشيلوا تسد بيهو حوجة المدن من اغاثة وكشف ورصد لتحركات الحركات المسلحة . عشان كدا هي مصره علي رأيها ! لو حكومة بهمها شعبها الشئ الطبيعي توافق باي او السبل تصل الاغاثة لكن لانها عارفة الاغاثة من مراكز ثقل الحل للمشكلة ولو وافقت بيهو حا يتبعوا التي هي تخشاه من بقية للشروط .. والشئ المعروف علي الحكومة بتشك في الصليب الاحمر وبتقول بمد الحركات بالاسلحة وفي النهائية المفوضية نفسها رفضت لانها بتشوف العمل الاغاثي عندو شروطه من حياد وعدالة التوزيع للمواطنين والمحاربين معآ ..
ولي عودة لما تبقي من حديث حواري .
ولكم جميعآ الشكر ,,,,
| |
|
|
|
|
|
|
Re: حديث عرمان في المؤتمر الصحفي اليوم بعد فش� (Re: مني عمسيب)
|
تحياتي بت عمسيب أنا كان يحدوني أمل كبير أن تفضي هذه المفاوضات لحلول جادة إن لم يكن في إيقاف الحرب نهائيّا على الأقل في مسألة تيسير وصول المساعدات الإنسانية و حسب ييان الحركة اعلاه قدّمت تنازلات كبيرة ووصلت حتى مرحلة القبول بمسار واحد خارجي وترك 80 % للمسارات الداخلية يعني قبلانين بتصرف الحكومة في 80 بالمائة من الإغاثة حسب الشكوك فيها مقابل العشرين في المية تصل للمستفيدين و الحكومة ترى ان اصرار الحركة على المسار الخارجي ولو واحد فقط لتستفيد منه في الامداد لقواتها وبين هذه الشكوك المتبادلة يضيع المتضرّرين الحقيقيين في كهوفهم ومعاناتهم المستمرة لو كانت هناك ارادة حقيقية من الطرفين و احساس بمعاناة المتضرّرين ورغبة جادة في مساعدتهم لما وقفت كيفية هذه المساعدة عقبة في الاتفاق
| |
|
|
|
|
|
|
Re: حديث عرمان في المؤتمر الصحفي اليوم بعد فش� (Re: محمد البشرى الخضر)
|
ود البشري يا صديق ... صباح الخيرات ,,,,
ردآ علي :
Quote: وبين هذه الشكوك المتبادلة يضيع المتضرّرين الحقيقيين في كهوفهم ومعاناتهم المستمرة لو كانت هناك ارادة حقيقية من الطرفين و احساس بمعاناة المتضرّرين ورغبة جادة في مساعدتهم لما وقفت كيفية هذه المساعدة عقبة في الاتفاق |
الشكوك فقط من قبل الحكومة والا كانت الازمة حلت من قبل هذه المفاوضات . لانه ما الحركة فقط الرفضت شرط الحكومة المفوضية نفسها البتقوم بالدور الاساسي بتوزيع الاغاثة رفضت لانها بتعمل .. بشفافية ونزاهة لتوزيع الاغاثة لجميع المحتاجين بدون فرز لكن الحكومة ما دايرة كدا لشئ في نفسها ! ودا كلووووو بغض النظر عن السودان ما عنده امكانية توفير الاغاثة ولو عندو خلي يوفرها للمناطق الامانة العلي وشك الانفجار من الغلاء والغل .
ولك الشكر ,,,,,
| |
|
|
|
|
|
|
|