|
|
 Re: ولادك قصادك شعاع التحايا يضوّوا الشوقو ا� (Re: باسط المكي)
|
رجعلك قليبى المهضلم يراجع صنوف الغناوى العصيةيراجع معاك الكلام القبيل استبان الكلام المبهرج وخاوى الكلام المزيف ولا فيه غير احتلام وانفصام تموت الحروف يوم تقوم القصائد مقام الطبول والبخور والم############ وما تشتهيك
بشوفك جرايد شواكر حوامد ولا هامى فيك عليها المصائب تمام التمام مغايس بتفرم حشاها وغباين بتنفخ بطون البسفو التراب وحايح لهيب البتلفح تلهلب وتشوي الجلود
أتف القصائد إذا ما القصائد دايره ليك البُكا البصاحب .. رضا .. السردار واتف القصائد اذا ما القصائد بتنزل مريده وتسبح بحمد الذى ابتلاك وهدانى الودار طريتك وأنا الكنت قايل خيالك معشعش جواى سكنتك وما لاقى فجة اخيرلك اقول البحرق حشاى اخيرلك افضفض جراب الخبايا أٌ قول الكلام البفكفك سوارك يوقف جدارك ويرفع عضايا تضيع الرموز التغتى الكلام
أقول السكاكر أبتنى ورمتنى وكفانا ...اقول العساكر تبارى الكبارى وتفتش قلوب الجهال الشلوخهم هويةواغنى الزيود والكنانةكضب..اقول البنات البفتحن سدورن يقالدن رشاشك ويخلن حبيبن كضب..مراحك يعشى ويفشى خضارك مرطب يندى الضهارى ترابك مفرهد يقوم دخن لو زرعتو الحجارة بلادك ولادك كروها السحالى تسفر سعيتك تقنب تبارى الجداد العقالى تجوع يا البشدر خريفك سوافى البطانةويمطر رزازك عزازا حصايا وقموحك سنابل مشاط كردفاني ابيت الكلام المغتغت وفاضى وخمج ولادك قصادك شعاع التحايا يضوّوا الشقوق التلم الدوابي يوروا الدروب للقلوبهم عمايا عرقهم حبالك وصوتهم مشانق تلم الدقون الكبيرة وتحدر فقر سمنتها الليالى الضليمة بتهدر حرائق وتحمى البياكلوا المطايب وتسجن بطون الجياع العرايا وشوشهم سمر حر اباطك صفوفهم مرامك وحلمك حلمهم رغيفة وكرامه وسلامه مصانع بتحرق قبل تبدا فيهامزارع بتيبس ونيلك ممدد جنازةوعقيدك وسيدك بيكتب ويمحى وتبق المحايا..
تحياتي باسط
تحية القدال
|
|
 
|
|
|
|
عبدالحفيظ ابوسن
فيس بوك
تويتر
انستقرام
يوتيوب
بنتيريست