عمنا حامد فاضل الجبوري من اقليم كردفان..استخدم هاتفه االذكي بطريقة ذكية ليوصل رايه عبر المشورة الشعبية الجديدة "الواتس اب" لي السودانيين كافة ذى ما قال ولي ناس الانقاذ في المركز..ونحن هنا كمان استخدمنا موقع سودانيز اون لاين لتوصيل رؤية من كردفان لكل السودانيين في المهاجر...لحدي ما تتوفر اذاعة موجهة محترمة تضع كل السودانيين حول رؤية ديمقراطية موحدة قبل مجيء التتار ...اذاعة وليس فضائية مريضة تزيد السودانيين مرضا كفضائية المقرن ..
07-25-2017, 03:33 AM
adil amin adil amin
تاريخ التسجيل: 08-01-2002
مجموع المشاركات: 37012
حيا الله اهلنا في اقليم كردفان واها.. يا عمنا صالح الجبوري ...كلامك ده زين طب ...(الانتخاباات هي الحل والمخرج الامن الوحيد)..بقينا اربعة ..انا وانت ودكتور منصور خالد والمرحوم د جون قرنق .. والله ذى تحليلك السياسي ده في البي بي سي ما في
07-25-2017, 03:36 AM
adil amin adil amin
تاريخ التسجيل: 08-01-2002
مجموع المشاركات: 37012
شوف كيف لمن اتملص الترابي من الانقاذ وهو مسؤل من اقبح فتراتها 1989- 1999..طوالي ناس قريعتي راحت ابو عيسى وعقاب الشيوعيين والقوميين العرب لمو معاهم..في نداء جوبا وثم قوى الاجماع الوطني ليجهض انتخابات نيفاشا 2010 ونسو مخازي الترابي من 1964 لحدي ما مات في دار حزب المؤتمر الشعبي ومش في عرفات .. الحملة ضد علي عثمان يقوم بها كعوك الحركة الاسلامية المحسوبين على السودان والسودانيين عشان يغتسو حجر البشير ويفتحو البلد على الفوضى الخلاقة ويشردو تركيا وانا شخصيا عارف الساقط الذى يقف خلف هذه الحملة لانه لا يمثل الا نفسه..ويحسد علي عثمان محمد طه وعايزين الشيوعيين الكعوك بتاعين المركز ديل يلصقو كل مخازي الانقاذ في البشير وعلي عثمان ونافع علي نافع وامين حسن عمر ومصطفى عثمان اسماعيل ولا حظ معاي لو تحرر حزب المؤتمر الوطني من اصر الاخوان المسلمين والحركة الاسلامية حتى ولو بواسطة بكري حسن صالح ورجع حزب المؤتمر الوطني حزب سوداني عادي ..بكون المخرج عبر هذا النفاج"الرجوع لي نيفاشا ودستور 2005 وتنفيذ كافة الاتفاقيات بمن وقعوها ".. علي عثمان =نيفاشا مصطفى عثمان= جبهة الشرق نافع علي نافع = المنطقتين امين حسن= سلام دارفور ويرجع السودان دولة ديمقراطية فدرالية مكونة من ستة اقاليم بس وانتخابات حرة نزيهة تولي من يصلح وتصحح الابتزال الذي واكب انتخابات 2010ولمن يجو التتار بعد ثلاثة شهور ما يلقو الكيزان وديل سودانيين في حزب المؤتمر الوطني ممكن يرجعو ختمية وانصار ..لكن كعوك المركز ديل لو ما بق وشيوعيين و كيزان حيكونو شنو مثلا؟؟.راجع الوجوه الشائهة في الحركة الاسلامية والناس حول البشير ديل هل هم سودانيين بالأصالة ؟؟ هم ما سودانيين لا وعيا ولا سلوكا لابي الطبع ولا بي التطبع ما في سوداني حر "نسناس" او خسيس " وبشهادة كل العالم والعرب أيضا .. وفتشهم كويس حتعرفهم مجرد نبات سلعلع واقليات منبتة واخرى وافدة عايزة تضيع كل السودان والفرصة في يد بكري حسن صالح الان لاعادة السودان للسودانيين عبر مسار نيفاشا وحزب المؤتمر الوطني فقط ومؤسسات الحزب عبر اتفاقية نيفاشا ودستور 2005 فقط....وقبل المهلة تنتهي ذى ما قال عمنا حامد الجبوري.. واكيد عمنا الجبوري من الذين سجلو في انتخابات 2010 المخذولة مع ال18 مليون سوداني ..وانا منهم وضيعوها =النخبة السودانية وادمان الفشل" وكل من لا يراهن على الشعب والانتخابات هو منبت ويعرف ان صناديق الاقتراع لا تاتي به وهذه هي ازمته هو وليس ازمة السودان الذى عرف الديمقراطية والانتخابات من 1954 ويبدا الحل ياصلاح المحكمة الدستورية العليا بعدين يا عمنا الجبوي ..عصرت على السيدين شديد والله هم لو صحو معانا شوية وجددو احزابهم دي ..ممكن يلحقو السوق وديل وراهم جماهير تسد عين الشمس لحدي هسة ...الانصار والختمية في السودان يشكلون 80% من المجتمعي السوداني لحدي انتخابات 1986 من غير جعجعة جوفاء وقعقعة شديدة وكلامك فيه صاح لمن نحن نحترم كمان خيارات الناس في الاقاليم والمركز والقوى الجديدة التي انت تمنيتها موجودة 1- الحركة الشعبية الاصل 2- الحزب الجمهوري =يجب تسجيله من غير مرواغات فارغة من المحكمة الدستورية العليا 3- حزب المؤتمر السوداني 4-.......
..
07-25-2017, 06:13 AM
Kabar Kabar
تاريخ التسجيل: 11-26-2002
مجموع المشاركات: 18537
يعلم الله انتزعت مني ضحكة ماكنة وعريضة..ياخي قربت اتشرق عديل..!!
حتة اثنوغرافية صغنونة..كلام نادر تلقاهو يا عادل..!!
هي حاجات بسيطة ..احتمال تفيدك في معرفة بعض من اهلك في امسودان وثقافتهم وطرائق تعاملهم مع الحاجات حتى لو كانت مآسي عدييل..!!
اخونا الفاضل حامد الجبوري..شاب يا عادل ، وصغير السن ، ومن طريقة كلامو ممكن عادي احدد ليك عمرو كم سنة..!!
اهلك المسيرية بيحبو التصغير شديد..وبيستخدموهو بصورة بليغة للغاية..بالضبط زي منهج النحو (في اللغة العربية) الزمان درسناهو في الشهادة السودانية..ونوع اخونا الفاضل ده بيقولوا عليهو (حرامي) وتصغيرها (حريمي)..!!.وهي تعني مستهبل..!!..وعكس ناس البندر ، هناك عند اهلنا..اللص بيقولوا عليهو (سراق)..اما المستهبل فهو (حرامي)..!!
جدنا محمد ولد الجبوري (الإسم الثالث لأخونا الفاضل) هو الناظر الثاني لأهلك المسيرية الزرق ، الأول كان جدنا زكريا ابوخديجة (من خشم بيتنا) ، والثاني ولد الجبوري (حضر زمن المهدية) والثالث جدنا حماد محمد دفع الله (والد عمنا اللواء فضل الله حماد ، وعم عمنا اللواء فضل الله برمة ناصر ، وكانوا ضباط ثلاثة من فريقنا ، ثالثهم عمي لزم العقيد فضل الله دينج فضل الله شنة ، والد احد اعضاء هذا المنبر ، واصغرهم سنا عمنا فضل الله برمة ناصر..!!)..ولو بتحب الأغنية الشهيرة الإسمها (العجكو) الفرتقو بيها الكيزان ذات حفلة في جامعة الخرطوم زماااااااااااااااااااان..فيها عبارة بتقول:
الصغار هم التلاميذ ، والحكامة كانت بتباهي بالتعليم وبتشجع عليهو..والجــُهال هم الصبيان أي الشباب ..(راكبين طيار ) العبارة دي مقصود بيها واحد من اعمامك العساكير المذكورين فوق ديل..!!!!!!!
اسم (الفاضل) جاي من اسم والد عمنا السياسي المعروف (مبارك الفاضل)..!!
مفردة (فنلة) مفردة مستحدثة ولا توجد في قاموس المسيرية..ولكن بالرغم من ذلك تم التساكن اليها ، وتصغيرها زي الترتيب (كما هو نطق اخونا الفاضل ليها) بصورة تحتار فيها جميع مجامع اللغة العربية ..!!..وصدقني ، الفاضل ده واهلو..خصوصا ناس الخلا..عادي ممكن يقوم بتصغير مفردات مثل (واتساب ، كمبيوتر ، انترنت..الخ)..!!
اهلك المسيرية يا عادل ، عندهم مشكلة كبيرة مع الحاجات الحمراء (متذكر حكاية الحمرة الأباها المهدي؟!!!)..و(الحمرة) عندهم تم تجييرها ثقافيا عشان تحمل مدلولات جديدة ومستحدثة.. مثلا ..عندهم لو واحد جاتو بيهمة رايحة وعمل نايم بيها..بيقولوا عليها (مال الحرام) ، وبصورة ادق (الخيط الإحيمر)..وفي معتقداتهم (الخيط الإحيمر) لو ما مرقت الأمانة ومرقتو من سعيتك..ح تنقطع (تنعدم الثروة) ويركبك الفقر اب فينيلة حميرا..!!
عندنا اهلنا كتار بعثيين وشيوعيين..طبعا البعثين..قبال الواحد ما يعرف نفسو بجيب سيرة المرحوم (صدام حسين) وبغداد بلد الرشيد..عشان كده اهلك بيقولوا (الزول ده كويس وما تتغبوا فيهو المعرفة) ، اما اقربائنا الشيوعين..مافي طريقة تب..عشان كده الواحد ..لمن يجي يعرف نفسو قدام المسيرية .. بيقول ليك (انا احمر)..والجماعة بيتريقوا عليهو وبيقولوا ليهو (احيمر ساكت)..يعني زول أي كلام..!! دي حتة الإسقاط المنطلق منها الفاضل حامد الجبوري..ولأنو البقارة مستهبلين شديد.. فعمنا فكاها والناس تشيل وتنظر..!! (الكلام ده توثيق لحظات ثقافية ، وما عندها علاقة من قريب او بعيد مع نقتنا مع الشيوعيين..!!).. في واحدة من التجليات النادرة ، زميلنا عضو المنبر دكتور محمد حيدر المشرف ، قال عندو عمو اسمو(حامد محمد الفقير)..والبعيد شنو يا عادل ان اسم (حامد ، عم دكتور المشرف) جاي من اسم حامد الجبوري (والد اخونا الفاضل)..شفت السودانيين ديل متشربكين في بعض ككيف يا عادل؟..
طبعا الناس عرفت اخونا الفاضل حامد الجبوري ، بموجب التسجيلات الأخيرة في الواتساب..وعشان نربطهم بالصورة الكبيرة..!!
(كجام) هو لقب..والناس هناك ، بالرغم من انهم مسلمين لكن بيحبوا استخدام الألقاب كثيرا ، وكجام تعني الزول البيقرم الحاجات..وفي ثقافة المسيرية..بيتم الباقي باهزوجة وبيقولوا (كجام مرفعين الضلام)..المرفعين هو الهايينا او الضبع في ثقافة ناس الوسط والشمال ، وهو كائن لا يصطاد الإ في الليل..!!
قبل سنتين او تلاتة سنين تقريبا ، اخونا الفنان طه سليمان عمل فيديو كليب..شغال فيهو على ايقاعات المردوم..وقام واحد كتب في الصحف انو ح يشاكي طه سليمان لأنو خرب التراث ولم يعرضه كما هو..!!
الواحد الشاكي ده ، كان هو اخونا ول ابا الفاضل حامد الجبوري..!!
ويا الفاضل ، لو بتقرا الونسة دي..اهلنا قالوا: مافي تور بيفتر من شيلان قرونو..وانت قرون يا قريبي..!!..زي ما شلت اخونا احمد تاجر..في ناس بتشيلك زي الترتيب ومن غير نقة فترنا وعينا طلعت وشنو كده ما عارف..!!
امامتي ام امي..سليمانية يا قريبي..!! اوعك تقول لي..داير استعين بي صديق عشان يحسبها..!!
كتر خيرك يا صديقنا عادل ، وياريت تعفي لينا في هذا التسيب..!!
اخر حاجة اهديك هذا الفيديو كليب..!!
الحتة التم فيها تصوير هذا الفيديو ..هي البادية التي جاء منها الفاضل حامد الجبوري..ومرات لو تابعت تسجيلاتو..بيقول من (السنوط بغرب كردفان)..ودي ياها ملامح منطقة السنوط..!!.. والفنانة السودانية شادن محمد حسين والفاضل الجبوري ..وغيرهم ناس كتار..جات من نفس المنطقة وبتحاول تعكس حاجات اهلها بطريقة بسيطة (لا تخلو من كوميديا وفكاهة) وفي اعتقادي الناس دي نجحت كتير للغاية..نجاح تجاوز مما يسمى بالمؤسسات الحزبية السودانية ،وقنوات الثقافة الرسمية التي كانت تعكس جانب واحد من الثقافات السودانية..يعني حتى لو داير تعبر عن نفسك لازم تتقولب في القالب الجاهز بتاع ثقافة (هنا امدرمان)..!! ).البحاول صديقنا الخلوق دكتور احمد طراوة يجازفها عشان يقرب المعاني ، وهو يدرك ان صحابه الشيوعيين والشيوعيات من طبقة البرجوازية المتعفنة من حناكيش الحزب الشيوعي السوداني بانهم اخر من يعرف قيمة ثرثرة احمد طراوة..ولا عليك يا صاحب..ناس كتير بتعرف قيمة ما تقول وبتعرف كيف تفهم تجلياتك الباتعة..كتر لينا من حكاوي الشيخ الياقوت..والباقي ان شاء الله نتمو موية..برضك ح نفهم الإشارة يازول...!!
زمان يا عادل ، وذات ونسة في المنبر ده..اتجليت واعلنت التبرع لأمنة مختار وتراجي مصطفى ببقر وتيران..والناس كانت بتستغرب من هذا التخلف العجيب..واليوم نفس الحاجات زادت..لأنو عادي جدا اتبرع باسم الفاضل حامد الجبوري..وح يدفع غصبا عنو..ويرجع يملآ جماهير الواتسات بحكاوية المدهشة..!!..شفت السودان ده متشربك ككيف يا عادل؟..ياخي لغاية كتابة مناغمتى معك دي بدفع عود وديات ناس لا بعرفهم ولا بيعرفوني ذاتو..وكذا الفاضل الجبوري..!!..المهم..على قول صديقنا ول ابا تبارك شيخ الدين (ولو الفاضل عرف تبارك ، على بالحلال يقوم يحاسبو من سنة حفروا البحر ويقول ليهو تعال ادفع عودك في حق الناس الضاعت سمبلا ساكت..وتبارك زي الترتيب ، لمن يحسبوا ليهو النسبة ، يقطع من حق لبن العيال ويدفع زي الترتيب..!!..دي اخلاقنا يا عادل ، دي اخلاقنا واخلاق اهلنا واعرافهم ، ومافي زول ولا زولة بيقدر يبتزانا ويضطهدنا كما يفعل صغار الأوباش من حزب النياصة الحزب الشيوعي السوداني..!!)
من خشم بيت ناس الفاضل حامد الجبوري ،ياعادل ،..كان عمنا النائب في مجلس الشعب بتاع جعفر نميري ..عمنا محمد صالح البقاري ..والد استاذنا الناقد الجميل الربيع محمد صالح البقاري..الذي (اهدانا) ذات تجوال ما في الأصقاع السودانية البعيدة رواية (البحث عن وليد مسعود) للكاتب جبرا ابراهيم جبرا..وراية (عالم بلا خرائط) التي كتبها عبد الرحمن منيف وجبرا ابراهيم جبرا..والغريبة ما حاول تجنيينا لحزبه الذي يؤمن بمعتقداته وايدولوجيته..التحية لمحمد الربيع محمد صالح البقاري والتحية للفاضل حامد الجبوري..!!
كتر خيرك يا عادل امين.. كبر
07-25-2017, 08:37 AM
adil amin adil amin
تاريخ التسجيل: 08-01-2002
مجموع المشاركات: 37012
شكرا يا كبر وكتر الف خيرك وابوي الله يرحمه كان في الدلنج ونحن اطفال صغار جدا وكانت في امراة من جبال النوبة تسميني ادوما. وكانت حاضنة لي .كما ذكرت الوالدة الله يرحماوعندما ولدو شقيقتي الاصغر مني الجبال حملها نساء النوبة ورفعوها للشمس اتون واخذت جرعة مركزة من فتامين دي جعلتها تهزم شلل الاطفال لاحقا وكما عمل ابي الله يرحمه في الغرب عمل في الجنوب عشان كده نحن لا عندنا عقدت الجهات او الالوان من 2001 متبني قصة المهمشين في السودان وكل السودان واعري المركز بما فيه ومن فيه لانه فعلا مشكلة السودان ...المركز ده لازم يرفع يده من الاقاليم عبر الديمقراطية والفدرالية واحلى عدو ذكي لي في البورد بريمة ..الامريكي البقاري بالله الفاضل دي صغير وفيه جنس الوعي العقل ده ؟؟ انعم واكرم وقصة من التراث جميلة والله الراجل ده وضع ليهم خارطة طريق ..بتاعتي ذاتا هنا ونحن نركز ترجع الاقاليم اول حاجة وتشمل كل المكون الثقافي للاقاليم وبالتاكيد الانتخابات الحرة النزيهة بتجيب الفالض ده البرلمان ..الاقليمي او المركزي والفنيلة الحميرا دي فعلا انتهت وطبعا عملية المونتاج شباها بعض القصور لاني لا املك امكانية اذاعية محترفة فقط موبايل ولاب توب واتمنى لو شباب السودان كله يستخدم الهانف الذكي بطريقة ابننا الفاضل المحترمة كنوع من المشورة الشعبية والناس تعمل ليه اغنية المسؤلية وتمنتجا كويس عشان تكون جاذبة فعلا ومرحب بكم في برنامج "المسؤلية " وما اجمل العودة للجذور هذه اغنية مميزة جدا
شكرا على المرور وفي انتظار من ياتي ويقيم رؤية ابننا الفاضل..
07-25-2017, 03:05 PM
adil amin adil amin
تاريخ التسجيل: 08-01-2002
مجموع المشاركات: 37012
يا اخ كبر واشنع ما يمارسة المركز والمنبتين حول البشير من بقايا الحركة الاسلامية والفنيلة الحميرا هوارسال ابناء قبائل كردفان كجنود الى اليمن من اجل حرب الاخوان المسلمين الخاسرة ولاحظ قطر مرقت والنظام الاخواني الشبطاني في السودان قاعد مع مصر والسعودية والامارات..عامل فيها ذكي وهم مستخدمنو مغفل نافع عايزين ولدنا صالح الشجاع ده يوجه نداء لكل ابناء كردفان 1- في البرلمان في المركز =كتلة ابناء كردفان في البرلمان 2- كل قبائل اقليم كردفان 3- ابناء كردفان في الجيش السوداني الاصل= خريجين الكلية الحربية 4- ابناء كردفان في المهاجر 5- منظمات المجتمع المدني السودانية 6- كل الاحزاب الوطينة السودانية الاصلية كما فعل حزب الامة وحزب المؤتمر السوداني ..ارجعو كلكم انصار وختمية يا ناس كردفان..ايه تودو اولادكم يموتو عشان تنظيم الاخوان المسلمين الدولي المصري وحثالتهم المنبتة في المركز ان يطالبو النظام بالخروج من عاصفة الحزم والحرب في اليمن عبر البرلمان والمحكمة الدستورية العليا بان يطرحو=قضية ارسال الجنود السودانيين غير الدستوري قضية عاجلة في البرلمان وضغط النظام الذى لم يعد نظام والزامه بالخروج من حرب اليمن كما فعلت قطر اليمن بلعت 70000 جندي تركي 70000 جندي مصري وحتى اخوان المسلمين في اليمن بعد خروج قطر بداو بخرجو من الجبهات فما جدوى ارسال جنود مساكين يموتو في صحراء ميدي بعد ان يفرمتهم عالم سوء سعودي تكروني في الحدود ضد اليمنيين وخلي اهلنا في كردفان يشاهدو فضائية المسيرة وفضائية اليمن اليوم وفضائية الساحات في كل كردفان عشان يعرفو حقيقة ما يدور في اليمن...وان يتصلو بي البرنامج المفتوحة مع الجماهير واليمنيين اذكياء ويقدرون ذلك" يجب ان نتعامل من الليلة مع قضايا السودان في مستوى الاقاليم "اقليم كردفان" ***** مرفق بطافة جندي سوداني توفى في صحراء ميدي ودفنه اليمنيين الله يرحمه ..
07-26-2017, 03:14 AM
adil amin adil amin
تاريخ التسجيل: 08-01-2002
مجموع المشاركات: 37012
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
adil amin
Kabar
فيس بوك
تويتر
انستقرام
يوتيوب
بنتيريست