Quote: البت التيرابها سمح عيونا انحنا ماخايفين عليها.....انحنا خايفين على الفى الصورة. اما الناس الشررين.....والغير شررين وما بينهما.....ما تخافى منهم....لازم تتعلمى الكر والفر. والبركة فى سودانيذ اون لاين.....الوفرت فرصة العفص والعض....ومسح دمعة المحزون و المشاركات الغير مرغوب فيها......ومشاركة فرحة الاخرين.....دي صفات الانسان الكامل السودانى.....ونشكر سودانيذ اون لاين لاتاحة الفرصة. ...لممارسة سلوكياتنا القبيحة والسمحة.
انتو كمان ود الباوقة لحقكم......مسكينة بت عمكم دى......هسى بكون شابكها هيع كع كرع.....مارضها ساكت......الله يكون فى عونها......انتو ما دايرنها ولا شنو.
ايمن اخوي ربنا يعطيك الصحة والعافية وكتر الله خيرك السماح والجمال هو سماح وجمال الجوهر وأصل الانسان وكل واحد بعبر بي كيبوردو عن جوهرو وسودانيز اتعلمنا منها الكثير واستفدنا من تجاربه ودفعها ومدافعاته وسودانيز فيهو انقياء الجوهر الاتعلمنا منهم معنى الجمال وحتى الورونا قبحهم في سودانيز اتعلمنا منهم واهو اكتسبنا خبره وماشين في السكه نمد بكري ربنا يديهو الصحة و العافية و ان شاء الله يوم شكرو ما يجي وربنا يكفينا الشر والقبح تحياتى يا زوق
07-09-2016, 03:03 PM
وضاحة
وضاحة
تاريخ التسجيل: 01-16-2005
مجموع المشاركات: 9116
يا الله يا معاوية المدير والله غلبنى ارد ليك حسيت بوجعتك فى الغربة والعيد بعيد من الاهل العيد في كندا ماعندو اى طعم ولا معنى غربة كده من نوع عجيب ربنا يعينك بس ويجمعك باهلك وكل عام وانت بصحة وعافية يا حبيب
الاخت وضاحه مستلزمات الخوة.....صعبة بالحيل....تبدا بالسماية وتغير الاسم......والواحد يعمل ليهو عصاية مدببة وسكين فى الضراع لزوم عمل الواجب......دا كلو مقدور عليه. لكن عشان تعاينى على اخوكى......تحتاجى لى شوال ليمون....وتغيرى الاسم لى وضاحه نواى حباب الخوة الصادقة مع المغصة.
07-09-2016, 06:02 PM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11825
Quote: الاخت وضاحه مستلزمات الخوة.....صعبة بالحيل....تبدا بالسماية وتغير الاسم......والواحد يعمل ليهو عصاية مدببة وسكين فى الضراع لزوم عمل الواجب......دا كلو مقدور عليه. لكن عشان تعاينى على اخوكى......تحتاجى لى شوال ليمون....وتغيرى الاسم لى وضاحه نواى حباب الخوة الصادقة مع المغصة.
حباب اخوى نواى سيد الاسم منو القال صعب !!!؟ يا اخوى الناس بتخاو في الله وبكونوا درع وحماية لى بعض ونحن سودانين يجب علاقتنا تكون اخوية مترابطة صادقة خاصة لي بت بلدك خالية من الاحقاد وتشيل عصايتك فوق كتفيك وسكينك فى ضراعك وتهبت بيها اى واحد يقل ادبوا ويتجرآ على اختك بالكذب والشتائم والتلفيق يا اخوى الله هو الخلقنا ومافى حد بتكلم فى خلقت ربنا الكلام الاخلاق والنخوة والرجولة الاصبحت نادرة في الزمن الصعب دا تحية اخوية صادقة من القلب اختك وضاحة نواى
07-10-2016, 02:35 PM
وضاحة
وضاحة
تاريخ التسجيل: 01-16-2005
مجموع المشاركات: 9116
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة