الابن حسين الصادق في رأيي سيكون نجما متلالاً متألقاً ولزمن طويل ان حافظ على مستواه وتألقه وأهم من ذلك كله جديته عندما ذكر اسمه صديقي الاستاذ السر قدور لكي يغنيها مع صديقي الحبوب علي السقيد وهي من شعر د عز الدين هلالي وللأغنية قصة لا بد من أن أحكيها لكم توقعت أن يجيدها حسين ولم يخذلني برغم ضيق الوقت وزحمة الأغنيات وبجي للتفاصيل
ينفعك يا حبيب كدي نبدا ليك القصة انا علاقتي بي صديقنا الاستاذ حمد الريح علاقة نسب اخوي بابكر الله يرحمه متزوج من توتي وطبعا حمد من هناك وأخوي كان دايما بوصيني علي حمد الريح وده بناء علي كلام متكرر مع حمد وفي نفس الوقت د عز الدين هلالي صديق لكلينا وهو شاعر الأغنية حمد راح عزمنا يوم جمعة في منزله العامر بتوتي انا وعز الدين وكانت عزومة كاربة ضحيتها خروف ماكن استمتعنا بالشية والمرارة والضلع وقضينا يوما رائعا ونواصل
07-06-2016, 10:07 PM
Hani Arabi Mohamed Hani Arabi Mohamed
تاريخ التسجيل: 06-25-2005
مجموع المشاركات: 3515
اسمح لي ان اختلف معك استاذي العزيز يوسف الموصلي ، - آمنة حيدر: حضورها البصري "صورتها واداؤها الحركي" أجمل بكثير من امكانياتها الصوتية التي تحتاج إلى تدريب مستمر وتجويد ، ولو لاحظت الإرهاق الشديد الذي بدا عليها حين حاولت تأدية أغنيتك الرائعة الكلام القالوهو عنك. خرج الأمر من الغناء المنساب إلى ارهاق واضح للحنجرة والحبال الصوتية.
- أصوات ابناء الصادق لا تطرب حيث انهما ذوي نفسٍ قصير وصوتهما إنشادي أكثر من كونه غنائي ،
- استاذي العزيز يوسف الموصلي ، من أجمل الأغاني السودانية التي سمعت كانت أغانيك: الأماني السندسية ، جينا نمد إيدينا الخضرا ، الحب يا ام سماح
وأتمنى أن استمع إليك موزعاً ومغنياً لأغنية ماضي الذكريات
استمعت غصبا عني للجماعة ديل في رحلات متعددة بالبص من مدني للخرطوم ذهابا و ايابا و خطر لي في مرة ان انزل و اتم المشوار كداري ..انصح بالاستماع اليهما لمن تناول شيئا و يود استفراغه
07-07-2016, 06:44 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: استمعت غصبا عني للجماعة ديل في رحلات متعددة بالبص من مدني للخرطوم ذهابا و ايابا و خطر لي في مرة ان انزل و اتم المشوار كداري ..انصح بالاستماع اليهما لمن تناول شيئا و يود استفراغه
ما للدرجة دي كمان يا محمد ياخ كل الود
07-07-2016, 03:45 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: اسمح لي ان اختلف معك استاذي العزيز يوسف الموصلي ، - آمنة حيدر: حضورها البصري "صورتها واداؤها الحركي" أجمل بكثير من امكانياتها الصوتية التي تحتاج إلى تدريب مستمر وتجويد ، ولو لاحظت الإرهاق الشديد الذي بدا عليها حين حاولت تأدية أغنيتك الرائعة الكلام القالوهو عنك. خرج الأمر من الغناء المنساب إلى ارهاق واضح للحنجرة والحبال الصوتية. - أصوات ابناء الصادق لا تطرب حيث انهما ذوي نفسٍ قصير وصوتهما إنشادي أكثر من كونه غنائي ، - استاذي العزيز يوسف الموصلي ، من أجمل الأغاني السودانية التي سمعت كانت أغانيك: الأماني السندسية ، جينا نمد إيدينا الخضرا ، الحب يا ام سماح وأتمنى أن استمع إليك موزعاً ومغنياً لأغنية ماضي الذكريات مودتي وكل عام وانتم جميعاً بألف خير
حبيبنا هاني حسين ده بقترح تراجع رآييك فيهو اما ماضي الذكريات فقد غناها فنان الفنانين عثمان مصطفى والكلام انتهى هنا لكن ليك علي بوزعها ليهو
المقصود هنا آن هنالك فنانون تقليديون قد لا يستطيعون التماشي والمجاراة للمصاحبات الموسيقية التي تحتويها الاغنية والبعض يستطيع نسبة للاستعداد الطبيعي الموجود لديهم فاذا آمعنت السمع الى ماتقول به الموسيقى اثناء الغناء في الاغنية موضوعنا هنا تجد آن الوتريات تتحرك لحنيا بشكل مختلف تارة وبشكل متفق ومجاوبا تارة آخرى كل الود يا صديقي
07-07-2016, 01:11 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: هسع (خلفية موسيقية مضادة) يعني شنو؟ أنا شامي ريحة خم هنا
خلفيه موسيقييه مضاذه للحن الاساسي الذي يتغنى به المغني بتمشي في حركة متوازيه وحركة جانبية و حركة عكسية تقهقريه قلنا نديك معلومات ةديده وعلى فكرة انا ممكن اناقشك لو كنت جاد وتبطل البتعمل فيهو ده
(عدل بواسطة Elmosley on 07-07-2016, 01:12 PM) (عدل بواسطة Elmosley on 07-07-2016, 01:15 PM)
07-07-2016, 03:14 PM
Elmosley Elmosley
تاريخ التسجيل: 03-14-2002
مجموع المشاركات: 34683
نعود للحكي بعد تناول الغداء الرفيع في منزل صديقي الاستاذ حمد الريح أخرج صديقي عز الدين هلالي من جيبه نص أإنية سكة ندية فقرأت النص وأعجبني جدا وتفاعلت معه وهليا وطلبت من حمد الريح العود وكانت معي كراسة النوتة الموسيقية وبدأت الدندنة والتنويت حتى اكتمل اللحن الأساسي وبسجلناه للصديق حمد الريح كبادرة علاقة أسرية وفنية وقلت له بعد أسبوع سأعود لاستمع له منك وعدت اليه بعد اسبوع وصارحني حمد بان التركيب الايقاعي للحني لا يتماشى وطريقته فقلت له مافي مشكلة نعوضك بلحن آخر ويستمر الحكي
07-07-2016, 03:44 PM
Elmosley Elmosley
تاريخ التسجيل: 03-14-2002
مجموع المشاركات: 34683
يا حاتم مازلت مستعد للتعاملمعكبشرط احصر نقاشك في موضوع البوستوبلاش ترجع وتجيب بوستات عفى عليها الزمن وبلاش تخاطبني بكلمات غير لائقة "خم " وما اليه اطرح اسئلتك بطريقة لائقة ومحترمة وستجدني كلي تعاون وكلي تحاور وكلي احترام
(عدل بواسطة Elmosley on 07-07-2016, 03:54 PM) (عدل بواسطة Elmosley on 07-07-2016, 03:55 PM)
07-07-2016, 03:54 PM
Omer Abdalla Omer Omer Abdalla Omer
تاريخ التسجيل: 03-02-2004
مجموع المشاركات: 4077
السيد الموصلي بعد السلام و التحية و كل عام و أنتم بخير و عيد سعيد.. رايت مداخلات حاتم و لم اجد اي منها خارج عن اللياقة او خارج عن موضوع البوست! طبعا من حقك، طبقا للوائح بكري، ان تمسح اي مداخلة لا تروقك و لكن في هذه الحالة ارى أن حذفك لمداخلات حاتم مخصومة عليك! لماذا لا تجيب على أسئلة حاتم بدل حذفها خاصة ان الرجل لم يقل الادب.. أنا شخصيا أستفيد من "منقاراتكم مع حاتم" اكثر من مداخلة المجاملة الزائفة و الفارغة احيانا! يعنى ارى إنك تخرج معلومات جيدة جدا امام مداخلات حاتم و لكن قطعا لا ارى ذلك عندما يتداخل المجاملون و يمنحونك الاستاذية و العبقرية و الاضافات غير المسبوغة.. نحن نحترم و نقدر موسيقاك و لكن لم اجد مداخلات حاتم صفيقة و لكنها محفزة و بصراحة كثير جدا من الذين يتابعون كتابات حاتم معجبون بإجتهاداته و موسوعيته! لا ارى سببا واحدا في مسح مداخلته إلا ربما عجزك عن الرد عليها! هذا و لك الإحترام
07-07-2016, 04:53 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: بعدين الناس هنا جات عشان تناقشك على السجية مش عشان ترمي ليها مصطلحات أكاديمية، أديهم نموذج موسيقي محلي فيهو التقنية الانت سميتها (خلفيه موسيقييه مضاذه) عشان يعيشوا معاك في مناخ واحد بدل ترهبهم وتخمهم بمصطلحات الموسيقى الغربية الكلاسيكية بتاعت القرن السابع عشر.
وانت يا يوسف أظنك تقصد (accompaniment) لأنو حسين الصادق ما قدر الموسيقى الكلاسيكية البتتكلم عنها دي، ولا كمان ورينا في ياتو أغنية ليهو استخدم
كدا اتفقنا واسئلتك كلها مشروعة ياحاتم أنا فايدتي في الموقع ده شنو ان لم أرم بمصطلحات موسيقية فلو قلت كلام عادي في ناس كتيرين ممكن يقولوه فلا داعي لوجودي هنا أصلا وانا ممكن أعملها بالمناسبة انا بحاول أوصل المعرفة للناس لأن الموسيقى حينما نكتب عنها بالقلم بتكون "تربية" والناس تعرف قدر البتعرفو ولسه انت بتسخدم نوع القلام غير المهذب غير المحترم القلنا ليك ما تقولو فهسع عشان يستمر النقاش تمسح التعابير غير المهذبة زي "تخمهم" و "ترهبهم"دي مسحت أهلا وسهلا ما مسحت ان مساحتي موجوده والاخ الجا يدافع عنك ده خليهو يجي يقول "تخمهم" دي مهذبة في حقي مع اني طالبتك بعدم الاتيان بها انا بديك فرصة ساعة تصلح كلامك والا والله لو جا الجن الاحمر يحاول أن يطلب مني السماح لك بالحوار في بوستاتي فلن اعيره اهتماما ويمكن امسح مشاركاته بوستي وانا حر فيهو يلا شد حليك معانا خلينا نستمر في حوار يخلو من الحقد
07-07-2016, 06:10 PM
Elmosley Elmosley
تاريخ التسجيل: 03-14-2002
مجموع المشاركات: 34683
مافي زول محتاج لمجاملة منك وبالنسبة لي فهي لاتغني من جوع أعمل بالقلناهو ليك وكلامي واضح وانا جاهز اما للحوار الخالى من السفسطة أو استخدام حقي في منع مشاراكاتك وانا بوست حقك ما بجي فيهو اصلا لكن مرحب بيك هنا اذا ألبست نقدك وحوارك زي التأدب ولكنني لن اسمح البتة باي تطاول وليكن هذا واضحا للعيان -------------------------- بالنسبة لتكاتيك واضح نيتك فيه لكل من يحمل ذرة من دماغ
نواصل قصة الاغنية دوما الفنان الزميل محظوظ معي فقد وهبته أغنية كل النجوم واغنية ومداك مداد وختمت بيك الاغنيات وأغنيات أخرى لم تنزل واغنيات جديدة لم تنزل بعد مثل اغنية قولي قولي وكلميني وهذه الاغنية فعندما التقى بشخصي علي في حفل لآل يوسف حمد غنيتها في ذلك الحفل وتعلق بها علي لدرجة كبيرة وأصر على الاستحواذ عليها وانا دوما لا ارفض طلبا لعلي
07-08-2016, 08:38 AM
سعد الشبلي سعد الشبلي
تاريخ التسجيل: 04-12-2016
مجموع المشاركات: 86
Quote: والاخ الجا يدافع عنك ده خليهو يجي يقول "تخمهم" دي مهذبة في حقي
الأستاذ الموصلي، بالطبع لا اقول كلمة تخمهم مهذبة في حقك و أرجو أن يبتعد حاتم عن اي كلمات مستفزة ، و لكن طبقا لإفادة حاتم و بينته إنك أنت من بدأ بها! هل ذلك صحيح ام أن حاتم كان كاذبا في هذه؟
07-08-2016, 05:15 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: كسرة : صوت هاني عابدين في اغاني واغاني اجد فيه فخامة ولونية مختلفة عن البقية وان كان في حاجة لبعض الصقل شو رايك
عزيزي عمر هاني صوت قوي وغاية في الجمال يحتاج الى ان يقف مع نفسه وان يفكر في المستقبل العريض نتمنى له التوفيق كله واذا احتاجنا سيجنا عند حسن ظنه ان شاء الله
Quote: أها أنا في انتظار الإجابة، انت حذفت الجزء الأهم فيها، أعيدها ليك كاملةبعدين الناس هنا جات عشان تناقشك على السجية مش عشان ترمي ليها مصطلحات لا علاقة لها بموسيقى الفنان المذكور، أديهم نموذج موسيقي محلي فيهو التقنية الانت سميتها (خلفيه موسيقييه مضاذه) عشان يعيشوا معاك في مناخ واحد بدل إيراد مصطلحات الموسيقى الغربية الكلاسيكية بتاعت القرن السابع عشر.أظنك تقصد (accompaniment) لأنو حسين الصادق ما قدر الموسيقى الكلاسيكية البتتكلم عنها دي، ولا كمان ورينا في ياتو أغنية ليهو استخدم (retrograde inversion .
كويس يا احاتم انك عدت الى الطريق القويم وبطلت الاساءةالان انظر الى تناقض كلامك بمطالبتي بعدم ذكر مصطلحات علمي ترهب الناس وها انت تذكر مصطلحات قوقلية استغرقتك شهور يمعرفتها حينما سآلتك عنها مثل retrograde inversion وانا عندما سآلتك عنها سالتك مجبرا لانك كنت تدعي معرفة الكاونتربوينت وظللنا نطاردك طيلة هذه المدة الى آن تيت آخيرا وهتغت "وجدتها وجدتها" والحقيقة ما كنت سآذكرها لولا الاداعاء بمعرفتك للكاونتربويت ولعلمك الخلفية المضادة هي معمول بها في العالم كله لاقامة ارضية مريحة تضع المغني في اطار مريح ة ومخاطبة للعقل قبل العاطفة
Quote: مقدمة: دلوقتي حسين (تجري في عروقه جينات الحداثة) وهو في النهاية مجرد مؤدي يعني مغني لا علاقة له (من ناحية التنفيذ) بالموسيقى وآلاتها وتقنيات التأليف الموسيقي أو حتى العزف ولا حتى ما أسميته أنت (موسيقى حلفية مضادة) فيمكنه مثلاً أن يغني "تلاتة نيسانات" كما أمكن لوردي أن يغني "الناس القيافة" ومحمد الأمين "يا معاين من الشباك" بدون أن تضيف أو تخصم هذه الأغنيات من (مستوى حداثتهم) فهي (أي الحداثة) مطمورة في الجينات كما أوضحت أنت، وما فهمته من كلامك أن الأمر يتعلق أكثر بالموسيقى وهنا أجد بعض من عدم الاتساق، فمهما تعقدت الموسيقى فالفنان واجبه محدود، الغناء في مدى لا يتجاوز من ثلاثة إلى خمسة أوكتيف (octave) وبالكاد مالا يزيد عن ثلاثة أو أربعة تقنيات لتعديل الصوت أثناء الأداء، فليس المغني معني بالكاونتربوينت (لأنه فرد واحد) ولا ولاهو مهموم بالكورد (chords) (لأنه لن يستطيع ذلك)، فما هي الميزات التي تجعل فلان صاحب جينات حداثوية وآخر ليس كذلك؟
الكلامالفوق ده كلام عجيب مافهمت منه اي حاجة خصوصا الجزء الاخير منه وكلام يضلل اي قارئ ويوحي لمن لا يعرف آنه حديث لعالم المغني العادي لا يتعدى الاوكتافين٫٫٫ "ثلاثة آو اربعة" آوكتاف يالهوي الالات الموسيقية قد لا تصل الى ذلك المدى الصوتي وعشان الموضوع ما يبقى كلام ساكت حنةيب ليك الامثلة" العلمية القاطعة
من آين اتيت بهذا الكلام فالمغني في علمنا الحةيث معني تماما بالكاونتربوينت والهارموني كٌطار مساند للخط الغنائي ستآتيك الامثلة ان شاء الله ولي عودة كلام آخير ان الموسيقي المحترف لا ياتي للحوار من آجل العك ولكن من آجل تربية التذوق الموسيقي فكليات التربية الموسيقية تملآ ارجاء العالم
Quote: يا أستاذ موصليعروقه جينات !!!!!!!!!!!كتيرة واللهانت بدل ما ترتقي بيناتدق بينا الدلجة------------------من شرايط القاهرة قنعت منكراي شخصي يحتفظ بكل التقدير لكم واخص الاماني السندسية بذلك
شكرا ونحترم رايك لكن انت بعد ما قنعت مني داير تتعلم شنو؟؟؟؟ ثانيا اما موضوع القاهرة فقد تقاطر اليها الفنانون أصحاب الحق زرافات ووحدانا وهنا انتهى الكلام
Quote: كلامك غريب يا أحمد ياسين لأنو البني آدم صوته الطبيعي يتجاوز الأوكتيف ناهيك عن الصوت الغنائي المتدرب عليهو، انت فاهم أنا بتكلم في شنو؟ vocal range المدى الصوتي الغنائي.
ياخي ما قلنا ليك القوقلة دي بتضيعك بلا جيب مثال واحد عملي نسمعو لاي واحد فيهم بغني في الخمسة أوكتافات ديل أها دي زرة جديدة يمرقك منها الله اوعك تجيب لي غنا فيهو الصوت المستعار غير الطبيعي falsetto a method of voice production used by male singers, especially tenors, to sing notes higher than their normal range. "he sang in a piercing falsetto" a singer using falsetto. a voice or sound that is unusually or unnaturally high. أها جاتك مرجوعة في مسماها وابقى عشرة
07-08-2016, 04:54 PM
Elmosley Elmosley
تاريخ التسجيل: 03-14-2002
مجموع المشاركات: 34683
انظفر ادناه لترى الرسم البيانو للاصوات وللالات الموسيقية وتوضح أن حاتم بيجيب كلام من راسو ساكت أو أحيانا يستعين بمواقع غير علمية فالحلة الطبيعية لاصوات البشر هي ما وضحناه ادناه والحلة المتعارف عليها لمدى الاصوات هي ما وضحاناه ادناه
07-08-2016, 05:03 PM
mohmmed said ahmed mohmmed said ahmed
تاريخ التسجيل: 10-25-2002
مجموع المشاركات: 8795
اظنك يا محمد تفهم معنى الحداثة لكن لو ما وقعت ليك بجي اشرحها التعبير بالنسبة له المقصود منه أن هذا الشاب يمتلك الخامة الأولية والإستعداد الفطري للتطوير وموجود طبيعيا فيه ويستطيع أن يتوائم مع التطوير الذي يحدث في التأليف الموسيقي الغنائي
واليك تفسير جينات حسب قاموس المعاني
Quote: جينات: ( اسم ) جمع جينة : ( الأحياء ) جزئيّات مادّيّة دقيقة توجد في صبغيّات الخليّة ، وإليها تُعزى الصِّفات المميّزة للكائن الحيّ ، وبها تفسّر قوانين مندل الوراثيّة استطاع العلماء التحكم في بعض الجينات الوراثيّة لدى الحيوانات
وفي النهاية هذا من قبيل التعبير المجازي المَجازُ من الكلام : ما تجاوز ما وُضع له من المعنى
07-08-2016, 06:41 PM
Elmosley Elmosley
تاريخ التسجيل: 03-14-2002
مجموع المشاركات: 34683
انت عايز الحقائق العلمية جاتك من حتة واضحة معترف بيها وقوقل ده فيهو الصالح والطالح عشان تاني ما تتكلم عن الصوت البشري بطريقة خاطئة جبنا ليك المعلومة من فم الأسد بالله تعب نفسك شوية وأقرا وشوف
Quote: بعدين في الرسم بتاعك مأخود كل طبقة منفصلة لكن دا ما بيمنع إن يكون في راجل بيغني في المدى من الباريتون لحد الكونترالتو، ولا ما كدة؟
ياؤاجل ربنا بحاسبك يوم القيامة لو انت بتتكلم عن الصوت الطبيعي اما اذا الكلام عن ال falsetto voice ده موضوع تاني لانه صوت مستعار حتى زمن زنقار كان موجود عندنا في السودان
07-08-2016, 06:53 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
Quote: ياراجل ربنا بحاسبك يوم القيامة لو انت بتتكلم عن الصوت الطبيعي اما اذا الكلام عن ال falsetto voice ده موضوع تاني لانه صوت مستعار حتى زمن زنقار كان موجود عندنا في السودان
فضل المولى زنقار كان عنده صوتين رجالي ونسائي وابراهيم عبدالجليل غنا (وين انت يابدر السما) بصوت (الطو) نسائي واضح برضو الاستلاف كان لعازف ايقاع مع الراحل محمد احمد عوض العازق دا اسمو عبدالعزيز قسم الله كان بستلف صوت عائشة الفلاتية او منى الخير وبردد مع الكورس دا اسمو الـــ ( false - set )
07-08-2016, 07:13 PM
Elmosley Elmosley
تاريخ التسجيل: 03-14-2002
مجموع المشاركات: 34683
كلامك صاح ودي اصوات مستعارة falsetto voice ده الاسم الذي يتعامل به الموسيقيين في العالم وعلى كل الاسكورات الموسيقية مثل crescendo and diminuendo و fortissimo and pianismo
07-08-2016, 08:50 PM
Elmosley Elmosley
تاريخ التسجيل: 03-14-2002
مجموع المشاركات: 34683
1.The humming sound in the background always grabs my soul and .... loop and the nonsensical chorus that
2. he song develops a touching counterpoint with the death of another Johnny - John Lennon. ... Back to the ...
]ده كلامهم هم عن اللحنن المضاد وعن الخلفية المنكورة ولكن للحق ايض المصطلح Accompaniment يستخدم كثيرا خصوصا عندما تصاحبالة البيانو مغنيا أو مغنية مفردة أو ألة موسيقية تعزف قالب السوناتة مثلا وقد تكون المصاحبة هارمونية أو كاونتربونتية او مزيج منهما
07-08-2016, 08:53 PM
Elmosley Elmosley
تاريخ التسجيل: 03-14-2002
مجموع المشاركات: 34683
من غير الاستلاف والاستلاب عندنا فنانين صوتهم اتجاه واحد حسين ده واحد منهم عزيزنا ود الحاوي استطاع ان يخرج بصلاح ابن البادية من الاتجاه الواحد لطبقات اعلي في سال من شعرها الذهب الارتفاع والانخفاض موجود عند ابراهيم عوض برضه ود الحاوي استغل هذه الميزة في اغنية المصير فهل يمكن تطوير حسين الصادق ليلون صوته؟
07-08-2016, 10:46 PM
Elmosley Elmosley
تاريخ التسجيل: 03-14-2002
مجموع المشاركات: 34683
يا حاتم ماتضيع وقتنا ساكت الجبتو ده كلام قارغ مافيهو أي تحديد واقول حاجة واضحة انت بتكتر في الكلام ساكت الله ما حلق زول عندو 7 اوكتاف ولا عمر بن الخطاب ذاتو عليك الله خليني استمر في بوستي وامشي لي تكاتيك بتاعك -------------------------- شغلك كلو تمحور والتفاف وتدوير ---------------------- عايز تثبت كلامك جيب اغنية كاملة لاي واحد من المغنيين ديل بغني السبعة اوكتافات في اغنية بتاعتو ---------------------- بالله عليك حلفتك باعز ما عندك ماتجي راجع الا ومعاك ما طلبناهو وخليني أكون واضح معاك ما جبت المطلوب ما تجيني راجع
Quote: انت أطرح معارفك بالطريقة البتعرفها وبأسلوب مقنع، لكن لما تحاول تفرض علينا أشياء غير منطقية فمن البديهي نسألك بالطريقة المحرجة دي، وما تفتكر إنو في إعجاز هنا، الدنيا اتغيرت ياخي.
والله انت براك بتجي تتشوبر اصلو انا ما رحبت ولا حأرحب بيك في بوست بتاعي فياخي انت عشان تتفادي أرائي ما تجي تتلصق في بوستاتي وانت غير مرحب بك للمرة الألف امشي افتح بوستات كما تريد وكب كل نظرياتك في الطب والهندسة والادب والاجتماع والفلسفة وعلوم الفضاء والقمر والشمس والمحيطات والبحار والغلاف الجوي ووووو ألخ بس ياريت تختاني ياخ
(عدل بواسطة Elmosley on 07-08-2016, 10:56 PM) (عدل بواسطة Elmosley on 07-08-2016, 10:58 PM)
07-08-2016, 11:03 PM
Elmosley Elmosley
تاريخ التسجيل: 03-14-2002
مجموع المشاركات: 34683
أحححححححححححححححححححححححححح أعود لبوستي بعد التشتيت
بعد أن وافقت على منح الأغنية للفنان علي السقيد وهو جدير بغير شك كانت الاغنية عندما غنيتها بسرعة بطئة ومعبرة لأن الاغنية عاطفية جدا ولكن علىي السقيد ضاعف سرعة الاغنية لتتماشى مع صغب بيوت الأعراس الا أن هذا لم يعجبني ولكنها الآن اعتاد الناس عليها هكذا ولكنني ساحاول في أقرب سانحة أ، أقنع علي السقديد بتقديمها غلى طريقتي
07-08-2016, 11:03 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
حاتم .. انا كنت عارف ان الاستاذ الموصلي حيوصلك للحتة دي ومن مداخلتك المعنية فوق.. وانت ختيت نفسك في حتة ضيقة وانا شخصيا ما كنت عايزك توصل للنتيجة الانت جبتها لانك اتسرعت جدا وانا عارف استاذنا الموصلي ملم بى علم الفونتكس الماما تاما وبى شقيه الاتنين The acoustic phonetics and The articulatory phonetics وهو بكل بساطة قدر يحاصرك يا حبيبنا حاتم
07-08-2016, 11:13 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: حاتم .. انا كنت عارف ان الاستاذ الموصلي حيوصلك للحتة دي ومن مداخلتك المعنية فوق.. وانت ختيت نفسك في حتة ضيقة وانا شخصيا ما كنت عايزك توصل للنتيجة الانت جبتها لانك اتسرعت جدا وانا عارف استاذنا الموصلي ملم بى علم الفونتكس الماما تاما وبى شقيه الاتنين The acoustic phonetics and The articulatory phonetics وهو بكل بساطة قدر يحاصرك يا حبيبنا حاتم
,والله يا أحمد أنا قدر ما حاولت انو حاتم ده استمر في حوار متحضر معاهو غلبني كلو كلو هسع انا ما دايرو يدخل في بوستي ولازم يعرف ان غير مرغوب فيهو هسع لو زول قال ليك ماتجي في بيتي تاني بتعتب بيتو؟؟؟؟ تمنياتي له بالتوفيق بعيد مني
07-08-2016, 11:18 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: ,والله يا أحمد أنا قدر ما حاولت انو حاتم ده استمر في حوار متحضر معاهو غلبني كلو كلو هسع انا ما دايرو يدخل في بوستي ولازم يعرف ان غير مرغوب فيهو هسع لو زول قال ليك ماتجي في بيتي تاني بتعتب بيتو؟؟؟؟ تمنياتي له بالتوفيق بعيد مني
في لحظة كدة كنتوا ماشين كويس واستمتعنا بالنقاش بصورة كبيرة لكن انا من قريت مداخلة حاتم فوق عرفت انك اككتشفت وين الخطأ التاريخي الوقع فيهو حاتم ابراهيم يعني كأنه اتسبب بهدف في مرماه وسؤالك كان متوقع والظاهر بالنسبة لي شخصيا ماعنده غير اجابة واحدة فقط انا لو في محله كنت حاقول ليك بكل احترام: ( والله يا استاذ قالوا ابوداؤد يمتلك سبعة او ثمانية من اوزان النغمات العشرة الخلقها ربنا في حنجرة البني آدم)
07-09-2016, 03:38 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: في لحظة كدة كنتوا ماشين كويس واستمتعنا بالنقاش بصورة كبيرة لكن انا من قريت مداخلة حاتم فوق عرفت انك اككتشفت وين الخطأ التاريخي الوقع فيهو حاتم ابراهيم يعني كأنه اتسبب بهدف في مرماه وسؤالك كان متوقع والظاهر بالنسبة لي شخصيا ماعنده غير اجابة واحدة فقط انا لو في محله كنت حاقول ليك بكل احترام: ( والله يا استاذ قالوا ابوداؤد يمتلك سبعة او ثمانية من اوزان النغمات العشرة الخلقها ربنا في حنجرة البني آدم)
حبيبنا آحممد ابو داؤود ده الله يرحمو واحد من آعظم خمسه مغنيين في تادريخنا لو لكن صوتو ييبدا الباص ويعديدمنو للباريتون ويهبش حبة صغمبوته فس التنينور التاني وانا اشتغلت معاهو كورس في لحن برعي دفع الله "غاليه ياثوره غاليه علينا " وسجلناها معاهو في الاذاعه ما اكضب عليك حاتم زول مرتب جدا ونهم على الاطلاع وعاشق للموسيقى انا فاهم ده كلو لكن الاطلاع لايعني الفهم العميق لتخصص ساهم في نظرياته الهارمونية على سبيل المثال لا الحصر "فيثاغورث" صاحب النظرية الهندسية الشهيرة مربعات الوتر في المثلث القائم الزاوية تساوي مربعات الضلعين الاخرين الهارموني ده حتى النوع البسيط منه عندنا موسيقيين ذاخو في الامتحان بتاعو لمن جابو ريحة وريحوهم وفاقو
تعيش يا صديقي
07-08-2016, 11:23 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: امشي افتح بوستات كما تريد وكب كل نظرياتك في الطب والهندسة والادب والاجتماع والفلسفة وعلوم الفضاء والقمر والشمس والمحيطات والبحار والغلاف الجوي ووووو ألخ بس ياريت تختاني ياخ
😂😂😂😂😂😂😂😂😂😂 نسيت الطبيخ ياخ ..... تحياتي
07-09-2016, 08:56 AM
mohmmed said ahmed mohmmed said ahmed
تاريخ التسجيل: 10-25-2002
مجموع المشاركات: 8795
التعريف الاصطلاحى لجينات والحداثة فيهو مشاكل لانو الحداثة ما ممكن تكون جينات تورث
يمكن المعنى المجازى والانت شرحتو بالاستعداد للتعامل مع التطور الموسيقى يبقى مكان نقاش متخصص هل امكانيات حسين الصادق الصوتية وادائه وتعامله مع الموسيقى واستيعابه لقوانينها وعلميتها يمكن ان تؤهله للحداثة اتمنى ان يتواصل الحوار العلمى الموسيقى
07-09-2016, 11:40 AM
عزيز عزيز
تاريخ التسجيل: 04-12-2002
مجموع المشاركات: 3290
Quote: فالفنان واجبه محدود، الغناء في مدى لا يتجاوز من ثلاثة إلى خمسة أوكتيف (octave) وبالكاد مالا يزيد عن ثلاثة أو أربعة تقنيات لتعديل الصوت أثناء الأداء، فليس المغني معني بالكاونتربوينت (لأنه فرد واحد) ولا ولاهو مهموم بالكورد (chords) (لأنه لن يستطيع ذلك)،
استاذي الجميل الموصلي كل عام وانت بخير وصحة وسعادة .. الاخ حاتم .. كل عام وانت بخير وعيد سعيد..
أخي حاتم وانا اطالع هذا البوست الآن من اول مداخلة وعندما وجدت ما اقتبسته (هنا في مداخلتي) اندهشت حقآ!! وعندما تابعت القراءة وجدت أن أستاذي الموصلي قد أوفى الشرح بالرسم البياني الذي يحدد مدى الأصوات البشرية.. مهما بلغ اتساع مدى الصوت البشري فلن يبلغ ما تفضلت به من معلومة.. والصوت المستلف الغير طبيعي يستخدم بتكنيك معين ولنوتات لا تبعد كثيرآ عن المدى الصوتي الطبيعي..( هذا تخصصي صوت وبيانو الذي تخرجت به من كلية الموسيقى)..
أخي حاتم اتمنى حقا أن تواصل في بوست تعليم الموسيقى ليسهم في تثقيف وتنمية ذوق المهتمين بفن الموسيقي.. فقد ظللت اطلب منك ذلك في أكثر من مرة.. ولي رجاء أخوي وعشم .. أستاذ الموصلي أستاذي ومعلمي وله عندي كل التبجيل والإحترام والحب .. فرجائي التلطف في مخاطبته بلغة تتجاوز الاختلاف الغير مستحب ، واجتهادك في سبر غور المعلومة يجعلنا تلاميذ في حضرته وهو يحاورك ويجيب على تداخلك بعلمه ومعرفته الأكاديمية وارثه الفني العظيم. ولكم الحب والتقدير وصادق الامنيات.. عبدالعزيز خطاب
07-09-2016, 12:48 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: استاذي الجميل الموصلي كل عام وانت بخير وصحة وسعادة .. الاخ حاتم .. كل عام وانت بخير وعيد سعيد..
أخي حاتم وانا اطالع هذا البوست الآن من اول مداخلة وعندما وجدت ما اقتبسته (هنا في مداخلتي) اندهشت حقآ!! وعندما تابعت القراءة وجدت أن أستاذي الموصلي قد أوفى الشرح بالرسم البياني الذي يحدد مدى الأصوات البشرية.. مهما بلغ اتساع مدى الصوت البشري فلن يبلغ ما تفضلت به من معلومة.. والصوت المستلف الغير طبيعي يستخدم بتكنيك معين ولنوتات لا تبعد كثيرآ عن المدى الصوتي الطبيعي..( هذا تخصصي صوت وبيانو الذي تخرجت به من كلية الموسيقى)..
أخي حاتم اتمنى حقا أن تواصل في بوست تعليم الموسيقى ليسهم في تثقيف وتنمية ذوق المهتمين بفن الموسيقي.. فقد ظللت اطلب منك ذلك في أكثر من مرة.. ولي رجاء أخوي وعشم .. أستاذ الموصلي أستاذي ومعلمي وله عندي كل التبجيل والإحترام والحب .. فرجائي التلطف في مخاطبته بلغة تتجاوز الاختلاف الغير مستحب ، واجتهادك في سبر غور المعلومة يجعلنا تلاميذ في حضرته وهو يحاورك ويجيب على تداخلك بعلمه ومعرفته الأكاديمية وارثه الفني العظيم. ولكم الحب والتقدير وصادق الامنيات.. عبدالعزيز خطاب
حبيبنا عزيز اهي مداخلتك التي تداخلت آعتقد ان الموضوع اتحل وانا بشكر الابن حاتم على تفهمه لطلبي وله قطعا كل الحق آن يفتح بوستات ينتقدني فيها كما يحلو له ولن اتداخل فيها
07-09-2016, 12:39 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: سلام موصلىالتعريف الاصطلاحى لجينات والحداثة فيهو مشاكل لانو الحداثة ما ممكن تكون جينات تورثيمكن المعنى المجازى والانت شرحتو بالاستعداد للتعامل مع التطور الموسيقىيبقى مكان نقاش متخصصهل امكانيات حسين الصادق الصوتية وادائه وتعامله مع الموسيقى واستيعابه لقوانينها وعلميتهايمكن ان تؤهله للحداثةاتمنى ان يتواصل الحوار العلمى الموسيقى
معقوله يا محمد تحصر فهم المسآلة بمثل الاطار الذي ذكرت؟؟؟ يعني لما عركي وسعد الدين ابراهيم قالو لما لاقت في المدينة الحمامات الحزينة قامت ادتا برتكانة بكون هذا يمت الى الواقع بصلة؟؟ ما انا شرحت المقصود بالنسبة للشق الثاني الاجابة نعم اذا بدآ الدراسة والاستماع للموسيقى المتقدمة لكن الاستعداد موجود لك التقدير
(عدل بواسطة Elmosley on 07-09-2016, 12:42 PM) (عدل بواسطة Elmosley on 07-09-2016, 12:51 PM)
07-09-2016, 12:44 PM
Elmosley Elmosley
تاريخ التسجيل: 03-14-2002
مجموع المشاركات: 34683
لقد كان حسين الصادق وشقيقه احمد يمدحان وحينما اتجها الى الغناء سيطرة طريقة المةيح على ادائيهنا ولم يقف تاتمر هنا بل تآشر بهما الكثيرون من المغنيين الجدد حتى اصبح اسلوب متبع في الغناء ولكن سرعان ما استطاع حسين التخلص من هذا الاسلوب تماما بينما احمد يحاول متزال وهاكم فيديو للتمديح الغنائي وقارنوه بادائه في سكة ندية
07-11-2016, 02:57 PM
Elmosley Elmosley
تاريخ التسجيل: 03-14-2002
مجموع المشاركات: 34683
من غير الاستلاف والاستلاب عندنا فنانين صوتهم اتجاه واحد حسين ده واحد منهم عزيزنا ود الحاوي استطاع ان يخرج بصلاح ابن البادية من الاتجاه الواحد لطبقات اعلي في سال من شعرها الذهب الارتفاع والانخفاض موجود عند ابراهيم عوض برضه ود الحاوي استغل هذه الميزة في اغنية المصير فهل يمكن تطوير حسين الصادق ليلون صوته؟
اما الشق الثاني الموضوع:
ليس هناك تسرع ولكن لان معظم المؤدين الشباب ولا اقول اساتذة او اباطرة او ملوك غناء يؤدون ومازالوا يرددون غناءً تأصل في وجدان الشعب السوداني اخرجه اصحابه بعد معايشة قد يستغرق اللحن احيانا قرابة السنة ليجد فيه كل ليلاه المحمدة لاغاني واغاني او عمنا السر قدور بانهم اعادوا غناءً لم يعرفه البعض باصوات شابة فوجد قبولا او اعتراضا ولكن ليتنا نشاهد حلقة او حلقات يتنافس فيها هؤلاء الشباب بحقهم براهم ونشوف البقاء حيكون لمين حسب حكم وجدان الشعب السوداني
07-11-2016, 06:10 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: سؤال قديم ما رديت عليه يا حبيبحبيبنا الموصلي اقصي اوكتاف بغني فيه المغني كممن غير الاستلاف والاستلاب عندنا فنانين صوتهم اتجاه واحد حسين ده واحد منهم عزيزنا ود الحاوي استطاع ان يخرج بصلاح ابن البادية من الاتجاه الواحد لطبقات اعلي في سال من شعرها الذهب الارتفاع والانخفاض موجود عند ابراهيم عوض برضه ود الحاوي استغل هذه الميزة في اغنية المصير فهل يمكن تطوير حسين الصادق ليلون صوته؟اما الشق الثاني الموضوع:ليس هناك تسرع ولكن لان معظم المؤدين الشباب ولا اقول اساتذة او اباطرة او ملوك غناء يؤدون ومازالوا يرددون غناءً تأصل في وجدان الشعب السوداني اخرجه اصحابه بعد معايشة قد يستغرق اللحن احيانا قرابة السنة ليجد فيه كل ليلاهالمحمدة لاغاني واغاني او عمنا السر قدور بانهم اعادوا غناءً لم يعرفه البعض باصوات شابة فوجد قبولا او اعتراضا ولكن ليتنا نشاهد حلقة او حلقات يتنافس فيها هؤلاء الشباب بحقهم براهم ونشوف البقاء حيكون لمين حسب حكم وجدان الشعب السوداني
اتفق معك تماما عزيزي عمر فهؤلاء الشباب عليهم التنقيب والبحث عن الجديد في أمخاخهم وامخاخ الآخرين وهذه واحدة ثانيا حسين في اعتقادي الذي ارجو أن يكون جازما قابل للتطور وسيكون لي معه حضور وحوار حين عودتي في الاجازة القادمة وحينها ساعرف مدى استعداده وتحفزه رغبة مني في تحفيزه لسبر أغوار التطور تسلم ونأسف لاي تأخير
(عدل بواسطة Elmosley on 07-11-2016, 06:16 PM) (عدل بواسطة Elmosley on 07-11-2016, 06:18 PM)
07-11-2016, 08:15 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: Quote: Quote: Quote: ولم يمنح الله هذه القدرة لبشر +++ وهذا تكنيك يحتاج لتدريب عالي ومهارة فائقة وأيضا هبة ربانية +++ فالصوت المستلف هو تكنيك لأداء نوتات عالية ليست في إستطاعة المغني أدائها بصوته الطبيعي وهذا في حالة الغناء خارج المجال الصوتي الطبيعي. Thakns Aziz Khatab ==================================================== ======================================================= =========================================== ================================- --------------------------------------------------------------------------- إفل إذن ياريت كل الغناء يكون بصوت غير طبيعي يا عزيز، وهي ماريا كاري بقت فنانة بغير قدرتها دي! ياريت تصبر فأنا جاييك وخلاف الفيديوهات بمصادر إضافية، تذكر إنو كلامنا عن vocal range. فيبدو لي إنو الجمود في التعريف والتمسك حرفياً بمقارنة الحنجرة بالآلة والحساب الخطي للنوتات. ____ بكل بساطة..
Quote: زمان قلنا الود دة غناي وبغني اغاني اكبر من عمرو الحمد لله شهد شاهد من اهلها
ازيك يا محمد واهم حاجة انو بيتعلم من تجاربو وبيتصلح مع مرور الزمن وده النوع البتتوقع ليهو يثبت في فنانين اصولتهم ضخمة ومهولة لكنهم محلك سر وربما للخلف در وهنا يكمن الفرق
07-12-2016, 07:57 PM
Elmosley Elmosley
تاريخ التسجيل: 03-14-2002
مجموع المشاركات: 34683
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Elmosley
عمر الفاروق عبد الله الشيخ
حيدر حسن ميرغني
Hani Arabi Mohamed
عبدالحفيظ ابوسن
osama elkhawad
Omer Abdalla Omer
إبراهيم عبد الحليم
Emad Ahmed
Ahmed Yassin
ASHRAF TAHA
mohmmed said ahmed
ABUHUSSEIN
عزيز
تبارك شيخ الدين جبريل
محمد الامين محمد
فيس بوك
تويتر
انستقرام
يوتيوب
بنتيريست