على ما اعتقد الشغلانة كلها تاريخية فخرا كان او استهجانا وامتعاظا من البعض لهذا الفخر او ممكن نقول مع التحفظات غبائن تولدت عن فترة المهدية لان اغلب ناس الشمال النيلي لايكنوا لامدرمان اي مودة او محبة كونها عاصمة للمهدية التي اذاقت الشماليين الامرين الحنق على ام درمان متولد في اعتقادي من الحنق على حقبة حكم المهدية وده في اعتقادي نفس سبب افتخار الامدرمانيون بامدرمانهم كخرطوميون لانحب امدرمان ودي شغلة متوارثة كل ناسنا الكبار رفضوا السكن بامدرمان عندما اتوا من الشمال في زمنا تتالت سنواته كاجيال اولى كانت تفضل ان تسكن الخرطوم مع ان الفرص كانت مشرعة امامهم ليسكنوا امدرمان لكنهم عزفوا عن ذلك تماما وحتى كان قلت ساكت عايز اشتري بيت في ام درمان لاعترض الكثيرين من الاهل وحتلاقى نفسك معزول في النهاية وقاعد براك
عني لا احب امدرمان اطلاقا واتجنب اي شيء يقطعني الكبري ليها مع انه بتجيك الكثير من الاسباب البتوديك ام درمان لكن مانحب نمشي وبنتحجج بي اي حجة الشغلانة يبقى لي نفسية ربما للسبب الذي اوردته بعاليه هسه عوائلنا واسرنا الممتدة لها في الخرطوم ثلاث اجيال وربما اربعة لكن لا رابط للجميع بام درمان الا ما ندر زمان اهلنا قالوا كل زول عاجبو الصاريهو فلتدعوا الامدرمانيون يفتخروا با مدرمانهم وقشة ماتعتر ليهم لكن كمان مايكتروا المحلبية ويزيدوا العيار هههههههههههه
06-28-2016, 11:18 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11838
بعدين الراجل تحدث عن موضوع محدد هو موضوع التاريخ واظنه محق. لو قال بلا حاضر نقول اخطأ. طيب لو جاء انسان قال بورسودان بلا تاريخ هل حايزعل ناس البورت. ما اوؤلؤظن مع ان حاضر بورسودان وزخمه والمستقبل ازهى من امدرمان
06-29-2016, 00:06 AM
امجد الجميعابى امجد الجميعابى
تاريخ التسجيل: 01-08-2013
مجموع المشاركات: 2623
Quote: والله يا أمجد كلامك ده كلام لولوة وغلاط ساي :)
مرة تقول العاصمة ومن حقك تنتقدا !! ومرة تقول الدخل الخرطوم شنو !!
أنتقد زي ماعاوز مافي حد ماسكك ولا مانعك لكن رمي الكلام على عواهنه كده ده الما حبابو لما زول يقول ليك امدرمان مدينة بلا تاريخ بنقول ليهو التاريخ فات امدرمان مشى وين !! ورينا نظرتك لتاريخ المدن . فما ممكن واحد يكون لابس ليهو لباس بس وشغال بينظر في كرفتة السرقدور ماحلوة وما عاملة ماتشينغ :)
امدرمان حلوة بي ناسا وأنا صراحة ما من اولاد امدرمان لكن عاشرت كتير منهم وعشت فيها فترات ما طويلة لكن في الشارع ده كان اتونست مع سوداني ونسة عابرة بعرف ده ود امدرمان وده ود مدني وهكذا .
لولوة شنو يا زول؟ ما تقرأ بعين واحدة فتح عينيك الحديث عن ام درمان و ليس عن بحري او الخرطوم بعدين عشان اتكلم عن منطقة في السودان ما محتاج اكون منها او بالضرورة تكون عاصمة . ياتو كلام المرمي على عواهنو انت يا الامام عايز تكتب كلام و خلاص و لا المعنى او المعني شنو؟ لباس و فنيلة و كاب و شراب دا كلام فارغ ساي. شفت الخلط البتعمل فوقو دا كيف ما في زول اتكلم عن انسان ام درمان اتكلمنا عن ام درمان في عضمها
Quote: لكن في الشارع ده كان اتونست مع سوداني ونسة عابرة بعرف ده ود امدرمان وده ود مدني وهكذا
لشنو مشلخين و لا شنو بتعرفهم كيف كدي ورينا يمكن نستفيد من حصافتك دي و باقي الجماعة ناس دنقلا و بورتسودان و فاشر ابو زكريا و سمسم القضارف و سنجة عبد الله (و اللبيض) و دامر المجذوب ديل عندهم مواصفات بتعرفهم بيها و لا جملتهم في (و هكذا) هههههه و الله يا هو البيضحك
06-29-2016, 02:37 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
انا عشت في بورتسودان و مدني و الخرطوم و ام درمان و بحري ...
وزت كوستي مية مرة .. و مشيت الدويم و ربك و سنار وغيرهم في الغرب و الشمال و الشرق زيارات سريعة ...
كبف ممكن انتقد أي من الحتات دي ؟
يعني شنو ممكن يكون الدافع البخليني انتقد مدني و ناس مدني مثلاً ؟
او بحري او كوستي ؟
ناس المدينة بيفخروا بيها مثلاً ؟
بالعكس انا لما القى عيال كوستي بيمدحوا و يتفاخروا بي كوستي ... بزيد فخر و اعزاز اني زرت المدينة البديعة دي ...
فحكاية انو ام درمان ناسها طالعين بيها الجو ... ده كلام ما عنده معنى ...
ناس تعتز بمكان نشأتها ده كلام عادي و بالعكس نهنيهم على اعتزازهم بمرتع صباهم ...
كدي اسمع صاحبي الفرجوني ده بقول في شنو ...
يا امجد ... كل السودان جميل ياخي ...
استاذنا قباني العكس تماما يا حبيب النقد لتقويم او تصحيح او ارشاد ما في نقد عشان فلان بيكره او بيريد لكن بتكون المشكلة لمان تلقى بعض الناس تحاول تصادر منك الحق دا و لا يروا الا ما يرونه دون ادنى استعداد لسماع الاخر باعتبار ان ما يقولونه مسلمات. طبعا انا غالبني افهم لشنو ما انتقد مدينة او قرية او خلافه. نفس الشئ يا قباني اكاد اكون ذرعت معظم مدن و ارياف و فيافي السودان و احبه كله حبا ملك علي اركاني و لكن ليس هناك ما يمنع النقد. اي زول بيعتز بمكان نشأتو من غير ما يقل من اماكن الاخرين و من غير القدسية التي تمنع الحديث عنها لانو ما في سوداني منتظر اذن من زول عشان يتكلم عن اي منطقة في السودان. صاحبك الفرجوني جميل و انت يا قباني زولا سمح بالحيل و القول قولك (كل السودان جميل يا اخي)
07-10-2016, 06:23 AM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
البجم المسمى محمد قسم الله لم يقسم الله له فهماً ولا عقلاً (الفهم قسم)، مجاملة كبيرة إن وصفته متواضع القدرات الفكرية، فهو معدومهما. إنسداد الأفق والبلادة والغباء والجهل هى صفات ملازمة له، يضاف إليها سقوط أخلاقى بإنعدام المصداقية، معطون فى الإنتهازية مرتزقة متأسلم ويقتات من فتات موائد النظام. ليس كادراً إسلامياً مفكراً ولكن مغفلاً نافعاً وأغلب الأحيان ضاراً، مجرد بوق ومردد لأقوال وأفكار غيره دون وعى كالحمار يحمل أسفاراً، والمقال البائس خير مثال. وزاد الطين بله عقدة النقص والدونية. بإختصار كوم أمراض نفسية وغباء وجهالة وإنحطاط وتلحمة وتشبث قال إيه صحفى !! رحم الله إمرأ عرف قدر نفسه، وطبعاً صفاته ليست صفات إمراً. من مآخذ ومحن الإنقاذ قدمت مثل هذه العينات، عضويته بهذا المنبر هذا جناه علينا بكرى ولم نجنى على أحد.
وبغباء جاء ليؤكد كل ذلك مضيفا الصفاقة والإنحطاط وقلة الأدب. البهلول الجهلول جاء ليقدم نفسه كاتباً للمقال (البائس)، مجرد معلومة أنه كاتب للمقال دليل قاطع يثبت أننى على حق فى ما قلته بإقتضاب عن بؤسه. فهذا الشئ معروف فى هذا المنبر ببوستاته (البائسة) المستهجنة من الأعضاء ومراراً قدموا له النصح بالكف عما يكتب بدون دراية ناقلاً لأخبار مغلوطة تمس الناس ومصداقية المنبر (طبيز). الأهبل ظن أنه عندما يتستر خلف بروفيسور عبد الله حمدنا الله فقد خلص الكلام، وعندما يقول طبقات وضيف الله فدليل المعرفة، وعندما يذكر إسم الإستاذ الجليل حسن نجيلة (غير مستوعب لما كتبه نجيلة) فقد أتى بالحجة الدامغة، وعندما يقول دار الوثائق فقط قطع قول كل خطيب
07-10-2016, 06:24 AM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
المتخلف عقلياً مقاله البائس ليس من نافوخه الفارغ، فهو إجترار ونسخ مشوه لأقوال بروفيسور عبد الله حمدنا الله عن أمدرمان، ولأن العوقة مغفل ضار فقد فزج بإسم البروفسور. ومع إحترامى لدرجته الأكاديمية ولكن قوله ليس بمقدس ولكن يضعه تحت مجهر التقييم ومدى إلتزامه بالعلمية ومصداقية الطرح والتحليل وقدراته التحليلية. مصطفى البطل فى عهد مضى إختار عنواناً لمقال له (عبد الله حمدنا الله كوزفالصو) فيهمنى تصنيفه السياسى والذى يشاركه فيه هذا الرتاردت.
الأحمق الغبى يدعى أننى كتبت كلام إنشائى عاطفى عن أمدرمان، بينما أنا بإقتضاب أشرت لخطل ما أورده بمقاله (البائس). أشرت لمفهومه الخاطئ فيما هو (التاريخ)، وعددت أمثلة عن تاريخ أمدرمان، وأشرت لكلامه المغلوط عن فن الحقيبة وود الفكى داعما بيوتيوب توثيقى تحدث فيه دميترى البازار، ويبدو أنه مثلما يجهل الكثير يجهل من هو ديمترى البازار.
07-10-2016, 06:29 AM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
الجهلول يقول أن أمدرمان مدينة بلا تاريخ متحججاً بأن ليس بها آُثار(مادية) قديمة مقارناً بالقاهرة التى تعج بها الجوامع الأثرية. يخلط ما بين (التاريخ) و (الآثار) وهما علمان وتخصصان مختلفان. بإختصار فالتاريخ يدون ويحلل الوقائع والأحداث المتعلقة بالإنسان وتأثيرها فى الحياة الإجتماعية والسياسية والإقتصادية. ويستخدم مصطلح التاريخ القديم والتاريخ الحديث. وحقبة التاريخ الحديث معرفة من حوالى القرن الخامس عشر ميلادى، ومقسمة أيضا لتاريخ حديث مبكر وتاريخ قريب معاصر أى أحداثه تلقى بظلالها على الحاضر.
فالتاريخ الحديث فى أوربا من أمثلته الثورة الفرنسية (1789 إلى 1799) وعصر النهضة، والثورة الصناعية فى القرن التاسع عشر، والحربين العالميتين فى القرن العشرين ... الجهلول فى المدارس يدرس ويمتحن فى مادة التاريخ عن سياسة بسمارك الداخلية والخارجية حقبته السياسية (1862 ـ 1890) وتوفى عام 1898 ، فترة تواكب فترة الحكم التركى ثم المهدية بالسودان التى كانت عاصمتها أمدرمان .. ويأتى أبوجهل ويقول أمدرمان مدينة بلا تاريخ، يدرس ويمتحن فى تاريخ الإمبراطوريات الحديثة العثمانية والبريطانية والإسبانية مستعمراتها وكيف تحررت منها فى القرن العشرين، وبالسودان كان التحرر من الإمبراطورية التى لا تغرب عنها الشمس كفاح وطنى وحركة وطنية معقلها أمدرمان ويأتى ويقول أمدرمان بلا تاريخ .. والمضحك أنه ذكر مرددأ بلا فهم كلام البروفيسور معدداً بأن الحركة الوطنية بأمدرمان، ولا يدرى أنها (تاريخ) بل وتاريخ ضخم ومجيد كتبت فيه البحوث والكتب.
07-10-2016, 06:32 AM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
بلا دراية يردد مثل بروفيسوره أمدرمان مدينة مصنوعة بينما ضرب مثالاً يحسب أنه مناقضاً لها بالقاهرة، بينما القاهرة مدينة مصنوعة أنشأها جوهرة الصقلى والمعز لدين الله الفاطمى والمدن المصنوعة كثر منها بغداد أنشأها أبو جعفر المنصور، نيويروك، والعاصمة الأمريكية واشنطون أسست بعد الحرب وبعد تأسيس أمريكا إختاروا بقعتها على نهر البوتماك، ليس لها دوراً وطنياً أو ثقافيأ فى تاريخ أمريكا، بينما بقعة أمدرمان على نهر النيل لها تاريخ إرتبط بالمهدية ثم الحركة الوطنية والإستقلال، وتاريخ نهضه إجتماعية وتعليمية وثقافية وأدبية وفنية ورياضية قفزأ بالصاروخ أثرها إمتد على كل السودان. مدينة أديس أبابا مصنوعة إختار موقعها وأسسها الملك منليك الثانى عام 1886 وتاريخها معاصر فقط، بل أن كثير من الدول وخاصة التى كانت مستعمرة ومنها السودان مصنوعة فحدودها رسمها المستعرون. أمريكا تحكم العالم مصنوعة وإنتاج خالص لأحداث (التاريخ الحديث).
07-10-2016, 06:39 AM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
أما عن لغط الحقيبة وعما ورد بكتاب ملامح من المجتمع السودانى، فالأستاذ الجليل نجيلة لم يذكر عن ود الفكى أنه (فنان حقيبة) بل فنان طمبور قدم من كبوشية. والطمبور آلة قديمة وغناء الطمبور قديم لم يخترعة ود الفكى، وغناء الطمبور من قبله ومن بعده موجود وليس له علاقة بلونية غناء الحقيبة وغيرها.
وعندما تقرأ التاريخ وتحلله فتنظر لمصادره المتعددة خاصة من معاصرية ــ والأستاذ حسن نجيلة أحدهم وصادق فى روايته وقد كذب من حاول ان يلوى عنق معلومته. ومن مصادر التاريخ عن (فن الحقيبة) مرجعيتها وصناعها الإغريقى ديمترى البازار الذى زامل بعض شعرائها بكلية غردون وعاصر (عن قرب) الفنانين والشعراء فى ذاك الزمان، ويرجع له الفضل فى تسجيل أسطوانتها بمصر مصاحباً للفنانين بالقطار لمصر. فعندما يقول البازار أن الحاج محمد أحمد سرور هو عميد ومجدد الغناء فى السودان فلا جدال بعده، وعندما يروى شهادته عن مولد لونية أغنية الحقيبة الذى إبتكره محمد أحمد سرور فقوله الفصل. وعندما يؤرخ البروفيسور محمد عبد الله الريح لفن الحقيبة بحلقات تلفزيونية فى سبعينيات القرن الماضى جمع فيها بعض شعراء الحقيبة وديمترى البازار فقد وثق وأرخ لفن الحقيبة بتجرد وبدون لولوة وغرض ومرض.
أكيد مرت على هذا الجهلول وبروفيسوره فى الأدب العربى قصة الإعرابى البدوى الذى جاء من باديته لقصر الخليفة المتوكل فمدحه بتعابير خشنة (أنت كالكلب فى حفاظك للود .. وكالتيس فى قراع الخطوب) ، وبعد أن تمدن أشعر بلطف وعذوبة (عيون المها بين الرصافة والجسر .. جلبن الهوى من حيث أدرى ولا أدرى)، هذا ينطبق على الأدب والفنون الأخرى، تتأثر بالبيئة والحضارة والثقافة، ومعلوم بدول مختلفة تشكل مدينة أو مدن بعينها مركزا للإبداع الفنى .. القاهرة مثالاً لذلك أتى إليها وردة الجزائرية من الجزائر والدروزى فريد الأطرش وأخته أسمهان من سوريا، وأم كلثوم من المنصورة وعبد الحليم حافظ من ضواحى الزقازيق كلهم شكلتهم القاهرة وأخرجوا فنهم، مثلما أمدرمان من ضواحيها محمد احمد سرور وبعد أن تشبع ببيئة أمدرمان إخترع لونية فن الحقيبة. ومما تأثر به مدخلات عديدة منها موسيقى الجيش الإنجليزى خاصة موسيقى (القرب)، والآلات التى جاءت من مصر منها المثلث والصاجات والرق، والطبل، والعود والأكورديون، وإسطوانات أغانى عربية وأجنبية جلبتها الجاليات الأجنبية سواء الإغريقية والأرمنية والمصرية والسورية واللبنانية، إضافة للبيئة الإجتماعية الحضرية كلها عوامل إبداع شكلت الأغنية الأمدرمانية السودانية التى عرفت بالحقيبة وبعدها الأغنية الحديثة وأيضا ماعرفت بالفن الشعبى، ذاعت وإنتشرت عبر إذاعة هنا أمدرمان .. شكلت الوجدان والحس السودانى وجذبت فنانين من أمدرمان وخارجها، وكان ومازال المركز والمصدر (أمدرمان).
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عماد الشبلي
جمال ود القوز
MOHAMMED ELSHEIKH
امجد الجميعابى
يحي قباني
نادر الفضلى
فيس بوك
تويتر
انستقرام
يوتيوب
بنتيريست