|
|
 Re: أيام العمر (Re: Muna Khugali)
|
السلام عليكم
الأستاذة مني خوجلي وضيوفها الكرام
تحيه طيبه
اسمحي لي ورغم ضعف قلمي ان احاول ان استرسل فيما يجول في خاطري وتأثيره علي ايام العمر الباقي و الجاي الفات مات كما يقول اهلنا و اليوم المشي مابجي
انا شخصيا بحلم في ايام عمري الجايه انو يكون عندي بيت وكهرباء ومويه ومستشفي ومدرسة وجامعة في وطن اسمو السودان ما بهمني انت شنو اسمك
منو انتمائك الحزبي شنو فهمك شنو البيهمني انك تحقق لي طموح - شوفتي طموح الشباب الوصل ليهو - حتي عربيه ما ضمن أولوياتي أو حتي ماداخلة من ضمن
طموحي القريب وله البعيد بحلم اني اكون بني ادم في بلدي بحلم
بحلم اني اتعالج كويس في مستشفي مؤهل ولو نسبيا فيهو أدوية صالحة للإستخدام الادمي فيهو قطن وشاش واسطوانة اكسجين
بحلم بي اني اتعلم كويس ما التعليم الأمريكي و له الياباني لكن التعليم البزيل الجهل وبخليك قاعد في بداية حد النور البعيد داك
بحلم بي بيت مامهم من جوه فيهو شنو مبني بي شنو المهم فيهو كهربا ومويه صالحة لي الشرب بس وكهرباء مستقره
شوفتي الحلم دا بسيييييط كيف بحلم بي بلد الف انشاء الله ماشي وانا امن فيهو لافيهو حروب ولافيهو قطاع طرق ولافيهو الغام
بحلم بي اني لو عندي راي يتسمع - يعملو بيهو او لا ما من اولوياتي - لكن يصل احس اني زول عندو قيمه ورايو ممكن ينسمع
بحلم بي مواصلات تركب فيها تقعد مرتاح ما تكون قاعد وتقوم هدومك مشرطة ومجرح من الياي الطالع من الكرسي أو من
انك عندك انزلاق غضروفي من طول الوقوف والشارع المكسر
بحلم بي جيش ماعندو علاقة بالسياسة لامن قريب ولامن بعيد وبحلم بي رجال شرطة مدنية بتحترم القانون لي القانون وبتحترمك كابن ادم
دي للأحلام و الايام الجايه هل بنلقاها أو لأ مامعروف
نجي نشوف الحاصل السياسي في البلد
انا شخصيا لم أعي فترة ثورة أو إنتفاضة أبريل و لم يحصل لي شرف الإشتراك بها فحينها لم يتجاوز سني 3 أو 4 سنوات ولو شاركت لكنت الطفل النابغة
في تلكم الفترة ولكن يا استاذة مني قد شاهدت ثورة مصر وتونس وسوريا و اليمن وليبيا وإحتلال العراق ومحاولات قتلة واستباحت اراضية وشاركت في
سبتمبر السودان في 2013 اسمحي لي ان ابين في عجالة بعض الأمور التي استوقفتني من خلال هذه الفترة فهي مثقلة تماما بالأحداث
اولا الثورة السودانية اتيه لا محال طال الزمن او قصر رضينا أم ابينا كل الحاصل هو محاولة لي تطويل زمن او محاولة لي مد اجل النظام لعدة ساعات - في عمر السودان المدود
طول التاريخ - ولكن هذا النظام وبكل معانيه وسياسية و- عذرا - معارضية انتهي وكما يقال رفعت الأقلام وجفت الصحف بعد الثورة وجوه جديده بي احزاب جديده بي أشكال جديده
يبقي من يبقي وينتهي من ينتهي ولكن دي اخر لحظات لي النظام الحكم السودان وفق لي معطيات الماضي
منذ قدوم الإنقاذ لم تشهد حركات النضال فترات اخر مظاهرات جديه حقيقيه كان في عام 1996 وحينها تم ايقاف كل التعليم الجامعي في السودان إلي اجل غير مسمي ومنذ
تلكم الفترة لم تظهر مظاهرات جديه حتي عام 2013 ومنها حتي يوم الناس هذا تشهد الساحة السياسية السودانية مظاهرات - ممكن ان تسمي بالفئوية أو
النوعيه - وحسب وجهة نظري هي محاولات لكسر حواجز الخوف من النظام القائم ومحاولات ترويضة وهي بداية النهاية الحقيقية لي النظام القائم
تستمر هذه المظاهرات و التحركات الجماهيريه حتي لحظة كسر الخوف الكامل - نحن الان حسب تقديري علي اعتابها الان - ويبدأ الفيضان لغسل السودان
من قذارة دامت مايقرب من 60 عاما منذ الإستقلال وابشرك نحن علي اعتابها
الجاي اكيد لازم نكون متفائلين وبي كل تفاؤل الدنيا بنقول اكيد افضل واكيد احسن من الحاصل الان لكن عشان يتبني سودان بنحلم بيهو ويتبني وطن بنسعد
بيهو كلنا لازم كلنا نقيف ونتشايل ونتشارك وناس الداخل وناس الخارج يتكاتفو في بناء السودان
وإنشاء
جمهورية السودان الديقمراطية
ومشكورة كتير علي الخيط الرائع دا
بالمناسبة الفوق دا كلووووو كلام ساكت بس
واعجبي !!!!!!!!
|
|
 
|
|
|
|
|
| العنوان |
الكاتب |
Date |
| أيام العمر | Muna Khugali | 05-01-16, 04:44 PM |
| إنتفاضه أم ثورة..أم هبة؟؟ | Muna Khugali | 05-01-16, 06:33 PM |
| Re: منو البديل؟؟ | Muna Khugali | 05-01-16, 11:09 PM |
| Re: منو البديل؟؟ | Muna Khugali | 05-01-16, 11:37 PM |
| Re: منو البديل؟؟ | عفاف أبو حريرة | 05-02-16, 00:43 AM |
| Re: منو البديل؟؟ | Muna Khugali | 05-03-16, 05:12 PM |
| Re: منو البديل؟؟ | ملهم كردفان | 05-03-16, 05:52 PM |
| Re: منو البديل؟؟ | Muna Khugali | 05-03-16, 10:54 PM |
| Re: التشكيك ثم تكذيب لما هو حاصل.. | Muna Khugali | 05-03-16, 06:28 PM |
| Re: أيام العمر | Mahamed Eltaze | 05-04-16, 10:56 AM |
| Re: أيام العمر | ismeil abbas | 05-04-16, 11:43 AM |
| Re:الإنتفاضة بشبابها..الرصاص ما بيطفي نارها | Muna Khugali | 05-06-16, 01:12 AM |
| Re: أيام العمر | Mahamed Eltaze | 05-04-16, 02:00 PM |
| Re:أحلامهم وأحلامك.. | Muna Khugali | 05-06-16, 00:13 AM |
| Re: أيام العمر | أحمد عزالدين | 05-04-16, 12:36 PM |
| Re: أيام العمر | اميرة السيد | 05-04-16, 02:26 PM |
| Re: أيام العمر | Mahamed Eltaze | 05-04-16, 02:43 PM |
| Re: أيام العمر | اميرة السيد | 05-04-16, 02:53 PM |
| Re: أيام العمر | الشامي الحبر عبدالوهاب | 05-04-16, 05:50 PM |
| Re: الأمل | Muna Khugali | 05-12-16, 00:08 AM |
| Re: أيام العمر | Muna Khugali | 05-11-16, 11:03 PM |
| Re: أيام العمر | Muna Khugali | 05-11-16, 09:53 PM |
| Re: أيام العمر | Muna Khugali | 05-11-16, 05:30 PM |
| Re: التشتيت والتبخيس | Muna Khugali | 05-06-16, 07:37 PM |
| Re: التشتيت والتبخيس | Muna Khugali | 05-12-16, 12:59 PM |
|
| |
Mahamed Eltaze
فيس بوك
تويتر
انستقرام
يوتيوب
بنتيريست