|
Re: رحلة اغترابي (Re: AL-Qassim)
|
آمنتم له قبل أن آذن لكم إنه لكبيركم الذي علمكم السحر ... ماشين حسب مواعيد الكفيل للذهاب للمكتب لاستلام دفتر الاقامة حكيت لادروب ما دار بيني والكفيل ادروب جاهو احساس انو إدقس وخاصة كان بتوقع اشاركو في مخططي كان حافظ ليهو شويت ايات بقلبنا قال لي (( انت طلعت صغيرهم الذي لم يعلمهم السحر)). جملة ادروب واحنا راكبين اللموزين خلتني اسرح بخيالي عشان اقصر المشوار. فترة من العمر وهي مرحلة خلوة القران قبل المدرسة بموردة الحطب مع فكي ابكر واصدقائي اولاد فريق فلاته بالدباغه. فكي ابكر كان صعب جدا في حكاية الحفظ نكون قاعدين في السباته وعندو صبي بكتب ليهو في السبوره لانو رجلو مقطوعه من الساعة سبعة صباحا حتي الساعة اثناشر تكون قاعد بتردد معاهو في القران . اوقات كثيرة لما افكونا البيوت بنلقي واحد ((بال في محلو هو قاعد)) بعد نبعد من الخلوة خوفا من الفكي بنطلع معاهو سيرة لي بيتم نكورك (( واحد بال ... واحد بال... واحد بال)) فكي ابكر كان صارم لو ما حافظ يوم التسميع بدوك عشرة سيطان في ضهرك ولو اتملمت بجو العتاولة امسكوك فتشت لي طريقه اتودد ليها لي فكي ابكر . الطريقه الوحيده كانت لما افكونا البيوت مع الاذان في ناس بتتسابق عشان تجيب ليهو الابريق امشي بيهو الحمام وإنتظرو إرجع اكبو ليهو اتوضي الحاجة دي فيها مدافرة شديده وكمان أنا كنت مكتشف حكاية نسير الزول البال في لباسو لي بيتو وكانت هواية ممتعه الاصوات بتطلع بطريقة جلالة تشبه بتاعت الجيش وبندق معاها رجلينا في الواطه وناس تدق شنطة الدلاقين بيدينا قررت اتقرب من الفكي تحاشيا لي سيطان التسميع العشرة وكمان مرات الزول بدقس تجيهو نومة بلز ليك الصبي اقطع فيك سوط في ضهرك اثناء القراية . اول فكرة جاتني من الصباح بدري املي لي ابريق موية واختو في ركن الناس وقت تكابس مواسير الجامع الابريق حقي اكون عند الفكي نجحت الخطة وشويه شويه بقوني ريس مجموعة تسميع الامور مشت معاي باسطه والرفع الاسهم بتاعتي اكثر كان زمان في مرض اسمو ((القوب)) بحت الشعر دواير بالراس وبعمل ليك كاروشه في راسك أها أنا أول مكتشف لعلاج هذا المرض. انت في الخلوة لازم اجيك بالعدوي مسكني في راسي مشكلتو الحكة بتنشط بالليل كنت زهجان من القوب وجيت ماري بي موردة الحطب لقيت بتاعين اللواري عاملين حفر لتغيير زيت اللوري شيلتا لي حبة من زيت الراجع مسحت بيها كم قوبايه كدا الفكرة جاتني لما تضرب في الدافوري ((كورة الشراب)) والدم اسيل بتكشح ليها رماد بوقف الدم وكل يوم تكشح رماد لما الجرح ابري المحلات العملت فيها زيت الراجع بالليل ما اكلتني تاني يوم شوفتا لي علبة صلصة مليتا زيت راجع وقت النوم مسحت الراس لقيت الحكاية تشبه لي مسألة المضاد الحيوي في العلاج بين خمسة الي سبعة يوم حسب مقاومتك القوب بنتهي لو ما المرض دا حسي اختفي كان الزول وضعو بختلف وعمل ليهو اعلان في قناة تلفزيوينة زي حكاية ناس النيل للاعشاب... (( افضل طريقة لعلاج القوب وتجيب ليك زول شايل ليهو علبة صلة وبت بتجدع في شعرها تمسح ليهو راسو بزيت الراجع ممكن تختار البت بتاعت ... تونا جننتونا.. مع مقطع اغنية ممكن تبقي ملياردير)). الفكي ابكر لاحظ لفترة العلاج القصيرة سألني.... يا ود الشريف القوب راح منك بسرعه كيف ؟؟؟ دشيت ليهو العلاج أول ما صدق بعد التجربة مع كم واحد الحكاية لفقت. أها زيت الراجع اختفي من المورده وعلب الصلصة من الكوش فريق فلاته والدباغه تلقاهم اغرفو من المورده بتاعت الحطب وللجودة في العلاج في ناس هجمو علي المنطقة الصناعية. اموري كانت ماشة مع الفكي زي الحلاوة وجات الكارثة. كان في حاجة اسمها بليلة الاربعاء وقرش الاربعاء كل زول يوم الاربعاء اجيب للفكي قرش واجي شايل معاهو كوره ملانه عدسية او قمح ممنوع الذرة ((العيش الفتريته)) كانت ارخص شيء في تلك الفترة ممكن تمشي لي بتاع الطاحونه املي ليك الكوره بلاش فتلايته واحيانا تلقي الطاحونه واقفه وصاحبها في راحة الضهرية جوة البيت تخش تملي الكوره وتزوغ لو جبتا ذرة فتريته الفكي بديك عشرة سيطان في اماكن متفرقة من جسمك وعشان تجيب العدسية او القمح بتشتريها بي قرش. أها أنا كنت بجيب الفتريته ولما نجي نكب في حلة البليلة الكبيرة بعمل فيها الكوره وقعت مني جوه وبسرعه بلخبط الفتريته مع باقي الحاجات كان في واحد خاتنو للمراقبه بنتهز فرصة الزحمة وبشتت وبدي الفكي قرشو والقرش التاني بستمتع بيهو في (( القدو قدو)) اكله بتاعت الفلاته بالدخن والروب والامور ماشه معاي باسطه. الفكي وفريق التفتيش بلاحظو لي حبات ذرة في البليلة بسيطه كانو مفتكرنها لخبتت محاصيل. عندي صاحبي حسي مدير بنك الله اطرا بالخير دا الجاب لي الكفوة كل يوم اربعاء بياكل معاي القدو قدو هو عارف الزمن داك مافي دلع ما بدوك قرش زيادة حاول اعرف من وين بجيب القرش وبما انو صاحبي قلت ليهو حاول اطبق الفكرة بتاعتي يوم الاربعاء ستف الكورة فتريته ولسؤ الحظ مشي اكب قدامي في الحلة الراجل شاف المراقب ارتبك كشح الفتريته قبضو. تم ايقاف جيمع عمليات نجاض البليلة وكب العدسية والقمح في الحلة وخضع لتحقيق سريع افاد في التحقيق: والله اول مرة اعملها قال لي عباس كل مرة بعملها وحسي كورتو ملانه فتريته.... قبضوني بالثايته!!!! الفكي بشع بي بصورة غريبه اول حاجة شالوني من رئاسة مجموعة التسميع وثانيا اقعد قدام جمب الفكي لو زعل من اي زول عمل هرجلة أو خلافه بقطع فيني سوط عشان إخوف البقية ثالثا عاقبني عقاب باثر رجعي لقاني وقت انا رئيس للمجموعه ما قاعد احفظ ...كل يوم من الصباح اسمع جزء معاهاعشرة سيطان في الضهر لمدة سبعة ايام ((حقن ملاريا)). الفكي ناداني أول جملة قالها لي ... كبيرهم الذي علمهم السحر.... لي حسي في مكنيكي صاحبي من اولاد الفلاته لما الاقيهو في مدني قبل السلام بقول لي أوووووو كبيرهم الذي علمهم السحر. وأحنا ماشين علي المكتب حسب توجيه الكفيل لاستلام دفتر الاقامة راكبين اللموزين ادروب جمبي ومع زكريات الطفولة والخلوة كنت احيانا بتبسم ادروب الحكاية ما عجبتو رجعها لي أنا دقستهم احنا نازلين قال : ياها تضحك مبسوط وللاهي انتو يا ناس مدني !!! قام قال لي نكته افش بيها غليلو. تعرف يا أباس بوليس الهركه مسك ليهو هلفاوي سايق لوري في كبري هنتوب فتشو يمين شمال أشان إعمل ليو مخالفه الهلفاوي كلو شيء تمام ..اشارات ...فرامل .. لابس مركوب ما إندو شبشب ما لقي هاجة عشان يشيل منو قروش قال ليهو والله انتو يا ناس هلفا سبابين الدين ما نلقي منكم شيء السواق قال ليهو وللاهي احنا نقطعو معاكم ناشف يا ناس مدني يا ...... ((أحسن نخليها ما كويسين)) . في اللحظة دي وصلنا المكتب لاستلام الاقامات.
|
|
|
|
|
|
|
العنوان |
الكاتب |
Date |
رحلة اغترابي | عباس الدسيس | 04-10-16, 08:27 AM |
Re: رحلت اغترابي | ادريس خليفة علم الهدي | 04-10-16, 08:35 AM |
Re: رحلت اغترابي | محمد مجيدو | 04-10-16, 09:11 AM |
Re: رحلت اغترابي | عباس الدسيس | 04-10-16, 09:38 AM |
Re: رحلت اغترابي | الطيب عباس | 04-10-16, 11:42 AM |
Re: رحلت اغترابي | عباس الدسيس | 04-10-16, 01:42 PM |
Re: رحلت اغترابي | عباس الدسيس | 04-10-16, 02:40 PM |
Re: رحلت اغترابي | ناصر حسين محمد | 04-10-16, 02:44 PM |
Re: رحلت اغترابي | عباس الدسيس | 04-10-16, 02:47 PM |
Re: رحلت اغترابي | عباس الدسيس | 04-10-16, 03:19 PM |
Re: رحلت اغترابي | حاتم محمد عثمان | 04-11-16, 03:24 AM |
Re: رحلت اغترابي | عباس الدسيس | 04-11-16, 05:19 AM |
Re: رحلت اغترابي | عباس الدسيس | 04-11-16, 05:21 AM |
Re: رحلت اغترابي | Khalid Saeed | 04-11-16, 06:39 AM |
Re: رحلت اغترابي | ياسر السر | 04-11-16, 07:44 AM |
Re: رحلت اغترابي | عباس الدسيس | 04-11-16, 08:06 AM |
Re: رحلت اغترابي | عباس الدسيس | 04-11-16, 08:52 AM |
Re: رحلت اغترابي | اسامه العريفي | 04-11-16, 09:28 AM |
Re: رحلت اغترابي | فتح العليم محمد أبوالقاسم | 04-11-16, 10:10 AM |
Re: رحلت اغترابي | ادم شحوتاي | 04-11-16, 10:53 AM |
Re: رحلت اغترابي | سيف النصر محي الدين | 04-11-16, 01:47 PM |
Re: رحلت اغترابي | عباس الدسيس | 04-11-16, 01:53 PM |
Re: رحلت اغترابي | الهادي الشغيل | 04-11-16, 02:09 PM |
Re: رحلت اغترابي | حامد بدري | 04-11-16, 02:06 PM |
Re: رحلت اغترابي | ابو جهينة | 04-11-16, 02:16 PM |
Re: رحلت اغترابي | عباس الدسيس | 04-11-16, 02:31 PM |
Re: رحلت اغترابي | عباس الدسيس | 04-11-16, 02:34 PM |
Re: رحلت اغترابي | عباس الدسيس | 04-11-16, 02:41 PM |
Re: رحلت اغترابي | عباس الدسيس | 04-11-16, 02:43 PM |
Re: رحلت اغترابي | عباس الدسيس | 04-11-16, 03:00 PM |
Re: رحلت اغترابي | عباس الدسيس | 04-11-16, 03:05 PM |
Re: رحلت اغترابي | عباس الدسيس | 04-11-16, 03:11 PM |
Re: رحلت اغترابي | عباس الدسيس | 04-11-16, 03:20 PM |
Re: رحلت اغترابي | عباس الدسيس | 04-12-16, 08:06 AM |
Re: رحلت اغترابي | الطاهر الطاهر | 04-12-16, 12:50 PM |
Re: رحلت اغترابي | عباس الدسيس | 04-13-16, 08:18 AM |
Re: رحلت اغترابي | الطاهر الطاهر | 04-13-16, 09:42 AM |
Re: رحلت اغترابي | عباس الدسيس | 04-14-16, 07:24 AM |
Re: رحلت اغترابي | اسامه العريفي | 04-14-16, 07:40 AM |
Re: رحلت اغترابي | محمد عبد الله الحسين | 04-14-16, 07:53 AM |
Re: رحلت اغترابي | عباس الدسيس | 04-14-16, 01:33 PM |
Re: رحلت اغترابي | Mohammed Alhasan Mohammed | 04-16-16, 07:11 AM |
Re: رحلت اغترابي | عباس الدسيس | 04-17-16, 05:16 AM |
Re: رحلت اغترابي | عباس الدسيس | 04-17-16, 05:20 AM |
Re: رحلت اغترابي | عباس الدسيس | 04-18-16, 06:58 AM |
Re: رحلت اغترابي | Yousuf Taha | 04-18-16, 07:11 AM |
Re: رحلت اغترابي | عمر دهب | 04-18-16, 09:59 AM |
Re: رحلت اغترابي | أحمد الشايقي | 04-18-16, 01:18 PM |
Re: رحلت اغترابي | عباس الدسيس | 04-18-16, 03:14 PM |
Re: رحلت اغترابي | درديري كباشي | 04-18-16, 04:20 PM |
Re: رحلت اغترابي | ناصر حسين محمد | 04-18-16, 04:46 PM |
Re: رحلت اغترابي | عباس الدسيس | 04-19-16, 07:32 AM |
Re: رحلت اغترابي | عباس الدسيس | 04-20-16, 05:27 AM |
Re: رحلت اغترابي | عباس الدسيس | 04-20-16, 05:30 AM |
Re: رحلت اغترابي | ادريس خليفة علم الهدي | 04-20-16, 06:49 AM |
Re: رحلت اغترابي | عباس الدسيس | 04-21-16, 06:23 AM |
Re: رحلت اغترابي | عباس الدسيس | 04-21-16, 08:25 AM |
Re: رحلت اغترابي | Omer Mustafa | 04-21-16, 01:50 PM |
Re: رحلت اغترابي | مصعب عوض الكريم علي | 04-21-16, 03:06 PM |
Re: رحلة اغترابي | طاهر بدر | 04-21-16, 03:20 PM |
Re: رحلة اغترابي | مهيرة | 04-22-16, 10:38 PM |
Re: رحلة اغترابي | Hani Arabi Mohamed | 04-22-16, 11:02 PM |
Re: رحلة اغترابي | ادم شحوتاي | 04-24-16, 06:52 AM |
Re: رحلة اغترابي | عباس الدسيس | 04-24-16, 07:17 AM |
Re: رحلة اغترابي | اسامه العريفي | 04-24-16, 07:24 AM |
Re: رحلة اغترابي | محمد مجيدو | 04-24-16, 07:52 AM |
Re: رحلة اغترابي | عباس الدسيس | 04-24-16, 01:24 PM |
Re: رحلة اغترابي | اميرة السيد | 04-24-16, 01:44 PM |
Re: رحلة اغترابي | عباس الدسيس | 04-24-16, 01:46 PM |
Re: رحلة اغترابي | عباس الدسيس | 04-24-16, 01:54 PM |
Re: رحلة اغترابي | عباس الدسيس | 04-24-16, 02:12 PM |
Re: رحلة اغترابي | عباس الدسيس | 04-24-16, 02:17 PM |
Re: رحلة اغترابي | عباس الدسيس | 04-24-16, 02:30 PM |
Re: رحلة اغترابي | عباس الدسيس | 04-24-16, 02:33 PM |
Re: رحلة اغترابي | عباس الدسيس | 04-24-16, 02:36 PM |
Re: رحلة اغترابي | عباس الدسيس | 04-24-16, 02:38 PM |
Re: رحلة اغترابي | عباس الدسيس | 05-02-16, 06:50 AM |
Re: رحلة اغترابي | مامون عبدالله نور | 05-02-16, 07:33 AM |
Re: رحلة اغترابي | مصعب عوض الكريم علي | 05-02-16, 12:29 PM |
Re: رحلة اغترابي | ادريس خليفة علم الهدي | 05-03-16, 12:50 PM |
Re: رحلة اغترابي | AL-Qassim | 05-03-16, 01:32 PM |
Re: رحلة اغترابي | عباس الدسيس | 05-04-16, 06:40 AM |
Re: رحلة اغترابي | ادريس خليفة علم الهدي | 05-10-16, 08:58 AM |
Re: رحلة اغترابي | Abutalib Elgorashi | 05-19-16, 01:05 PM |
|
|
|