اعلان ارشفة المنبر الحالى يوم الاربعاء الموافق 18 اكتوبر 2017
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 10-18-2017, 06:22 PM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

حيث لا مناشفة .. حيث لا بلاشفة : عن الازمة في الحزب الثوري

08-12-2017, 12:46 PM

عبدالمنعم الطيب حسن
<aعبدالمنعم الطيب حسن
تاريخ التسجيل: 11-15-2012
مجموع المشاركات: 2531

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: أحمد طراوه)

    واليوم غابت امنا فطنة السمحة؛
    يوم حزين للشعب السوداني
    الذي طالما أحبته وعملت لاجله
    ولقضية المرأة السودانية
    لها الرحمة بقدر نضالها
    وشجاعتها وإنسانيتها
    بت الشعب العظيمة....
    الأميرة السودانية فاطنة القصب اللحمر
                   |Articles |News |مقالات |بيانات

08-12-2017, 02:19 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 3989

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: عبدالمنعم الطيب حسن)

    .. وداعا ايتها المراءة السودانية العظيمة !

    ارقدي مطامنة في قبرك يا ذات التوب الابيض ( النضيف ) ..

    تبسمي ل ( ملك الموت ) .. فانتي من الاولياء الذين حازوا مراتب الرضاء : رضاء الخالق و عباده من أهل السودان
    تبسمي ، فقد حلت أمل هباني المشكلة، بذات عقلك ( عقلك السوداني الكبير الأصيل )
    قبلت أمل دفع الغرامة ( نزولا عند راىء الزوج و الأهل ، و غالب تيار قيم و فهم و شوف شعبنا )

    ستفتقدك غالب نساء الريف و البوادي : من لا زالوا يحلمون بقابلة قانونية و مركز لرعاية الأمومة و الطفولة

    العزاء ل احمد الشفيع احمد الشيخ
    العزاء لكم يا عبد المنعم .. و لكل الرفاق
    العزاء لشعبنا و كافة قوى الثورة السودانية
    العزاء لقيادة الحزب الشيوعي السوداني ، و للزملاء و الأصدقاء بلندن ، الذين أوفوا و كفوا ...

    يا فاطنة ( نفيسك الثوري your misty breath ) شمعوهو جوه الفتيلة ( او كما قال اسماعيل ود حد الزين )
                   |Articles |News |مقالات |بيانات

08-12-2017, 04:02 PM

احمد حمودى
<aاحمد حمودى
تاريخ التسجيل: 01-11-2013
مجموع المشاركات: 2638

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: أحمد طراوه)

    لها الرحمة والمغفرة
                   |Articles |News |مقالات |بيانات

08-16-2017, 10:43 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 3989

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: احمد حمودى)

    فاطنة بت شيخ احمد

    وداعا يا ( سودانية الأصل و المحتداء و كل الاحتمالات )

    الان ترقدين بهدوء في ذاك الطرف الأغر ، مقابر البكري ( الترافيلغر الأمدرماني ) حيث إيقاعات
    المخبوت و النوبة و الدقلاشي و ملائكة الحساب العدل

    و يخرج من طرف توبك الابيض ( النضيف ) ، مرة اخرى ذاك الشعار السياسي - النضالي العبقري الذي صاغته
    عقول و افئدة ( أهل الدائرة و الموجدة الماركسية السودانية : جبهة عريضة للديمقراطية و إنقاذ الوطن )

    و ابلغ ما تقوله سيرتك العظيمة ،
    و منذ ان كنتي طفلة يافعة تغشين مع اخوتك الأولاد خلوة ( مرفعين الفقراء ) بنواحي حي العباسية الأمدرماني ،
    ترتلين اجزاء من القران الكريم بقراءة الامام الدوري، ابلغ ما تقوله هذه السيرة :

    ان شيوعية ماركس ، هي فكر أنساني عالمي ، عابر للقارات و الاجناس ، فكر يتمظهر في كل بلد على نحو فريد ،
    و وفقا لخصوصية بالغة الاصالة

    عاش نضال و صبر نساء السودان في الحضر و البوادي و اعماق الريف و الهامش
    عاش نضال شعب السودان
    عاش نضال الحزب الشيوعي السوداني ( الشاهد العدل على كونتراكت المحبة بين فاطنة و شعبها )
                   |Articles |News |مقالات |بيانات

08-16-2017, 11:15 AM

علي دفع الله
<aعلي دفع الله
تاريخ التسجيل: 08-31-2012
مجموع المشاركات: 3811

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: أحمد طراوه)

    حجيتكم ما بجيتكم بي فاطنة بت احمد ود ابراهيم .
    يا ام احمد دقي المحلب فوق توب احمد ..
    احمد حاضر في البنادر ..
    جونا كلاب قلوبهم دم.. شرابهم دم ..اكلهم دم ..
    وفي وش المدفع وقفت فاطنة ..
    فاطنة منو ...
    فاطنة السمحة..
    فاطنة القمحة ..
    فاطنة النسمة ..
    فاطنة البسمة..
    فاطنة الصافية.
    فاطنة العافية ..
    فاطنة دعاش..
    فاطنة رشاش ..
    فاطنة جسارة فاطنة بشارة ..
    فاطنة صمود فاطنة عهود .
    فاطنة شفاء فاطنة دفاء .
    فاطنة خريف حاشاها الزيف .
    فاطنة اصيلة فاطنة عديلة .
    فاطنة العيش اللحمر
    فاطنة القطن الابيض
    فاطنة الصمغ الاصهب
    فاطنة التنضح سكر
    فاطنة الحاضر فاطنة الماضي فاطنة الجايي.
    فاطنة التوب الزينة
    فاطنة عفاف
    فاطنة كفاف
    فاطنة شموخ
    فاطنة وضوح
    آلمنا فراقك .نتمنى عناقك .ابكانا رحيلك وهدت حيلك .
    عزانا الاكبر حبك لترابك .
    من صحراتو لي غاباتو وكل سحناتو ملانة حزن لامن متدفق ..
    وتراب ارضك فرحان بي حضنك لان الحب البينكم واصل ...لا بعد الشقة ولارهق مشقة فرق بينك وبينو وبيننا ..
    حبابك الف مرحب بيك انجزتي مهامك وفوقها زيادة .
    كما الرفقاء القبلك رحلوا .انتوا الساس والعرق البنبض فينا .
    حلفنا بيكم مؤمنين سنكون عند حسن ظنكم ما حيينا ..
    وداعا امنا ومرحبا بك في تراب وطنك ..
    يا خالدة في دواخلنا ..
    والسلام على رفيقك ابو احمد يا ام احمد ...
    --------------
    علي دفع الله ..
                   |Articles |News |مقالات |بيانات

08-19-2017, 10:06 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 3989

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: علي دفع الله)

    لو تراكمت الاحزان يا علي ،

    اذن ،
    ياخي قوم بينا ( حلو درب الطير في سكينة ) .. حلو درب الجماهير
    قوم بينا نلاقي مناظر .. ( تبهج و تسر الناظر ) ، مناظر حركة الجماهير .. تحديدا مناظر رايات الشيوعيين الحمراء ..
    الرايات المتلاصفة فوق موكب تشييع ( فاطنة بت السودان اصيل ) .. المتلاصفة فوق سماوات الازمة العويصة العميقة الشاملة

    الرايات الحمراء التي تقول : ان هذا البلد الأمين أفاقوا مشحونة بحقائق صراع الطبقات و الفرز الاجتماعي المتسارع بحدة و شراسة
    الرايات الحمراء البتقول : نهر من المظالم و الغباين و الدماء ، قد صار يفصل بين ملايين الكادحين و الفقراء المعدمين ماركة العطبراوي
    و محي الدين فارس ( المعذبين ذوي العيون مجروحة الاغوار ذابلة البريق ) .. و بين مترفي و لصوص قصر غردون الاسلامي

    ( كل من امتلك فهوم و مدارك سوية، يعلم ان شعار فاطنة يا دغرية .. بره الحرامية ، هو انبثاق موضوعي لتراكم طويل على خط الوعي و الوضوح و الفرز السياسي الاجتماعي الشرس )


    * لا اعتقد ، ان موسى هلال حيسلم سلاحوا .. !
    بعد ان عرف طريقو ل ملكية الحواكير و شوالات دهب ألبرتي، و طالما ان متنفذي قصر غردون الاسلامي هم مجرد
    شلة مصابة ب الحول political myopia ،
    شلة على صراط فكر سيد قطب، و غير مدركة او عارفة بوسائل و أساليب و شروط و تنازلات و سعة أفق بناء طبقة راسمالية راسخة الأركان ، و متعددة الأعراق و القبائل
    و الأديان و الانتماءات
                   |Articles |News |مقالات |بيانات

08-26-2017, 01:52 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 3989

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: أحمد طراوه)

    مرة اخرى : وداعا فاطنة ( بت شيخ احمد ) ، و فاطنة هي احدى التجليات الخاصة ( جدا، جدا ) لمضامين
    فكر كارل ماركس في بلاد السودان ...

    و شيخ احمد ابراهيم هو ذاك الأب المربي الذي وبخ امام الملاء ابنه الوزير مرتضى احمد ابراهيم في احدى مقابر أمدرمان
    لكون مرتضى قد حضر ( الدافنة ) متاخرا ، ولم تشفع لمرتضى ظروفه تلك المتصلة بمشاغل حكومة ( الثورة )

    و حتما،
    لن ينتهى ( العزاء النظري - الفكري ) المتصل بظاهرة فاطنة احمد ابراهيم بانتهاء مراسم الدفن ..

    الان طارت فاطنة من مقابر البكري ( طيران شيخ الهميم السناري .. طيران شخوص غابرئيل جارسيا ماركيز ) ..
    الان ذهبت سيرة فاطنة النضالية ( the political discourse ) .. لتستقر عميقا في المجرى الواسع
    لحراك صراع الطبقات و مجمل ماءلات التطور الثوري السوداني

    و قد ،
    قراءت بالامس مقالا سياسيا يستحق التعليق، و تدوير عجلة صراع الأفكار ( كتبه الشفيع خدر سعيد )
    يستحق التعليق : لان الشفيع بالضبط يفكر و يكتب خارج ( السقف ) الماركسي ،
    و في كامل الارتباط بقوانين جاذبية فضاء الفكر الوظيفي - الأداتي ، و الذي هو من اهم تيارات الفكر
    البرجوازي الراهن ..

    ( الفكر المستصحب الهيجلية الجديدة ، و براجماتية ما بعد الحرب العالمية التانية ، او ما يعرف
    بمهام البرجوازية الوطنية في مواجهة تحديات ما بعد الاستقلال )

    لمقال الشفيع ، و لفكر المارتنيكي الفرنسي - الجزائري، نعود ...
                   |Articles |News |مقالات |بيانات

08-26-2017, 08:05 PM

Hamid Elsawi
<aHamid Elsawi
تاريخ التسجيل: 09-22-2005
مجموع المشاركات: 1935

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: أحمد طراوه)

    ( كل من امتلك فهوم و مدارك سوية، يعلم
    ان شعار فاطنة يا دغرية .. بره الحرامية ،
    هو انبثاق موضوعي لتراكم طويل على خط الوعي
    و الوضوح و الفرز السياسي الاجتماعي الشرس )


    شكرا أحمد علي هذا التعليق البليغ
    عزائي لك و للشعب السوداني
    الآن يحتضن تراب الوطن عشيقته برفق وحنان
    و تحلق سيرتها في سماء الوطن بشموخ و عِزة
    لك الرحمة استاذتنا و معلمتنا و امنا فاطنة
    لك تحياتي
                   |Articles |News |مقالات |بيانات

08-28-2017, 00:14 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 3989

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: Hamid Elsawi)

    تحياتي يا حامد ،

    فاطنة دغرية .. بره الحرامية

    شكلا و مضمونا، ظرفا و ملابسات، هو شعار وليد الوعي ب ( لحظة الصراع المفتوح المتبلور منذ هبة سبتمبر ٢٠١٣ )
    شعار وليد ( الشارع ) .. شارع الحركة الجماهيرية ..

    و هو اصدق ، و ابلغ ، و ابسط ، من تلك الشعارات التي كان يتم اعدادها داخل دايرة الفكر
    و الأيدلوجيا و التعبئة بتاعت الإكليروس الشيوعي الحكومي ( طيب الذكر الراحل ميخائيل سوسلوف )

    الشيوعيين السودانيين بباروا حركة الجماهير المستقلة ( وقع الحافر ب الحافر ) ، في كتير من الأحيان يتبنوا شعاراتها ، و عند الضرورة
    بتقدموها ( التقدم دا ياهو البجنن العدو الطبقي و جهازو الامني )

    و لا تنسى ، في كتير من الأحيان برضو حركة الجماهير المستقلة بتكون فايتا الشيوعيين ، عشان كدا لينين كان بقول : الشعار هو نمو المهام ، بنمو حركة الجماهير

    و يبقى عبد الخالق على حق حين قال : نحن نتعلم من الجماهير و نعلمها كذلك ..
                   |Articles |News |مقالات |بيانات

08-30-2017, 09:23 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 3989

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: أحمد طراوه)

    حمدا لله على سلامة ( البطل السوداني ) مضوي ابراهيم ادم
    مع فارق فترة الحبس الاعتباطي ، و تباين الظرف التاريخي ، فان نوعية د. مضوي ، هي ذات نوعية نلسون مانديلا
    و اجمل ما في رواية د. مضوي ، هو الأداء المحترم، الأداء بالغ الدلالات و المجلل بالشموخ و عزة أهل الحق ( الأداء بتاع زوجتو و بناتو التلاتة )

    و طالما حاجات ( جماعة قصر غردون الاسلامي ) كان حبس ، كان افراج ، كان احكام إعدام ، كلها بتم في كامل خفة الرأس، و إرضاءا لامريكا ،
    و جريا وراء موضوع ( فك الحظر على التحويلات المصرفية، الحظر المفروض على القروش القاعدة في دبي و ماليزيا ) ،
    فلنشوف برضو عاوزين يعملوا شنو في موضوع حكم الإعدام الصادر في حق ( البطل ) التاني / عاصم عمر

    و اجمل ما في رواية عاصم عمر ( المتهم تلفيق ساكت ) ، هو ما قالته من قبل الصحافة الفرنسية حول محاكمة الشهيد عبد الخالق محجوب :
    ان الشخص الوحيد المحترم في تلك المحكمة المهزلة : هو المتهم نفسه

    لا زلت اتاءمل في الطريقة ( بتاعت مسارح برودواي ) الجدع بيها موسى هلال المكرفون، بعد ما نبذ حسبو و جماعتو ، وفِي ذهني حكمة بوادي السودان : البلد المحن
    مجبور يلولي جناهن ...
                   |Articles |News |مقالات |بيانات

09-07-2017, 10:03 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 3989

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: أحمد طراوه)

    عيدكم سعيد ،
    مع حقيقة ان بلادنا قد نزلت بكذابين ضيفهم عن الحل و الترحال مردود ..

    ضربت الأمطار و السيول تكساس ، و صارت هيوستن مدينة تحت الماء ، و اهتزت أسعار البترول في بورصات الشرق و الغرب، و عاد
    مجددا ذلك الشعار الجماهيري الذي صاغته الجماهير عفوا في شوارع الخرطوم و اطرافها ايام اغسطس ١٩٨٨ :

    موية و نور للجمهور .. زنكي و طوب للمغلوب ..
    وهو شعار من صميم و حدة و عالمية النضال الجماهيري في مواجهة الدولة ( الراسمالية - الطبقية )
    او كما قال فلاديمير اليتش لينين : ان الدولة الراسمالية الطبقية ، و منذ ١٩٠٠ ، قد صارت ظاهرة كونية

    او كما نفهم الان : ان جيش السودان الذي صار ضمن قوات ( الأفريكوم الامبريالي ) .. جيشنا الذي ورطه قصر غردون الاسلامي في حرب اليمن،
    قد صار مجرد بيدق صغير في شطرنج وزارة ( الحربية الامريكية )

    و يجب ان لا تغيب هذه الحقيقة عن السيد الصادق المهدي : وهو يناشد الملك سلمان إيقاف حرب اليمن ، وهي حرب إمبريالية تتفق تماما،
    مع افعال بلطجية كوريا الشمالية ، الامبريالين الصفر ، بتاعين راسمالية الدولة الشيوعية الناهبة لفوائض أهل كوريا ...
                   |Articles |News |مقالات |بيانات

09-10-2017, 02:20 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 3989

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: أحمد طراوه)

    القنبلة الهايدروجينية H-Bomb في شبه الجزيرة الكورية ؟!

    فيلم هندي جديد على خشبة مسرح سينما درب الحرير الراسمالي الامبريالي الجديد
    درب الحرير الجديد الرابط قوى المشروع الراسمالي الامبريالي من موسكو لغاية واشنطن

    قطر درب السعادة ، المتشعبطين فيهو برضو لصوص قصر غردون الاسلامي، قطر البضاعة و تجارة سوق ام دفسو
    بتاع دول اقتصاديات التبعية : تجارة توريد الجيوش لليمن لصالح الحلف العربي السني الرجعي العميل

    الان قد تم تدشين المرحلة التاريخية الامبريالية التانية للحرب الباردة ..!
    الولد الكوري المهرج ، الحالق شعرو ب الاستيال الامريكي low recess
    الولد ( كيم يونق وون ) القام من نومو و لقى كومو الشيوعي ..
    الولد الوريث الشرعي لأملاك الدولة الشيوعية ماركة الطغيان الشرقي القديم oriental despotism
    يطلق صفارة انطلاق دورة تاريخية جديدة لانتعاش الكوربريت الامريكي الراسمالي الامبريالي لبيع الأسلحة

    ويبقى السوءال المحير ل ابو القنبلة الهيدروجنية زاتو ( ادوارد تيلر) :

    منو الأدى العسكريين البلطجية بتاعين راسمالية الدولة الشيوعية الكورية مفاتيح باب الدخول الي حيّز السلاح
    القائم على فكرة التخليق النووي التراكمي fusion nuclear weapon ....
    و الولوج لحيز امتلاك قنبلة الانشطار الفوتوني - النيوتروني ، المعروفة بالقنبلة الهايدروجينية

    الي اللجنة المركزية لحزب عبد الخالق و نقد :
    في عالم إمبريالي جديد مضطرب ، حتما ستواصل جماهير الثورة الوطنية الديمقراطية السودانية، شق طريقها، و صياغة
    برامجها و تكتيكاتها و تحالفاتها، حيث غاب المعسكر الاشتراكي ، وحركة التحرر الوطني و انتهى انقسام الحركة الشيوعية العالمية
    بانهيار الاتحاد السوفيتي ، و تحول الصين الي مصنع كبير للسلع الراسمالية الرخيصة، و صار السلاح النووي في أيدي امبريالين مخابيل
    طغاة و مجرمين
                   |Articles |News |مقالات |بيانات

09-12-2017, 07:06 AM

اسامة الكاشف
<aاسامة الكاشف
تاريخ التسجيل: 06-13-2008
مجموع المشاركات: 881

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: أحمد طراوه)

    أحمد وزواره
    كل عام وانتم بالف خير
    متابعة لصيقة ونهل من معين لا ينضب
    عس يسمح الزمن ونتحاور
    كثير من الكبسولات أعلاه شديدة الانفجار
    وتحتاج تفكيك

    تسلموا
                   |Articles |News |مقالات |بيانات

09-16-2017, 01:03 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 3989

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: اسامة الكاشف)

    تحايا ابا راشد

    أضف برضو ل ( كبسولاتك الفكرية ) :

    هذه الكبسولة الجديدة ،
    كبسولة الفضاء السوداني البرجوازي بتاع الانتلجنسيا السودانية : المصطلح الحايم هادي الأيام الأسمو ( الكتلة التاريخية )
    وفيما اعتقد هو مصطلح سوسيولوجي - سياسي بحاول يفتح درب تاني ل تجييش الكادحين، و أخراجهم من إطار نظرية صراع الطبقات الماركسي ،
    و وضع المسار الثوري برمتو تحت قيادة الليبراليين و الحقوقيين و المدعين تمثيل الطبقة الوسطى، و الطبقة العاملة ، و كل الهامش، و كل الشريط
    النيلي من حلفا لغاية الرنك ...

    الكتلة التاريخية historical social block : هي منطلق نظري يرفض فكرة وجود طبقات في السودان قادرة على خوض الصراع السياسي بوعي
    و استقلال و برامج متكاملة

    ( مع حقيقة انو عمر البشير ذات نفسو بمثل قيادة لطبقة مستقلة لدرجة انها مغلقة ، و قادرة على خوض معارك النهب الاقتصادي ، و التطهير العرقي ،
    في كامل الوعي بمشروعا و مصالحا .. )

    اعمل لينا بالله فذلكة تاريخية لدرب الحرير القديم Silk Road ، وهو درب البورجوازيات التجارية القديمة الطالعة من رحم
    الإقطاع الشرقي الماندريي، درب ما قبل الثورة الصناعية الراسمالية ، درب البورجوازيات التجارية في بحثها عن تبادل اقتصادي ، ودمج أسواق عالمي
                   |Articles |News |مقالات |بيانات

09-22-2017, 09:25 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 3989

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: أحمد طراوه)

    .. الماركسية و الثورة السودانية في عالم تراجعي reactionary مضطرب متغير !

    حيث يتصاعد سباق التسلّح ، و تشتد الحرب الباردة .. و يتسيد المشهد العالمي المهرج الامبريالي دونالد ترامب مقاول بناء
    الأبراج و الحيطان، في مواجهة كيم جونق اون ، بن الزعيم الابدي كيم ال سونغ المحبوب لدي ٤٠ مليون نسمة ، الولد بتاع تسريحة ( الماهاو )

    بعد ما نبذ ترامب و وصفو بالأمريكي المخبول dotard ، قال حنفجر القنبلة الهايدروجينية في تجريب باسيفيكي تاني، في ضهاري
    لوس انجلوس ، و سان فرانسيسكو ، و سيشمل التهديد ذلك الساحل الامريكي الرومانتيكي بتاع سانتا مونيكا الوارد في سرديات الراحل على المك

    ( ياحبيبي قوماك ننسرق ، القمر في سانتا مونيكا .. القمر في كنانة ... يكشفنا آه ضوء القمر .. كما قال الكاشف برواية سيد عبد العزيز )

    الماركسي العميق النبيل / ميخائيل جورباتشوف كان بقول : يجب تفكيك هذه البنية البيروقراطية بتاعت راسمالية الدولة الشيوعية !
    وانو المخارجة من سباق التسلّح و تداعيات الحرب الباردة هو المدخل لمحاصرة التمدد الامبريالي العالمي و استعدال التطور الاشتراكي الماءزوم ...

    لصوص و اونطجية الحزب الشيوعي الكوري بقولوا لترامب : لن نقبل ان نكون مجرد ( سندة ) في درب الحرير الراسمالي الامبريالي الجديد، عاوزين
    نكون محطة كاملة ...

    هل فعلا ، انو الاسلامي -.الاروبي / على الحاج محمد ، بمثل قيادة جديدة لتيار اسلامي برجوازي عقلاني بتاع مساومة تاريخية ؟!

    هل على الحاج معاهو المرة دي في شنطتو المشهورة ( أوراق المشروع بتاع السوق الاروبية )
    المشروع الاروبي ل إصلاح حال الراسمالية السودانية و جلب السلام و محاصرة التفكك ، و تدفق رؤوس الأموال ....



                   |Articles |News |مقالات |بيانات

09-24-2017, 12:50 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 3989

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: أحمد طراوه)

    هزم معسكر كلما عمر البشير ، و من قبلو حسبو ، و خلو غندور مفكوك عكس الهواء في الشارع رقم واحد ب مانهاتن حيث مبني ال UN

    انهزم مخطط الملوص و الخم ، و اوهام استعلاء و بلطجة عصابة قصر غردون الاسلامي :

    بسبب الوعي المنبثق على درب صمود طويل في مواجهة الرزايا و العذابات و الابتلاءات ( صمود فطري by default and birth .. طبيعي خلقة ربك )
    بسبب احساس عميق و قديم ب الكرامة الذاتية ، احساس وثيق الصلة بعزة و شموخ سلاطين نازلين من مرتفعات الكيرا الي سهول دارفور ، سلاطين
    على شاكلة سليمان سولونج ( الجد الموءسس the founder )

    بسبب وعي الجماهير البتمارس عفوا في صراع السياسة و الطبقات ( الوعي قسمة ربنا الما عندو علاقة بالكتب )
    توصلت الحركة السياسية الجماهيرية الدارفورية الي شعار سريع و عميق ، و ناجز ، سبقت بيهو المخطط الاجرامي بتاع الموءتمر
    الوطني ( شعار : يا زول اختانا get out of here )

    انه صمود و حراك ( راقي Classified )
    صمود و وعي المعسكرات الدارفورية وفقا لعقيدة الحق ...

    و هكذا،
    لا تزال دارفور تتقاسم اعباء مركز ثقل النضال الجماهيري القومي الديمقراطي مع كافة مدن السودان الآخري ، بل تأخذ بيد الخرطوم من وهدة
    الجذر الموضوعي الذي أعقب عصيان ديسمبر ٢٠١٦

    صمود و ماءثرة مجترحة في غرب دامي ينوء ب انعكاس الأحوال .. اداء جماهيري عبقري ، همش حمدتي ، و موسى هلال معا
    بل ، رسالة صريحة ل ( جبريل ، و الخطيب ، و عبد الواحد ، و مني ، و الصادق المهدي ، و الحركة الشعبية بجناحيها، رسالة لقوى نداء السودان ، و الجبهة الثورية ،
    رسالة للبيت الابيض ، و السوق الاروبية ، و الجمعية العامة للأمم المتحدة )

    و صلت ميدان داج همرشولد امام مبني الامم المتحدة قاصدا التضامن مع جماهير معسكر كلما الدارفوري ، و في خاطري قول الراحل ابوداوءد :
    جاني جوابكم جاني .. قريتو ، فهمتا الفيهو و حويتو .. وجدت اشاوس قيادات رابطة أبناء دارفور بنيويورك على راس وقفة مشهودة ضمت أنصار سيدي الامام
    المهدي ، و اتحاديين على خط الأزهري و مولانا المرغني معا ، وجدت شيوعيين ، و حقوقيين ، و لورا الامريكية و من معها ، كلهم على قلب شعار واحد ، ابلغ من كل تلك الشعارات
    المتداولة سابقا :

    شعار : Sudan regime شيطان رجيم

    او قل ، قول شيخنا ود الرضي : سورة الأحقاف ، البقرة و قاف ، فوق جماهير المعسكرات ، فوق حراك الجماهير المتوبثة

                   |Articles |News |مقالات |بيانات

09-25-2017, 08:46 AM

عبدالوهاب احمد صالح
<aعبدالوهاب احمد صالح
تاريخ التسجيل: 02-07-2017
مجموع المشاركات: 46

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: أحمد طراوه)

    فوق
                   |Articles |News |مقالات |بيانات

09-25-2017, 12:26 PM

عبدالوهاب احمد صالح
<aعبدالوهاب احمد صالح
تاريخ التسجيل: 02-07-2017
مجموع المشاركات: 46

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: عبدالوهاب احمد صالح)

    فوق
                   |Articles |News |مقالات |بيانات

09-27-2017, 09:40 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 3989

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: عبدالوهاب احمد صالح)

    شكرا اخوي عبد الوهاب على موالاة بوست ( المصائر التاريخية للتيار الماركسي الثوري السوداني )، بالإحسان
    و الاهتمام، و استعادته من البئر التي وقع فيها ( الحسن ود احمد )، الي صفوف المنبر العام الأمامية،

    و الحسن وداحمد ( غالبا هو شخصية افتراضية ) ظللت سيرته مشكلة تاجوج مع قريبا علي ود محلق، في سودان
    جبل موية و سقدي ( سودان ما قبل دخول طلايع الفتح الخديوي التركي )

    قال التجاني عبد القادر ( وهو اسلامي سوداني حداثي من دعاة قيام نظام اسلامي راسمالي غير متوحش و راشد ليس فيه فقر و جوع )
    قال : الخرطوم تقتضي في الوقت الراھن أن یكون المرء ذا سعة في المال وقوة في البدن وصلة قویة بالسلطان وقدرة عالیة على اللف والدوران

    ولو امعن التجاني عبد القادر و دقق نظره السياسي - الطبقي لقال : ان خرطوم اللحظة هي مثل باريس قبل اقتحام الجماهير للباستيل ..

    و لنفرض ان ترامب رفع الحظر الاقتصادي عن جماعة قصر غردون الاسلامي، فهل ستعود شركة كاتيلبيلار CAT الي الخرطوم ، لتعيد
    مشروع الجزيرة سيرته الاولى ...؟!

    ام فقط سياتي إلينا كوربريت السندوتشات بتاع ماكدونالدز و كنتاكي، لينافس ناس عضوية محمود، و حوش السمك، و باعة الأقاشي في سوق
    الناقة .. ؟!
                   |Articles |News |مقالات |بيانات

10-01-2017, 01:24 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 3989

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: أحمد طراوه)

    يا بخت كوربريت كرايسلر - دايملر ، بعد اندماجه مع الفيات على خط صناعة الجيب الشروكي
    يا بخت الوكلاء الحصريين بتاعين الهمر
    هاهم قد وصلوا الي ( ربوع هندة ) ، بالدرب التحت .. حسب نصيحة شيخنا ابراهيم العبادي

    وهو قرار ملكي اسلامي أمريكي حداثي ( على خط الثورة البرجوازية الديمقراطية ) و شعارها الهام ذاك :
    حقوق المراءة الكانت ضايعة .. عادت و زانت رفعة وطني

    او كما قالت ألكساندرا كولنتاي : وسع حقوق المراءة يا ستالين .. فذلك خيرا لنظامنا الاشتراكي الوليد

    او كما يقول أنصار التاكتيك اللينيني التاريخي ،
    وسعوا الحقوق ، فسوف تخرج الاشتراكية من رحم نظام راسمالي حداثي متطور

    او كما يقول براجمات السوق الراسمالي الذين كانوا في صحبة ترامب يوم تلك الزيارة :
    وهكذا يزداد الطلب العالمي على أحدث موديلات الجيب قراند - شيروكي
    وهي العربة الاثيرة المحبوبة لدى عشرات الآلاف من فتيات نجد و الحجاز، فتيات البترو - دولار العربي

    و تنتعش الصناعة الراسمالية العالمية ل اسبيرات. و اطارات السيارات
    ولا تنسى أسواق التأمين الراسمالي الاسلامي، حيث ساق لها المولى رزقا حلالا

    و تواصل المملكة العربية السعودية انتاج ما يقارب ٨ مليون برميل بترول في اليوم ، موءكدة بأنها و الصين
    ( صاحبة أكبر صناعات راسمالية رخيصة ) ، يمثلان اكبر روافع للنظام الراسمالي الامبريالي العالمي

    .. رحم الله الجنرال احمد طه و جعله مع الصديقين و الشهداء .. عزائي للانتلجنسيا و أهل الثقافة و الفكر
                   |Articles |News |مقالات |بيانات

10-04-2017, 09:32 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 3989

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: أحمد طراوه)


    .. لو ان مصطلح و مفهوم ( الأقطاع القبلي ) الذي يمثل حاضنة تاريخية ( ضمن لوحة ماركس الخماسية المثيرة للجدل ) ،
    حاضنة لنشوء برجوازية التراكم التجاري و غير التجاري - الراسمالي ...

    لو ان مصطلح الأقطاع القبلي هذا لم يرد لا ضمنا و لا تصريحا
    في مكتوب الشفيع خدر سعيد حول القبيلة و السياسة، فلا شك و بالضرورة ان الصراع الدائر في بوست عبد الحفيظ أبوسن هو
    صراعا مباشرا بين الشفيع خدر الوضعي ( الأداتي الوظيفي ) ، و بين ود اب سن الذي تحول ( لا ايدو لا كراعو ) الي
    ماركسيا by default

    قول على قول ، او في الإشارة ل البوست الهام بتاع عبد الحفيظ أبوسن حول مقال الشفيع خدر سعيد الذي يفكر و يكتب خارج
    السقف الماركسي .. او ، هذا ما راد فرح ابو روضة ان يلفت انتباه أبوسن اليه ....

                   |Articles |News |مقالات |بيانات

10-06-2017, 09:33 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 3989

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: أحمد طراوه)

    تبقى مشكلة حقيقية لو ترامب ربط موضوع رفع العقوبات الاقتصادية بشرط تعاون
    قصر غردون الاسلامي مع فاتو بن سودا بتاعت الجنائية

    او بمعنى ادق : لو تم ربط رفع العقوبات بمشروع كامل للإصلاح الراسمالي في السودان ، إصلاح يشترط
    تسليم عمر البشير و ليس على كوشيب وحده ، ل ( اللجنة الجنائية الدولية لفحص و اعادة تأهيل القيادات الراسمالية في السودان )

    و أصلا الكلام دا مفروض يكون غندور فهمو من الزولة بتاعت ترامب الخاتيها في مجلس الأمن ( نيكي هالي )
    نيكي هالي البتنوم و تصحى بموضوع السلاح النووي الإيراني و الكوري و ضرورة وجود قادة رأسماليين في العالم
    (سجلهم الجنائى نضيف ، بمعنى انو يكونوا .. عقلاء و بسمعوا الكلام، و فاهمين ماكينزمات الإصلاحات الراسمالية )

    لا زلت اتابع ب استمتاع و تاءمل ورطة عبد الحفيظ ود اب سن ، مع الفكر الأداتي الوظيفي في البوست المجاور

    رفع العقوبات !
    .. ننتظر ، و نشوف الزقلبان دونالد ترامب .. فسوف تبدي لك الأيام ما كان خافيا
    او هكذا قال : شيخ الصحافة السودانية / محجوب محمد صالح
                   |Articles |News |مقالات |بيانات

10-08-2017, 12:28 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 3989

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: أحمد طراوه)

    .. وفي إطار ما يعرف ب اعادة التاءهيل الراسمالي للجماعة ديل،
    وهو ضمن انواع العلاقات الزوجية الامريكية غير المقدسة non binding engagement

    ها قد تم رفع القيود عن الحسابات المصرفية، و عن حركة الأموال المنهوبة، بتاعت جماعة قصر غردون الاسلامي
    و لا ادري ماذا سيجني الغلابة من أهل السودان .. الباحثين عن جرعة دواء قبرصي و أردني ، او مكعب ماجي ، و كوم
    طماطم ، و بامية ساري و ضرابا ، ماذا سيجنون من هذا السيرك الراسمالي الامبريالي الترامبي لإعادة ترتيب التحالفات و الاسواق ...

    او، ربما تصدق كلمات ابوقطاطي الواردة في التم تم الخفيف بتاع الدنقلاوي النيلي زكي عبد الكريم : و ما بين حال و حال .. تلقى الغيث هطل

    و بينما تتواصل حلقات الظار الاسلامي الرئاسي ، و هوشة الحكوميين المحتفلين ب ( فيرامان ) مكتب الأوفاك الامريكي، يواصل أهل
    جادة طريق النضال الوطني الديمقراطي ، اعادة قراءة كتاب لعبة الامم game of nations بتاع مايلز كوبلاند الصادر في ١٩٦٩

    .. الكاركاتير بتاع عمر دفع الله ( سلم الملحقية الإعلامية اللندنية ) التابعة لمحمد عطا، هو كاركتير استثنائي supor في
    توصيف حال بعض الانتلجنسيا البرجوازية الجامعية المرتبطة بقصر غردون الاسلامي، المتعلمين الغير راضين عن نفسهم، ولا عن
    شعبهم و اوطانهم ، الجامعيين من أبناء الرعاة و المزارعين و العمال و اصحاب الكناتين .. و عموم الطبقة الوسطى مكسورة الخاطر و الأحلام

    فات على عمر ، اضافة الكرنكي جوة المكب trash can ، و فات عليهو برضو اضافة عيسى الدباغ و سعيد مهران في ايتها درجة من درجات هذا
    السلم الاجتماعي الطبقي السياسي

    الدباغ و مهران : هي شخصيات بديعة أنتجها نجيب محفوظ في رواية السمان و الخريف ، و رواية اللص و الكلاب
                   |Articles |News |مقالات |بيانات

10-15-2017, 10:08 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 3989

للتواصل معنا

FaceBook
تويتر Twitter
YouTube


Re: حيث لا مناشفة .. حيث لا بلاشفة : عن الازمة ف� (Re: أحمد طراوه)

    قال الملحق الإعلامي اللندني الجديد في مدح البشير ، ما لم يقله على المساح في
    مدح ( غصن الرياض المايد ) ...

    و الارجح ان سر إعجاب المثقف مصطفى عبد العزيز البطل ب ( السيد الرئيس ) ،
    يعود ضمن ما يعود ، لكون البشير قد تمكن ( بطريقة ما ) من حكم
    السودان لمدة ٢٨ عاما حسوما، حتى صار من بعدها حليفا ل ترامب و الملك سلمان ...

    و يبدو اننا بالفعل نعيش تاريخيا ما يعرف بمرحلة ال 5th discourse
    وهو نزوع فلسفي راسمالي حديث ( مربك ) خلط فيه جاك لاكان ماركس ب فرويد
    بحثا عن حلول تلفيقية ل ازمة إنسان المجتمع الراسمالي الراهن ، فصار غير معروفا
    على وجه الدقة ان كانت القوة ( تقراء راس المال كما يقول حسن موسى ) ، هي سبب المعرفة و الحكمة ، ام ان المعرفة و الحكمة
    هما سبب القوة ؟

    وهي أسئلة قديمة أرهقت ذهن الشاعر المثقف رقيق الحال ( التجاني يوسف بشير )
    ولم يجد لها اجابة ، فتركها و قال : قم يا طرير الشباب غني لنا غني .. و اعصر لي
    الأعناب و املاء بها دني .. ( و لله عاقبة الأمور )
                   |Articles |News |مقالات |بيانات

[رد على الموضوع] صفحة 4 „‰ 4:   <<  1 2 3 4  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de