|
Re: هدية الجمعه .. تعليم كيفة لف العمه السودان (Re: الطيب عباس)
|
جميل، الجمعة دي فاتت علينا طريقتك دي، أخوك كان بيختها في كتفو خلف الرقبة ، نص نازل باليمين ونص نازل باليسار، مع إطالة إحدى النصفين مقدار لفة رأس واحدة، أها بيبدأ بالجهة الأطول ويديها لفة، يجي للجهة الثانية ويديها لفة، يرجع للجهة الأولى ، ثم الثانية ، وفي الآخر يدخل آخر ضنب للعمة تحت أبعد فرقة، لتستقر موزونة في الرأس! --------- ياريت تواصل مشوارك وتنزل مجموعة من طرق اللفات .. منشور تعليمي وطني جميل.
| |
|
|
|
|
|
|
Re: هدية الجمعه .. تعليم كيفة لف العمه السودان (Re: قصي محمد عبدالله)
|
حبيبنا قصي سعدت بمرورك العمه زي بوري العساكر لمن يصرفو عندو خته الماهيه ولما يفلسو ولما تكتم فيهم كل حاله بي ختتتا هههه فالعمه فيا لفه ناس جلابه وفي لفه مزارعيه ولفه تجار وفي حقت صوفيه وسلفيه السلفيه فيا ضنب طبعاً العمه من السنه برضو بقول .. كنت حصور طريقه الانصار وطريقه الجلابه بس قت محتاج للدعم المعنوي منكم وممكن نوصف بالصور لما نلقي زمن تحياتي 🌹👳
| |
|
|
|
|
|
|
Re: هدية الجمعه .. تعليم كيفة لف العمه السودان (Re: Ali Abdalla)
|
سلام،
أنا بفتكر إنو طريقة لف العمة لا يمكن تشبيهها بالكرفتة مثلاً، لأنو الكرفتة عندها طرق معينة للربط (طريقة للمكتب وطريقة للسفر وطريقة للمآدب، وهكذا).
بينما العمة كبصمة اليد، بمعنى إنو كل واحد بيلف العمة بطريقة تختلف عن الآخر، رغم إنو الفكرة بتكون واحدة، لكن النتيجة النهائية تختلف من شخص لآخر، عشان كده بقول إنها زي البصمة.
تحياتي.
| |
|
|
|
|
|
|
Re: هدية الجمعه .. تعليم كيفة لف العمه السودان (Re: الطيب عباس)
|
Quote: لعِمَامَةُ من لباس الرأس، وجمعها عمائم، واعتمَّ الرجل وتعمَّم: إذا كوّر (طوى) العمامة على رأسه عدة أكوار (طَيَّات). وهي من لباس العرب، اشتهروا به حتى قيل: "اختصّت العرب بأربع: العمائم تيجانها، والدروع حيطانها، والسيوف سيجانها، والشِّعر ديوانها". وكانت من علامات الشرف والسؤدد عندهم. قال شاعرهم مادحًا ومفتخرًا: فجاءت به سبط البنان كأنّما عِمامته بين الرجال لواءُ وقال آخر: تَلُوثُ عمامةً وتجرُّ رمحًا كأنك من بني عبد المدان ولما جاء الإسلام ازداد تمسّك النّاس بها؛ فقد ورد في صحيح الآثار ـ كما سيأتي ـ أن العمامة من لبس النبي ³ ومن لبس أصحابه وأئمة المسلمين والسّلف الصالح وكل ذي فضل. انظر: النبذة التاريخية في هذه المقالة، الفقرة الخاصة بالعمائم في الإسلام. العمائم تختلف في أسمائها وأشكالها وألوانها وأطوالها في كل دولة. هيئات العمائم. تُصنع العمائم من القطن أو الخَزّ أو الدِّيباج أو الصُّوف أو الحرير، وعمائم القطن هي الشائعة اليوم. وتختلف العمائم في أسمائها وأشكالها وألوانها، كما تختلف في أطوالها وهيئة تشكيلها، ويعتمد ذلك على الذّوق، والبراعة، والعادة |
| |
|
|
|
|
|
|
Re: هدية الجمعه .. تعليم كيفة لف العمه السودان (Re: Ahmed Yassin)
|
Quote: ابوالطيب بصراحة اللفة عندك بس لو وريتنا طاقيتك تكون ماقصرت لكن بحكم الخبرة وكدة انت المفروض مع ابتسامتك الجميلة دي تكون عمتك تسعة متر المابعرفك من بعيد .. القلع عبدالحفيظ |
حبابك ود يسين ..
الابتسامه هي جواز سفر ورخصة دولية وكل العالم يفهمها ولا تحتاج لترجمان هههه تسعه متر كتيره لعمه الا يكون الراس مدوقس هههههههههه
تحياتي
| |
|
|
|
|
|
|
Re: هدية الجمعه .. تعليم كيفة لف العمه السودان (Re: الطيب عباس)
|
اللفه التقليده ساهله جدا ً ركزو معاي .. بس مالاقي لي كورية شان اطبقا ليكم بيان بالعمل ههههههه الوصف كتابة ً 1- تحكر الطاقية فوق الراس( متسنتره )بدون اي ميلان ويا حبذا لو كات من النوع القوي البتلبس بدون عمه داك شان بتظبط قالب العمه .. 2- تمسك العمه من الطيش ووتمسك الجزء المسكتو تختو خلف راسك .. مروراً بي نص الصنقور وتخلفو مع اخوهو في شكل الحرف اكس بالانجليزي ..(x) دي باعتبارا الساس بتاع العمه .. 3- بعد ما اتشكل الحرف اكس تلف الباقي حوالينو من الوسط لفه واحده .. دي اللفه الاولي بعد الاكس 5- اللفه التالته تدبل نفس الاكس الاول (x) مروا بنفس احداثيات الوصف رقم 2 .. دي اللفه التانية 6- اللفه الرابعه تلف فوق الاكس من الوسط .. لفه اخيره وتكف باحدي الاطراف 7- بعد ما كفيتا بي احدي الاطراف تطلع شي بسيط وهو كشكول لزوم القشرة فوق بالجنبة .. وتهندما بي يدينك
| |
|
|
|
|
|
|
Re: هدية الجمعه .. تعليم كيفية لف العمه السودا (Re: الطيب عباس)
|
Quote: أنا بفتكر إنو طريقة لف العمة لا يمكن تشبيهها بالكرفتة مثلاً، لأنو الكرفتة عندها طرق معينة للربط (طريقة للمكتب وطريقة للسفر وطريقة للمآدب، وهكذا).
بينما العمة كبصمة اليد، بمعنى إنو كل واحد بيلف العمة بطريقة تختلف عن الآخر، رغم إنو الفكرة بتكون واحدة، لكن النتيجة النهائية تختلف من شخص لآخر، عشان كده بقول إنها زي البصمة.
|
السلام عليكم ورحمة الله وبركاته فعلاً العمة كالبصمة وعندنا ناس بجرها من حبل الغسيل وجاري على اللوري وبلف فيها ويركب السيخ وللمناقل ما تتفكا هههههههههههههههههههههه
| |
|
|
|
|
|
|
Re: هدية الجمعه .. تعليم كيفية لف العمه السودا (Re: عبدالله عثمان)
|
تحياتي عبد الله عثمان ابن كوستي الحبيبه
Quote: بعض ما جاء في العمامة
*الحمد لله وكفى وسلام على عباده الذين اصطفى.......وبعد:
**لغة: في القاموس المحيط: والعِمامةُ، بالكسرِ: المِغْفَرُ، والبَيْضَةُ، وما يُلَفُّ على الرأس, ج: عَمائِمُ وعِمامٌ،ِ **في الشرع ورد فيها : * فى كتاب الزينة من سنن النسائى. باب إرخاء طرف العمامة بين الكتفين. عن جعفر بن عمرو بن أمية، عن أبيه قال: -كأني أنظر الساعة إلى رسول الله صلى الله عليه وسلم على المنبر وعليه عمامة سوداء قد أرخى طرفها بين كتفيه.... (قوله :قد أرخى: أي أرسل). أبن ماجة الجزء الثاني. في الحديث رقم: 3587- حدّثنا أَبُو بَكْرِ بْنُ أَبِي شَيْبَةَ. حدّثنا أَبُو أُسَامَةَ عَنْ مُسَاوِرٍ. حَدَّثَنِي جَعْفَرُ ابْنُ عَمْرِو بْنِ حُرَيْثٍ، عَنْ أَبِيهِ؛ قَالَ: كَأَنِّي أَنْظُرُ إِلَى رَسُولِ اللهِ صلى الله عليه وسلم. وَعَلَيْهِ عِمَامَةٌ سَوْدَاءُ قَدْ أَرْخَى طَرَفَيْهَا بَيْنَ كَتِفَيْهِ. |
| |
|
|
|
|
|
|
Re: هدية الجمعه .. تعليم كيفية لف العمه السودا (Re: معاوية المدير)
|
هههههه ود المدير الحجامه لسه بس وقعنا الخبز الاسمر والحِميه حسب كلام الدكتور هههه العمه والصلعه لازم تكون بي طاقيه .. اطالب سيد الحوش بكري يجي يورينا لافيا بي طاقيه ولا ساي 😂 لو ساي معناتا انتو صح ونحنا الغلط ..! ولو بي طاقيه لا ولن اقبل الا يعنكش لينا البوست دا فووووق..
تحياتي لبكري ابوبكر المدير وليك ياود المدير 🌹🍃
| |
|
|
|
|
|
|
Re: هدية الجمعه .. تعليم كيفية لف العمه السودا (Re: الطيب عباس)
|
الأخ الطيب لك الود والتحايا الطيبات مصداقاً لما قاله راشد دياب أنه كلما كبرت العمامة كانت رمزاً للفخامة والعظمة وعلى ذلك جرت الأمثال الشعبية فقد قالوا عمن تكبر عمامته وهو "فاضي" .. العمة قدر البرش والجيب عدمان القرش .. أيضاً صيغ المثل بكلمات أخر فقالوا .. العمة قدر الكانون والبيت عدمان الصابون .... ههههههههه بجيك راجع كان الله هون لزيادة الحديث عن العمة على الرغم من أن الموضوع ينحصر في "لفها" ......
| |
|
|
|
|
|
|
Re: هدية الجمعه .. تعليم كيفية لف العمه السودا (Re: بابكر قدور)
|
Quote: العمة قدر البرش والجيب عدمان القرش .. أيضاً صيغ المثل بكلمات أخر فقالوا .. العمة قدر الكانون والبيت عدمان الصابون .... ههههههههه
|
مرحب بيك بابكر قدور
العمه ممكن عادي زول يكون لافيها تمام يدقسك ههههههههههه زي قصة البدلة الكاملة .. واقسم ليك بالله لمن البس بدلة كاملة بحس بي انو في سلام بعض الناس اتغير .. ( احترام وهيبه ) زي ما قال الشيخ فرح ود تكتوك كُل ياكُمي قبل فمي ..
تقديري
| |
|
|
|
|
|
|
Re: هدية الجمعه .. تعليم كيفية لف العمه السودا (Re: ANWAR SAYED IBRAHIM)
|
يشتهر أبناء كوستي بحبهم الشديد لمدينتهم الوادعة وغيرتهم عليها حتى أنهم جرجروا الأستاذ محمد الواثق ، أستاذ الأدب العربي بجامعة الخرطوم ، الى المحاكم لأنه هجا مدينتهم ببعض أبيات. ومعروف أن الأستاذ الواثق له ديوان كامل في هجاء أم درمان ، ثم واصل في هجائه لمدن السودان الأخرى ومنها حلفا وتوتي ومدني وكسلا وكوستي ، التي قال عنها :
سُميتِ باسمِ غريب الدار نازحها ** ما كان كوستي على قدرٍ من الشرفِ أورثها من طباعِ الروم ألونةً ** من الفسادِ تراءتْ داخل الغُرفِ فصار باخوس رب الخمر ربهم ** ما بين منهمك منهم ومُرتشِفِ حتى كأن أذان الفجر يبلغهم ** حي على الشرب في حانوتِ منحرفِ قوم من الطيش لا تُرجى عقولهم ** كأنما العقل فيهم صِِيغََ من خَزَفِ إن الإمام الذي عادوا جزيرته ** قد كان يخشى عليهم غصة الأسفِ أما تراني شددت الرحل منصرفاً ** أحاذر الناس في حِلي ومنصرفي لا أقرب الدار تستعلي النساء بها ** ولا أقيم بدارِ اللهث واللهفِ كوستي الرديف ترى بانت نصيحتنا ** لكل رادفةٍ فيها ومردتفِ
ولم يخطر ببال الشاعر محمد الواثق أن قصيدته كوستي ستقوده إلى الحبس بيد أن هذا ما حدث عندما قام بعض مواطني كوستي بفتح دعوى جنائية ضده وعلى إثرها تم اقتياده من مكاتب كلية الآداب بجامعة الخرطوم حيث يعمل أستاذاً بها إلى قسم شرطة الخرطوم شمال كما يقاد الأشقياء، وكان ذلك في نحو العام 1995م. حالت الحكمة وأصحاب العقول النيرة دون أن يستمر هذا الإجراء في مواجهة الشاعر محمد الواثق
جاحوم ما عاصرتو بس سمعت بيو ..
لقيت الاقتباس دا في دائرة المعارف الكوستاوية عنه ..
* جاحوم: كان من الزاهدين ومن ظرفاء المدينة.. وكان المرحوم أحمد كوكو يحسن إليه، واشتهرت مقولته التي ظل يرددها "كوستي بلد.. احمد كوكو ولد".
Quote: اخونا الحبيب - الطيب ود عباس
سلام وتقدير لك وللاسرة
بما انّك من ( اندنا ) رايك شنو فى عمّة المرحوم جــاحـوم
لك تحياتى |
| |
|
|
|
|
|
|
Re: هدية الجمعه .. تعليم كيفية لف العمه السودا (Re: الطيب عباس)
|
تعرف الطيب وبما انّك لم تعاصر المرحوم جاحوم
فانه فعلا كان زاهدا
ودائم الابتسام - لا يتحدث كثيرا - التقيه وانا صغيرا كل صلاة جمعة - كان يلبس
جلابية فضفاضة واسعة الاكمام ناصعة البياض - امّا بالنسبة للعمامة ولزهده وتصوفه
يكويها ويطبّقها بعرض 15 سنتيمترا ( اعتقد ) ويلفّها على شكل ( الطار )
وترى الطاقية ( المخروطية الشكل ) بارزة وتشاهدها من بعيييييييييييييييد
هكذا كان - رحمه الله رحمة واسعة وادخله الجنّة
مودتى الكاملة
| |
|
|
|
|
|
|
Re: هدية الجمعه .. تعليم كيفية لف العمه السودا (Re: أحمد الشايقي)
|
بوست ظريف وانيق اخونا الطيب التحيه لك وكل اهل كوستي الماضي والذكريات لف العمه مهم لانه مكمل للمظهر والعمه والجلابيه تضفي هيبه علي الشخصيه اذكر كنت في محفل رياضي اوربي في اسبانيا. اضمرت ان افاجئ الخواجات وكل الحضور يوم الختام بلبس الزي السوداني وكانت المفاجأه لي انا، اتلموا فيني نسوان علي رجال عاوين يتصوروا. في الوقت داك شعرت بالهيبه والفخر مع الزي السوداني الاصيل. اذا ربنا سهل برجع لك بي صور ان شاء الله تحياتي
| |
|
|
|
|
|
|
Re: هدية الجمعه .. تعليم كيفية لف العمه السودا (Re: الطيب عباس)
|
Quote: بوست ظريف وانيق اخونا الطيب التحيه لك وكل اهل كوستي الماضي والذكريات لف العمه مهم لانه مكمل للمظهر والعمه والجلابيه تضفي هيبه علي الشخصيه اذكر كنت في محفل رياضي اوربي في اسبانيا. اضمرت ان افاجئ الخواجات وكل الحضور يوم الختام بلبس الزي السوداني وكانت المفاجأه لي انا، اتلموا فيني نسوان علي رجال عاوين يتصوروا. في الوقت داك شعرت بالهيبه والفخر مع الزي السوداني الاصيل. اذا ربنا سهل برجع لك بي صور ان شاء الله |
رسلو لي صور لعقد اهلنا قررت تاني ما الف عمه .. وحردتا لبيم
| |
|
|
|
|
|
|
Re: هدية الجمعه .. تعليم كيف تلف العمه السودان (Re: الطيب عباس)
|
الطيب جبت البوست في الوقت المناسب
عشان في كتار من المغتربين وخاصة في دول اوروبا وامريكا الشمالية نسوا
لفة العمة، رمز الشخصية السودانية...
وفي ناس بيقولوا احسنةمن يلف العمة في السودان ثلاثة وهم السيد الصادق المهدي
وترباس وبابكر ود الجبل
وكل سنة وانت طيب
| |
|
|
|
|
|
|
Re: هدية الجمعه .. تعليم كيف تلف العمه السودان (Re: وضاحة)
|
هسع يا عبد العظيم افرض قالوا للرجال السودانيين مفروض تلفوا العمة
بنفس طريقة لفة السدار الهندي السيخي ده...هل كنت حتجد سوداني واحد
لافي ليه عمة ...كانوا حيكونوا عندهم حساسية ضد العمة...لانهن اساسا ما عندهم
الصبر البخليهم يلفو اللفه العادية ويرموها ورا ضهرهم..
تلقاهم بعدما شافو الفيديو بتاع الهندي ده فرحوا جنس فرحة بانه ما مفروض يلفو
العمة زي طريقة الهندي الصبور ده...
وكل سنة وانت طيب
مع وافر الاحترام
| |
|
|
|
|
|
|
Re: هدية الجمعه .. تعليم كيف تلف العمه السودان (Re: الطيب عباس)
|
كل عام وانتم بخير عبد العظيم✨ وامتثال ✨ووضاحه ✨
السيخي دا والله هذبا تهذيب هههههه برضو القيمه الجماليه في المثلث الفي الوسط صح هههههههه انا غايتو فتره كده بلقي السودان كلورلافي لفتي دي ههههههههه شان مشاهداتا كترت وعندا معجبين وردود ههههههه
عمتنا دي مازي حقت ابوي وابوك ناس ابوي بجدعوها ساي وبتكون حلوه نحن بنتصنع الجمال . مره المدام قات لي اجدع العمه دي كده ولاكده ماتتكوبر فينا 😂 تحيلتي للجميع وتقبل الله طاعاتكم
| |
|
|
|
|
|
|
|