|
Re: ضابط بالسفارة السودانية بالقاهرة يرفض اس� (Re: Artiga Gilani)
|
Quote: وانت ما قلته ليست الا اخفاء للحقائق ودغاع عن مخالفين للقانون وتحديهم وتدخلهم فى الامن المصرى ,, انا اؤكد لك ان الجواز الالكترونى هذا هو انتهاك لحقوق الانسان وسوف يتم تغيره ولكن لن اقول لك ما هى هذه الانتهاكات ....... حتى الجواز الثالث |
والله يا ود القاضي انت اظرف زول
بس عليك دمك الخفيف دا ورينا الانتهاكات دي شنو ان شاء الله في الخاص علشان نعمل حسابنا بقي انا شايلو اليوم كلو في جيبي طالع بيهو ونازل هو اتاري ينتهك في حقوقي الانسانية والجوازية
والجواز التالت دا كيف اها والحمد لله الفكيت سيرة الضباط المصريين وبقيت في حقيننا .... يا ود القاضي ياخ خليني انا ...اتصل علي ملهم...ما بنديك عوجة تب ان شاء الله
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: Artiga Gilani)
|
**Abureesh من تكلمت عنهم هم حكومة سودانية وممثلة للدول وانت ما قلته ليست الا اخفاء للحقائق ودغاع عن مخالفين للقانون **
يا زول العفو والعافية.. اعبترها نمرة غلط.
انت زول تفتش لواحد يقول ليك إزيك عشان تطبعها وتمشى لمكتب الأمم المتحدة وتقول دا تهديد وإرهاب..
معاك الف سلامـة.
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: Artiga Gilani)
|
سوف استمر بمقاضات ضباط الشرطة بالسفارة السودانية بالقاهرة لا نهم رفضوا اعطائى حقوقى من قبل و الجواز الالكترونى الذى استخرجته هو دليل واضح ان الضابط محمد ادم بالسفارة السودانية هو السمؤول فى عدم استخراج لجوز الالكترونى لشخصى لا هداف امنية و تركى بلا هوية بجمهورية مصر العربية و لسب حقوقى لكى لا اتمتع باثبات تحقيق الشخصية . وكان يخطط لاسقاط الجنسية عنى
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: محمد احمد القاضي)
|
I have a dream | الإخوة الناصحين، انتو حقو تجمعوا بين اللمير توفيق وأخونا محمد القاضي في مكان واحد. وخلونا نشوف نتيجة التفاعل شنو.
فالاتنين ناس وطنيين شديد، والاتنين عندهم مشاكل عويصة، وإيد على إيد تجدع بعيد، يا دا حلا مشكلة داك يا داك حل مشكلة دا.
رأيك شنو يا باشا؟ ____ لأنو الموضوع دا طول. |
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: Osman M Salih)
|
اميرة الدخل الصيينين فى البوست شنو كلامك كلوا مخالف للقانون مين الاداكى الحق فى ان تعتقدى بانى عاوز اهاجر امريكيا الكلام القلتى دا كلام خطير , انت لكى علاقى بمهربي البشر وهذا مخالف للقانون , انت عاوزة تبعدى القضية من حق الى باطل . انت بدافى عن النظام الحاكم فى الخرطوم , و المجرمين فى السفارة السودانية ز
اسامة الامام برضوا عاوز تجرجر فى الكلام عشان عاوز تعرف خطواطى و توديها لحكومة الخرطوم , انت قاعدين على النت بتحاول , تعملوا تحريات , وتتجسسوا علينا ومفتكرين انو انا ح اقول لك كل شئ . Abureesh
انت هارب وين الكلام اتقال ,, الامم المتحدة دى الدخلها شنو انت عاوز برضو تبعد عن المشلكة التى تفتعلها السفارة و جهاز الامن و المخابرات السودانى فى مصر ... حاتم ابراهيم انت جاى براي تانى ونسيت القانون المصرى الذى يدنى حقى وانت عاوز اوافق عشان تشيل كلامى وتدوى وتقول محمد رضي بالتسوية .. هاشم عبد الله بشير نصيحة انت قبل كل شئ اذا كنت معارض لحكومة البشير وعندك اهداف حقيقة , ووقعت فى مشكلة تاكد ان جهاز الامن و المخابرات السودانى هو السبب الا ما فى ندر عليك ان تكون لديك حس قوى تفهم الكلام وقراءة بين السطور كويس ز Osman M Salih
انت برضو حتى الان بدافع عن المتهمين جوة السفارة ,انت هسع بتهمنى بانى انا بتحرش , بضباط الشرطة بالسفارة وانت الان بتتهمنى وتحاول تلفق لى تهمة وانت ليست الا زول تحاول ان تبحث عن اى شئ يدينى به القانون , دى خططكم فى جهاز الامن و المخابرات السودانى (((( اوعك تدعى بانى اعرفك او قريبك او ولدك ولدكم انتوا مين تدعوا بانكم من اقاربي وا لكم صلى بي وهذه كلها من خطط جهاز الامن و المخابرات السودانى ونا ما اسمح لك بان تدعى بانك قريبي ))) اطالب من الامن الوكنى المصرى بمعرفتك من انت .
اقول لك والى مزدوجي الجنسيات بالسفارة وضباط الشرطة بالسفارة وهده السفارة هى وكر للاسلامين كلهم حيتحاسبوا
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: محمد احمد القاضي)
|
يا محمد احمد القاضي انا ما قلت ليك انت داير تهاجر لامريكا...لانك بعضمة لسانك قلت ان هدفك الاول هو استخراج جواز سفر الكتروني....وتاني خلاص ناس الجواز الالكتروني ما حيرجعوا لمصر الانت مقيم فيها...وقلت ليك ان وفد من وزارة الداخلية جاي امريكا لاستخراج الجوازات الالكترونية للسودانيين المقيمين في امريكا...وان فرصتك عشان تطلع الجواز الالكتروني ان تاتي لامريكا وتطلع الجواز وتسافر تاني يوم....ووفد وزارة الداخلية خلاص انتهوا من اللف في اوروبا وما حيرجعوا لهناك تاني..واخر فرصة ليك تطلع الجواز الامريكي تجي امريكا وتطلع جواز السفر وتسافر تاني يوم لان البديل بعد كده الا تمشي السودان وتطلع جواز السفر من هناك...ولكن بمجرد وصولك مطار الخرطوم ما حتشوف الشمس تاني...عشان صورك وشكلتك مع ضابط الجوازات مصورة ومسجلة وقاعدة عند ضباط الجوازات في المطار.. اما علاقة الصينيين بموضوعك...فارجع اقرا الكلام تاني حتعرف العلاقة... ..وبعدين انا عاوزة اقول ليك كلام سر ما تكلم بيه زول وخاصة اعضاء المنبر العام هنا.... والكلام السر هو ان الحكومة المصرية حتقطع العلاقات الدبلوماسية نهائيا مع حكومة السودان في شهر سبتمبر القادم وحتطرد جميع السودانيين من مصر وحتى السودانيين العندهم جنسيات مصرية واصولهم سودانية ان شاء الله من الجد الرابع... وعشان كده سوف ليك طريقة اتخارج بيها من مصر قبل المواعيد دي.. وامشي اقرا قصة الصينيين تاني.. خيرا تعمل شر تلقى... والله يديك الصحة والعافية
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: اميرة السيد)
|
Quote: اميرة الدخل الصيينين فى البوست شنو كلامك كلوا مخالف للقانون مين الاداكى الحق فى ان تعتقدى بانى عاوز اهاجر امريكيا الكلام القلتى دا كلام خطير , انت لكى علاقى بمهربي البشر وهذا مخالف للقانون , انت عاوزة تبعدى القضية من حق الى باطل . انت بدافى عن النظام الحاكم فى الخرطوم , و المجرمين فى السفارة السودانية ز
اسامة الامام برضوا عاوز تجرجر فى الكلام عشان عاوز تعرف خطواطى و توديها لحكومة الخرطوم , انت قاعدين على النت بتحاول , تعملوا تحريات , وتتجسسوا علينا ومفتكرين انو انا ح اقول لك كل شئ . Abureesh
انت هارب وين الكلام اتقال ,, الامم المتحدة دى الدخلها شنو انت عاوز برضو تبعد عن المشلكة التى تفتعلها السفارة و جهاز الامن و المخابرات السودانى فى مصر ... حاتم ابراهيم انت جاى براي تانى ونسيت القانون المصرى الذى يدنى حقى وانت عاوز اوافق عشان تشيل كلامى وتدوى وتقول محمد رضي بالتسوية .. هاشم عبد الله بشير نصيحة انت قبل كل شئ اذا كنت معارض لحكومة البشير وعندك اهداف حقيقة , ووقعت فى مشكلة تاكد ان جهاز الامن و المخابرات السودانى هو السبب الا ما فى ندر عليك ان تكون لديك حس قوى تفهم الكلام وقراءة بين السطور كويس ز Osman M Salih
انت برضو حتى الان بدافع عن المتهمين جوة السفارة ,انت هسع بتهمنى بانى انا بتحرش , بضباط الشرطة بالسفارة وانت الان بتتهمنى وتحاول تلفق لى تهمة وانت ليست الا زول تحاول ان تبحث عن اى شئ يدينى به القانون , دى خططكم فى جهاز الامن و المخابرات السودانى (((( اوعك تدعى بانى اعرفك او قريبك او ولدك ولدكم انتوا مين تدعوا بانكم من اقاربي وا لكم صلى بي وهذه كلها من خطط جهاز الامن و المخابرات السودانى ونا ما اسمح لك بان تدعى بانك قريبي ))) اطالب من الامن الوكنى المصرى بمعرفتك من انت .
اقول لك والى مزدوجي الجنسيات بالسفارة وضباط الشرطة بالسفارة وهده السفارة هى وكر للاسلامين كلهم حيتحاسبوا |
عسل والله العظيم انت عسل بس يا ود القاضي
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: Osman M Salih)
|
هو صحي الدخل الصينيين في البوست دا شنو يا بت مصطفى
ونصيحة مني ليك اسمعي كلام ودالقاضي دا وابعدي من السفارة دي وسوقي معاك الجماعة ديل كلهم بربطة المعلم بقيادة عثمان دا. سوقيهم غادي من السفارة دي غايتو انا جرجرتي دي كلها ما جابت حقها وشكلي كرت وانحرق يا حليلي النائم علي حيلي
امنت بالله
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: Osman M Salih)
|
فعلا يبدو انو فنانك المفضل الاستاذ عبد الكريم الكابلى اثر فيكى خاصة انت لما قلتى اقرا الكلام (تانى ) و الكلام القلتى دا هو يؤكد انك عملية لجهاز الامن , و لا وقعتى فى واحد من المحاور التى يجند بيها جهاز الامن المعارضين ربما المحور الاول ولا المحور الـــــــثــانــــــى (QUOTE) >>>>>>>>>>>>>>><<<<<<<<<<<<<<<<<<<<<>>>>>>>>>>>>>>>>>>>>
يا محمد احمد والله انت زول سكرة بس.. وانا قايلاك اهبل وما بتفهم.. لكن اظنك انت ذكي ولماح ما دام بترجع لملفات الأعضاء قبل ما ترد ليهم... وشايفاك رجعت لملفي وعرفت ان فناني المفضل الفنان القامة عبد الكريم الكابلي.. وهسع زي ما انت سالتني دخل الصينيين شنو بموضوعك.... وانا كمان بسألك دخل أغاني الفنان الكابلي شنو بموضوعك... .. وانا شرحت ليك ان دخل الصينيين بموضوعك انك تحاول تقلدهم وتعمل زيهم... عشان تحل مشكلتك....
اما تهمتك باني من جهاز الامن السوداني... فبقول ليك من هسع... يا ريت.. يا ريت.... وانا اذا في جهاز الأمن البقعدني اتبهدل في الغربة القساية دي شنو..... زمان كنت رجعت لسودانا الحبيب.. واعيش ملكة وعندي بيت في المنشية وعربية جديدة فور وييل درايف.. زي البفتش عليها الطيب عباس... واحتمال اتزوج واحد من ضباط الجهاز وبعد شوية يقوم هو يعمل انقلاب ويبقى رئيس البلد وانا ابقى السيدة الأولى واسافر بطائرات خاصة واطلع عفشي من المطارات بدون جمارك واشيل معاي 600 ألف دولار للشوبينق( اشترى كل شيء....) وجه ضاحك ومكشر في نفس الوقت))) ( وانا بكتب في التعلق ده وبقرا بصوت عالي... المسنوحة بسمات تقول لي:: اوعك من قزازة السمن تتكسر)..... والله يديك الصحة والعافية
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: Osman M Salih)
|
Quote: سلامات يا الهادي ابوبكر.
الموضوع نكتة قوسو. سيفارة نوتوق موقوج أيدن ساروسو. غايتو حسبي الله ونعم الوكيل. |
هههها اخونا عثمان محمد صالح، والله تب ما قصرت واديت النصيحة، الا النصيحة في البيقبلها وفي الما بيقبلها...
وأنا رأي يا جماعة الخير والرأي لكم الزول ده شوفو اهلو وين واتصلو عليهم ... والله صحي.
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: Osman M Salih)
|
عزيزي عثمان محمد صالح في زميلة لينا في الجامعة بتدرس علم الـ Physiognomy وقرأت معانا كل تلك التعليقات ينفسها... وقالت ان محمد احمد ، ومن شكله وكتاباته واحد من اثنين: اما هو Insane و Lunatic او انسان ذكي جدا بيستدرجكم عشان تبدوا تشتموه وهو بيطبع كل التعليقات دي ويقدمها لمكتب الأمم المتحدة لطلب اللجوء السياسي... وطبعا بعد كده الأدلة واضحة بانه منبوذ ومطرود وحيقبلوا طلبه.... ولكن الحاحة الماعارفها هو ان كشف الانتظار في الأمم المتحدة طويل وفي ناس بينتظروا 4 سنوات.... وطبعا يا عثمان كلامه ما بيأثر بتاتا... وانت عارف السبب... والله يديك الصحة والعافية يا ملك..
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: مامون عبدالله نور)
|
يا محمد القاضي انا لا يمكن ابدا اصفك بانك عبيط....وارجع اقرأ التعليق تاني عشان تعرف منو الوصفك بالوصف الشين ده.. وانا ما من طبيعتي ابدا الشتيمة والسب....ديل ناس الفيس بوك... وتاني بأكد ليك يا ريت لو كنت في جهاز الأمن.. وارجع اقرأ تعليقي تاني عشان تعرف السبب,,, والله يديك الصحة والعافية...
يا ود مامون كيفنك ياخي.. والله انا ريلاكس.. لآخر درجة....وآخر طمأنينة.... واظنك لسع ما فهمت قصدنا....ده اجمل بوست انا مريت بيه في الشهور الأخيرة دي... والله يديك الصحة والعافية.... والله يدي محمد احمد القاضي الصحة والعافية والصبر حتى يحل مشكلته حلا نهائيا ويجد الراحة النفسية وراحة البال,,,
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: هاشم عبدالله بشير)
|
الاخ محمد تحية ليك و انت في قمة معاناتك و تحية لضابط السفارة برضو وهو ايضا في معاناتو الحياة دي كلها معاناه ياخ ... لكين ناس الجوازات قالو جايين الشهر الجاي عشان يطلعو الجوازات الجديدة للناس البعانو امش السفاره الشهر الجاي .. و جوازك بطلع غصبا عن عين اي امنجي و طبيب نفسي
لكين المره الجايه غير مكان الكاميرا و اللا أحسن شيل بدلها بوكية ورد و كيس جوافة الهدايا قالو بتصفي النفوس الضابط المهذب دا ما غلط عليك و دايما خليك متفائل ياخ ... و منفتح الهجرة دايره انفتاح ... شديد
تمنياتي لك بالتوفيق
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: محمد احمد القاضي)
|
Quote: لكين المره الجايه غير مكان الكاميرا و اللا أحسن شيل بدلها بوكية ورد و كيس جوافة |
النلبس ليكم قميصو | يا ناصر انت متدسى في ابوظي من كلاميك تاكد لى انك امنج و عايز تروطنى ودا بيوكد اني بدافع عن حقى وحقوقى السايسة
كيس جوافهه دا مخالف للقانون انت عاوز تبعدنى من القضية وانا كشفتك لانو دا اسلوب توريط المناضلين ____ لقيتني كيف يا محمد القاضي؟ حذو القذة بالقذة؟ |
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: حاتم إبراهيم)
|
قريبي .. القاضي .. ( مرة الفاتت برضو قلت ليك قريبي هزأتني ) ولكن أنا مصر على أنك قريبي ..
لقد أعلنت لنا أن هناك مشروع دولة يعانخي وعاصمتها دنقلا وأنك تعمل على تصميم العلم والنشيد الوطني وبالاجماع السكوتي .. جعناك الرئيس لهذه الدولة .. ترجع تاني لاستخراج جواز سوداني .. إنتظر شوية ويكون لديك جواز دبلوماسي من دولة بعانخي التي أعلنتها طبعاً الدولة علمانية لكسب تأييد السيسي ..
يا جماعة رئيس دولة بعانخي القادم .. خط أحمر لا نرضى الاعتداء بأي صورة كانت على الرئيسنا القادم .. سوف تكون دولة خالية من الكيزان والامنجية ..
عاش القاضي .. الما فاضي ..
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: حاتم إبراهيم)
|
اميرة السيد هناك حديث شريف ممكن اصف بيه نقلك للكلام من الفيس بوك , وليست المقصودة لعن الله صانع الخمرة وشارب الخمرة و من ينقل الخمرة و من يبيع الخمرة
حسن عمر الفكى شكرا على المرور هاشم شكرا على المرور ناصر احمد انشاء الله نشيل كيس الجوافة دا ليهم فى السجن
حاتم ابراهيم
شكرا على المرور
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: ناصر احمد الامين)
|
Quote: رفض ضابط شرطة بالسفارة السودانية استخراج جواز الكتروتى لشخصى و حاول تجديد الجواز الاخضر و هذا مخالف للقانون و كل الجوازات التى تجدد بالسفارة هى تزوير لان الحكومة الوقفة التعامل به |
الجواز الاخضر اتجدد قدامي في قنصلية دبي قبل أسبوعين
وازيدك من الشعر بيت التجديد مجاني
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: ناصر احمد الامين)
|
يا ود القاضى ثبت شرعا أنك صاحب قضية عادلة ولن يضيع حق وراءه مطالب به..
بورد الأمنجية دا عليك الله ما تخلي ليهم جنبة ينومو عليها وأنت لها يا رجل.. ما ترخي ليهم كلو كلو ولا تترخرخ ولا تلن فأنت لهم جميعا ..
وهاك قول بت مسمار:
أنا قولي ليك صحيح ياركاب على شلق بنات الريح ياجدرى النزيله الدم كرف في القيح ادر صاقعة التلوي المقابله السيح ******* ما بحركو الكشكيش والقلب ان رجف ما بنفع الحريش الجنيات براك في الحلة آفة عيش ود المقدره البيعزم على المافيش
هيييييييييييييييييييييع.
والبقولك تيس قوللو حررررررررم حلبناهو...
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: Abu Baker Ahmed Abdel Rahman)
|
وازيدك من الشعر بيت التجديد مجاني (َQUOTE) >>>>>>>>>>>>>>>>><<<<<<<<<>>>>>>>>>
يا سيد احمد
اهم حاجة تورينا الجواز الالكتروني والرقم الوطني والبطاقة الشخصية القومية بكم؟؟ لان وفد الوزارة حيصلوا نيويورك هذا الشهر عشان نستخرج الوثائق دي... واذا نحن مجهزين مثلا ميزانية 300 دولار لاستخرج هذه الوثائق وانت جبت لينا خبر سعيد ان استخراج الوثائق مجان ممكن نحول الميزانية دي للفسحة في نيويورك واستار بكس.. والله يديك الصحة والعافية
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: هاشم عبدالله بشير)
|
Quote: يا سيد احمد
اهم حاجة تورينا الجواز الالكتروني والرقم الوطني والبطاقة الشخصية القومية بكم؟؟ لان وفد الوزارة حيصلوا نيويورك هذا الشهر عشان نستخرج الوثائق دي... واذا نحن مجهزين مثلا ميزانية 300 دولار لاستخرج هذه الوثائق وانت جبت لينا خبر سعيد ان استخراج الوثائق مجان ممكن نحول الميزانية دي للفسحة في نيويورك واستار بكس.. والله يديك الصحة والعافية |
أميرة
المجان للناس العايزة تجدد الجواز الاخضر القديم وغالبا يكون التجديد لمدة 6 اشهر
الرقم الوطني مجان بس الجواز الالكتروني سعرو تقريبا ما بيت 400 او 500 درهم يعني 165 دولار
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: هاشم عبدالله بشير)
|
Quote: وهاك قول بت مسمار:
أنا قولي ليك صحيح ياركاب على شلق بنات الريح ياجدرى النزيله الدم كرف في القيح ادر صاقعة التلوي المقابله السيح ******* ما بحركو الكشكيش والقلب ان رجف ما بنفع الحريش الجنيات براك في الحلة آفة عيش ود المقدره البيعزم على المافيش
هيييييييييييييييييييييع. |
و الله يا ايمن قول بت مسمار دا كان لم فيهو ود الفحل كان انداح عرضة و صقرية و اخد ليهو سوط سوطين حتي لو كان جوازو الجديد في ايدو. لكين ناس ود القاضي ديل (مناضلين) يعني نظام دلائل مادية و اجندات و كاميرات. الحياة دي معاناة يا ابو يمن ياخ.
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: ناصر احمد الامين)
|
رفض ضابط شرطة بالسفارة السودانية استخراج جواز الكتروتى لشخصى و حاول تجديد الجواز الاخضر و هذا مخالف للقانون و كل الجوازات التى تجدد بالسفارة هى تزوير لان الحكومة الوقفة التعامل به هاشم عبدالله طبعا هولا هم ارهابيين ودولة راعية للارهاب ماتنسي المنظمات الارهابي ة الموجوة بالخرطوم سعيد احمد شامى عليك ان تقرا بين السطور المعنى شئ تانى يؤكد انها فى جهاز الامن القصد انت قاعد معفن فى مصر افهم يازول ابقى معانا حنوديك امريكا ههههه هى عاوزة الحوار يمشى لمنحى اخر يبدو انها خلاص فقدت المنطق و ضابط الشرطة دا قريبها و لا معها فى التنظيم نحن نحتاج لتعاون دولى امنى للتخلص نت هذا التنظيم ..
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: محمد احمد القاضي)
|
الرقم الوطني مجان بس الجواز الالكتروني سعرو تقريبا ما بيت 400 او 500 درهم يعني 165 دولار
.............. يعني اميرة الطماعة الخاتة ميزانية 300 دولار لرسوم الجواز الالكتروني تكون وفرت مبلغ 135 دولار... ,, شكرا عزيزي الأخ سيد احمد لهذا الخبر الجميل.... بعد يومين حنتعزم في العطلة الأسبوعية غداء في المطعم الأكل فيه رئيس جمهورية كزاخستان...( واذا ما قريت الموضوع ده امشي اقراه))(امتثال)
عزيزي الأخ المناضل محمد القاضي:: ما تخلي الجماعة العملاء ديل وعاوزينك تستسلم وترجع السودان.. خليك ثابت على مبادئك فان التمسك بالمبادئ شرف كبير لا يناله الا المحظوظون....( امتثال)..
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: جلالدونا)
|
اخونا محمد احمد القاضى
كيف الحال
سيبك من نضمى الناس ديل كلهم
ما عندهم موضوع
انا اوريك طريقة و اضمنها ليك مليون المية
شفت باكر القريبة دى تمش السفارة و ترجع للضابط ده
و تستعمل معاه نفس الطريقة الإستعملتها مع بكرى لمن كنت عايز تسجل فى سودانيزاونلاين
طالما الطريقة دى قدرت تقنع بيها بكرى يديك اشتراك اكيد حقنع ليك زول السفارة ده
بس اهم شى تكون نفس الطريقة و نفس التكتيك و التكنيك
على بالحرام مش يديك جواز اليكترونى ممكن يسافر بنفسه السودان و يمش يعمله ليك هناك و يجيبه ليك فى محلك
انت بس زى ما قلت ليك استعمل نفس الطريقة الأقنعت بيها بكرى ابو بكر
و بالتوفيق ان شاء الله
| |
|
|
|
|
|
|
Re: ضابط بالسفارة السودانية بالقاهرة يرفض اس� (Re: بريمة محمد)
|
سوف استمر بمقاضات ضباط الشرطة بالسفارة السودانية بالقاهرة لا نهم رفضوا اعطائى حقوقى من قبل و الجواز الالكترونى الذى استخرجته هو دليل واضح ان الضابط محمد ادم بالسفارة السودانية هو السمؤول فى عدم استخراج لجوز الالكترونى لشخصى لا هداف امنية و تركى بلا هوية بجمهورية مصر العربية و لسب حقوقى لكى لا اتمتع باثبات تحقيق الشخصية . وكان يخطط لاسقاط الجنسية عنى
| |
|
|
|
|
|
|
| |