يا الرخصوك وانت ما بتعرف صليحك من عدوك

سودانيز اون لاين
عبدالحفيظ ابوسن-كوستي / الحلة الجديدة
مكتبتى
رابط مختصر

ما داير اداقرو في بوستيهو

والاعتذار اولا

لروح المرحوم وردي و اسماعيل حسن

العربات السوداء ارخص من البيضاء ولو تطابقت .. ما تعرفها ارخص ليه .. الا تخش جواها والدنيا صيف .. كأنك خاشي فرن .. الدركسون الا تمسكو بي قطعة قماش ويستحسن تكون مبللة !

ترخيصها الخرطوم ! والترخيص براهو مقيم .. ترخيص الخرطوم افضل .. ممكن ترخص برة الخرطوم لكن ينجضوك نجاض تتمني لو مشيت الخرطوم .. وما بدوك بطاقة رغم انو المرور مربوط بي شبكة

وسيارتي ! بتذكرني عربية محمد عبدالله الريح الحاكا بيها معلقة عنترة

بوصل بيها العيال المدارس واقضي مشاوير المدام بي الليل بعد الواطة تبرد

بناتي لو ماشات مشوار المغرب لازم يشيلو معاهم ملاية يفرشوها للمقاعد .. قالوا بتوسخهم .. ولامن حنبكت خلو الملاية وبقا يقيفو جوة العربية بدون قعاد

اها العربية سعرها ماكان كتير .. لكن ترخيصها الكتير .. رخصتها اول سنة وغيرت الملكية .. وتاني جليتها .. لانو ترخيص عشرة سنوات متتابعات بجيبن سعرها

اها شغال زوغانات .. اصلو ما انقبضت .. وخربت سواقتي .. اكون سايق وبعاين ابعد من طريقي .. والله مرة لفيت من الشارع ودخلت في حفر ووو واكتشفت بعد داك الانا شفتو ما كان بوليس حركة .. حفاظة موية كبيرة بيضا مختوتة في تربيزة كسبيل

الاستيكر دة عشان ما يوقفوك في الحملات والكشات .. ظاهر من بعيد وسنويا بغيرو لونو .. وبعد دة بوقفوك ما بتعدم ليك مخالفة .. قزاز مشقوق ولا خطر ما شغال ولا لابس سفنجة او رخصتك او تظليل .. صعب تمرق ساي لو قصدوك

المخالفة مرات تقديرية ادني فئة 50 ج لو اتلاطعت بلحقوك اتنين تلاتة .. يعني عملت فيها فاهم وعارف

اول خطوات الترخيص

الفحص الالي وهو لا يتبع للشرطة .. بل شركة خاصة قالوا حقت منو كدة من الجماعة .. عشان ما اجيب اسمو ويطالبوني بالمصدر والاثباتات والذي منو وجيب الكلمك وكدة

اها طوالي محل الفحص الالي دة بتلقا ميكانيكي بي شنطة .. كهربجي بي شنطة .. والفحص للفرامل والضراعات الباقي شوف ساي يعني فحص نظري ! بالنظر

تمرق ساقط يلقاك ميكنيكي برة .. اها مالك

فرامل

بسيطة اقعد

تقعد تشرب شاي مع ست الشاي وهو يظبط ليك الفرملة

اسمع دوسها مرة واحدة شديد للصاجة .. ما تكبس ليها

والدفع بعد اجتياز الامتحان

ن ب ترخيص كوستي النيل الابيض .. حسب كلام السماسرة ما مرغوب .. ما مرغوب دي يعني شنو ما تفهم .. مزور .. ولا بتزور ولا ناس كوستي بنجضوك لو جيت ترخص

المهم يقول ليك ن ب دي ما مرغوبة

عربية شاذة ترخيصها الخرطوم

وهو بعرض ليها في محاسنها !

شاذة دي لغة سماسرة يعني كويس ياخ واحسن من الكويسة

وفي المدن كوستي مازي الخرطوم والخرطوم مازي بورسودان وهكذا دواليك !

يعني هل في رخص محددة للسير في اماكن محددة ولا كيف

يعني زي حقت عدا اسرائيل ! ديييييك !

يسمح له بقيادة نفسه عدا السير في الزلط

ولا رخصة القرية تاخد كورس بي قروش وبدل خاصة يسمحو ليك بالسير في المدن

اها الخرطوم دي براها لازمن يكون عندك رخصة عامة وشهادة سكن

العروس شاذة واول ترخيص .. ترخيص الخرطوم

يعني اقعها ساي

ضربت ليك واصريت

ولكن

شكرا يا بوسن

يقولون الجاتك في مالك سامحتك والانقاذ جات للسودانيين في أموالهم أكتر مما جاتهم التركية فيها

جبايات .. اقصد .. ابتلاءات ..

والله يا علي دفع الله الصول اتغاتت عليك ، بس انت زاتك اتاخرت تركب خطراتك وتختصر الطريق وتلحقوا قبل العسكري الخمش رخصتك

ولا ما دافع دي برضو .

تعرف يا منص اول مرة سمعت عربية شاذة اندهشت لكن ما سألت ذكاوة مني ساي عرفت شاذة يعني حاجة كويسة جدا .. اها وقت بقت عقلية حكامنا زي عقلية سماسرة العربات وساوونا بي العربات .. لكن ياربي الاستيكر دة بدقو لينا وين .. عشان الواحد فينا ما كل مرة يوقفوهو ويعطلو اعمالو

بعدينك ماتفهم الالفاظ فهم اخلاقي جنساني ياخ وماتسيطرعليك العقلية الذكورية . شاذة يعني سمحة لامن غلط ومؤدبة ومتعلمة وقنوعة وما بتدخن ولا بتاكل زيت

خليك انقاذي وافهم مصطلحات الانقاذ

وصرحت بيهو لاصحابي

معقولة يكون مرقتي بالعربية لتوصيل اولادي للمدرسة والعودة انجاز .. تقزمت احلامنا حتي صارت الزوغة من بوليس الحركة انجاز

لو شفتني سايق تضحك بس .. معسم في الدركسون لا بتلفت يمين ولا شمال .. رامي قدام ! قدام شديد ... وماتقول لي كوركت ليك ولا سلمت عليك وفتحت لي .. انا ما بسمع ولا بتلفت .. اقتصر نظري علي رؤية الابيض بس .. اي بشوف الناس دهمة بس بدون ملامح

دة لي شنو !؟

عربية تمنها 9 مليون ترخصها كل سنة بي قريب 2 مليون ليه اصلو .. ناكل ولا نباري العربية

يووت مبسوط

الجاتك في مالك ن..... ام اهلك

نشيل الوراك والقدامك والقدام اهلك زاتهم

ما قلنا

نكرتو حطب

بكونو بفتشو في بدائل

واحدة من شروط التقديم للعمل

وكانوا ذوي فائدة ومرقوني كم مرة لجودة نظرهم .. والعاجبني في ناس المرور هميمين بي شغلهم وما بجاملو !! ما تقول لي شايل معاك اطفال ولا طلبة .. تتلطع في السخانة دي ولا تدخل يدك في جيبك ! ماتقول لي لاحق الجرس .. انت مفروض تكون جاهز لو حريص علي تعليم اولادك ..! امممممك جابت ليها واو !!

لكن حكمة الله العربات الجديدة ورقة دي ولا بوقفوها

لو جاهو قبل يقبضو برضو كان الصول دفعو

والله كنت جاييك لكن باقي 34 كيلو وبيتك 5 كيلو ماشي وجاي 10 كيلو .. والدنيا اخر شهر لكن اوعدك اجيك مع اول الشهر .. والله مفروض امشي للوالد في البلد عشان الكوتة قربت ومفلس ما قدرت امشي

يعني لو ساكن كوستي وداير تمشي مناسبة بورسودان الا تاخد سلفية

يربطو لينا عدادات في الساق تحت .. وبعد شوية يظهروا فني تلاعب عدادات