الشمالوسودانيين: انتو ظاهرة البنات الكلهن بقن شاعرات دي شنو؟

و شكرا عفراء المختفية و بركة المرقتك الحنة هههههه

و يا طلحة لو كنت ختيت الرابط زي اختنا منى مدني ما كان اختلط علينا الشعر :)

من محاسن البوست أن اظهر لنا الوجه الآخر لعاطف محمد علي فخرج مدافعا عن الابداع النسوي

و حق البنيات في التعبير عن مشاعرهن شعرا و شعرا. انا يا عاطف لو لاحظت وضعت خطوط رجعة في كل

جملة كتبتها حتى لا اصدر احكاما معممة. قلت بعض هذا الفيضان الشعري و المشاعري جيد و بعضه ليس كذلك

ياخي انا هسه دي و بي شعري الابيض ده لو واحدة قعدت تقول كلام زي ده حاخجل شديد و حافضل معاين للارض

طول الوقت و احتمال أن يكتسي وجهي بحمرة الخجل هههههه بس طبعا في حالتي الحمرة حتكون مائلة للون بتاع

صبغة اليود داك.

لقد قررت أمدد إقامتى قليلاً فى هذا البوست بعدما إكتشفت الشابة إمتثال عبدالله حسين التى سمعت عدة قصائد لها بعد هذا البوست ولقيت هذه الحسناء تنطق درر وحِكم فاتت الكبار والقدُرا .. والقصائد كل واحدة أجمل من التانية .. فهم مبكِّر جداً للناس والدنيا ..

وهذا الفيديو ربما كان أول ظهور لها فى برنامج سحر القوافى ..

من فصاحة ربات الخدور

وشايف وصاية بطريركية

البنات بقولوا شعر من زمن بنوبة بت المك وشغبة

والحكامات

ولو غيرتوا نظارات الشوف

وسماعات السمع

حتسمعوا شعر جميل كتير قالوه ربات الخدور هؤلاء

ما تتمحنوا

وتستنكرو وتشجبوا ساكت

وما تخافوا

جدل الحياة والثقافة يقول

إنه من ركام شعر كتير

ضعيف

تحية لكل الأفاضل المتداخلين

تعقيب بسيط على الأستاذ طلحة عبدالله

Quote: يا سيف النصر محاولات شنو العندي دي ؟؟ دا هردبيس لقيتو حايم في النت كبيتو ليكم هنا إتساقا مع فكرة البوست المناهضة للركاكة الشعرية .. أصلا البلد ديك عايزة وأدوها سوط .. الجميع عندو محل عطور حتي الفاقد حاسة الشم .. وبعد شوية الجميع عمل فرقة انشاد ديني حتي الما بعرف الرسول إسمو منو .. شوية شوية الجميع بقي فنان حتي شريف الفحل وأفراح عاصم أو أيا كان إسمها .. واليومين ديل شايف بحر الشعر هائج .. الله يستر من إدعاء النبوة .

دا فيديو كوميدي للفنان جمال حسن سعيد وهو بسخر من نوع من انواع الشعر

وهو زاااااااااااااتو بكتبو

وفي سهرة على النيل الازرق عرضو الفيديو دا

ضاعت لي سُبل مباصرتك للبوست في ردك للأخ المشرف و الذي بان كإستنكار أكثر من كونه إقرار

رد كان في شكل ورطة (على وزن وردة) :)

لكن مُداخلتك الإستيضاحية دُغرية و بتشبهك تماماً!

و أنا ذاتي جني و جن ال mediocrity و المُتسلقين أياً كان نوعهم (ذكر أم أنثى) ...

أما مداخلتي و زي ما قلت كانت في " جواي " من بوست قديم لم يسعفني الزمن على المشاركه به.

و كان الإتهام بالركاكة و و إنعدام التجديد في المواضيع أو طرق مواضيع أخرى غير العاطفية و إتهامات أخرى لا أذكرها الآن.

و أعتقد الكاتب كان من أحد الدول العربية إن لم تخُني الذاكرة...

صراحة يمكن أكون missing out و في حراك و إنتاج غزير أنا ما متابعاه زي ما لاحظت من البوست ده

ولكن ستصمد الأقلام النضيدة و نحريرة و يذهب ما عداها جُفاءاً (بضم الجيم) :)

تحياتي لك و الشكر مجدداً لتوضيحك

بجد

Quote: فردوس يا اخ انا منتظرة ديوانك بجد

يا سلااااام ...

يعلم الله طلبك ده ذاتو أسعدني ...

كنتو وين ياخ حسع كان بقو ديوانين و تلاتة مع التشجيع ده :)

كل الحب و التقدير لك في يومنا (يوم المرأة).

و هديتي ليك ديوان شعري الأول قبل يوم المرأة القادم إن شاء الله...

د.سيف بوزع في ديواني زي الشربات لضيوفك

عشان ما أفطّك أنت ذاتك بجيب ليك واحد لعندك