الأخ الحبيب محمد هارون ..تعرف يا أخى محمد هارون ..
ما عارف .. هل كنا زملاء سوا فى نيالا أم .. فى مكان آخر ..
لأنو كان لى صديق حميم .. لا أنسى اسمو .. كان اسمو محمد هارون ..
هل تتذكر واحد كان اسمو : " عاطف ارجانوس جبران " ؟؟
أتمنى انك تكون نفس محمد هارون الزميل البشوش دائماً ..
حتى ولو لم تكن أنت .. طالما انت من ناس نيالا .. اهلاً بيك دايماً ..
بالمناسبة .. أنا قريت الأولية " المدرسة الشمالية " وبعدها قريت
فى المدرسة الوسطى .. بجوار الوادى .. الوادى .. محل ناس أخراج
الموية (أخراج جمع خُرُج) - والحمير اللى كانت بتنقل الموية ..
الوادى .. اللى كنا بنلعب فيهو قرقور السورو .. وأم صفت .. و ملوص ..
والوالد رحمه الله ارجانوس كان ناظر المدرسة الشرقية .. " جنب العصارات " ..
وكنا بناكل أم جغوغة .. وأم طويره ..
المهم .. ورينا .. امكن انت من ناس الشباب .. وما عجوز زينا .. وبكده أقول ليك
أنا آسف للإزعاج .. سورى ..
عمومياً .. أنا بانتظار ردكم الكريم ..
أخوكم وعمكم العجوز ..
ارنست (عاطف) ارجانوس جبران
+++