| Quote: ا عادل ياخوي والله انا بتفق معاك مية في المية في رويتك الفوق دي لكن بختلف معاك في حتة الخدم واولاد السراري وبتاع ديك لانو لسه ما وصلنا درجة الوعي الممكن ننهي بيها القبلية والجهوية المعفنة في دواخلنا.. لامن نكتل الحتة دي بالوعي بيبقي الكلام سمح |
الاخ العزيز سنوسي بدر
تحية طيبة
دي ما عنصرية ابدا
فقط استخدمت كلمات دارجية في وصف ناس المركز
دي حقائق تارخية ولي المرحوم نقد كتاب في الرق والرقيق في السودان
وهم فئة اجتماعية نشات بدخول الاتراك للسودان من 1821 وتم تحريرهم بي مرسوم كتشنر 1902
بعد داك شكلو الوعي القبيح الاستعلائي في المركز عبر العصور واساءوا لكل السودان
من حيث ان من هو اهل لحكم السودان كان يجب ان يكون في مستوى اخلاق شعب السودان ويحترم الهوية المركبة للشعب السوداني وهي هوية حضارية فكرية سياسية ثقافية اجتماعية نفسية اذا كانو ما سودانييين بالطبع وافدين - اليبقو سودانيين بالتطبع
وقلنا تحرير الاقاليم الستة القديمة من المركز ده وترك المحكمة الدستورية العليا هي الفصل يكون افضل
يا خي زول ما داير يبقى انصاري ولا داير بيقى ختمي
داير يبقى عربي بطريقة مستعارة بي الكريمات والتنتطع بي اللغة العربية ويهين الهامش المكون من 90% من الشعب السوداني
لازم تعرف من اين اتى هؤلاء ؟
بعدين الغرابة المعقدين ديل ما يلصقو لينا ناس المركز ديل في قبائل الشمال ..بطريقة اعتسافية
البلد بتصلح لمن كل زول يتصالح مع اصلو وفصلو لايبحث عن هوية مستعارة ويحترم الجنوبيين والنوبة
adil amin
فيس بوك
تويتر
انستقرام
يوتيوب
بنتيريست