Quote: انت برضك حايم بي هناك .. الجماعة قالوا الإيصالات ما جات لأنه دا يوم واحد في الشهر ... وكل شهر بتتعمل الحكاية دي .. انا هسع رجعت المكتب ... وبرجع بعدين .. اسمع احجز لي في الصف معاك .... ولو إتأخرت ادفع ... واشختها في الحيطة |
أنا برضو يا شغيل بحوم بي هناك ....؟؟؟
أنا و كل من أكفله بي جوازاتنا الإلكترونية .....
مشيت إجازة في نهاية رمضان
و أول يوم بعد إجازة العيد مشيت خلصت جوازي و جوازات الأولاد و أمهم
البوست دا كتبتوا بعد ما إتصلت على ود عمتي عشان أتأكد إنو مشى السفارة عشان الجواز الإلكتروني لي أولادو
قلت ما يكون نسى المواعيد و يقعد يفتش لي حجز تاني
إتصلت عليهو قال لي في السفارة و خلصت التصديق و باقي لي الرسوم
لكن قالو الصندوق بفتح الساعة 1 ظهراً و أنا كنت بتكلم معاه تقريباً الساعة 8:30 صباحاً
يعني حا ينتظر حوالي 4 ساعات و نص ....
السفارة السودانية عالم جميل زي زين ....