منير يا حبيب خبارك
| Quote: ناصر جامع ياوجيه .. راجى العضّة ؟؟ الواحد عامل فيها ليبرالى وتلقاهو راجى العضة زيو وزى أى ظلامى .. :) |
فعلا كنت راجي العضة و الله
بالمناسبة قصة العضة دي و عضات اخر كنت عاوز افتح بوست بي خصوصهم
العضة دي في بيت البروفسر الهندي الشغال معاهو في زواج ولدو
غايتو الزول دا يا مسيحي يا هندوسي عامل فيها مسيحي و الله اعلم
راجل حبوب و مهذب و محترم و طيب لامن يخجلك، و طوالي شغال فينا عزايم
اها الكرسماس الفات عزمنا، مشينا عايدناهو ميري كرسماس ميري كرسماس و ضربنا العضة الما خمج
عليك امان الله في ناس كل سنة تجي هنا تدينا محاضرات عن حرمة معايدة الكفار
اقارن ليك بين الزول دا و بينهم، و بيني و بين نفسي اقول كما قال صاحبي العفري و الله كفار إنتوا
العفري متزوج بت عمو، و اتعرف علي إثيوبية، حراقت حشى، نار منقد بس هههههه
قال ليها داير اتزوجك، قالت ليهو لا، ما ممكن اتزوجك
يا زول صاحبك اتعقد في روحو، أنا عيبي شنو؟؟
ليه في شنو؟ يا زول بعد إلحاح، قالت ليهو ما بقدر اعرسك عشان انت مسلم و انا كافرة
قال ليها و الله انت ما كافرة، كافرة المعرسا انا دا
قال معايدة الكفار حرام، كفار انتو
عليك الله يا منير انت هسي الناس المعاك في الشغل ديل وقت يقولو ليك هابي كرسماس قاعد تقول ليهم شنو؟؟
فيس بوك
تويتر
انستقرام
يوتيوب
بنتيريست