| Quote: الهي محاولة تعميم الوصف الشكلي لمجموعة اثنية المفترض انها تعاني اضطهاد على عموم مجموعات السودان الاثنية بما فيها المجموعات المفترض انها تمارس استعلاء مبرر بالتميز العرقي الوسيلة دي مختلة جدا لسببين بسيطين ان لم يكن اكتر
|
سلامات يا قاسم
هي المصيبة اللي شغاليــين إستعلاء هم نفسهم تنطبق عليهم الأوصاف موضوع عنوان البوست
فهمتني .. يعني زي الحرامي المشي يسرق ليه محل وقبضووه وقام ينكر وبعديــن جابو ليه كاميرات التسجيل
يعني زوول ملامحه أفريقيه ولا يختلف كثيرا عن باقي خلق الله , البخليه يستعلي ويمارس العنصرية شنو ؟
| Quote: ليه نختزل الواقع المتنوع المفترض يكون مصدر غنى انثروبولجي نعتز بيه |
ليتنا كنا نفتخر بهذا التنوع يا قاسم في أقرب ملف يطلعوا ليك القديم والجديد
وتطلع (عب مغفل ساي) وما هي دي المشكله المحتاجة إعتراف ومواجهة ..
| Quote: ببساطة انت تفرغ الانسان من محتواه الثقافي و الحضاري الموروث و تراكم تجربته الاثنية و نتيجة وجوده في بلد تتلامس فيه القارات و بتحوله لمجرد شلاليف و نخرة و شعر قد يكون بتاثير الحضارة الغربية الموغلة في الولع
|
اذا كان صاحب الموروث الحضاري والثقافي عنصري ويمارس الإستعلاء
ما فائدة حضارته وثقافته ؟ واذا كان لا يريد أن يشاهد نفسه علي المرأة لكي يعرف بأنه
مثل ضحيته شكلا ووصفا ؟ ببساطة تقوم تجيب ليه مرايا وتخلي يشوف نفسه وبعديـن نجي نشوف الحضارة والثاقافه
| Quote: تخيل نحن في الحتة دي بالذات افهم بمراحل من الناس دي لانه تاريخنا و تجربتنا مختلفة تماما بينما هم لم يسمح لهم بالتزاوج بين الاعراق حتى الستينات نحن عادي جدا عندنا في البيت السوداني الواحد ان تتدرج الوان الطيف كلها في اعضاء الاسرة
|
طبعا دا أمر جيد ويذوب كثير من المسافات بين الناس
بس برضه لغاية الليلة ممكن تسمع العبارات العنصرية من نفس الناس ديل
أو غيرهم وكأن شيء لم يكن ....
تحياتي لك أخي قاسم وأشكرك علي التفاعل
عبدالعظيم عثمان
فيس بوك
تويتر
انستقرام
يوتيوب
بنتيريست