|
Re: العنصرية كعب اخيل المعارضة (Re: Salah Zubeir)
|
مرحبا صلاح وحبابك وكتر خيرك ودون وصف احد ب مهموم او نحوها . فالتقديرات شخصية وقد يعلي احدهم من محاربة العنصرية كأولوية او الصراع الطبقي او الدين كمخرج لازمة الوطن .. وكل يعرض بضاعته يحدوه هدفه !! فالاهداف تختلف وفق موقف الانسان الفكري والشخصي والاجتماعي بمناسبة المداعبات دي معانا واحد عتالي في السوق . شاب ابوهو دينكاوي وامو شلكاوية .. وتربطني معه صداقه .. فقد كان معنا منذ اكثر من عشرة سنوات .. ورجع لسنوات بعد الانفصال .. وجا راجع تاني قال يموت هنا بس ! المهم هو معروف في منطقتنا بالسوق .. بشاغل الناس بمناداتهم يا عب ويشاغلوهو بيا عب ايضا .. نضمت معاها هسة يامايكل انا يوم واحد شفتني قلت يا عب قال لي لا قلت ليهو طيب ليه بتقول كدة قال لي العب رزق ومايكل هذا اول من وراني الحراسة بتاعت الشرطة قبل سنوات بالليل يعمل شكلة ويضارب والصباح يبلغ ناس الشرطة انو قاعد معاي .. امشي ادفع رسمي وما رسمي وامرقو واقول ليهو ماعندي شغلة بيك تاني وتاني ينادوني ناس الشرطة وكل ذلك يتم دون احساس بالدونية منه او التعالي من جهتي
|
|
|
|
|
|
|
|
|