كتب الكاتب الفاتح جبرا المتوفرة بمعرض الدوحة
|
Re: تعال نتباهل يا مستنير (Re: أحمد محمد عمر)
|
سلام يا على
Quote: و لحدت الساعة ديك انا قايل المباهلة دي يقعدوا ميطي واي واحد يبهل مصارين التاني بالسكاكين .. |
ههههههههههههههههه وانت عائز تباهل منو؟ ولا تبهل مصارين منو؟
| |
|
|
|
|
|
|
Re: تعال نتباهل يا مستنير (Re: أبوبكر عباس)
|
Quote: وقفت علي حيلها وكوركت: سجمي يا ولدي وحات سيدي الحسن ياكا إتّا خرّ له إخوته في الجلسة ساجدين
|
أها أقدر على دي يا علي دفع الله! المستنير جاب ليك قصي و جاء!
| |
|
|
|
|
|
|
Re: تعال نتباهل يا مستنير (Re: علي دفع الله)
|
فعلا يا مستنير رواية حبوبتك للكرامة صحيحة وكما سمعتها منقولة الينا بالتواتر فهي صحيحة ... وابوي الشيخ التوم ودبانقا شيخ واصل وله كرامات لو حكيتا ليك شعرة جلدك تكلب ... لكن المشكلة في اخوانا السلفية ديل اصلا كلام الكرامات دا ما واقع ليهم كلو كلو ..طوالي بقولو دجل وشرك وما عارف شنو ..ويجو اجرجروك لي حاجانت عجيبة خلاص زي حتة المباهلة ... وانا انتاولت حتة المباهلة لاني شايفا وسيلة مفخخة لنهاية اي الصراع ..زيها زي الحزام الناسف السيارة المفخخة او اي وسيلة داعشية لحسم اي صراع فكري ... وداير برضو مثال حي لناس اتباهلو ومنو الفاز علي التاني ... وهل في التاريخ الاسلامي القديم والحديث كانت في مباهلات محضورة ونتايجها الناس شافتها ... الاسءلة دي جد محيراني وشايف في ناس طوالي يقول ليك تعال نتباهل .... ------ حا اواصل لو زمنك بسمح البهلة معاك او اي شخص له رغبة انبهال '-----------
راجع
| |
|
|
|
|
|
|
Re: تعال نتباهل يا مستنير (Re: علي دفع الله)
|
لي يومين محتار من سؤال حيدر قاسم القال لي فيهو: ليش يا مستنير ما كاتب في بروفايلك في خانة اللون السياسي انك صديق شيوعيين؟ مشيت فتحت بروفايل حيدر قلت كدي النشوف الكديس دا كاتب شنو؟ لقيت أكلتو المفضلة رجلة بكسرة!!
طوالي نطيت من الكمبيوتر، وجري على أقرب بقالة، وبالصدفة لقيت البقالة التحتنا اسمها سمسمة، طوالي توشك على رفوف الطحنية ونزلت ليك من كل الأنواع علبة وإشتريت كرتونتين بيبسي وجري على الكاشير. في البيت رصيت علب الطحنية الستة ومعاهم علبتين بيبسي في التربيزة وفتحت التلفزيون ال3D ووصلتو مع الس دي بلير وشغلت فلم : Spirit: Stallion of the Cimarron وطفيت الانور ولبست النظارة السحرية بعد الفلم الأول خلص؛ قلت يا ود، يا أبكر، كدي تعال نتفاهم: - إتّا قبل أربعين سنة وانت طفل صغير راكب القطر من شندي وماشي راحلين مدني، حلمك الكبير كان شنو؟ - رديت، الكضب خيبة، حلمي كان: طحنية وشعيرية وباسطة بالكنافة - طيب ربنا دا، قصر معاك في أحلامك دي، عشان تجي تحاجج في عبادو المتصلين بيهو والمنفصلين منو والبين بين؟ وكمان جابت ليها غلاط في التوزيع الموسيقي؟!؛ - سؤالك فهمت نصو! بالنسبة لي، أبداً ما قصّر معاي تب وكل ما أحلم بشئ يديني منو ستة علب.
| |
|
|
|
|
|
|
Re: تعال نتباهل يا مستنير (Re: أبوبكر عباس)
|
بالله!! قصة التوم ود بانقا مع امو دي قريبة من قصة فيلم terminator بتاع ارنولد شوارتزنيقر لما جا من المستقبل عشان يقتل ام قائد ثورة البشر ضد الروبوتات فتقوم ما تولدو و الثورة ما تحصل في المستقبل. القائد اسمه كان كونور و هو نفسو جا للحاضر من المستقبل عشان يمنع التيرمنتور من قتل أمه و طبعا جا لقاها لسه ما متزوجة و حصلت بينهم قصة كان نتيجتها انو هو بقى والد نفسه و قصص عجيبة و غريبة كده. اكان ما اخاف الكضب الخواجات احتمال كبير شالوا الفكرة دي من كرامة ابوكم الشيخ ده.
| |
|
|
|
|
|
|
Re: تعال نتباهل يا مستنير (Re: سيف النصر محي الدين)
|
المستنير ابو بكر والمستنير سيف النصر تحياتي ليكم انت عارف يا مسنير اليومين ديل في كلمة على لسان البلوتاريا (من الله بسط ..ومن خلقو لا).. قدر ما حاولت ادخل في نقاش فيه دوز عالي من المنطق انو ليش ناس العالم الاول الكفار ديل ماكلين شاربين لابسين سكرانين زاعطين وما عندهم علاقة مش كلهم بس جزء كبير منهم بي الله الهسي انتو مبسوطين منو برغم البشتنة الانتو فيهم ..ردهم على طول اذا حب الله عبدا ابتلاه ..وانا بقول ليهم دا حب اشتر ...النقاش تاني بتم حوقلة وربنا يهديك واستغفر ربك ... غايتو المتدينين المساكين العندنا في السودان ديل بالجد مفروض بعد هذا الايمان العميق دا مفروض خلاص شوية كدة ربنا يقبل عليهم ..و يفك كربهم دي ..والله قالوا الروب عديييل فقر وجوع وامراض وانقاذ..
| |
|
|
|
|
|
|
Re: تعال نتباهل يا مستنير (Re: علي دفع الله)
|
هلا المستنير لطيف شرفتنا.. المستنير سيف النصر يمين لو حكيت ليك كرامة حبوبة بتول الغبشاء ام عنقريبا طار الا هسي دي يحصل حالة جزب سماوي . حبوبة بتول الغبشة ام مسوحا ماء ام اولاد هجو الاربعة ...دي لحظة مودنها المقابر عنقريبا طاااااار فر والقوم جارييين وراه لمن وصل غابة ديم المشايخة من عمارة اليعقوباب.... دقش ولا ما دقش قول يا وديانقا وارمي حمولك عليه ...مدددددد
| |
|
|
|
|
|
|
Re: تعال نتباهل يا مستنير (Re: عبدالعزيز الفاضلابى)
|
الزول السمح عثمان عووضة انبهل ساي يا حبوب ...تسلم يا جميل ... علي ود البشير اقوى مباهلة مباهلة الكفار هههههه مودتي يا زوق ... الاخ الفاضلابي قرايتك صاح للعنوان هسي البنسوي فيه دا شنو ما الهبل ذات نفسو ...مودتي ... ------
| |
|
|
|
|
|
|
Re: تعال نتباهل يا مستنير (Re: علي دفع الله)
|
لي يومين محتار من سؤال حيدر قاسم القال لي فيهو: ليش يا مستنير ما كاتب في بروفايلك في خانة اللون السياسي انك صديق شيوعيين؟ مشيت فتحت بروفايل حيدر قلت كدي النشوف الكديس دا كاتب شنو؟ لقيت أكلتو المفضلة رجلة بكسرة!!
الكديس عديل كده؟ ومتى أسئت إليك حتى تحيلني هكذا إلى حيوان؟
فقط هنا مناسبة لأن يضغط القارئ على أيقونة بروفايلي, ليعلمني وفق وقائعي وتاريخي ورحلة حياتي, وليس بقضوم الفجور والضيق الشديد ... الذي ترون ... عفانا الله ... وإياكم
| |
|
|
|
|
|
|
Re: تعال نتباهل يا مستنير (Re: HAYDER GASIM)
|
يا ابوعلوة القعدة سمحة غالبت امسك روحي في تعليقين تيكنيكال كدا لكن غلني فا ادني خاترك و الأخوان يا مستنير ياخي ساعدنا بالتدقيق, قصة علب الطحنية الست حكيتها قبل كدا في موقف مختلف بالنص يا دكتور سيف, والد جون كونور هو كايل ريس فردته في التمرد رسله عشان يحمي والدته فقام بقى أبوه ههههه
| |
|
|
|
|
|
|
Re: تعال نتباهل يا مستنير (Re: HAYDER GASIM)
|
الصديق الجميل المتسامح حيدر قاسم تحياتي. حسب فهمي لي مداخلة المستنير ما فيها اساءة اظنه البسها نكتة الكديس السطل وشاف الاسد ههههه يعني بكة هو الكديس وانت الاسد ... هون على روحك يا زول يا سمح ... دا فهمي للمداخلة لحين عودة المستنير مودتي
| |
|
|
|
|
|
|
Re: تعال نتباهل يا مستنير (Re: علي دفع الله)
|
تحية وسلام علي دفع الله والمستنير وجميع من انبهل هنا
المستغرب فيهو انا انو المستنير دا جاب الايمانيات دي كلها من وين
من اين لكم هذا يا مستنير
Quote: والمادح قال يتمنى الموت: أموت يوم جمعة يوم ستة في رمضان.
|
| |
|
|
|
|
|
|
Re: تعال نتباهل يا مستنير (Re: Haytham Ghaly)
|
Quote: انت عارف يا مسنير اليومين ديل في كلمة على لسان البلوتاريا (من الله بسط ..ومن خلقو لا).. قدر ما حاولت ادخل في نقاش فيه دوز عالي من المنطق انو ليش ناس العالم الاول الكفار ديل ماكلين شاربين لابسين سكرانين زاعطين وما عندهم علاقة مش كلهم بس جزء كبير منهم بي الله الهسي انتو مبسوطين منو برغم البشتنة الانتو فيهم ..ردهم على طول اذا حب الله عبدا ابتلاه ..وانا بقول ليهم دا حب اشتر ...النقاش تاني بتم حوقلة وربنا يهديك واستغفر ربك ... غايتو المتدينين المساكين العندنا في السودان ديل بالجد مفروض بعد هذا الايمان العميق دا مفروض خلاص شوية كدة ربنا يقبل عليهم ..و يفك كربهم دي ..والله قالوا الروب عديييل فقر وجوع وامراض وانقاذ..
|
ههههههههههههههههههههه
والله يا علي كلهم قاعد تتاورم نفس فكرتك لكن بخافو من التكفير وجز الروسين دا
وانت يوم بيلقطك واحد بي عكاز وللا نصيبة
طبعاً دا عندهم جهاد يا علي يقتلك في سبيل إرضاء الله واعلاء كلمته
الله يجازيهو على هذا الفعل بالجنة وكمان معاها 72 حورية لزوم ما يلزم
في زمتك دي فرصة بتتودر
| |
|
|
|
|
|
|
Re: تعال نتباهل يا مستنير (Re: Haytham Ghaly)
|
انت عارف يا مسنير اليومين ديل في كلمة على لسان البلوتاريا (من الله بسط ..ومن خلقو لا).. قدر ما حاولت ادخل في نقاش فيه دوز عالي من المنطق انو ليش ناس العالم الاول الكفار ديل ماكلين شاربين لابسين سكرانين زاعطين وما عندهم علاقة مش كلهم بس جزء كبير منهم بي الله الهسي انتو مبسوطين منو برغم البشتنة الانتو فيهم ..ردهم على طول اذا حب الله عبدا ابتلاه ..وانا بقول ليهم دا حب اشتر ... النقاش تاني بتم حوقلة وربنا يهديك واستغفر ربك ...
^^^ ^^ ^ الاقتباس ما شغال عندي ... المهم ... امس بتونس مع بوردابي زميل عمل عن اليساريين والملحدين وقشراتهم السايبرية فبالنيم ضرب لي مثل بيك انت يا علي دفع الله .... قالي علي دفع الله ده اسي قاعد في سنار هل تتوقع حياتو اليومية وسط اهلو وناس بيتو وخيلانو واعمامو وجيرانو واصحابو...... الخ بنظر ليهم نفس التنظير الشيوعي الاشتراكي ده قال طبعا لا .... ده كلوا معط سايبر سااااااااي هههههههههه نظرو لينا هنا لاكين مع البلوتاريا والرجرجه والناس الساي مافي طريقة اصلواا هههههههههههه
| |
|
|
|
|
|
|
Re: تعال نتباهل يا مستنير (Re: محمد عبد الله الامين)
|
الاوربيون ماكلين كويس وشاربين كويس لكن ما مرتاحين ...في شئ ناقصهم زيهم وزي الملحدين ال رايح ليهم الدرب. حيرتونا يا ملحدين تتكلموا عن الدين اكتر من المؤمنيين. الدين شاغلكم شغلة شديدة. مدام الحدتوا تاعبين رقبتكك ومتورين نفسكم في شنو ههههههه
| |
|
|
|
|
|
|
Re: تعال نتباهل يا مستنير (Re: محمد عبد الله الامين)
|
الصديق محمد عبد الله تحياتي كلام صاحبك العمل الدراسة دا الى حد كبير صحيح لعدة اسباب اهمها الشعب السوداني متدين بي طبعو بالاضافة الى يمينية كل النظم من الاستقلال وخصوصا نهاية فترة نميري ايام الشريعة وقوانين سبتمبر دي كلها اسست لمجتمع رافض لاي فكر يساري لحكم البروباغندة الرسمية المشوهة للافكار اليسارية والعلمانية.. اها في الجو الزي دا الحركة التنويرية بتكون بطيئة جدا وبتكون نوعية وليست كمية وفي النهاية عصر الاستنارة الوصلت ليه اوروبا حا نوصلو طال الزمن او قصر ... اما بخصوص الدائرة الضيقة حقت الاهل والاصحاب في قبول ايجابي .لكن خليني احكي ليك قصة الوالدة الله يطول عمرها ..لمن خشيت الجامعة كلموها انو علي بقي شبوعي علي الحلف لي هسع منخلعة وخايفة علي تقع فوق رقبتي رعدة ولا تخسف بي الارض .. مودتي
| |
|
|
|
|
|
|
Re: تعال نتباهل يا مستنير (Re: Haytham Ghaly)
|
هيثم غالي يا حبوب تتصور اي نقاش من انوع النقاش الذكرتها ليك دي بعملا ويدي فوق قلبي ... الدعشنة كترت يا اخي ..والله بقينا نعمل حسابنا منهم اكتر من ناس الامن هههههه مودتي
| |
|
|
|
|
|
|
Re: تعال نتباهل يا مستنير (Re: علي دفع الله)
|
Quote: فعلا يا مستنير رواية حبوبتك للكرامة صحيحة وكما سمعتها منقولة الينا بالتواتر فهي صحيحة ... |
ماشي كويس يا كوهين .... وواصل في المراجعات..... وأمسك في درب الشفيع ......
| |
|
|
|
|
|
|
Re: تعال نتباهل يا مستنير (Re: حامد بدري)
|
Quote: لاخ عبد العظيم مكي تحياتي .. قلت الاوربيين ما مرتاحين ههههههه الكلام دا قولو في قناة طيبة ولا قناة وصال السلفتوتية هههههه مودتي |
الاخ على
الاوربيون انا قعدت في وسطهم سنين عددا وعارفهم كويس. ومحتارين في راحة البال ال نحن عايشنها. واي واحد فيهم يناقشني بقول ليه ناقصكم الايمان. الايمان بوجود اله قادر ومقدر. نحن المؤمنين مرتاحين والحمد لله. فقراء مرتاحين. اغنياء مرتاحين. لو جانا خير مرتاحين ولو اصابنا شر مرتاحين. عايشين في نعمة كبيرة وهي نعمة الاسلام والايمان ومؤمنون بحياة بعد الموت وجنة عرضها السماوات والارض اعدت للمتقين. نحن في حاضر مشرق وغدا اكثر اشراقا بإذن الله. وأمل في حياة ابدية لا رهق فيها ولا نصب.
اما انتم لا امل فى مستقبل ولا راحة في حاضر. مذبذبين ومهمومين ومقلقين. لا صلاة ترتاحوا فيها ولا صيام يزكي انفسكم ولا اخوة لوجه الله تروا فيها نعمته ولا زيارة ارحام تعلوا فيها هممكم. لا صدقات تريج بالكم ولا زكوات ترضون فيها ربكم. حياة عبثية بدون امل.
انتو عايشين كيف ههههههه.
| |
|
|
|
|
|
|
Re: تعال نتباهل يا مستنير (Re: على محمد على بشير)
|
عبدالعظيم سلام
انت متأكد انكم عايشين راحة بال !!!!؟؟؟
طيب ياخ مدورين حروب مع نفسكم مالكم؟
عاين للغرب دا كلو عايش في سلام وهدوء كيف
وعاين لمناطق المسلمين فايرة كيف
معقولة دي راحة البال الناتجة عن الايمان
| |
|
|
|
|
|
|
Re: تعال نتباهل يا مستنير (Re: Haytham Ghaly)
|
صديقي هيثم غالي ردك لعبد العظيم مكي ناقص انت ماشفت ملايين اللاجئين السوريين وبقية المسلمين مرتاحين بال وماشين اوروبا يصيفوا ويفرقوا شوية للكفار ويفكوا ليهم دبرستهم دي .... وبعدين تعال هنا يا هيثم عبد العظيم دا قال ليك عاش ما الاوربيين ولقاهم هوبليس ومقلقين اها رايك شنو زول عاش معاهم دي راحة بال ولا مش راحة بال يا هيثم ... تحياتي
| |
|
|
|
|
|
|
Re: تعال نتباهل يا مستنير (Re: Haytham Ghaly)
|
الاخ هيثم
انت اعلم من يدير هذه الحروب من وراء ستار. انهم من قاموا بحربين عالميتتين قتل فيهما الملايين. انهم من احتلوا البلدان المستضعفة وقتلوا المواطنين ونهبوا خيرات بلادهم. وفي عصرنا الحديث هم من اشعلوا كل الحروب الدائرة الان. هم من صنعوا كل المنظمات الارهابية الحالية. انت تعلمهن جيدا والجميع يعلم ذلك ولكن ليس لكم القدرة على قول الحقيقة.
لماذا يقومون بذلك لأنهم لا يؤمنون بعقاب وعذاب. وعلماءونا يقولون من امن العقاب سا الادب. لا يوجد لديهم وازع يمنعهم من قتل النفس التى حرم الله الا بالحق. لايوجد رادع يمنعهم من نهب ثروات الدول المستضعفة. لماذا انتم اقصد الملحدين من اصلاب مؤمنة محتفظين بأخلاقكم. ببساطة لانكم مربين تربية دينية. انتم ملحدون متدينون. لكن الاجيال القادمة من اصلاب ملحدة ستفعل كل شئ.
تحياتي
| |
|
|
|
|
|
|
Re: تعال نتباهل يا مستنير (Re: علي دفع الله)
|
يا عظمة نحن اولاد النهار دا ... الاوربيين والامركيين مرتاحين وعايشين كويس ...دي حقيقة معاشة فما تقعد تلاوي ساي ههههه ---------- يا مستنير شايفك امس عرفات كنس مداخلتك من غير ان يرف له جفن.لكن انت زاتك زول مشاكل كيف تقول لود البشرى اطلب من بكري ابو بكر انو يشيل الباص ويرد هههههههه عجبتني كنستك ... الاسبوع الجايي ماشي الزراعة عندي كديب في المشروع ممكن اغيب كم يوم بس لو جيت محطة جبل دود لاي غرض بخش اشوف الحاصل شنو بس عندي طلب عليك الله خليك زول وطني وما تقلل من دور الشريف السموأل الوطني في حل مشكلة الوطن ..عليه اطالبك في فترة غيابي دي تقوم تكتب تقريظ للشريف عشان يكون مبسوط منك.. وشكرا
| |
|
|
|
|
|
|
Re: تعال نتباهل يا مستنير (Re: muntasir)
|
في خمسة بالمنتدى قاعدين يكنسوا مداخلاتي: ١/ معاوية الصائم الشهير بالطوربيد ٢/ فرح ابو روضة ٣/ مصطفى محمود الشهير بالبروف ٤/ فرانكلي ٥ / وأخيرا عرفات المهم ما بستسلم، لحدي ما يطردني بكري
| |
|
|
|
|
|
|
Re: تعال نتباهل يا مستنير (Re: أبوبكر عباس)
|
ابكرونة
مستنير دي تقيلة علي لانو زول مو عارف خالقو بعيد بعد الطريفي لي جملو من الاستنارة.
عندي احساس انو حا تكون في يوم من الايام قاعد في تبروقتك وتجر في السبحة للصباح.
تحياتي
| |
|
|
|
|
|
|
Re: تعال نتباهل يا مستنير (Re: عبدالعظيم مكى)
|
يا ابو علوة الخواجات عايشين ماكلين شاربين مدردقين معاك تب. لكنهم عايشين في خواء روحي مانعهم النوم. يا اخي معظمهم ما بنوموا الا بعد ما يجغموا ليهم كاسين تلاتة. ودي اخر ملاوة. تحياتي
| |
|
|
|
|
|
|
Re: تعال نتباهل يا مستنير (Re: أبوبكر عباس)
|
يا سيف النصر، وحات ود بانقا، السودان دا فيهو أكبر مخزن بتاع فنتازيا لصناعة السينما. السنة دي عندي أربعة ركاب مشاركات في مراكيض الهجن بالخليج. لو سيدي التوم ود بانقا اتصلح معانا وفوزن لي الأربعة؛ قول جابت ٨ مليون ستة ملايين بستثمرن في صناعة فيلم من مذكرات يوسف ميخائيل قول الفيلم في شباك التذاكر الأمريكية جاب ليهو ٣٢١ مليون دولار أول حاجة بعملا بشتري المنتدى بتاع بكري دا بتلاتة ألف دولار الباقي بتشبرق بيهو
يا أخي، لقطة المهدي راكب في القعود الهجين ويوسف ميخائيل شايل كرعين المهدي المدلدلات، موش براهو ممكن يدينا الأوسكار؟! المهدي طبعا دنقلاوي حلاب تيس ما بعرف يخلف كرعينو فوق السنكيت!!
| |
|
|
|
|
|
|
Re: تعال نتباهل يا مستنير (Re: علي دفع الله)
|
Quote: الاخ هيثم
انت اعلم من يدير هذه الحروب من وراء ستار. انهم من قاموا بحربين عالميتتين قتل فيهما الملايين. انهم من احتلوا البلدان المستضعفة وقتلوا المواطنين ونهبوا خيرات بلادهم. وفي عصرنا الحديث هم من اشعلوا كل الحروب الدائرة الان. هم من صنعوا كل المنظمات الارهابية الحالية. انت تعلمهن جيدا والجميع يعلم ذلك ولكن ليس لكم القدرة على قول الحقيقة.
لماذا يقومون بذلك لأنهم لا يؤمنون بعقاب وعذاب. وعلماءونا يقولون من امن العقاب سا الادب. لا يوجد لديهم وازع يمنعهم من قتل النفس التى حرم الله الا بالحق. لايوجد رادع يمنعهم من نهب ثروات الدول المستضعفة. لماذا انتم اقصد الملحدين من اصلاب مؤمنة محتفظين بأخلاقكم. ببساطة لانكم مربين تربية دينية. انتم ملحدون متدينون. لكن الاجيال القادمة من اصلاب ملحدة ستفعل كل شئ.
تحياتي
|
عظمة شلوم او كما يقول سيدنا بشاشا
يا عبدالعظيم كلامك دا زاااتو ضرب وتنكيل بالإسلام والمسلمين الانت بتدافع عنهم
لانو اتهامك بالغربيين بانهم هم من اشعلوا نار الفتنة بين أطياف او طوائف المسلمين دا يقدح
في قوة المنهج الذي يتبناه هؤلاء المسلمين وقوة تماسك المسلمين نفسهم ولو كان منهجهم سليم لما تفرقوا واختلفو حوله
ما ممكن أصلا تبرر لما يحدث في المنطقة المسلمة بانو الغرب هو المسؤول عنها
لي متين انتو عايزين تعلقوا اخطائكم ومشاكلكم وعيوب المنهج الإسلامي على الغرب واعداء الدين كما تسموهم؟؟
مفروض ما تدفنو رؤوسكم في الرمال والاعتراف بالمشكلة هو اول خطوة لحلها
ثم انو ياخ انا ما ملحد ما تلمني مع ناس علي وبكور ديل
انت عايز توديني النار وللا شنو
| |
|
|
|
|
|
|
Re: تعال نتباهل يا مستنير (Re: Haytham Ghaly)
|
Quote: ثم انو ياخ انا ما ملحد ما تلمني مع ناس علي وبكور ديل انت عايز توديني النار وللا شنو |
القصد رؤية الملحدين بصورة عامة لبعض القضايا التي تطرح محملين الاسلام والمسلمين كل السؤ الموجود في العالم. تاني ان شاء الله كلنا نموت على حسن الخاتمة. لانو الملحدين عندنا الحادهم حدو ستين الستين وبعدها كلهم برجعو وكل واحد فيهم في نهاية عمره غير قراية القرآن والصلاة والصوم ما بكون عندهم حاجة. وانا متنبئ للاخ ابكرونة تكون خاتمه تبروقة وسبحة الفية. اما ابو علوة بكون مداح. ويا بخت مداح الحبيب.
| |
|
|
|
|
|
|
Re: تعال نتباهل يا مستنير (Re: عبدالعظيم مكى)
|
يا عبد العظيم، يا أخي، لو لا بدّ من ذلك، بختار أكون زي: الترابي الصافي جعفر عصام البشير شغل ناعم لكن تبروقة وسبحة وواطة ووضو بتاع صبح في الشتا و سبحان الله، سبحان الله، سبحان الله، سبحان الله، حسن، حسن، حسن، حسن، حسن، دي ما تنفع معاي حناكيشكم في الجاهلية، حناكيشكم في الإسلام
| |
|
|
|
|
|
|
Re: تعال نتباهل يا مستنير (Re: علي دفع الله)
|
سلامات ياعلي
الزول المشا اوروبا واكتشف قلقهم ،ياخ دا عرف كيف انهم كولهم ملحدين
وبعد داك كمان مقلقين
اما هو فقد رجع سالما مطمئنا
الا بذكر الله تطمئن القلوب
واذا ذكر اسم الله وجلت قلوبهم
ـــــــــــــــــــــــــــــــــ قلق اوروبي ولا فرح ديني مقهور
| |
|
|
|
|
|
|
Re: تعال نتباهل يا مستنير (Re: عبداللطيف حسن علي)
|
Quote: الاخ على
الاوربيون انا قعدت في وسطهم سنين عددا وعارفهم كويس. ومحتارين في راحة البال ال نحن عايشنها. واي واحد فيهم يناقشني بقول ليه ناقصكم الايمان. الايمان بوجود اله قادر ومقدر. نحن المؤمنين مرتاحين والحمد لله. فقراء مرتاحين. اغنياء مرتاحين. لو جانا خير مرتاحين ولو اصابنا شر مرتاحين. عايشين في نعمة كبيرة وهي نعمة الاسلام والايمان ومؤمنون بحياة بعد الموت وجنة عرضها السماوات والارض اعدت للمتقين. نحن في حاضر مشرق وغدا اكثر اشراقا بإذن الله. وأمل في حياة ابدية لا رهق فيها ولا نصب. |
غايتو زي طيبتك دي اصلو مالاقتني !!
| |
|
|
|
|
|
|
Re: تعال نتباهل يا مستنير (Re: عبداللطيف حسن علي)
|
السوداني تلقاهو يشرب في المريسة ويقول اللهم ادمها نعمة هههه
والكاس مجراهو اليمين ! وكان سبيت ليهو دين بطلع ميتين اهلك!
كان اتخطيتو يقول ليك ياحمار ، ومشغل القرءان في عربيتو
ومنتظر جنة عرضها قارة اسيا مضافا لها مطبخ صغير
هسي كيف اكون مطمئن لجنة تشمل الكون كلوا زي مطبخ الارض
ياعيني علي الاضافة (الكون في قشرة لوز)
| |
|
|
|
|
|
|
Re: تعال نتباهل يا مستنير (Re: عبداللطيف حسن علي)
|
يا هؤلاء : انتهي التباهل وعليكم بالتهابل كي تطمئن قلوبكم ......
بئس احدكم يكون غنيا ومطمئنا وهو لايدري ويسعي للمزيد من الغنا
وبئس احدكم يكون فقيرا ومطمئنا ويسب الانقاذ وكل الحكومات ويطلع مظاهرات
الا تعلمون ان الخواجات يغيرون منكم ويحسدونكم علي طمائنينتكم هذه ، لماذا لاينتبه هؤلاء
الاوروبيين غير المطمئنين الي الذي جاءهم وبقي معهم ناصحا سنينا عددا ، لماذا لم يجربوا
ولو يوما واحدا معايشة تجربتكم المطمئنة !! اليس ذلك افضل من التجول بحاملات الطائرات
وكل الصرف البذخي المرافق لتدمير منابع الاطمئنان!!
ايهما اكثر تكلفة ، محاربة المسلمين وتدمير بلادهم ام تجريب اطمئنانهم حتي ولو ليوم واحد ....
لاشئ لاخسره هنا ، انا من هناك وبكل ما اؤتيت من طمائنينة ساحمل قنبلتي وحزامي الناسف
كي ادافع عن طمانينتي وطمانينة الخلفوني هههههه
| |
|
|
|
|
|
|
Re: تعال نتباهل يا مستنير (Re: عبداللطيف حسن علي)
|
مع خروج انباء مقتل المتحدث باسم داعش المدعو أبو محمد العدناني في غارة أمريكية و في رواية روسية، ردد بعض خصومه من جبهة النصرة أن السبب في موته هو مباهلته معهم و اعتبروا أن مقتله اتى دليلا على سلامة موقفهم.
| |
|
|
|
|
|
|
Re: تعال نتباهل يا مستنير (Re: عبداللطيف حسن علي)
|
Quote: واصل التهابل وندعو صاحب نظرية الطمانينة ان يزورنا هنا ليفقد طمانينته للابد |
طيب لو منشورك حا يفقدني الطمأنينة للأبد ال موديني ليهو شنو!.
الاخ عبداللطيف
انت اكتر واحد فاقد للتوازن. وما حا تلقى راحة البال والطمأنينة الا في الدين. الدين شاغلك وتاعبك تعب شديد. كل منثنشوراتك وكل تعاليقك عن الدين. على الرغم من انك كوبي بستاوي فقط وليس لك القدرة الكافية لإبتدار نقاش ذو قيمة لكن حتى ما تقوم به من نقل لا تفهمه. ما كتبته في مداخلاتك السابقة في هذا المنشور لا يستحق الرد لذلك اهملته.
تحياتي لك ولإلاهك الشخصي.
| |
|
|
|
|
|
|
Re: تعال نتباهل يا مستنير (Re: عبدالعظيم مكى)
|
تحياتي يا مستنير
Quote: يا لطيف وعلي، معليش كنت مشغول ببوست التوزيع الموسيقي يا أخي لقب موسيقار بتاع وردي طلع ونسة ساكت! |
اكيد الناس ديل بتكلموا بلغة النوتة وانت قايلوا عربي ههههه
غير كدا نكون نحن عمرنا كلوا طلع هبالة ساي
ـــــــــــــــــــــــ تعرف يا عبدالعظيم ، شفت اسمك في قائمة الردود
قلت في نفسي الزول دا بقي متمكن وبعرف يرد !
لما فتحت الصفحة لقيتك مخيب ظني ، كما يقول المعز لدين الله !!
ـــــــــــــــــــــــ
خبر جميل مقتل زعيم داعش ، لكن مباهلتهم الاجمل يا سيف هههههه
وين صاحب البوست ، شكلي ح ا اتفسح كتير وباطمئنان لغاية مايجي هههه
صحبتك السلامة يا ابوعلوة ماتنسي التبش بالشطة ههه
| |
|
|
|
|
|
|
Re: تعال نتباهل يا مستنير (Re: عبداللطيف حسن علي)
|
خلي التبش بالشطة يا لطيف ناس أبو علوة في المشاريع دي، بتقوم المطرة بتقطعم عن العالم الخارجي بصلو مرحلة بحتفظو فيها بالسفة في علب صلصة بدل يتفوها أها بعد الكوتة تكمل برجعوا يسفوا الراجع ويغنوا للقدال: كملت كوتة التمباك صقعنا الجرة شن القعدة يا ابو السرة؟
| |
|
|
|
|
|
|
Re: تعال نتباهل يا مستنير (Re: أبوبكر عباس)
|
Quote: خلي التبش بالشطة يا لطيف ناس أبو علوة في المشاريع دي، بتقوم المطرة بتقطعم عن العالم الخارجي بصلو مرحلة بحتفظو فيها بالسفة في علب صلصة بدل يتفوها أها بعد الكوتة تكمل برجعوا يسفوا الراجع ويغنوا للقدال: كملت كوتة التمباك صقعنا الجرة شن القعدة يا ابو السرة؟ |
ههههههههههههههه
بمناسبة السفة جارنا مدمن ، النوع البيمشي يصطبح 6 صباحا
وبيقبضوه كل اسبوع ! مرة وهو طالع من السجن ، واحد اداهو جنيهين قال ليهو جيب معاك تمباك ههههه
| |
|
|
|
|
|
|
Re: تعال نتباهل يا مستنير (Re: عبداللطيف حسن علي)
|
لا حولاااا يا لطيف هههههه عظمة دا راجل طيب ومتدين وشكلو زول صوفي والصوفية بحبوا الخير للكل وشعارهم الماعندو محبة ما عندو الحبة فشنو عظمة خايف علينا من النار التي وقودها الناس والحجارة ..فما تعصر عليه بياض نيتو ظاهر في الطريقة البقدم بيها حججو ...ما زي ناس احمدونا وبقية السلفتوت بتاعين جنة نار /ولاء براء /ثواب عقاب / اتمدد يا لطيف البوست حقك واصل ولك الجنة --------- هههههه يا سيف النصر قلت لي ناس النصرة بهلوا بتاع داعش ههههه المستنير صقع الجرة عادي خصوصا في ايام الكديب والحش في المشروع واكل التبش بالدكوة والشطة الخدرة نوع من البرجزة ..ومرات بنخليهو مزة للمريسة ههههههه.
| |
|
|
|
|
|
|
Re: تعال نتباهل يا مستنير (Re: علي دفع الله)
|
كتب احدهم في منتدى الشبكة الليبرالية السعودية: (ذكر بعض العلماء بأن عاقبة المباهلة تقع عاجلا بأحد المتباهليْن، أو في مدة لا تتجاوز الشهرين. قال ابن حجر: ومما عرف بالتجربة أن من باهل وكان مبطلا ً لا تمضي عليه سنة من يوم المباهلة. العدناني باهل الله على القضاء على داعش إن كانت على غير طريق الهدى والحق وفي ظني القاصر أن ما حصل لهم من فقدان الكثير من الاراضي ومقتل القادة الكبار عندهم ومن ضمنهم من باهل وهو العدناني أن الله استجاب للمباهلة كل هذا حدث خلال سنة كما أشار ابن حجر. ) فتأمل.
| |
|
|
|
|
|
|
Re: تعال نتباهل يا مستنير (Re: سيف النصر محي الدين)
|
Quote: لا حولاااا يا لطيف هههههه عظمة دا راجل طيب ومتدين وشكلو زول صوفي والصوفية بحبوا الخير للكل وشعارهم الماعندو محبة ما عندو الحبة فشنو عظمة خايف علينا من النار التي وقودها الناس والحجارة ..فما تعصر عليه بياض نيتو ظاهر في الطريقة البقدم بيها حججو |
ابو علوة.
كنت راجل طيب لكن من عاشر قوما اربعين يوم صار منهم. والله انا زاتي مستغرب لبعض ردودي الحارة وهي اصلا ما من طبيعتي. انا ما صوفي رغم ان الصوفية هم الافضل. التصوف التزام ليس لي قدرة عليه. واحد سلفي وفي احدي المناشير طلعني شيوعي ماركسي وغالبا حا يركبني في سرج الملحدين قريبا لانو فقط مختلف معاهو. وانا متأكد البعض مصنفني وهابي متزمت ههههههه. طريقتي في الكتابة ليست طيبة بقدر ماهي تبسط. والبعض مهما تبسطنا لهم ليس لهم قدرة على الاستيعاب. ما خائف على ملحدي السودان من النار فهم راجعون لا محالة وان نطقوا بالشهادة عند الوفاة ولكني ارجوا لهم جنة الفردوس..عالي الجنات محتاجة الي عمل لن يتوفر لهم الزمن الكافي بعد رجوعهم لدين الله بعد ان يتجاوزوا عمر الستين.
تحياتي
| |
|
|
|
|
|
|
Re: تعال نتباهل يا مستنير (Re: علي دفع الله)
|
Quote: كمان بتسكر آ السعلوق |
جزاك الله عنى كل خير يا جميعابى انا قلت علوب ود دفع الله دا شيوعى بس عشان كدا ارد واشارك معاهو
ولكن وبما انه يبيح شرب المريسه اضافه لشيوعيته البائنه فانا ارى احسن لى ابكرونا المستنير الملحد
ههههههههه
| |
|
|
|
|
|
|
Re: تعال نتباهل يا مستنير (Re: على محمد على بشير)
|
علي ود امحمد ود البشير انت برضو مطرطش زي الجميعابي انت عارف نحن في سنار الجماعة بحشوا في العيش وهو يا دوب سغار بجوا واحدين مارين جمبهم بسلموا عليهم ركز شوية في كلامهم (تحشوا وتشربوه بالعافية )... المريسة وجبة كاملة الدسم وخصوصا الدقة ... نثقف فيكم لي متين كرهتونا زاتو .... قال بتسكروا قال ..
| |
|
|
|
|
|
|
Re: تعال نتباهل يا مستنير (Re: علي دفع الله)
|
Quote: ما خائف على ملحدي السودان من النار فهم راجعون لا محالة وان نطقوا بالشهادة عند الوفاة ولكني ارجوا لهم جنة الفردوس..عالي الجنات محتاجة الي عمل لن يتوفر لهم الزمن الكافي بعد رجوعهم لدين الله بعد ان يتجاوزوا عمر الستين.
|
علي دفع الله يا جميل ، معظم الشيوعيين قراوا مجلدات حسين مروة الثلاث
النزعات المادية في الفلسفة العربية الاسلامية .....
المجلد الثاني كله ماعدا الباب الاول ، كان مخصصا لنشاة الصوفية من حركة الزهد
ثم تطورت الصوفية علي ايدي فلاسفة كبار امثال الفارابي وابن رشد وابن سيناء
ام الصوفية اليوم فهي طرائق يمارس فيها خليط من الدين واعراف محلية
ام زولك دا ، فهو يحتاج يوضح لنا علاقة الصوفية شنو بتكفير الناس في كل بوست
فإذا لم تكن تعلم ان الصوفية هي رفض الشريعة تكون مصيبتك كبيرة جدا ...
| |
|
|
|
|
|
|
Re: تعال نتباهل يا مستنير (Re: عبداللطيف حسن علي)
|
Quote: م زولك دا ، فهو يحتاج يوضح لنا علاقة الصوفية شنو بتكفير الناس في كل بوست
فإذا لم تكن تعلم ان الصوفية هي رفض الشريعة تكون مصيبتك كبيرة جدا . |
الاخ عبداللطيف
اقتباسك من ردي السابق ليس له علاقة بسؤالك هذا. فقد زكرت في ردي السابق بأنني لست بصوفي على الرغم من اعجابي بهم كطريقة مسالمة ووسطية. سؤالك هذا يمكن ان تطرحه على صوفية المنبر وهم كثر.
| |
|
|
|
|
|
|
Re: تعال نتباهل يا مستنير (Re: عبدالعظيم مكى)
|
Quote: ما خائف على ملحدي السودان من النار فهم راجعون لا محالة وان نطقوا بالشهادة عند الوفاة ولكني ارجوا لهم جنة الفردوس..عالي الجنات محتاجة الي عمل لن يتوفر لهم الزمن الكافي بعد رجوعهم لدين الله بعد ان يتجاوزوا عمر الستين.
تحياتي |
1- متاكد من رجوع الملحدين السودانيين عن الحادهم 2- طبعا متاكد من الجنة والنار 2-توجد جنة فردوس تتمناها لهم ، لان الجنات العليا! لايقدرون عليها ...(يكفيهم النطق بالشهادة عند الوفاة)!! 3- استحالة دخول الجنات العليا بعد عمر الستين !(لانو دا نهاية المطاف لكل ملحد ول كل سوداني ماعارف !)
ـــــــــــــــــــــــــــ
من خلال النقاط اعلاه ، يمكنني تصنيفك كرجل طيب وعلي نياتك كما يقول علي دفع الله
العفو والعافية!
| |
|
|
|
|
|
|
Re: تعال نتباهل يا مستنير (Re: عبدالعظيم مكى)
|
مشاهداتي عن اهل التصوف انهم اهل حقيقة وطريقة وشريعة. واذا كانت هنالك كتب تذكر خلاف هذا فالخطأ في الكتب. والصوفية بقولوا: ال جعل شيخو كتابوا مرق خالي جرابو او كما يقولون. لاحظت اخي عبداللطيف انك كثير القراية والنقل قليل التحقيق والتحقق. بعض ما تنقله ويكوت في خطك بتعتبره من المسلمات التي لا يأتيها باطل وخصوصا اذا كان نقلك من خواجات. انت عندك عقدة الخواجة ول شنو؟. اذا اردت ان تعرف قوم فجالسهم. امش اقعد ليك 3 يوم مع متصوفة حا تعرف حقيقتهم.
تحياتي
| |
|
|
|
|
|
|
Re: تعال نتباهل يا مستنير (Re: عبدالعظيم مكى)
|
قدرت ما حاولت اتبسط ليك عشان تفهم لكن كل محاولاتي فشلت. لو الفهامات بشتروها من السوق كنت اشتريت ليك واحدة. واحد قال لي ما تناقش الجهلاء. والليلة عرفت الحكمة في كلاموا. الجهلاء ديل بتلعبثوا لعبثة يفكك منها الجليل الرحيم ههههههه.
يا اخوي
مدام قلت لي العفو والعافية انا بقول ليك لله والرسول.
| |
|
|
|
|
|
|
Re: تعال نتباهل يا مستنير (Re: عبدالعظيم مكى)
|
Quote: شاهداتي عن اهل التصوف انهم اهل حقيقة وطريقة وشريعة. واذا كانت هنالك كتب تذكر خلاف هذا فالخطأ في الكتب. والصوفية بقولوا: ال جعل شيخو كتابوا مرق خالي جرابو او كما يقولون. لاحظت اخي عبداللطيف انك كثير القراية والنقل قليل التحقيق والتحقق. بعض ما تنقله ويكوت في خطك بتعتبره من المسلمات التي لا يأتيها باطل وخصوصا اذا كان نقلك من خواجات. انت عندك عقدة الخواجة ول شنو؟. اذا اردت ان تعرف قوم فجالسهم. امش اقعد ليك 3 يوم مع متصوفة حا تعرف حقيقتهم. |
1-حسين مروة ليس خواجة ، لبناني متفرغ من الحزب لكتابة المجلدات اعلاه
2- القراءة اساس المعرفة 3- لماذا لاتناقش مسلماتي المنقولة عن قرائتي لاخرين ؟! 4- الخواجة رضي الله عنه عندما يكون صاحب نظرية علمية محترمة ، يعني كلام العوام بتاع عقدة دا ما محلوا
انت ماقريت جامعة ، هل كنت تعتبر هذه النظريات عقدة خواجة، ام كنت تطلب النجاح وتعلف كما يعلف الاخرون؟!
ـــــــــــــــــــــــ
مستواك ضعيف جدا ، انصحك بالانقطاع للقراءة المفيدة
| |
|
|
|
|
|
|
Re: تعال نتباهل يا مستنير (Re: علي دفع الله)
|
بوستيكم سمح شديد وكيف لا ، والمستنير جده شيخنا ابقناية وعلي دفع الله جده شيخنا ود بانقا واتنين جدودهم الاتنين ديل ما بقدروا يتباهلوا ، لأنه الحق معاهم الاتنين
بالنسبة لكرامات الشيوخ "خصوصا في السودان" وعلاقتها بالأفلام الهوليودية: من زمان وانا بفكر انه كتاب الطبقات لود ضيف الله هو افضل مصدر لأفضل الافلام الهوليودية التي تصف نفسها بأفلام الخيال العلمي كرامات الشيوخ في السودان بغض النظر عن صحتها او عدمه هي عنوان للخيال الواسع الذي لا تحده حدود المنطق المتوهم ، المتوهم بمعني يظن من يعتقده انه منطق مطلق
| |
|
|
|
|
|
|
Re: تعال نتباهل يا مستنير (Re: ahmedona)
|
Quote: فعلا يا مستنير رواية حبوبتك للكرامة صحيحة وكما سمعتها منقولة الينا بالتواتر فهي صحيحة ... وابوي الشيخ التوم ودبانقا شيخ واصل وله كرامات لو حكيتا ليك شعرة جلدك تكلب ... |
غايتو يا كوهين --- بدون مباهلة.... قاعد في السهلة...
| |
|
|
|
|
|
|
Re: تعال نتباهل يا مستنير (Re: علي دفع الله)
|
يا أبو علوة البوست دا عن شنو فذلكة سريعة كدا عشان ندخل معاكم فيهو بالذات الحتة البتخص المستجير وانبهالاتو المزعجة عشان عندي فيها غرض .. عامل شنبك المصبغو دا ...خخخخخخخخ
| |
|
|
|
|
|
|
Re: تعال نتباهل يا مستنير (Re: طلحة عبدالله)
|
ههههه طلحة يا لمبة قطر البوست ما عشان اي حاجة المهم خاطرة كدة ونجرت منها موضوع ..يعني بالمختصر المفيد عدم موضوع .. يلا مد وورينا غرضك من المستجير اخخخخخخخ بالراحة عليه النبي عليك الزول مودعنا هههههههه
| |
|
|
|
|
|
|
Re: تعال نتباهل يا مستنير (Re: علي دفع الله)
|
سلام الاخ علي من الصباح فتحت البوست و عجبني و ما لاحظت للتاريخ و قمت علقت علي مداخلة للمستنير بتكلم عن كنس المداخلات بقول فيها:
Quote: المهم ما بستسلم، لحدي ما يطردني بكري |
قمت علقت علي الاقتباس اعلاه, و طبعا عارف في تجهيزات لبارتي الوداع يجري علي قدم و ساق ,وانا نازل تحت لاحظت للتاريخ وانو مداخلتي كانت باعتبار ما سيكون
| |
|
|
|
|
|
|
Re: تعال نتباهل يا مستنير (Re: علي دفع الله)
|
كويس إنك متذكر البوست دا يا أبو الدفاع
أي مداخلة لك مع المستنير في هذا المنبر ستزكي سيرتك الاسفيرية .. فما بالك ببوست كامل! مبروك
يمكنك الآن التقديم للالتحاق بمنبر فور اول (مثلا مثلا) وفي بطنك بطيخة من صيف سنار
| |
|
|
|
|
|
|
Re: تعال نتباهل يا مستنير (Re: معاوية الزبير)
|
Quote: فوووووق بمناسبة اخر يوم للمستنير في المنبر |
علي الحلال يعملها ويسيب ليكم المنبر تاني إلا تقعدو مصنقعين روسينكم فوق راجين كاريكاتير عمر دفع الله الجديد حتى تلقو ليكم موضوع
| |
|
|
|
|
|
|
Re: تعال نتباهل يا مستنير (Re: معاوية الزبير)
|
هههههه صديقي معاوية الزبير القاعد يرسل ليه التحايا معاوية المدير ازيك يا اخي من ضمن شروط السي في الحا اوريها لي ناس 4 all جميع مداخلات المستنير البتخصني زايد البوست دا هههه عملت لي خارطة طريق جيدة ثانكس . مودتي.
| |
|
|
|
|
|
|
|