الأحباش يمارسون تجارة البشر بالخرطوم

Quote: يا حاتم يا ابني ، أنت لا تزال تعالط +++ بس إنت ببساطة فهمني شنو العلاقة بين نقل موظف شغال في وظيفة ينظمها قانون ، ولها أنطمة ولوائح ، تنص فيما تنص على التنقل +++ وهذه البنت التي تدخل بيتك بإسم تسمته بعد دخولها السودان ، وبقيت في دارك دون أن تعرف لها عنوان ، ولا يوجد قانون ينظم هذه العلاقة القائمة بين المخدّم والعامل .. +++ كيف يستطيع السمسار أن ينقل هذه العاملة بصوره شبه دورية كل شهر دون أن يكون الهدف هو استمرارية تدفق الإيرادات الناتجة عن السمسرة

الله يطولك يا روح

يا أخوي البتغالط انت، بديت تربط بين حاجتين لغرض في نفسك وضحناهو ليك. +++ العلاقة إنهم الاتنين (servers) الفرق بس في التصنيف الموظف (public server) والبت بتاعتك (domestic server) وقع ليك؟ الأول عندو قانون للخدمة المدنية والتانية عندها العرف والعادات وقانون العمل في حالة تكون مواطنة، التشابه هنا في إنو الموظف بيطيع لأنو محكوم بقانون الخدمة، بينما البت بتطيع بحكم الالتزام بعلاقتها مع السمسار ودي فصلها ليك أخونا رامي وألخصها ليك هنا بأنها علاقة دائن بمدين مش علاقة سيد بتابع، يعني دا ما رق ولا عمل قسري. تلك الأمثال نضربها عشان الكلام يقع ليك، فانت ببساطة بتتمسك بموقف رفضها الانتقال من بيتك عشان تثبت إنو دا (عمل قسري) وبالتالي ترجع تاني لموضوع إنو دا (تجارة بشر) شرحنا ليك إنو القسر بيكون في العمل ذاتو، يعني كونها تدخل بيتك برجلها و(تنبسط) مع أهلك دا في حد ذاتو بيثبت إنها ما مجبورة تشتغل (خدامة) عندك، فهمت النقطة دي؟ لو ما فهمتها تبقى بتكابر وكدة أنا حأتفرغ ليك أكمل معاك السنة دي محاججة. +++ الحتة دي مسؤوليتك انت، ودي المهزلة بتاعتك الأنا بحاول ألفت نظرك ليها من بداية البوست، يعني انت من البداية دخلت شخصية مجهولة لبيتك ومبسوووووط أربعة وعشرين قيراط، أول ما قلعوها منك تقعد تسوي قانون وشرطة وعلاقة عمل وتكورك (دي تجارة بشر)؟ وين كانت صحوتك في الأساس لما قبلت توظف مهاجرة غصباً عن قوانين المهاجرين في بلدك؟ وين كان ضميرك لما قبلت تكون الطرف التاني (مشتري الخدمة) وانت عندك الوعي والعلم بشبهة ما سميته (تجارة بشر)؟ وإذا دي حسب كلامك (تجارة بشر) هل حتقبل بت تالتة تدخل بيتك؟ +++ إمكن دا الاتفاق! فإذا انت اقتنعت بأنو الغرض توفير دخل مستمر برضاء البت أو تواطئها مع السمسار فما ليك حق انت غير تمتنع عن توظيف الأجانب، أو بالكتير تفتح بلاغ احتيال مع ضعف موقفك، لكن ما تقدر تقنع شخص بأنو دي (تجارة بشر) لأنك بتنطلق في اتهامك دا من موقف صاحب المصلحة الاتضرر من توفر عمالة رخيصة، مسألة تضارب مصالح يعني. وقلت ليك بكل بساطة دي هنا اسمها (racketeering) يعني خلق الندرة في مهنة الخدمة المنزلية وعرض خدمة توفير البديل، دا ما إتجار بالبشر يا ودقاسم ولو اتضح إنو البت دي بتاخد بونص في الانتقال من أسرة لأخرى دا حيسقط كل الحالة بتاعة اتهامك دي ويحول الموضوع لمجرد احتيال.

Quote: موضوع التسمية ده ما اصل البوست +++ اذا لم تتوفر الارادة للشخص المهرب فى اختيار نوع ومكان عمله لتحقيق فائدة مادية للمهرب فده تجارة بشر +++ وودقاسم ذكر مثال لتغييب الارادة هذا حيث اجبرت الخادمة على ترك العمل وهي راغبة فى البقاء ليتحصل السمسار على فائدة مادية اضافية

ومال أصل البوست شنو؟ السياحة في بحر دار؟

أظن أنا فصلت بوضوح استناداً على القصص الحقيقية للأخ رامي إنو موضوع التهريب للسودان بناء على اتفاق مسبق دا غالباً بيكون بإرادة الشخص الذي تم تهريبه، أظني ذكرت بوضوح إنو أي واحدة من الأثيوبيات ديل في إمكانها تركب بص وترجع في ظرف 12 ساعة تصل حدود بلدها، وين تقييد الحرية هنا؟ واحدة من منطقة طرفية وتعليمها ناقص، فلا هي خريجة جامعية ولا هي لديها مهارات يمكن الاستفادة منها، أقنعوها بأنها تعمل (ست شاي، خادمة في بيت) ووافقت على شرط إنها تدفع إما من دخلها أو بطريقة انتقالها من أسرة لأسرة (ركز هنا) لأنو الشغالة شاي عادة بتستمر سنوات في موقعها ودا معناهو إنو دخلها بيغطي نفقاتها والتزامها بتسديد الأقساط للسمسار. دلوقتي، نقطتك إلى عدم توفر إرادة (مكان ونوع العمل) غير ذات فائدة فنوع العمل اتحدد بناء على مؤهلاتها ومكان العمل يتوقف على التزامها بتسديد مطلوبات السمسار، إذا اشتغلت في بيت وبتدفع شهرياً السمسمار مصلحته شنو يبدل مكانها؟ حتقول لي (حق السمسرة) حأرجع أقول ليك صاح مبلغ إضافي لكن دا مجرد احتيال فهو لا يملك البت (ملك يمين)، وفي نظري التصرف دا مافي فرق بينو وبين المقاول البيتفق معاك على مشروع بناء ويجيب العمال ويبدأ ويقطع شوط وفجأ يظهر ليهو موقع عمل تاني يقوم ينقل العمال كلهم للموقع للجديد يشتغل فيهو شهر وانت يجيب ليك عمال تانيين يواصلوا ليك. بعدين يا أرتيقا إيه الكلام المضحك عن (توفر إرادة لشخص مهرب) هو دخل بدون علم السلطات انت عايزو يدلع ويختار نوع العمل ومكانه؟ بمنطقك دا معناها البيدخل بفيزا كمستثمر ممكن يطالب يعدلوا ليهو القوانين كمان لمصلحتو. ود قاسم بيتمسك بأي كلمة عشان يرجع يصر على تهمة (تجارة البشر) ودا قصر نظر منو لأنو في بواكير المداخلات أنا نبهتو إلى أن التهمة إذا استطاع يثبتها فدا مجرد اعتراف على نفسه بالمشاركة فيها، وبمشاركة كل البيوت والأسر السودانية العايزة تظهر (راقية). ____ "الزول" مفروض يفكر في مآلات كلامو.