Quote: يعنى زمان يقولوا ليك أبرع عازف للطمبور هو النعام آدم، ثم جاء زمن محمد جبارة .. ثم سمعت من يقول أن سيد احمد عبد الحميد عجيب فى عزف الطمبور ، والآن أنا شايف إنو محمد النصرى رهيب فى العزف .. رهيب عديل ..
أها "مامان" دا أوديهو وين؟
02-21-2016, 02:00 AM
محجوب البيلي محجوب البيلي
تاريخ التسجيل: 04-19-2005
مجموع المشاركات: 2016
أخونا عبد الرحمن محمد صالح (مامان)، عضو المنبر، من أبناء القرير وزميل دراسة في مروي الثانوية. لم يطربني أحد في الطنبور مثلما يطربني هذه المامان. الناس أذواق.. أي نعم، لاكين الزول دا شغلو كـُتـُر. وهو في التوثيق أيضاً يحتفظ بالكثير من "الأسرار" والتفاصيل وحكايات الكواليس. قطع شك ما شاف البوست دا، أو يكون قاعد يحضّر ليهو في حاجة.
الخـدير الشـال وبـدع كلمات الحاضر دائماً شهيد الحق والخير والجمال والنضال: محمـد الحسـن حسن سالم حميـد النص:-- الخدير الشال وبدع لو في قسمة ده كان خديري اصلي مما قمت بزرع ما حضن سيدابي خيري ياما كم بيراً حفرتو ما حصل قت يوم ده بيري زيى زي غيم بي مطرتو ما فرز ضل من هجيري طين جروفي المني روّح شالو هدام الدميري ما بكاهو قليبي نوّح ماهو يوم بطلع جزيري كل زول من حقو يحلم حلمي يا راحة ضميري تبقى هذي الدنيا ارحم وخيره زي الغيمة ميري ريده لله ريده اكمل من جبيري وحُق ضريري القمر في سماهو اجمل ام هلالاً بين حريري.؟ ياكي دنياي وانتي ليّا مهما يبقى الليك لغيري ما يهم تعطف علي ولا ما تاخد خبيري افضل اهواك يا بنيه مهما يبقى الليك لغيري افضل اهواك يا بنيه كيف حأهرب من مصيري؟ طالما إنو الحب قضية هى هى محل تصيري اولى بيك لو بالمحبة وانتي ماكي علي كتيري بس عويدك مما شبْا والقلب مزروب لغيري لو ظروف سابتني اقنع وانسى حرثي الساقو غيري ياتو حاحايا بيمنع من يغرد فوقو طيري
02-21-2016, 10:27 AM
Munir Munir
تاريخ التسجيل: 02-11-2002
مجموع المشاركات: 10496
ههههه .. من زمااان ياخي لي تكة سراويلنا .. قلت لي ضارب الطراوة في الاكسبريسات ,, أها القاعدة جنبك بتقرا في كتاب ولّ بتناضمك ؟ ما كان ما يبقى النصم خدرة تشوف وجه حسن ما تشوف.. سمح نمش نشوفك وصلت وين.
02-25-2016, 02:36 AM
عبد المنعم سيد احمد عبد المنعم سيد احمد
تاريخ التسجيل: 10-13-2003
مجموع المشاركات: 11824
أجمل ما فى الأغنيتين السابقتين ــــ أغنيات يوسف كرم الله ـــ هو الإيقاع العذب .. هذا أحد تجليات إيقاع الدليب الأصلى حيث عازف الإيقاع فنان مبدع ومتمكن .. فهو استخدم كل المجال الصوتى ـــ بلغة الهندسة ممكن نقول الـ dynamic range ـــ من الرفيع الحاد بالجريدة والطبلة الصغيرة، وإلى مدى العمق النهائى الغليظ للطبلة الكبرى ... ومعها تكتيم النقرات ليحصل على عمق متوسط بصوت الطبلة المكتوم .. كما نجده يوزّع الإيقاع طلوعاً ونزولاً وذلك بالإضافة للتبسيط الشديد للإيقاع ليتسق مع ريذم الأغنية متوسط السرعة .. غايتو لى زمن ما لاقانى مبدع زى ده .. وخاصة مع الأغنية الأولى التى أحبها من زمان .. وخصوصاً نغمة ياهو الموت عديل ماباقى غيرو ..
معليش المنبر خرب كتابتنا .. غيرو دى مفروض تتكتب غيره .. لكين أدغمنا الهاء مع الضمة الكانت ظاهرة وحولنا الهاء مع الضمة لـ واو .. :)
03-15-2016, 07:59 PM
Munir Munir
تاريخ التسجيل: 02-11-2002
مجموع المشاركات: 10496
الملاحظ فى عائلة كرم الله ـــ محمدكرم الله وخاله يوسف كرم الله وإبنه أسامة محمدكرم الله ـــ عندهم الحياء والأدب الظاهر وغض البصر من الكاميرا والأداء الصوفى الرزين ..
03-17-2016, 00:06 AM
Munir Munir
تاريخ التسجيل: 02-11-2002
مجموع المشاركات: 10496
أنوِّه أن الفنان الذى يغنى مع يوسف كرم هو المبدع المرحوم عبدالرحمن عجيب وهو من كان تغنى برائعة اسماعيل حسن بلادى أهلاً يابلادى ألف تحية ليكى من الفؤاد ..
و قد انتقل للدار الآخرة قبل فترة قصيرة بعد معاناة طويلة مع الفشل الكلوى .. نسأل الله أن يغفر له وأن ينزل على قبره سحائب الرحمة والغفران ..
03-17-2016, 00:31 AM
Munir Munir
تاريخ التسجيل: 02-11-2002
مجموع المشاركات: 10496
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محجوب البيلي
Munir
عبد المنعم سيد احمد
محمد على طه الملك
فيس بوك
تويتر
انستقرام
يوتيوب
بنتيريست