الشهادة أم الشخصية :أيهما أهم ؟أمضيت ١٥ سنة اقوم بعمل interviews كتيرة وتعَيين شباب حديثي التخرج.
شفت شباب كتير جداً أهاليهم صرفوا عليهم مئات الآلاف في تعليم جامعي وشهادات شكلها جامد وفي الآخر يطلع ماله لزوم في الشغل وتانيين تعليمهم عادي ولكن الواحد منهم بعد سنتين يشيل شركات لوحده.
لو سألتوا أي احد بيعين خريجين عن طلباته تلاقوها صفات ثم مهارات وأخيراً شهادات.
الذي وصلت اليه ان التعليم ليس صرف فلوس على شهادات ، بناء الشخصية هو الأهم.
علموا اولادكم يكون عندهم رؤية مستقبلية وقدرة على التخطيط. علموهم يعرفوا ياخدوا قرارات كبيرة ويشيلوا المسئولية.
علموهم ان العلم وسيلة والشهادة قد تكون دليل على جودة العملية التعليمية ولكنها ليست دايماً دليل على جودة صاحب الشهادة و ليست هدف في حد ذاتها. هناك ناس تقضي معظم عمرها في التعليم خوفاً من مواجهة الحياة العملية.
علموهم يشتغلوا من صغرهم. يكسبوا ويخسروا ويتعبوا. لما يدخلوا الجامعة يشتغلوا ويصرفوا على انفسهم أو على الأقل يتحملوا جزء من مصاريفهم. هذا غير مشاركتهم في مسئوليات البيت. فيه ناس وصلوا لسن الأربعين و هم غير قادرين على ان يتحملوا المسئولية لإنهم لم يتربوا عليها.
علموهم الفكر الريادي (Entrepreneurship). خلوهم يفكروا طول الوقت في تحسين كل حاجة حولهم ، يفكروا في مشاريع صغيرة ويبدأوا فيها ، يحولوا أفكارهم بسرعة لمشروعات على أرض الواقع والا يعيشوا في الاحلام. ولو فشلت مشروعاتهم عليهم ان يقوموا بسرعة ويحاولوا تاني.
علموهم ياخدوا قرارات. اشركوهم من طفولتهم في قرارات البيت وترتيب الأولويات واحترموا رأيهم. شفت ناس في الشغل بيسألوا قبل ما يعملوا أي حاجة حتى لو الحاجة هذه بيعملها لمدة سنة. هذا النوع للاسف مستقبله مسدود.
علموهم يقرروا مستقبلهم بعيد عن رأي الناس. لا يدرس الهندسة علشان اللقب ولا التسويق علشان cool ولا البرمجة علشان عليها طلب ولا ادارة الاعمال علشان اصحابه كلهم دخلوها ولا الطب علشان بابا عاوز كدا او انه عاوز يكون زي بابا . أسعد وأنجح الناس هم اللذين يحبون ما يعملون حتى لو مادخلوا الجامعة.
علموهم يعلموا انفسهم، يبحثوا على الانترنت يسألوا من حولهم يشتروا كتب، بس المهم يطوروا انفسهم طول الوقت. نحن في زمن العلم فيه متوفر في كل مكان وببلاش. الشهادات هي اللي غالية.
علموهم التواصل مع الناس من صغرهم. الايخافوا من الناس و ان يكلموا أي احد بثقة. و يعرفوا كيف يوصلوا هدفهم و رأيهم بسرعة وبالطريقة المناسبة لمن يقابلوهم .
علموهم الإلتزام في كل شيئ. في المواعيد والوعود. وخاصة الالتزام في إدارة التوقعات.
علموهم قوة الملاحظة واكتساب الخبرات من كل الذين حولهم .
وأهم شئ علموهم الحكمة. ان ينظروا للأمور من وجهة نظر غيرهم. و الا يحكموا على امر ما بسطحية و ان يفصلوا مشاعرهم وخوفهم وأهواءهم ويكون عندهم مرونة شديدة لتغيير وجهة نظرهم علشان الاختيارات تطلع سليمة.
لو اي احد يعرف هذه الاشياء سيكون حلم بالنسبة لأي مدير حتى لو ماكان عنده شهادة. وسيكبر بسرعة جداً في أي مكان.
منقول