|
RE: (Re: علي عبدالوهاب عثمان)
|
يا علي الكلام ده ما ساهل و مكتوب بي لغة المسادير القديمة ديك اسي لو جبت نص ناس شندي ما بفهموهو ، دي لغة اندثرت خلاص لكن انا بحاول معااك شوية قدر قدرتي لحد ما يجي عمر والبقية .. ايزي يا عزيزي مابي الغمدة بصري من اللجاجة مدبس تراريلي وأتب مخلوع قدر ما أكبـــــــس الخلاني فوق ضهر الوهيط متيبــــــس مهيرة الفارس الدخل المحاص متلبـس ----- مابي الغمدة يعني ماقدر انوم ، لا استطيع اغماض عيني والسهر تعب عيوني تراريلي : يعني تتراءى لي او بتخيلا قدامي ، واتب مخلوع ، أي اقف منتصبا كأنما بي خوف ، قدر ما أكبس : يعني كل ما احاول النوم الخلاني : أي ما جعلني ، فوق ضهر الوهيط متيبس : يعني راكبا على ظهر حصانه الضخم كأنه ملتصق عليه مهيرة الفارس الدخل المحاص متلبس : شبه محبوبته بالمهرة الاصيلة التي يركبها الفارس وهو بكامل زيه للحرب (المحاصة ) ، وقال ان شوقه لمحبوبته التي تشبه المهرة الاصيلة هي التي دفعته للركوب والسفر .. .... قصيدة قوية جدا من ناحية البناء والنظم ، لكن يبدو ان بها بعض الاخطاء في الطباعة .. هنالك بعض المقاطع ليست موزونة تماما ، او ربما احتاج لقراءتها مرة اخرى
سلام يا عمر وعلي
|
|
|
|
|
|
|
العنوان |
الكاتب |
Date |
مسدار الوهيط من طيبة الخواض الي شندي (للشاعر عوض شطيبي) | عمر صديق | 12-20-15, 08:40 PM |
Re: مسدار الوهيط من طيبة الخواض الي شندي (للش� | عمر صديق | 12-20-15, 09:10 PM |
Re: مسدار الوهيط من طيبة الخواض الي شندي (للش� | عمر صديق | 01-05-16, 06:49 PM |
Re: مسدار الوهيط من طيبة الخواض الي شندي (للش� | علي عبدالوهاب عثمان | 01-05-16, 06:57 PM |
Re: مسدار الوهيط من طيبة الخواض الي شندي (للش� | علي عبدالوهاب عثمان | 01-06-16, 06:56 PM |
RE: | Abdullah Idrees | 01-06-16, 08:46 PM |
Re: RE: | علي عبدالوهاب عثمان | 01-07-16, 07:41 AM |
Re: RE: | علي عبدالوهاب عثمان | 01-07-16, 07:51 AM |
Re: RE: | almulaomar | 04-20-16, 03:38 PM |
Re: RE: | Abu Baker Ahmed Abdel Rahman | 04-20-16, 04:25 PM |
Re: RE: | علي عبدالوهاب عثمان | 04-20-16, 04:36 PM |
Re: RE: | عفاف أبو حريرة | 04-21-16, 09:47 AM |
Re: RE: | بدرالدين بابكر مصطفى | 04-21-16, 10:02 AM |
|
|
|