بهدوء حول حادثة مدير الحج

Quote: لكن داير ارد على ابو الحسين يا أبو الحسين قانون النظام العام دا قانون معيب وبينتهك خصوصيات الناس والموضوع لو فيه (تحرش) تتم محاكمته وفق القانون العادي القصة قصة ترصد وتجسس ومتابعة، وشرطة النظام العام دي ما مكونة من ملائكة، فيها الصالح والطالح وأنا شخصياً عندي تجربة معاهم بعرفهم كويس (وبرضه ما كلهم) نجي لموضوع الزول دا، قبضتوا شرطة النظام العام يعني ما الزولة المعاهو دي مشت قالت الزول دا اتحرش بي. كونوا بيمارس الزنا فدا بيحصل من ناس كتار لو في السلطة او برة السلطة لو متدين ولا منحل صغير ولا كبير متزوج ولا عزابي. لكن كونوا يتم التشهير بيهو وبالمرأة المعاهو حتى قبل محاكمته فدا اخلال بالعدالة تتم محاكمته بقانون معيب زي بتاع النظام العام أنا بعترض على القانون دا وآلية الضبط بتاعو والسلطات المخولة لشرطته. القانون دا لو سبنا كل عيوبه فهو مخالف للدستور الحالي لدولة السودان. أنا ضد هذا الحكم وضد القانون دا للنهاية ولا أهتم أن تضعني معارضة هذا القانون وتعاطفي مع المتهم والمتهمة في هذه القضية. فليسقط قانون النظام العام.