|
|
|
 Re: قبل الأرشفة باقي سلك (Re: أبوبكر عباس)
|
بعد سبعة سنين والسبعات ليهن دلالات في الأديان، وتحديداً شهر اتنين سنة ألفين، أخدت رخصة القيادة من بر دبي، بشرت الكفيل بالعين، قال لي:
بكرة تعال استلم السيارة عشان تفتح فرع دبي.
جيت العين وبيتّ (بمعنى نمت) في بيت العزابة بالبريمي، العزابة كانوا لمان أجيهم بفرحوا بي زي فرحة الشايقية بزيارة أبوهاشم، واحد من العزابة ديل مسميني غرونوي،
قال لي: وحات الله، يا أبكر غرونوي، إتّا أعفن زول يلاقيني في الدنيا دي، أعفن دي ما شتيمة زي حمبرّة، أبداً دي شكر، حتى إنّو لما قال لي كدا قلت ليهو: القلوب عند بعضها يا عفن.
العزابي دا أهديتو في بداية تعارفنا رواية العطر لباتريك زوسكيند، الزول دا كان حافظ كل المقاطع المعفنّة الفي الكتاب
ونسوني ونستهم وماخلينا واحد من اصحابنا المتزوجين ما قطعنا فوقو وحددنا درجة هرشتو من مرتو،
قعقعنا قعقعة من لا يخشى الفقر ، ولَم نستغفر، وسخرنا من أي شيء في أي شيء لي أي شيء،
اليوم داك لقيت معاهم محاسب أنصاري جديد لنج اسمو بانقا، وعندو إبريق بلاستيك بلو (أزرق) للصلاة.
قلت ليهم: روضوهو لي باقي الأسبوع دا، بجيكم الويك اند الجاي ببكي ليهو بعين واحدة عشان نحفظو الراتب الجديد
| |
 
|
|
|
|
|
|
|
|
Re: قبل الأرشفة باقي سلك (Re: أبوبكر عباس)
|
استلمت العربية برادو بابين ذهبية الموديل البحبوهو اليمنيين، كانت في التسعينات وبداية الألفية عربية الشرطة السائدة في السعودية.
جيت بيت العزابة دخلت العربية في الحوش وبعد غسلتها توجهت لدبي، قبل ما امرق من البيت عفصت الابريق باللستك متعمداً.
كبيت بترول في محطة العوهة، العوهة دي آخر نقطة في العين المدينة، هسع الاسم قلبوهو الفوعة، ما عارفو عملوا شنو؟! لكن غيروهو.
اشتريت سندوتش نقانق زيادة طماطم وخالي طحينة، وعصير مشكل، ومسكت الظلط.
لمان وصلت كبري قباشة (غباشة)، نفس المطرة بتاعت ود المجدوب دوّرت، والدنيا انقلبت ليل، برق رعد خطيرين
طلعت العربية من الظلط، لمان البرق شدّ، شيطاني قال لي:
ديك مرقك منها ابشرا، دي بتمشي منها وين؟
تذكرت عفصة الإبريق، قلت ليهو (للشيطان):
الله ما بعابي ولا ينفعل وابشرا "لحاق بعيد"
الغريبة، تعبير "يا لحاق بعيد" دا كان كاتبو بابكر سالم ابو سنون في كل لواريهو (جمع لوري) في مدني
ما عارف جاني من وين نابل؟
| |
|
|
|
|
|
|
|
|
|
Re: قبل الأرشفة باقي سلك (Re: أبوبكر عباس)
|
كمال ود عمي قال لي، وكنت قاعد ابني ليهو في قفص حمام بحي مايو جمب جامع بابكر سالم ابوسنون، وأنا بالمرحلة المتوسطة، قال لي:
لو تقول كل يوم الصباح "يا لحاق بعيد" تلاتة مرات، أصلا ما بتفقر.
نزلت من العربية قلت انزل تحت جسر قباشة دا، آخد لي بولة، النصيحة أنا زي النوبيين بهرش من الرعد هرش شديد، قلت وأنا نازل من العربية:
يا لحاق بعيد
تلاتة مرات
دي كانت أول مرّة استعمل وصيّة ود عمي
حصلت حاجة غريبة جداً جداً
دي ما ظنيت زول واحد يصدقها، أكبر من ديك
حيدر حسن ميرغني ذات نفسو ممكن ينكرها، وفِي أخفّ الأحوال يقول:
"ان كان قد قال؛ فقد صدق"
| |
|
|
|
|
|
|
|
|
|
Re: قبل الأرشفة باقي سلك (Re: أبوبكر عباس)
|
وأنا نازل تحت الكبري، حصل برق وسيفو (سيف البرق) فصل بيني والعربية، بقى قدامي زي بوابة التنقل بين الماضي والحاضر البجيبوها في الأفلام الامريكية الخيالية.
أول مرّة أدخل إستاد مدني كنت في بداية المرحلة الابتدائية، مع ود أختي الذي يكبرني بسبع سنوات.
المباراة كانت بين المريخ العاصمي والنيل مدني، سبّطت مطرة شديدة، نزلنا ادسينا في ضهر اللوحات الجانبية، كل مرّة كان يقول:
جايّة رعدة
فعلا تجي بعد كلامو
أدهشني صدق التنبوء بتاعو
لاحقا شرح لي إنّو الضوء يسبق الصوت
أها سيف البرق لمان شقّ بيني والعربة، شاهدت نفسي طفلا تبلله الأمطار في إستاد مدني، وانتظرت الصوت، لكنني وجدت نفسي في زمن مختلف خالص عن ود المجدوب وأستاذ مدني وعن قباشة!!
في زمن مختلف ومكان مختلف، فتحت عيوني لقيت ارض خضراء منبسطة على مد البصر، تزين الخضرة زهرة التبر البيضاء
المكان عرفتو بطانة اب علي، وقاعدين في ضَل تاية، وجنبنا بهم ضان وشاي مشدود في نار بعر، ونغني واشيل معاهم وأقول:
تالي القبلي شايف لي برقا لمع
والصيد في الخمائل يا ناس اجتمع
الصوت الأساسي في الغنا عرفتو صوت المداح الحكيت ليكم بيهو زمان
قلت ليهو:
يا يوسف أبشرا، اللماك بي هنا شنو؟
قال لي: اللماني بيك اتّا عارفو، لكن قول لي:
بنطلونك وجزمتك ديل غيرتهم متين؟ ووين؟
| |
|
|
|
|
|
|
|
|
|
Re: قبل الأرشفة باقي سلك (Re: أبوبكر عباس)
|
كل مرة تطلعليك في موضة وتقوم بعد شوية تزهج منها،الأيام دي شايفك عاصر على الشولة والأقواس وعلامات الضبط...
بصراحة ،استخدامك للشولة لابأس به،لكن الأقواس مرييييعة...
*بمناسبة الشولة،بذكر كان عندك بوست عن شولة الناقة ،ديك كانت معلومة جديدة علي،يوم راكب في بص سفري،لمحت ناقة عاملة الحكاية دي...
الناقة جمبها مراح،المراح جمبوا زبيدية...تصور إتذكرتك،قعدت أضحك،قلت المنبر دا أتاريهو ماواقع خيالي...
*لو دار تكسح كسح،نملة قاااعد
| |
|
|
|
|
|
|
|
|
|
Re: قبل الأرشفة باقي سلك (Re: عليش الريدة)
|
جددت السلك كنت داير أضيف ليهو مداخلة تربط بينو وبين
البوست بتاع الأربعة مداحين ومرة
فعلاً المداخلة كانت في راسي مكتوبة،
كنت داير أزوج المداح يوسف ابشرا لبت نعمات،
لكن لقيت نفسي ح أخون كمساري اللوري
فهو في القصة ديك بالرغم من انو ما داخل في العنوان،
لكنو كان بالنسبة لي شخصية محبوبة جداً.
قلت لنفسي: يا أبكر، المهنية لا تعرف العاطفة، شخصيات روايتك زي بضاعة التاجر.
قلت لنفسي التانية: اسمح لي، كتاباتي ليست للبيع
هتف شيطان تمردي:
داون داون يو اس أيه
| |
|
|
|
|
|
|
|
|
|
Re: قبل الأرشفة باقي سلك (Re: أبوبكر عباس)
|
البوست دا (سلك ابشرا)، أربعة مداحين ومرة وبوست عقيقة في القصيم طريق الرياض
متأكد ممكن اربطن مع بعض، وفِي رابط روحي عميق بيناتن، لكن اللغة بت الكل ب، تقف بين الكاتب والقاريء،
آخر ملوك بني الأحمر، لمان طُرد من الأندلس ووقف بالمغرب قرب صخرة قال:
وودت لو وضعت أهلي بين جفني وعيني واغمضت عليهم، بكا وهو يغمض عينيه،
أمو قالت ليهو:
ابك كالنساء ملكاً لم تحافظ عليه كالرجال
لم أهتم بجلافة أمه، لكن آسرني احساسه بأهله
الكويس في موضوع عجز اللغة، انو للقاريء روابطه الروحية للنصوص الناقصة
| |
|
|
|
|
|
|
|
|
|
Re: قبل الأرشفة باقي سلك (Re: محمد البشرى الخضر)
|
Quote:
انت البوست دا معاد ولاّ نعست اظني
|
أسلاكأسلاك
قالوا المستنير لما "يفلّس" بيعيد البوستات القديمة ... 
.
.
.
كل ارشفة وانت بخير يا مستنير ...
حاول كتر من الحلويات وام فتفت عشان تجينا بعد الارشفة بلياقة "فُل" ...
| |
|
|
|
|
|
|
|
|
|
Re: قبل الأرشفة باقي سلك (Re: أبوبكر عباس)
|
Quote: يشتت وين يخلينا, اسي موضوع حاتم دا بنتهي ونقعد نتلفت
لا خلاص الموضوع ما معاد أنا النعسان فعلا
عاش المستنير .. عاش عاش
كدا كيف يا عليش؟ |
تمام...جلابا في الميدان
| |
|
|
|
|
|
|
|
|
|
Re: قبل الأرشفة باقي سلك (Re: عليش الريدة)
|
* ارهقت نفسك يا صديق فيما لا يستحق .
* وحاربت طواحين هواء .
* وارهقتنا نحن مُحبيك .
* امتعنا , امتعك الله , بهذا الادب الساخر .
* هناك من يملك موهبة ويفرض فيها , ابرزهم " عبد المنعم الخالدى " , ضاع وضيع موهبته , وحرمنا نحن مُحبيه من شجن صوته .
- معاك فى الريدة سبعة سنين .
| |
|
|
|
|
|
|
|
|
|
Re: قبل الأرشفة باقي سلك (Re: ست البنات)
|
ياخ أنا بحنسك، و للضمان كدة بردم ليك عليش و أسقيهوا ليك من كأس الشولة ذاتو. باقي شولتو بتضرسني، مرة بدون Space، و مرة بعد الSpace. ياخ آخر زول يتكلم في الشولة.
| Quote: بمناسبة الشولة،بذكر كان عندك بوست عن شولة الناقة ،ديك كانت معلومة جديدة علي،يوم راكب في بص سفري،لمحت ناقة عاملة الحكاية دي. |
لكن يا بكور عفصت الإبريق بى صِحك؟؟ 😁😁😁
| |
|
|
|
|
|
|
|
|
|
Re: قبل الأرشفة باقي سلك (Re: Abuzar Omer)
|
يا أبا ذَر، بانقا الأنصاري شخصية حقيقية والابريق والعفصة حقيقيات، لكنها لم تكن متعمدة،
الزول دا جانا مقفول وصعب زي صعوبية أولاد البقارة هنا لمان تجي سيرة الحركة الشعبية،
المهم بانقا الصلاي الصعب بعد بركة عفصة الإبريق بقى تاني أكبر معر ص ببيت العزابة
معر ص زي عفن ما نبذ، لكنو تعبير عن مدى السخرية داخل الشلّة
يقولوا ليك: يا أخي، دا أكبر معر ص دون أن تكون للقوادة علاقة مع هذا الوصف.
بعد سنين وانقطعت علاقاتنا، سمعت بيهو اتزوج
دورت عربيتي ومشيت زرتو على بعد ٣٠٠ كلم ومع الهدية اشتريت ليهو إبريق اصفر
| |
|
|
|
|
|
|
|
|
|
Re: قبل الأرشفة باقي سلك (Re: Abuzar Omer)
|
| Quote: ياخ أنا بحنسك، و للضمان كدة بردم ليك عليش و أسقيهوا ليك من كأس الشولة ذاتو. باقي شولتو بتضرسني، مرة بدون Space، و مرة بعد الSpace. ياخ آخر زول يتكلم في الشولة. |
خليك دقيق ياغفاري،أنا قبل الأخير،يعني جادعلي زولا وراي
| |
|
|
|
|
|
|
|
|
|
Re: قبل الأرشفة باقي سلك (Re: حيدر حسن ميرغني)
|
Quote:
بعد الأرشفة، تشموا كتاباتي قدحة
أنا كلكم بمن فيكم حاتم وابصلعة
بعتبركم فلول |
تحياتي صاحب المنشور، والضيوف،
ولأني داخل ضمن تصنيف"كلكم" الوارد ذكرها في الاقتباس أعلاه،
فياخي ورينا في نظرك نحنا تابعين لاي فلول عشان نغرف ليك بالماعون المتقبل بيناتنا...
فالجملة لاتزال مفتوحة، ولم تغلق.. فما تطفي النور كده وتمشي...
.....
شكلك مسكون من قبل حاتم، وابصلعة... والهضربة باينة...
هههه
| |
|
|
|
|
|
|
|
|
Re: قبل الأرشفة باقي سلك (Re: Hani Arabi Mohamed)
|
غايتو صوفية المسلمين عرفناهم وصوفية المسيحيين عرفناهم بس صوفية اللاأدرية معرفتهم صعبة ... وش محتار
يا بكور ياخي إنت رائع ... لكن لي عودة ليك بالجنبة بمناسبة مدني دي .. هو إنت بالله من مدينة الجمال دي ؟!!
واصل ياخي
عاصم فقيري
| |
|
|
|
|
|
|
|
|
|
Re: قبل الأرشفة باقي سلك (Re: عبداللطيف حسن علي)
|
Quote: اجمل مافيك
الداخل = الخارج
محمد المك |
أها يا عبد اللطيف .. الزول الإسمه المستنير دا مالو إختفى .. ننادي ليهو سيدي الحسن أب جلابية يعني !
يا ابوبكر ياخي منتظرنك .. شحتفت روحنا تعال نحنا كلما نسخن بنجي نرتاح تحت ضل شجرتك دي .
مع تحياتي،،
عاصم فقيري
| |
|
|
|
|
|
|
|
|
|
Re: قبل الأرشفة باقي سلك (Re: Asim Fageary)
|
| Quote: قبل ما امرق من البيت عفصت الابريق باللستك متعمداً. |
يا برير واقف!!
وحات سيدي أكان عندي عليك سُلطة الا أربط في حديد خليفة المهدي في أم دبيكرات
حولااااااا
على جنبة كدة:
اللسبوع الجاي بكون مع "حواري"
رأيك شنو في زيارة تاني للمطعم اليمني داك
المرة دي الكريدت كارد بتاعي جاهز
| |
|
|
|
|
|
|
|
|
|
Re: قبل الأرشفة باقي سلك (Re: أبوبكر عباس)
|
Quote: يا عاصم، في صورة في بوست:
"لو سبتا العين تتأمل فيك"
شوفها ورسلها لخالد كودي لو عندك معاهو تواصل |
سلام مربع يا مستير .. هو دكتور خالد كودي ما قاعد معانا هنا في المنبر .. لكن برضو خليني اشوفها وأرسلها ليهو .. وفي الأول أفهم الصورة شنو
بعدين إنت تعال كمل لينا الشغل دا .. ما تشحتف روحنا الأرشفة قربت
مع تحياتي،،،
عاصم فقيري
| |
|
|
|
|
|
|
| |
أبوبكر عباس
عليش الريدة
محمد المسلمي
محمد البشرى الخضر
قسم الفضيل مضوي محمد
shaheen shaheen
صديق مهدى على
ست البنات
Abuzar Omer
خالد زين العابدين حاج نور
حيدر حسن ميرغني
Hani Arabi Mohamed
Asim Fageary
عبداللطيف حسن علي
عبدالله عثمان
فيس بوك
تويتر
انستقرام
يوتيوب
بنتيريست