منزل جاهز بأمدرمان حي الدوحة

Quote: كيف ياعباس وكيف اهل الدسيس والحبوبة الجاز وعمنا الطيب وربعك جميعا كما يقول السعوديون احد اعضاء سودانيز اون لاين الله يطراه بالخير واتمنى يكون بصحة وعافية ياويلك لو اتكلمت وقلت الحكومة دي كعبة يقوم يمسك ليك في حلقك انا من ضمن الذين عرضت علي جمعية الصحفيين السودانيين قطعة في الوادي الأخضر والله بشكرهم كتير على الاهتمام خاصة وانني بعيد جدا عن مقر الجمعية والقطعة في الوادي الأخضر مدينة الصحفيين والتي يقال انها الآن من افضل العروض المتوفرة بالوادي الأخضر المهم صاحبنا بتاع سودانيز اون لاين اشترى هنا اما العبد لله فقد آل على نفسه بان يستفيد من قريشاته في صالحة لأنك لو سكنت الوادي الأخضر ممكن عادي تشتري قفة الملاح من رفاعة !!!! اخونا الاعلامي قعد ليهو عام في السودان اسماه { عام الرمادة } وكتب عن تجربته الثرة والمريرة في تلك الفترة وحينما حاول الذهاب للوادي الأخضر أملا في بيع القطعة لكي يكمل بها مشروع آخر قال ان كل اصحاب التاكسي كانوا يهربون حينما يطلب مشوار للوادي الأخضر المهم وصل بشق الأنفس والقطعة اشتراها ب 6 مليون ووجد سعر القطعة الناصية مليون جنيه آنذاك هجمة مرتدة المندرة في الوقت الحالي ممكن صاحبك يستفيد منها خليهو يزرعها عجوور والله عجور المندرة طاعم بشكل عجيب !!! بعدين لو حاول يمشي يشوف القطعة انصحه بان يلبس عراقي لأنو البنطلون ح يتملي كلو { ضريسة } !!! رغم هذا وذاك انا عندي قطعة في المندرة لليوم الأسود لأحفادي ويوم ختيت يدي في قلبي حينما راى اهل القطينة ضوءا احمر في سماء القطينة وخرج الناس مذعورين على ذمة الصحيفة ناشرة الخبر لكن الحمد لله طلع المحافظ وطمأن الناس بان الضوء الذي رأووه لم يكن سوى { النجمة أم ضنب } !!! يعني النجمة ام ضنب دي لو وقعت في قطعتي كان الرماد كال حماد !!! قال أم ضنب قال !!!!