ميكانيزم النفي

Quote: ياخ من قُمت ما سمعا لي "بمُسلَّمة علميَّة" بيتغالطو فيها العلماء، ده بيقول رأي، وده بيقول رأي، وتبقى مُسلَّمة كيفن؟ طيب يا عوض الشيخ، وقت الfine tuning universe مُسلَّمة علميَّة لأنَّها على قولك "نظرية رياضية" تقدر تقول لي لورانس كراوس وستيف هوكينج ونيل تايسون (وكلهم علماء فيزياء كونية ما فيزياء نظرية بس) بيتغالطوا في شنو؟ إنت قايل العلم ده هلال مريخ ولا شنو؟ قلتَ ليك الفيزياء الكمومية دي بتتكلم عن حركة "عشوائية" أصلًا ومبدأ اللايقين (ياخ اسمو براهو كفاية) بينص على وجود عشوائية في حركة الجسيمات دون الذرية اللي بتظهر للوجود فجأة وبتختفي فجأة ومافي إمكانيَّة للتكهن بسلوكها ولا حركتها، وبرضو مُصر على فكرة الfine tuning .. ذكرتك بالقانون الثاني للديناميكا الحرارية اللي بيتكلم عن الانتروبي (اللي هو أصلًا "خلل" في النظام)، وبرضو مُصر على الfine tuning أسوي ليك شنو عاد؟ :-) ... طيب يا عوض الشيخ تقدر تفسر لي "الطفرات الجينية" دي من خلال نسق الfine tuning الماسك لي فيهو قوي؟ (ملحوظة: الطفرات الجينية حسب نظرية التطور البيولوجي هي "خلل" أو "خطأ" في نسخ المعلومات الجينية) ده كلام التطوريين العواليق ساي ديل، إنتَ تفسيرك ليها شنو؟