|
|
 Re: الطريق الثالث او كما قالت حبوبة صاحبَي٠٠٠ (Re: حامد عبدالله)
|
في زيارة لصديق عزيز في قريتهم، اول ما وصلت الحلة كلها عرفت انو فلان صاحبو جاو زيارة، دقايق اي زول شايل صينتو وساق عيالو الضكور وجايين البيت بقي ذي بيت العزومة، تاني يَوْم الصباح دغش الجماعة ناس زراعة تاني نفس اللمة الشاي القهوة الزلابية، شارب علي الأقل خمسة عشر كباية شاي ونصفها قهوة والزلابية بالوعة اي بلع بس ما أزكر لقيت فرقة لمضغ، اها لمن انتهينا من شراب الشاي والقهوة قامو مودعيني قالو لي اها ازول مع السلامة دحين اخد راحتك نتتلاقي المغرب، شلت شنطتي وقلت لصاحبي المواصلات يا بشر انا من دربي دا راجع اهلي ! الجماعة وقفو بالحرم وعلي الطلاق قلت ليهم هو يا ناس انتو كريمين ومجوادين دا ما فيهو كلام، بس المقيلة في الحلة دي ما راكبة راسي، صحي انا ما زول زراعة وما عندنا بحر في بلدنا، بس الزول كان قال لي كسر هنا وأحفر هناك ارفع هنا ونزل هناك دي بقدر عليها اها يا بشر نتوكل معاكم للزراعة ولا نرجع اهلي ؟ حرم وعلي الطلاق وانت ضيف وعفو وانت دابك جيت امس دا ما داير اسمعو تطلق ولا تحرم والله العظيم تركب فيها براك،
اكتر من عشرة سنة عشرة تواصل زال
|
|
 
|
|
|
|
|
| |
حامد عبدالله
فيس بوك
تويتر
انستقرام
يوتيوب
بنتيريست